Ibitaramo

Kuri uyu wa gatanu tariki ya 19/8/2011 ku itorero rya Paroisse Anglicane St.Etienne riherereye mu Biryogo habereye igitaramo gikomeye cyakozwe n’umuhanzi Eddy Mico. Ni igitaramo yise "Pre - Launch Concert" mu rwego rwo gushyira ahagaragara album ye ya mbere yise "You are Amazing".

Nk’uko yabitangaje iki gitaramo yagikoze mu rwego rwo kwitegura kuzashyira ku mugaragaro album ye mu buryo bwagutse cyane mu minsi iri imbere. Iki gitaramo uyu musore akoze nicyo cya mbere abashije guhurizamo abakunzi be basaga 1000, akaba yabaririmbiye indirimbo zose ziri kuri Album ye kandi azicuranga mu buryo bwa Live ku buryo buri wese witabiriye iki gitaramo yabashije kwishimira injyana ye inyuze amatwi.

Abahanzi nabo bagaragaye muri iki gitaramo, nka Aimée Uwimana, The Blessed Sisters, Olivier Kavutse, Jimmy Muriho, Assa, Blenda, Bright, Musabe, Patrick , Pationnate Ambassador ndetse na Chorale yitwa Prince of Peace ibarizwa muri iri torero, ari nayo Eddy Mico aririmbamo. Urubyiruko rwishimiye indirimbo za Eddy Mico kuko ziganjemo injyana za Pop,Rock,Reggae,Slow n’izindi.

Habayeho kandi igikorwa cyo gushyigikira umuhanzi Eddy Mico mu rwego rwo gukusanya inkunga y’amafaranga azamufasha mu gukora Launch nyirizina kugira ngo izabe iri ku rwego yifuza, dore ko n’iki gitaramo cyakozwe kitigeze cyishyuzwa kandi bigaragara ko cyatwaye amafaranga menshi mu kugitegura no kugishyira mu bikorwa.

Igitaramo cyamaze amasaha atatu, kuva isaa kumi n’imwe, gisozwa n’indirimbo Mico Eddy yaririmbanye n’abandi bahanzi bari baje kumutera ingabo mu bitugu.

Peter Ntigurirwa

Ni ku cyumweru tariki ya 28 Kanama, i Remera muri Paruwasi ya Bibare ku Mudugudu wa Rukurazo ; ni inyuma gato ya Gereza ya Kimironko kuva saa munani z’amanywa aho Korali Abakorerayesu izataramira abakunzi bayo ifatanyije na Korali Iriba, ibi bikaba ari mu rwego rwo kwitegura kumurika album yabo ya mbere.

Iyi Korali yatangiye mu 1990, itangirira mu cyumba cy’amasengesho kubera ko icyo gihe niko amatorero menshi yakoraga mu rwego rw’ivugabutumwa kugira ngo abantu benshi bakire Yesu.

Yari igizwe n’abaririmbyi 8 n’abandi 7 bari mu nyigisho z’igice bose bari 15. Icyo gihe yabarizwaga muri Paruwasi ya Kimihurura, Umudugudu wa Remera, nyuma yo kubaka urusengero rwayo rwa Kimironko kuya 17 Mutarama 1992 yaje kwitwa izina "Abakorerayesu" ari nabwo yahise yimukira mu Rusengero iva mu cyumba imaze kugira abaririmbyi 21 ndetse bagera 36.
Korali Iriba

Nkuko twabitwangarijwe n’umuyobozi wayo, Jenoside yakorewe Abatutsi muri Mata 1994 yatwaye abaririmbyi benshi kuko hasigaye 8 gusa ; kubera iyo mpamvu rero ubuyobozi bw’itorero bufata korari ya kabiri yari ifite abaririmbyi 10 barabahuza baba 18.

Bayohereje nyuma gato ahari icyumba ku mukecuru bita Mukankima mu rwego rwo kuvuna ; kubera ko hari hamaze kuba abayoboke benshi 1996 itorero ryasabye ikibanza aho bita kwa Gafirita muri shitingi aho korali yakoze umurimo ukomeye w’ivugabutumwa. Iki gihe cyose korali nta mikoro ahagije yari ifite kuko yaririmbaga ikoresheje ingoma n’amapendo.

Mu mwaka w’1997, Korali yashoboye kugura ibyuma bya korali biciriritse, nyuma yaho baje kwirukanwa muri shitingi bajya Kimironko bamaze kugura ikibanza Rukurazo ariwo Mudugudu ibarizwamo.

Iyi Korali yaje kugurisha ibicurangisho byayo kugira ngo iri torero ryubake

Kubera inyubako yariho byabaye ngombwa ko iyi Korali igurisha ibyuma byayo kugira ngo itangire igikorwa cy’inyubako y’urusengero. Bivuye ku mwete wo gukorera Imana iyi korali yari ifite yakoze iyo bwabaga isohora cassette igera ku bantu bake ariko kubera imbaraga nke yari ifite ntiyamamara cyane.

Kuva 2005 yatangiye kumenyakana cyane muri Bibare ndetse igenda ikora ibiterane byinshi bitandukanye kugeza ubwo yagiye itumirwa mu ntara zitandukanye.

Kugeza ubu Korali Abakorerayesu, ni korali igeze ku rwego rushimishije mu iterambere haba mu rwego rwo kuririmba ndetse n’ibikoresho bitandukanye ingoma Imana yazivunjemo piano, cube, retour, empli cube, empli de puissance, empli mixer haut parleur, guitars n’ibindi byiza byinshi.

Korali Abakorerayesu igeze ku rwego rwo gusohora CD yabo bita ko ari iya mbere aho iri gutunganiriza indirimbo zabo 10 kwa Producer Aaron ndetse na Mastola.

Hejuru ku ifoto: Korali Abakorerayesu

Patrick Kanyamibwa

Nkuko twabitangarijwe na Ndagijimana Marcel, umuyobozi wa Korale Vumilia batumiye abantu bose bayikozemo umurimo w’Imana, ababasengera bose, ababatera inkunga n’ababakunda bagakunda n’umurimo w’Imana mw’isabukuru y’imyaka 12 Korale Vumilia imaze ikora umurimo w’Imana, aho bazafatanya gutamba igitambo cy’ishimwe ku by’Imana yakoze byose byose muri iyi mwaka cumi n’ibiri izaba ishize.

Marcel yakomeje adutangariza ko bafatiye ku cyanditswe kiri muri Bibiriya kivuga “Nzagushima iteka kuko ari wowe wabikoze, Nzategerereza izina ryawe imbere y’abakunzi bawe kuko ari ryiza”. (Zab52:11), rero ngo kuri uwo munsi w’ isabukuru y’imyaka 12, Chorale Vumilia itegura igikorwa cyo gushimira Imana ku myaka 12 imaze ikora umurimo w’ Imana mu bikorwa byose Vumilia yakoze, kuba Imana yarabanye nawo mu buryo butangaje, kandi ngo ababanye nayo bose babonye ukuboko kw’Imana kurambuye gukora ibitangaza, Imana yarabaruhuye babona amahoro adashobora kuboneka ahandi hose keretse muri Kristo Yesu, Imana yabakijije ibikomere bya mateka, batanga ubuhamya bw’ibyababayeho barababarirana ubu babanye amahoro. Icyi gikorwa kizaba kuwa gatandatu tariki ya 2/06/2012 muri Salle d’acceuil ku babikira kuri Procure imbere ya St Jean Baptiste kuri ishuri rya Groupe Inkesha n’Indatwa, cyikazabanzirizwa n’igitaramo kizabera muri Stade ya NUR i Butare mu ijoro ryo kuwa gatanu 1/06/2012, kwinjira bikaba ari ubuntu.

AMATEKA ya Chorale Vumilia

Chorale Vumilia ni umutwe w’abaririmbyi bo mu itorero rya Pentekote rya Butare - Ville biga muri Kaminuza nkuru y’U Rwanda. Uwo mutwe w’abaririmbyi, washinzwe mu mwaka wa 2001, ubu ugizwe n’abaririrmbyi ijana na makumyabiri (120) bakiga muri iyo Kaminuza. Kuri aba baririmbyi hiyongeraho abandi bagera kuri Magana atatu (300) barangije amasomo bakaba bari mu mirimo hirya no hino mu gihugu.
Intego ya Chorale Vumilia kuva igishingwa ni uko abanyarwanda bamenya kirisito, bakakira agakiza kuzuye, bakabohoka mu mitima babatuwe by’ukuri ku ngoyi y’ibyaha. Guhera mu mwaka wa 2003, bitewe n’ibihe bibi byaranze amateka y’igihugu cy’u Rwanda, cyane cyane jenocide yakorewe abatutsi muri 1994, abaririmbyi ba Vumilia biyumvisemo umutwaro w’umwihariko wo gusengera, gufasha no guhumuriza Abanyarwanda bazahajwe n’agahinda n’ibindi bibazo batewe n’iyo Jenoside, kubwiriza abanyarwanda bakiboshywe n’ivanguramoko n’abakomerekejwe n’ibindi bibazo bitandukanye bishamikiye ku mateka y’igihugu n’ay’imibereho y’abanyarwanda.

Kugira ngo bagere ku ntego za Chorale, abaririmbyi ba Vumilia bashingira ivugabutumwa ku bikorwa bitandukanye. Ibyingenzi ni ijambo ry’Imana ribohora imitima rikanarema imishya, ubuhamya bwo kubohoka no kubohora imitima ikomeretse, ibikorwa byo gushyigikira abari mu bibazo bitandukanye nk’ubukene, gupfusha, kurwara, gusibira ukamburwa inguzanyo ifasha mu kwiga ku banyeshuri n’ibindi. Abo baririmbyi bo muri Vumilia banatera kandi inkunga bagenzi babo barangije kwiga cyangwa bakiga iyo bateye intambwe mu mibereho yabo (bakora ubukwe, abahawe inshingano z’ubushumba n’izindi ntambwe Imana ibateza mu buzima). Umuyobozi wa Korale Vumilia Ndagijimana Marcel ytabwiye ko iri vugabutumwa rishingiye ku rukundo rwatumye Chorale Vumilia ihinduka umuryango ku baririrmbyi bayirimo, benshi bayibohokeramo, bakanayiruhukiramo imitwaro n’ibikomere bagize mu buzima bwabo butandukanye kandi ngo Korale Vumilia igira uruhare mu kubakira abatishoboye harimo n’abo mu miryango y’abanyamuryango ba korale Vumilia.

Mu ngendo zitandukanye Umutwe w’abaririmbyi ba Vumiliya bakoze mu turere tunyuranye bibanze cyane k’utwazahajwe n’amateka ya Jenocide yakorewe abatutsi n’ingaruka zayo: Kaduha, Rubavu, Nyamasheke, Rusizi, Gisagara, Huye, Nyaruguru, Bugesera, Ngoma, Gicumbi n’ahandi. Aho ubu butumwa bwageze bufasha gukemura ibibazo umuryango nyarwanda uhura nabyo, abaturage, abayobozi b’inzego zareta, iza gisirikare n’iz’itorero bashimiye umurava n’umutwaro Vumilia ifitiye igihugu n’abagituye muri rusange nkuko Marcel yabidutangarije. Kugira ngo bagere ku ntego za Chorale, abaririmbyi ba Vumiliya nyuma y’ivugabutumwa rishingiye ku Ijambo ry’Imana hakorwa n’ibikorwa bigaragarira amaso mu rwego rwo kunganira iryo vugabutumbwa.

Korali Louange, imwe mu ma korali akunzwe cyane hano mu mujyi wa Kigali ndetse no hirya no hino mu gihugu iri kwitegura gushyira ahagaragara album yayo igaragaza amashusho ( Audio- visual).Igitaramo cyo kumurika kumugaragaro iyo album yitswe « ARAKUMVA » giteganyijwe ku italiki ya 06 Gicurasi 2012 muri K.I.E.
Nk’uko biteganyijwe, muri icyo gitaramo hazaba hari Korali AMAHORO ya ADEPR Remera, abahanzi bakunzwe barimo KABERA Simon na Dominique Nic.

Nk’uko twabitangarijwe n’umuyobozi w’iyo korali BYIRINGIRO David bamaze igihe gito barangije gahunda zo gufatwa amashusho (shooting).Akazi gasigaye kakaba kareba studio ibafasha icyo gikorwa yitwa ISOKO Y’UBUGINGO.

Hari hashize igihe iyo korali yitegura icyo gikorwa kitaboroheye na gato kuko gisaba amikoro kandi iyo korali ikaba igizwe ijana ku ijana n’abanyeshuri biga mu ishuri rikuru nderabarezi rya Kigali (K.I.E).
Umuyobozi w’iyo Korali yadutangari je kandi ko zimwe mu mbogamizi zagiye zituma uwo mushinga utarangira vuba harimo amikoro make, gahunda z’amasomo, kurangiza amashuri kwa bamwe mu baririmbyi baba bagize iyo korali, n’ibindi.

Mu rwego rwo kwimenyakanyisha na kwitegura icyo gikorwa, Korali Louange igenda ikora ingendo z’ivugabutumwa hirya no hino mu mujyi wa Kigali. Ikazaba ifite urugendo izakorera kuri Kaminuza yigenga ya Kigali (U.L.K) ku cyumweru ku italiki ya 22 Mata 2012.

Korali Louange ibarizwa mu Muryango w’Abanyeshuri b’Abapantekote biga mu Ishuri rikuru nderabarezi rya K.I.E (C.E.P/K.I.E) ikaba igiye gusohora album igaragaza amashusho nyuma y’uko isohoye mu mwaka w’2008 album itagaragaza amashusho ( Audio) yiswe INKORAMUTIMA, yanakunzwe cyane.

Korali Alliance ni imwe mu makorali ane akorera mu muryango w’abanyeshuri b’abapantekote (ADEPR) biga muri Kaminuza Nkuru y’u Rwanda witwa CEP-UNR ( Communaute des Etudiants Pentecotiste a l’Universite du Rwanda).

Iyi korali kandi inakorera mu mudugudu w’igifaransa n’icyongereza( Chapelle Anglo-Francophone) muri paruwasi ya Butare-Ville (ADEPR). Nyuma y’igihe kirekire imeze nk’iri mu nzozi noneho ngo mu mpera z’iyi weekend yaba igiye kuzikabya igashyira ku mugaragaro Album yayo ya mbere y’amashusho yiswe ‘’ Almighty God, the master of Times and Circumstances’’, ugenekereje mu Kinyarwanda wavuga ko Imana ishoborabyose kandi ko ari yo itegeka cyangwa igena iminsi n’ibihe, ndisegura ariko nimusanga ntabihinduye neza murihangana.

Iki gikorwa kizakorwa mu bitaramo byateguwe kubera muri Kaminuza Nkuru y’U Rwanda kuri uyu wa gatandatu tariki ya 12 Kamena naho abanya Kigali ngo bakaba batahiwe ku cyumweru tariki 13 Kamena 2012 mu rusengero rwa ADEPR Nyarugenge I sa munani.
Mu kiganiro umuyobozi w’iyi korali BUHIGIRO GASIGWA Celestin yagiranye n’ umunyamakuru w’urubuga www.agakiza yatangaje ko zimwe mu mpamvu zateye iyi korali gukorera ahantu habiri hatandukanye harimo kuba nko muri Kaminuza ariho bateguriye ibikorwa kandi akaba ari naho bafite abantu benshi, banavuga kandi ko bahisemo gukorera n’i Kigali mu rwego rwo gukwirakwiza ubutumwa bwiza ndetse n’ibihangano byabo, ibi kandi ngo bizanabafasha kwegera abakunzi babo bari muri Kigali nk’uko yakomeje abivuga.

Uyu muyobozi kandi yongeyeho ko muri ibi bitaramo bazakorana n’amakorali atandukanye nka Korali IRIBA (ADEPR Butare-Ville), Korali Ichtus(Chapelle International NYARUGENGE), Korali Elayo, Vumiliya ndetse na Enihakol(CEP-UNR), abahanzi bahimbaza Imana nka , Isaieh UZAYISENGA, Safari Peter, ndetse na Albert NIYONSABA.

Tubamenyeshe ko korali Alliance yavutse muri 1997, itangirana abaririmbyi 5 barimo 4 b’abahungu n’abagabo n’undi 1 w’umukobwa, yaje gukura kuburyo ubu igeze kubaririmbyi barenga 54 bakiri ku ishuri n’abandi barenga 115 bakora rimwe na rimwe bitewe n’uko barangije amasomo yabo ubu bakaba bari mu buzima busanzwe. Iyi korali imaze gusohora album 2 z’amajwi yasohowe muri 2006 indi isohoka 2011 ari nayo baje gukorera amashusho bagiye kumurika mu mpera z’iyi weekend, ikaba igizwe n’indirimbo 10, zirimo 6 z’igifaransa, 3 z’icyongereza ndetse n’indi 1 y’igiswahili.

Hashize amezi ane uyu musore Nkurunziza Emmanuel uzwi ku izina FRERE Manu nk’umunyamakuru akaba n’umuvugabutumwa w’umucuranzi ,akoze igitaramo mu mujyi wa Gisenyi. Ikigitaramo cyitabiwe n’abantu benshi cyane ndetse n’ubuyobozi bw’itorero abarizwamo ADEPR , cyarimo abahanzi nka Dominic Nic , Cubaka , Bethlehem choir ,Gondence…. Cyagaragayemo ubuhanga n’Imbaraga z’Imana.

Mu minsi mike ishize nibwo uyu musore yari kuri RTNC (Radio Television Congolaise) ni imwe mu matelevision 3 akorera mu mujyi wa Goma mu Gihugu cya Congo.Abazwa ikimugenza , Frere Manu yavuze ko aje mu kiganiro nk’Umuvugabutumwa bwiza. (evangeliste Musicien) dore ko bamwe mu baturiye umujyi bumva radio ya Rubavu akorera, abandi bakaba barigeze kumubona igihe gito kuri television yigenga Mishapi Voice Tv nk’umunyamakuru.

Mu kiganiro kirekire yagiranye n’iyo Television RTNC mu rurimi rw’Igifaransa, Frere Manu yavuze ko aje ar’w’umugisha ku bantu batuye umujyi wa Goma ndetse n’abanyarwanda baturiye inkengero zawo.Yavuze ko hari gahunda y’ivugabutumwa imaze ukwezi n’igice itegurwa yiswe CAMPAGNE D’EVANGELISATIO NYIMBO ZA WOKOVU IGICE CYA 2. Ni Concert izaba iri Live kandi izitabirwa n’abantu benshi harimo abahanzi bazaba baturutse hirya no hino ndetse n’ab’i Congo badasigaye.

Mukiganiro, hariho umwanya wo kubaza i bibazo kubakurikiye television na Radio k’umurongo wa Telefone: maze Frere Manu ababwira ko hari gahunda y’imigoroba yo guhimbaza ndetse no kubohoka ( Delivrance) izatangira kuva tariki 10 kugeza 12 /05 ku rusengero rwa KANISA LA MUNGU naho kuya 13 /05 hakazaba igitaramo nyirizina kizabera muri STADE OFFICE DE VIRUNGA.Mu bibazo yabajijwe n’abatuye muri ikigihugu harimo no kuvuga kuri Polique y’igihugu cye cy’u Rwanda ndetse no kuri Genocide yo muri mata 1994.

Frere Manu yasabye abanyekongo kuzasura u Rwanda bakamenya amateka k’uburyo buhagije kubabyifuza, akaba yarababwiye kandi ko hari urwibutso rwa GISOZI i Kigali kandi ko hari abazabasobanurira neza kurusha uko yabibabwira . Mumagambo make yababwiyeko Genocide yakorewe abatutsi muri mata 1994 yatwaye imbaga yabantu benshi ndetse hameneka amaraso menshi ariko ko ngo nubwo ibyo byabaye hamwe n’Imana n’ubuyobozi bwiza u Rwanda rufite, harimo President w’igihugu Paul KAGAME abanyarwanda dufite intero igira iti: "NEVER AGAIN"buri mwaka Genocide turayibuka : Twihesha agaciro, Twigirira icyizere ,Twigira ku mateka… u Rwanda ruzaba icyitegererezo cy’amahanga , ruzaba paradizo kuko ruri mu biganza by’Uwiteka kandi rukaba rufite abasore n’inkumi barukorera.

Ibyerekeranye na Politique nta byinshi mfite navuga kuko sinize politique , ahubwo njye nize itangazamakuru. Gusa u Rwanda rufiute gahunda nziza ya Politique . Urebye amateka mabi yaruranze ubu abanyarwanda babaye umwe. Ndavuga (UBUMWE N’UBWIYUNGE) u Rwanda ni igihugu gifite Isuku namwe murabizi uretse abanyecongo n’abanyamahanga barabivuga iyo barusuye, rushyigikira umuco na Sport… ni byinshi navuga gusa byose tubikesha kubaha kwizera no kumvira Imana.

 

Abakinnyi ba filimi bo mu gihugu cy’u Burundi baherutse mu Rwanda mu mpera z’icyumweru gishize mu rwego rwo kureba uburyo bamenyekanisha filimi yabo bise “Zimuruka” no kureba uko iby’amafilime no kuyagurisha byifashe mu Rwanda. Iyi filime ikaba iri muzikunzwe mu gihugu cy’u Burundi dore ko ho yageze ku isoko.

 

George Ntasi umunyamakuru ukora kuri Televiziyo ya gikristu yo mu gihugu cy’u Burundi Television Heritage, akaba ari no gufasha muri iki gikorwa cyo kuyimenyekanisha yari yazanye na Madame Semirengo Renilde uwahimbye iyi filime akanayikinamo. Mbere yo gusubira i Bujumbura kuri uyu wa mbere tariki ya 12 Nzeli 2011, badutangarije ko baje i Kigali mu rwego rwo kureba uburyo filimi yabo bise “Zimuruka” yagurishirizwa mu masomero (Library) atandukanye yo mu gihugu n’ahandi hose byashoboka.

 

 Batubwiye ko basanze mu Rwanda uretse amasomero, ama DVD agurishirizwa no mu ma Super markert amwe n’amwe ; kandi ngo kuko iyi Filime yabo uretse ubuzima busanzwe inafitanye isano n’ibintu by’Imana bazanayishyira ku nsengero zitandukanye naho ikahacururizwa. Madame Renilde yadutangarije ko ku cyumweru gitaha tariki ya 25 Nzeli 2011 kuva saa cyenda z’amanwa bazayimurika bafatikanyije n’abahanzi nka Liliane Kabaganza, Theo Bose Babireba ku rusengero rwa Restoration Church Kimisagara i Kigali aho bazerekana incamake y’iyo filimi ku mugaragaro.

 

Abakinnyi ba filimi Zimuruka batangaza ko ivuga ku muryango ufite ibibazo. Nkuko madame Renilde yabisobanuyeho ati : “Ni umuryango ugizwe n’umugabo n’umugore bafite abana babiri umuhungu n’umukobwa. Umugore niwe ubazwa byose umugabo yibera mu kabari agataha ijoro”.

 

Iyi filimi igaragaza uburyo uwo muryango urimo ubwumvikane buke igihe kikagera umugore bikamurenga agahitamo gusaba ko umugabo we yamufasha munshingano z’urugo, umugabo ntabyakira, ariko kubera ko umugore yasengaga byarahindutse birangira bigenze neza. Abakinnyi ba filimi “Zimuruka” bibumbiye mu ihuriro “Foundation Bethel”. Bamwe mu bagize iryo huriro ni: Semirengo Rénild, Niteka Aurore, Nitegeka Thierry na Nindorera Godefroid kandi ngo bose ni abarokore nubwo bakina ibintu by’ubuzima busanzwe.

Korali Louange ni iy’abanyeshuri b’abapantekote (ADEPR) biga mu Ishuri Rikuru Nderabarezi rya Kigali. Ibarizwa mu muryango witwa CEP (Communauté des Etudiants Pentecôtistes) kuri ubu iritegura kumurika album yabo ya kabiri.

Kuri ubu ikigezweho n’aba banyeshuri bo muri KIE, ni uko iyo korali iri kwitegura gushyira ahagaragara album yayo ya kabiri izaba iriho amajwi n’amashusho (audio-visuel).

Icyo gikorwa kizakorwa mu buryo bw’igitaramo kizaba muri Kaminuza ya KIE ku Cyumweru tariki ya 6 Gicurasi 2012, ku isaha ya saa munani, kikaba kizitabirwa na Korali Amahoro imenyerewe kandi ifite abakunzi batari bake muri ADEPR, ndetse n’abandi bahanzi baririmba indirimbo z’Imana barimo Dominic Nic na Cpt. Kabera Simon.

Levis Byabeza, umwe mu barimo gutegura iki gikorwa, yadutangarije ko imyiteguro iri kugenda neza kandi indirimbo zose zizaririmbwa zinacuranga ku buryo bw’umwimerere (live music) yaba ari Korale Louange ndetse n’aba bahanzi bandi bazaza kubashyigikira.

Kwinjira muri iki gitaramo kandi bikaba ari ubuntu, abantu bose bakaba bahawe ikaze.

Nk’uko twabitangarije n’umwe mu bayobozi bayo, Levis Byabeza, ngo iyi Korali yavutse ahagana mu mwaka w’2001 ikaba yaratangiye igizwe n’abantu 8 igenda yaguka buhoro buhoro kugeza ubwo ubu ifite abaririmbyi bagera ku 135, bose biga mu Ishuri rya KIE. Korali Louange imaze gusohora album imwe yakozwe mu 2007 yiswe ’Inkoramutima’.

Producer Myma ukorera studio Myma production imaze imyaka 5 ikora ubu ngo yaba igeze ku rwego rwo gukora Live Music haba mu majwi cyanga amashusho.

Ibi yabidutangarije ubwo twaganiraga nawe atunganya album Live Concert 2011 ya Alarm Ministry yakorewe muri Serena hotel.

 

Ati: abaririmbyi b’amatsinda cyangwa abahanzi bagira ibibazo iyo bakoze ibitaramo bitandukanye kuba batabasha gutunga amashusho yabyo ndetse ngo babashe no kuba bayageza kubakunzi babo.ibyo twasanze ari ikibazo cyuko nta studio ibasha kubibatunganyiriza neza. Ibyo byanteye gushakisha uburyo icyo kibazo cyakemuka maze mpindura gake kumikorere yanjye. Studio imaze imyaka 5 ikora ariko itangiye gukora live music ubu vuba. Twakoze Live Music Concert ya Alarm Ministy 2011.ubu turi gukora iya 2011 ndetse hari n’andi ma Projet twitegura gukora arimo Album ya Choral Bethlehem y’i Rubavu n’andi menshi.

Album tuyitegura mu mezi 2 tukayiguha imeze neza haba mu majwi ndetse n’amashusho. Ibyerekeranye n’imyiteguro y’abashaka gukora iyi Live, ishobora kuba ndende cyangwa igihe gito biterwa na gahunda bihaye ariko njye ntekereza ko mu mezi 2 mwaba mwiteguye bihagije nkuko Alarm yagiye ubigenza.

 

Umusaruro cyangwa ibyiza bya Live Music nuko bigaragaza ubuhanga bwanyu ndetse n’iteranbere mugezeho. Urebye mu bihugu byo hanze ntabwo bakora nk’ibi dukunze gukora mu ri ibibihugu bya Afrika bakora ibitaramo baka bisohora ku ma DVD twe rero abaririmbyi bacu bararuha cyane kugira ngo amashusho yabo asohoke kuko usanga bajya mu busitani butandukanye hirya no hino, ugasanga bibatwaye igihe kirekire n’imbaraga nyinshi , ndetse no mu ma studio y’amajwi bikabahenda ugasanga aho gutera imbere basigara inyuma kandi ubushobozi babufite muri byose.

 

Ibyerekeranye n’ibiciro muradushaka tukaganira ariko ufite miriyono imwe y’amafaranga y’u Rwanda (1.000.000.frw) ushobora gusohora Live Concert yawe neza.

 

Igisabwa nugushaka abacuranzi bakora Live ugashaka sale nziza mugatumira abantu akarusho haba mu rusengero rwanyu kuko ariho abantu benshi babazi noneho mugakora Concert bisanzwe mugasenga ubundi mukareka umwuka wera ugakora akazi kawo ufashwa arira upfukama ntakintu cyaricyocyose mwikanga , nibwo isohoka neza.

 

Mugusoza iki kiganiro Myma yatubwiye ko adakora wenyine ahubwo hari irindi tsinda akorana bakorana noneho amashusho nayo akagira abayatunganya. Yaturangiye kandi aho Studio ikorera ni Mugakinjira ka Gisozi ahari Umurenge ati: uwo wabaza wese yahakugeza cyangwa ugahamagara kuri numero:+250788624962

 

 

 FRERE Manu i Rubavu

Umuhanzikazi Liliane Kabaganza amaze
igihe itari gito ategura byimazeyo igitaramo cyo gushyira ahagaragara
Album ye ya Mbere yise "Nina Siri na Mungu" akaba yaratikoreye muri Studio ya "East Africano Sound"
ikaba kandi ari iya Producer Aaron niyitunga.Nyuma y’igihe kirekire
ategereje Album ye,uyu muhanzikazi aratangaza ko igihe ari iki kugira
ngo abakunzi be bamubone kandi banogerwe n’ibihangano bye.

 

NK’uko twabitangarijwe na Bwana James
Mwungura usanzwe ari na Manager we,ngo imyiteguro irarimbanije ngo kuko
kugeza kuri uyu munsi 2/3 by’imyiteguro yose muri rusange
byarangiye.Yakomeje atangariza isange.com ko iki gitaramo kizaba ku
itariki ya 16/8/2011 kuri Serena Hotel guhera ku isaha ya saa kumi ,ngo
kwinjira bikaza ari ubuntu ariko ngo hakazanabaho igikorwa cyo gukusanya
inkunga izamufasha mu buhanzi bwe.

 

Twashatse kumenya impamvu uyu
muhanzikazi yahisemo kwinjiriza ubuntu ,maze adusubiza ko Serena Hotel
yamuteye inkunga ibinyujije mu muryango w’ivugabutumwa witwa "GATES OF HAVEN MINISTRIES"
ukaba ugizwe n’abakozi bayikoramo,ngo bakaba barabahaye amabwiriza
y’uko hatabaho kwishyuza.Gusa Bwana James Mwungura akaba yatangaje ko
harimo gutegurwa ikindi gitaramo nacyo kizaba gikomeye kiba kizaba kuwa
30/11/2011 i Remera kuri Stade Amahoro hatagize igihinduka.

 

Yahamagariye abakunzi ba Liliane
Kabaganza kuzaza kumushyigikira muri ibi bitaramo byombi ,kugira ngo
ibyo yabategurie byose mu buhanzi bwe abashe kubigeraho nta
nkomyi.Twasoza iyi kuru yacu tubamenyesha ko abahanzi bazafatanya nawe
muri iki gitaramo cya mbere ari Patient Bizimana,Aime Uwimana n’abandi.

 

Peter NC isange.com

Nyuma y’ingendo z’ivugabutumwa yagiye igirira hirya no hino mu gihugu muri uyu mwaka wa 2011, Korali JEHOVAHJIREH yo muri Kaminuza yigenga ya Kigali (ULK) ubu noneho ije gutaramira i Nyarugenge mu gakinjiro kuruyu wa 26/12/2011 nyuma ya saa sita guhera saa munani (02h:00pm).Iki gitaramo rero kikaba kiri mu rwego rwo gukomeza kwishimira ivuka ry’umukiza Yesu kristo ndetse no gushimira Imana ku mirimo itandukanye yakoreye iyi korali muruyu mwaka wa 2011.

Muri iki gitaramo rero JEHOVAHJIREH Choir ntizaba iri yonyine kuko izataramana na korali AGAPE yaho i Nyarugenge. Akazaba rero ari concert live ishyushye izatangira kuva saa munani (02h:00pm).

Nkuko bitangazwa n’umuyobozi w’iyi Korali, NDORIMANA Phillotin, avuga ko iki gitaramo kiri muri rumwe mu ngendo z’umugisha iyi Korali yari ifite muri uyu mwaka wa 2011, ati rero ni ishimwe ku Mana yadushoboje gukora n’izindi ngendo zarubanjirije cyane cyane ko abaririmbyi baba babifatikanya n’amasomo.

Akaba kandi ashimira abakunzi babo uburyo bagiye bakomeza kubashyigikira muru uyu mwaka wa 2011 ndetse anabasaba gukomeza kubaba hafi mu mwaka tugiye gutangira wa 2012 kuko umurimo ari mugari.

Akaba rero abifuriza kugira Noël nziza n’umwaka mushya muhire wa 2012 ngo uzababere wo gukomeza kurushaho kwirundurira mu mana kuko ariyo dukesha byose.

 

Prezida wa jehovahjireh choir NDORIMANA Phillotin

Jehovahjireh choir rero ikaba irarika buri wese kwitabira iki gitaramo bifatanya nabo mu gukomeza guhimbaza Imana nkuko badahwema kubyerekana bifatanya nabo. Ikindi ni uko ngo ibafitiye indirimbo nshya iromo gukora kuri Album yayo ya kabili (2), zimwe muri izo ndirimbo bakazazibaririmbira aho mu I Nyarugenge.

 VITAL R.

Kuri uyu wa Kabiri taliki ya 11 Ukwakira 2011 saa kumi mu itorero rya
Pentecote mu Bubiligi bakiriye abashyitsi baturutse mu Rwanda bayobowe n’
Umuvugizi wungirije w’ Itorero rya Pentecote mu Rwanda. Yari kumwe n’
umunyamabanga w’ itorero ry’ ADEPR, umubitsi, umufasha w’ Umuvugizi Rev
Usabwimana Samuel na Umushumba w’Ururembo rwa ADEPR ku kibuye hamwe n’
abaririmbyi batandukanye.

Aha kandi abandi bashyitsi batatu bavuye mu Budage
bayobowe na Bishop Zimmermann bari bakomotse mu itorero rya Bremen ari naho aba
baririmbyi bahagurutse i Kigali bagiye mu iserukiramuco rya Muzika.

Iryo
teraniro ryitabiriwe n’abantu benshi batuye mu Bubiligi baje kwakira abashyitsi
bavuye i Rwanda bakirije abashyitsi indirimbo ya 327 ivuga ngo ni byiza kureba
ab’ Imana bateranye bakundanye.

Umunyamabanga
Mukuru wa ADEPR yafashe akanya ko kwigisha ijambo ry’ Imana ryanditse mu
Byakozwe n’ Intumwa 11 :22 hagira hati : “Mugume mu mwami mumaramaje
mu mitima yanyu”. Yakomeje akangurira abateraniye aho ko bakwiye kubana n’
Imana bagakora ibyo Imana ishaka ko izagenda ibaha ibihe byiza nk’uko byari
bimeze mu gihe cy’ intumwa.

Bishop
 Zimmermann yigishije ku ijambo ryanditse mu gitabo cy’ Abaheburayo
12 :14-15 hagira hati: “Mugire umwete wo kubana n’abantu bose amahoro no
kwezwa kuko utejejwe atazareba umwami Imana”.

Uwo
mushumba yakomeje avuga ko ubwo baheruka gusura u Rwanda hari byinshi basanze itorero
ryo mu Budage rihuriyeho n’itorero rya Pentekoti ryo mu Rwanda, Urugero:
Kwambara ukikwiza, kubyara abana n’ ibindi akomeza abwira abateraniye aho ati: “Mwaje
ino muva muri Afurika ntimuzifate nk’abo mwasanze inaha batizera aha navuga nk’
imyambarire, kutubaha ababyeyi ubusambanyi n’ ibindi bitajyanye n’ umucyo w’
ijambo ry’ Imana”. Yarangije asengera abari bateraniye aho kugirango base na
Yesu mu ngeso zabo.

Umuvugizi
wungirije w’ ADEPR yasabye Abanyarwanda n’ Abarundi batuye mu Bubiligi gusura
itorero rya Bremen kuko bagifite umucyo wa Biblia.

Ndayiragije Francois/ Belgique

 

Iki gitaramo kizaba ku itariki ya 14-15 Ukwakira uyu mwaka kikazabera ku ishuri ryisumbuye rya APACE ku Kabusunzu.

Iki gitaramo gitegerejwe na benshi mu bari abakunzi ba Jonathan wari umuyobozi w’iyi chorale yo muri APACE. Nk’uko twabitangarijwe n’umuyobozi wa Chorale Vers Sion,Robert KABERA ngo Album ya 5 yiswe ‘Mpindura’ naho iya 6 yitwa ‘Amarira yawe Imana irayazi’.

Photo: Vers Sion 1

Photo: Vers Sion 2

Kugeza ubu imyiteguro igeze kure kandi iragenda neza nk’uko ubuyobozi bwa Vers Sion bwabitangarije IGIHE.com,bikaba biteganyijwe ko ku wa gatanu tariki ya 14 groupe yitwa True Way,iyitwa Shalom ndetse na Didier Ntwari bazifatanya na Vers Sion muri iki gitaramo.Naho ku wa gatandatu iyi chorale izifatanya na chorale Ambassadors,Didier ndetse n’uwitwa Rodrigue uzwi cyane muri College ya Gitwe.

Biteganyijwe ko uyu mutwe w’abaririmbyi uzaboneraho kwibuka uwari umuyobozi wayo,Jonathan Nsanzimana akaba yari n’umwarimu muri APACE.Nk<span data-scayt_word="uko" data-scaytid="131">uko</span> <span data-scayt_word="bitangazwa" data-scaytid="132">bitangazwa</span> <span data-scayt_word="na" data-scaytid="76">na</span> <span data-scayt_word="bamwe" data-scaytid="133">bamwe</span> <span data-scayt_word="mu" data-scaytid="77">mu</span> <span data-scayt_word="bagize" data-scaytid="134">bagize</span> <span data-scayt_word="uyu" data-scaytid="71">uyu</span> <span data-scayt_word="mutwe" data-scaytid="121">mutwe</span> <span data-scayt_word="w" data-scaytid="135">w</span>abaririmbyi ngo umuhanzi w`umunyamakuru,Florent NDUTIYE nawe ashobora kuzifatanya nabo akaririmba zimwe mu ndirimbo yamaze gusohora.

Photo: Jonathan

Chorale Vers Sion ni iy’abanyeshuri bo muri APACE ikaba yaratangijwe mu mwaka w’1996, kugeza ubu imaze gusohora DVD 1,ikaba izashyira ahagaragara iya kabiri mu minsi iri imbere.

Florent NDUTIYE

 

Umuhanzi Mahoro Isaac yateguye igitaramo cyo kuramya no guhimbaza Imana, Iki gitaramo agiteguye Nyuma y’uko Imana yagiye imwigaragariza mu bihe bitandukanye, nawe asanga adakwiye kwiyumanganya.

Iki giterane giteganijwe kuba ku itariki 12 Ukuboza 2015, guhera saa Munani, kikazabera ku urusengero Nyamata SDA Church ari naho asanzwe asengera, akazaba ari kumwe n’abaririmbyi batandukanye nka Munyampeta Jean Luc, Karangwa Apollinaire, Ntwari Kayihura Didier, Uwase Yvonne, Korali Abungeri, Korali Glorious Melody na Shalom Singers

Mahoro Isaac yashakanye na Gloriose Mutimukeye, akaba ari bamwe mu bashakanye bacye bajya banyuzamo bakaririmbana indirimbo mu bitaramo bitandukanye, yamenyekanye mu ndirimbo ze zo kuri Album ya mbere y’amajwi “Igisubizo”, nka Aho wankuye, igisubizo n’izindi. Kuri ubu Mahoro ageze kure umushinga wo gukora amashusho y’indirimbo DVD Vol1 ndetse n’umuzingo wa kabiri w’indirimbo z’amajwi.

Umuhanzi Kabaganza Liliane amaze gushyira ahagaragara Album ye ya
Mbere yise "NINA SIRI NA MUNGU"kikaba cyaberaga muri Hotel Serena i
Kigali.Imbere y’imbaga y’abantu bagera kuri 3500 yashimishije benshi
dore ko bari bamaze igihe bamunyotewe bidasanzwe.

 

Iki giterane cyatangijwe no guhimbaza Imana mu ndimbo zitandukanye
hifashishijwe n’abahanzi benshi batandukanye bari aho,tukaba twavugamo
Uwimana Aime,GabyDominic Nic ,Simon KAbera,Patient Bizimana ndetse na
Samputu Jean Paul. Iyi launch ya Llianne KABAGANZA biragaragara ko yari
itegerejwe na benshi ikaba yaziye igihe kuko hari hashize iminsi
myinshi abantu batabona ibitaramo biri ku rwego nk’uru.

 

 

Iyi Launch irimo yagaragayemo abahanzi
benshi batandukanye nka UWIMANA Aime, BIZIMANA Patient, Irene Gaby
KAMANZI, Shekina Worship team yo muri Restauration church dore ko na
Lilianne KABAGANZA ari umwe mubayiririmbamo(GABY ni umwe muri iyi
Worship team aho yashyuhije abantu benshi bitewe n’ijwi rye abenshi
bakunda!),aha buri wese akaba yashimishije abakunzi be byimazeyo.

 

BIZIMANA Patient yaririmbye inditrimbo
ebyiri. Umuhanzi Patient akaba yaririmbye Full live nk’ibisanzwe harimo
indirimbo “Ndaje” na “Menye neza”.
Gaby, Aime UWIMANA, Dominic Nic bakaba bamaze kuririmba nabo Live.

 

 

 

Apostre Masasu ubwo yigishaga...

 

Liliane kabaganza akigera kuri stage
akaba yahise aririmba indirimbo zirimo nka “Nari mumwijima ukabije
yesu aramurikira…” yaririmbye akiri muyahoze yitwa Rehoboth Choir ubu
ikaba izwi kw’izina rya Rehoboth Ministry! Indirimbo zose yaririmbye
zikaba ari indirimbo zacuranzwe mu buryo bwa live.

 

 

Gaby, Dominic Nic, na Liliane baririmbanye “UBUZIMA BW’UMWANA W’UMUNTU&NZASANGANIRA”, n’izindi zigiye zitandukanye…
Umuhanzi
Simon KABERA usanzwe aririmba injyana ya Country akaba yashimishije
abari aho cyane, kuko yaririmbye injyana ze za country live arimo no
kwicurangira Guitar.

 

Apostle Masasu niwe wavuze ijambo ry’Imana ndetse anitangisha abari aho kubwo gushyigikira Liliane.

source: isange.com

Uwavuga amateka ya Gihundwe - Cyangugu
guhera mu myaka ya za 1940 ku mwaduko w’aba misiyoneli ubwo bageraga mu
Rwanda banyuze mu itorero rya ADEPR ntiyayarangiza!

Korali Bethaniya ni imwe mu makorali ya
mbere yashinzwe muri iri torero dore ko yabonye izuba ahagana mu mwaka
wa 1965.Kuri ubu imaze imyaka isaga 45 ikora umurimo w’Imana hirya no
hino mu gihugu cyacu ndetse no hanze yacyo.

 

 

Ubwo korali Betaniya yaririmbaga mu rusengero...

 

 

Korali Bethania ubwo yinjiraga mu rusengero..

Nk’uko twabitangarijwe na Bwana Aaron
Ndayisenga ,uyu akaba ari umutoza w’amajwi muri iyi Korali,ngo barimo
gutegura igitaramo cyo mu rwego rwo hejuru ,bakaba bashimishijwe no
kubatumira mu gitaramo giteganijwe kubera mu Itorero rya ADEPR
Nyarugenge (aho bita mu Gakinjiro), iki gitaramo kizasohorerwamo DVD
yayo ya mbere irimo indirimbo icumi nshya ziboneka muri Audio Vol.8 na
Vol.9.

 

 

Uyu mubyeyi ubanza yitwa Christine, ari mu batangiranye na Betania mu w’1965. Aracyaririmba

Yakomeje atangariza isange.com ko
nka Korali yabimubiriye izindi mu Itorero rya ADEPR mu Rwanda, yatangiye
umurimo w’uburirimbyi mu w’1965, hashimwe ko iyo DVD inavuga ku mateka
y’umurimo muri rusange mu Itorero ikoreramo, harimo rero n’igice gikoze
mu buryo documentaire.Bwana Aaron akaba yasoje ahamagarira abakunzi
b’iiyi Korali kuzaza kubatera ingabo mu bitugu babashyigikira mu buryo
bwose bushoboka.

 

Sagatwa Ludovic, uwabatijwe bwa mbere muri ADEPR mu w’1943 na ba missionnaire

 

 

Korali Bethania ubwo yaririmbiraga abakunzi bayo...

 

 

 

Urusengero rwa Gihundwe iyi Korali ibarizwamo...

Mu nkuru yacu itaha tukazabatangariza itariki iki gitaramo kizaberaho.

source: isange.com

Byari bimaze iminsi bivugwa ko
Korali Iriba irimo gutegura igitaramo cy’ivugabutumwa mu Mujyi wa
Kigali, none koko byamaze kwemezwa ku mugaragaro ko ku Cyumweru tariki
ya 30 Ukwakira iyi Korali izataramira Abatuye Umujyi wa Kigali.

Iki gitaramo kiswe « Iriba Choir Live Concert » nk’uko babitangarije
IGIHE.com kizabera i Nyarutarama kuri Christian Life Assembly kikazaba
ku mu rwego rwo gushimira Imana y’imyaka 16 Korali Iriba imaze ikora
umurimo w’ Imana.

Uretse iyi Korali hazaba hari n’abahanzi batumiwe muri iki gitaramo
kizatangira ku isaha ya saa munani z’amanywa barimo Simon Kabera,
Dominic Nic, Cubaka Justin ndetse na Golgotha worship team. Muri iki
gitaramo kandi kwinjira bizaba ari ubuntu.

Chorale Iriba ibarizwa mu rurembo rw’Amajyepfo muri Paruwasi y’Umujyi
wa Butare aho ikorera umurimo w’ Imana izwi cyane mu ndirimbo
zaririmbiwe Imana nk’iyitwa Yakobo’ iyi Korali kandi iherutse kwegukana
igihembo cyiswe « Umucyo Award » cyari cyateguwe na Radio Umucyo.

source: igihe.com

"Umukiranutsi Ntapfa arasinzira" iyi ni inyito y’igiterane gikome cyiswe Special Service
cyateguwe n’urubyiruko rw’itorero Evangelical Restoration Church -
Remera nyuma y’urupfu rw’umusore Kabera Martin wafatwaga nk’imwe mu
nkingi zikomeye mu rubyiruko rw’iro torero,iki giterane bikaba
biteganijwe ko kiba kuri uyu wa gatandatu tariki ya 22/10/2011 guhera ku
isaha ya saa cyenda kugera isaa moya n’igice z’umugoroba.

 Martin Kabera ubundi yari muntu ki mu itorero?

Yari ingaragu afite 26 ni
umukristo wa Evangelical Restoration Church kandi akaba yari muri
komite y’urubyiruko aho yari ashinzwe ibijyanye n’imyidagaduro akaba
no muri komite y’inyumako aho yari umwe mu ba Technicien bakurikirana
ibigendanye n’inyubako.

 

Nkuko isange.com yabitangarijwe na
Bwana Ngiruwonsanga Emile ushinzwe gutegura ibiterane by’urubyiruko muri
iri torero ,ngo hateguwe igikorwa cyo kumwibuka kugira ngo bashime
Imana kubwo gutaha kwe,ndetse ngo bikaba biri no mu rwego rwo
gudobanurira urubyiruko
iherezo ry’umukristo kuko ngo umukristo
wakoreye Imana ayikiranukira adapfa ahubwo asinzira.Ibi ngo byatewe n’
amagambo menshi yagiye agaragara ku mbuga za internet cyane cyane
facebook aho abantu batiyumvishaga ko yapfa bitunguranye.

 

 

Martin Kabera(Uwa kabiri uhereye i bumoso) ubwo yri kumwe na bagenzi be bafatanya kuyobora urubyiruko.

Twabamenyesha ko urupfu rwe rwatewe
n’impanuka ikomeye y’imodoka yamugongeye imbere y’iposta mu mujyi wa
Kigali rwagati aha akaba yari kumwe n’umuvandimwe we witwa Gerard ariko
we ngo akaba yararusimbutse ubu kaba ari muzima.Bwana Ngiruwonsanga
Emile ushinzwe gutegura ibiterane by’urubyiruko akaba yagize ati :
"Ntibyari byoroshye kuri twe kumva ko Martin yapfuye ku buryo kugeza
magingo aya tutarumva ko yagiye ,mbese ntiturabyakira.Yakundaga abantu
kandi akagerageza kubana nabo neza,navuga ko yari inyangamugayo"

 

 

Yakomeje atangariza isange.com ko Martin
yitabye Imana hari igikorwa cyo gutembere(Pick-Nic) cyagombaga gukorwa
n’urubyiruko rw’iri torero bikaba byari biteganijwe ko iyi Pick-Nic
yagombaga kuba kuri iyi tariki ya 22/10/2011 bari bumwibukireho.Kugeza
ubu uwamugonze akaba ari umudamu bivugwa ko yanazaga gusengera muri
Evangelical Restoration Church rimwe na rimwe,ariko kugeza ubu ngo akaba
akiri mu maboka ya Police,kuri ubu bikaba binavugwa ko nawe ubwo yagize
ikibazo cy’ihungabana,ariko ko harimo gutekerezwa uburyo ki yazasurwa
n’uru rubyiruko rw’iri torero.

Yasoje avuga ko kugenda kwe
kwahungabanije benshi mu rubyiruko ndetse n’abantu bakuru ,ariko kugeza
uyu munsi batangiye kugenda babyakira buhoro buhoro.Yahamagariye inshuti
za Martin ndetse n’abandi bantu bose bababajwe n’urupfu rwe kuza
kwifatanya nabo kugira ngo bakomeze gufata mu mugongo umuryango wa
Martin Kabera.

Reka dukomeze kumwifuriza iruhuko ridashira.

 

Peter Nc - isange.com

Kuri icyi cyumweru tariki ya 30/11/2011 ku cyicaro gikuru cy’itorero
CLA i Nyarutarama nibwo habaye igitaramo cyo ku rwego rwo hejuru
cyateguwe na Korali Iriba yo mu itorero ara ADEPR Butare Ville ,iyi
korali ikaba ari imwe mu makorali akomeye cyane hano mu gihugu cy’u
Rwanda dore koyagiye ibigaragariza mu bikorwa yagiye ikora mu bihe
bitandukanye birimo nko kuba yaregukanye UMUCYO GOSPEL AWARDS n’ibindi.

Iyi Korali kandi imaze igihe kingana
n’imyaka 16 ikora umurimo w’Imana dore ko yatangiye umurimo ahagana mu
mwaka wa 1995 kugeza ubu ikba igeze ku mubare w’abaririmbyi basaga
80.Nk’uko byatangajwe n’umuyobozi wayo ubwo yari imbere y’imbaga
y’abantu basaga 3.000 ngo ni ikintu gikomeye kuri bo kubona babasha
kugera ku rwego nk’uru kuko nka korali yibera mu majyepfo y’igihugu
bitari ibintu byoroshye kuri yo.Yakomeje ashima Imana ko kugeza magingo
aya iyi korali yifashije dore ko ifite initi nyinshi zagiye zirangiza
hirya no hino mu gihugu cyacu ndetse ngo hakaba hari n’abandi abtari
bake bagize amahirwe yo kwiga amashuli arenze za kaminiza.

 

Iyi korali yabashije kwigarurira imitima
ya benshi muri iki gitaramo ubwo yaririmbaga zimwe mu ndirimbo zabo
zikomeye nka Witinya benshi bakunda kwita Yakobo ndetse n’izindi.Iki
gitaramo kandi twabamenyesha ko kitabiriwe n’abandi bahanzi bakomeye
hano mu Rwanda barimo nka Captain Simon KAbera ,Dominc NIc ndetse na
Justin Cubaka.

 

Umuhanzi Justin Cubaka yabashije
gukirigita umurya w’inanga karahava ,aha bikaba byagaragaye ko afite
abakunzi batari bake.Uwayoboye iki gitaramo ni Bwana Bamporiki Edouard
uyu akaba azwi cyane muri gahunda zo kuyobora ibitaramo nk’ibi ndetse
akaba anazwi mu kinamico urunana.

Umuhanzi Simon Kabera....

 

 Umuhanzi Justin Cubaka...

source: Isange.com

Bimaze kugaragara ko amakorali yo mu ntara y’amajyepfo akomeje kwigaragaza ku buryo budasanzwe nyuma y’aho Korali Iriba yo muri ADEPR Huye igaragaje ko ari imwe mu makorali y’ibihangange mu gihugu cy’u Rwanda.

Nyuma ya Korali Iriba rero hahagurutse Korali Elayo yo mu rurembo rwa Gikongoro ho mu itorero rya ADEPR,iyi korali ikaba imaze kuba ubukombe kuko imaze imyaka igera kuri 25.Mu ndirimbo n’injyana zinogeye ugutwi,ije izanye amaraso mashya.

Mu gihe rero irimo kwitegura isabukuru y’imyaka makumyabiri n’itanu imaze ikora umurimo w’ivugabutumwa mu buryo bw’indirimbo zihimbaza Imana ndetse no gushyira ku mugaragaro Album y’amashusho, Korale Elayo ikorera umurimo w’Imana mu itorero rya ADEPR Gikongoro irimo irakorana ibiganiro n’inshuti zayo ndetse n’abantu bagiye bayikoreramo umurimo w’Imana bari mu mugi wa Kigali ndetse no mu zindi ntara zitandukanye zigize igihugu cyacu.

Chorale Elayo ni Korari ikunzwe cyane mu mujyi wa Nyamagabe ndetse no mu nkengero zaho, aho ikunda gukorera imirimo yayo y’ivugabutumwa. Yatangiye uwo murimo mu mwaka w’1986 igihe itorero rya ADEPR ryageraga mu mugi wa Gikongoro. Kuva icyo gihe kugeza ubu, Korali Elayo yagiye ikora ibikorwa bitandukanye harimo:

Kuvuga ubutunwa mu ndirimbo mu ntara zitandandukanye z’u Rwanda(kibungo, Bugesera, Kigali, Gitarana, Ruhengeri,Gisenyi, Butare, Nyamagabe na Cyangugu)

· Kuvuga ubutunwa mu buryo bw’ama album( Vol enye)

· Gukangurira abantu imibanire myiza,ubumwe n’ubwiyunge(Nyamagabe)

· Gufasha ibakene n’abatagira aho baba n’ibindi(Nyamagabe)

 

Korali Elayo imbere y’abakunzi bayo...

 Iyi Korali kandi ikaba rero irimo gutegura ibirori byo kwizihiza isabukuru y’imyaka mukunyabiri n’itanu imaze ikora uwo murimo mwiza wo kuririmbira Imana. Aho hazaba ari ku cyumweru tariki 27 ugushyingo 2011 Muri salle y’imparirwamihigo y’Akarere ka Nyamagabe CIPEP kuva saa tatu za mu gitondo.Kuri uwo munsi hazakorwa imirimo itandukanye harimo:

· Gushima no guhimbaza Imana kubyo yabakoreye mu myaka makumyabiri n’itanu ishize.

· Gushimira no gutanga ibihembo ku bantu bagiye bitangira umurimo w”Imana muri iyo Korali mu buryo budasanzwe.

· Kugarura ku isoko ibihangano bya Korali byakozwe mu gihe gishize.(Vol 1 Ijwi ry’imbabazi group,Vol 2 Beula group, Vol 3 Elayo Choir, Vol 4 Elayo Choir)

 

 

By’ umwihariko kuri uwo munsi, Korali Elayo izashyira ahagaragara Album y’amashusho bamaze iminsi bakora yitwa “IMANA IRAHAMBAYE”.Ikaba yarakozwe ku ndirimbo zabo nshya bashyiza ahagaragara muri uyu mwaka wa 2011.

 

Twasoza iyi nkuru tubasezeranya ko tuzakomeza kubakurikiranira iby’iki gikorwa uko cyakabaye.

 source: isange.com

Mu gihe kingana hafi n’umwaka wose adategura ibitaramo, umuhanzi Dominic Nic uririmba indirimbo zihimbaza Imana umenyerewe nk’umuhanzi ukunda gutegura ibitaramo ubona biba bikomeye nkuko byagaragaye mu bihe byashize, aratangaza ko nyuma y’igihe kitari gito amaze amenyekanisha indirimbo ze zigize album ye yambere hirya no hino, agarutse na none mu gitaramo gikomeye, iki gitaramo kikaba mu byukuri ngo gifite intego yo gushimira Imana intambwe nziza imaze kumugezaho nkuko Dominic Nic abitangaza ati: “Nyuma yo gusubiza amaso inyuma nkibuka ntangira kuririmba ndi umwana muto kugeza ubu, ndeba ibitangaza byinshi Imana imaze kunkorera n’intambwe nziza imaze kungezaho muri uyu murimo, nifuje gutegura igitaramo gifite intego yo gushimira Imana mfatanije n’inshuti zanjye zabigizemo uruhare haba mu buryo bwo kunsegera ndetse no mu bikorwa bifatika”.

Dominic Nic Ashimwe nkuko amazina ye yose ari, ngo iki gitaramo yise “RECEIVE OUR SPECIAL THANKS FOR YOU LORD!” yifuje kugikorera mu rusengero rwe abarizwamo rwa ADEPR hano I Nyarugenge mu mugi wa Kigali aho bakunze kwita mu Gakinjiro hanyuma buri wese akazaba yemerewe kwinjira ntacyo asabwe. Iki gitaramo kikazaba ku cyumweru tariki ya 20/11/2011. guhera isa munani z’igice z’igicamunsi aho azifatanya n’abandi bahanzi bagenzi be banyuranye.

Ibi byatumye tumubaza impamvu yahisemo gukorera iki gitaramo mu rusengero dore ko ari ubwa mbere, Dominic Nic yadusobanuriye ko iki gitaramo kizaba cyagutse cyane kuko abantu bari bamumenyereye ategura ibitaramo binini muri Stade no muma Hotel, ariko noneho ubu yifuje kugikorera mu rusengero kugira ngo buri wese nta mbogamizi n’imwe azabashe kuza kwifatanya nawe gushima Imana kuri byinshi yakoze, ikindi Nic akomeza avuga ko iki cyari icyifuzo yari amaranye igihe cyo kuzakorera igitaramo kinini ariko kikabera mu rusengero bisanzwe kugira ngo buri wese yaba ukomeye n’uworoheje azabyiyumvemo neza kandi yumve yisanga.

Igihe.com twifuje kumenya bimwe mubyo Imana yamukoreye ashaka kuyishimira, Dominic Nic avuga ko ibyo Imana ikora ari byinshi ntawabivuga byose ngo abirangize, gusa ibintu nyamukuru yifuje gushimira Imana nuko yabashije gukora Album ye yise Arikumwe natwe Igakundwa cyane kuburyo we ngo atatekerezaga ndetse ikaba yaraguzwe n’abantu benshi mu buryo bushimishije, Dominic akomeza avuga ko ibitaramo byose yagiye ategura hirya no hino byagiye bigenda neza cyane, ikindi avuga ko ibihembo byose amaze kubona abikesha Imana yo imuba hafi ikamuha umugisha mu buhanzi bwe. Ibi byose rero hamwe n’ibindi byinshi nibyo byatumye yumva yategura iki gitaramo yise icyo gushimira Imana gusa, aha kandi akaba aribwo azatangaza ku mugaragaro ko agiye gutangira album ye ya kabiri nayo izaba igizwe n’indirimbo zihimbaza Imana gusa.

Dominic Nic abazwa niba hazabaho ubwitange bwo kumufasha nkuko tubimenyereye mu bitaramo, Nic yadusubije ko muri gahunda y’iki gitaramo kwitanga ntabyo yateganije kuko intego y’iki gitaramo ari ugushimira Imana ibyo yakoze byose, gusa ariko ngo ntibibujije ko uwumva hari icyo yamufasha kugira ngo abashe gukora indi album ndetse no gutera imbere muri rusange ngo nta mupaka uzaba uhari azahabwa ikaze.Yakomeje avuga ko hateguwe ibintu byiza byinshi biryoheye ijisho ku muntu wese uzabasha kuhagera,

Tubibutse ko iki gitaramo cya Dominic Nic Ashimwe kije nyuma y’uko uyu musore amaze kwibikaho ibihembo gigera kuri 3 harimo icyitwa Moriah Awards yahawe kubera Album ye yise “Arikumwe natwe” yabaye iyambere, yongera kwegukana Salax Music Awards y’umwaka ushize wa 2010 hanyuma mu minsi ishize ubwo bari mu gihugu cya Kenya hamwe na bagenzi be Dominic Nic akaba yaregukanye nanone ikindi gihembo cyitwa East African Music Awards y’umwaka wa 2011 nk’umuhanzi wa Gospel mu karere ka Afrika y’iburasirazuba.

 Kanyamibwa Patrick

Kuri icyi cyumweru tariki ya 30/11/2011 ku cyicaro gikuru cy’itorero Christian Life Assembly (CLA) i Nyarutarama Chorale Iriba guturuka mu majyepfo mu itorero ADEPR Butare Ville yasohoje igitaramo cyo ku rwego rwo hejuru yari imaze iminsi irarikiye abatuye mu mugi wa Kigali, uretse no kuba yarongeye kwigaragaza cyane aho yasusurukije abantu maze imbaga y’ abantu ikihana, yanerekanye ko yatwaye igikombe cya UMUCYO GOSPEL AWARDS igikwiriye nk’ uko abari bitabiriye icyo gitaramo babitangaje.

Chorale Iriba imaze imyaka 16 ikora umurimo w’Imana dore ko yatangiye umurimo ahagana mu mwaka wa 1995 mu kwezi kwa kabiri nk’ uko tubikesha Tuyisenge Christian unagaragara akoramo imirimo myinshi, agize ati « Yatangiye ku itariki 23 z’ ukwezi kwa gashyantare 1995, none turishimye ku bwo kugeza imyaka 16 ».

Magingo aya Chorale Iriba igeze ku mubare w’abaririmbyi basaga 80. Nk’uko byatangajwe n’umuyobozi wayo ubwo yari imbere y’imbaga y’abantu basaga 3.000 ngo ni ikintu gikomeye kuri bo kubona babasha kugera ku rwego nk’uru kuko nka korali yibera mu majyepfo y’igihugu bitari ibintu byoroshye kuri yo. Chorale iriba igizwe n’ ingeri zose z’ abaririmbyi by’umwihariko abize ku nzego zose kugeza no kuri kaminuza z’ ikirenga.

Twabibutsa ko iyi Chorale yashoboye kunezeza abitabiriye icyo gitaramo dore ko abatuye Kigali bari bategereje icyo gitaramo igihe kitari gito, by’ umwihariko kandi cyongeye kurangwa n’ abahanzi batumiwe bacye cyane, aha twavuga nka Dominc NIc , Captain Simon KAbera ndetse na Justin Cubaka.

Igitangaje cyimwe muri byinshi byahabereye n’ uko Bamporiki Edouard wari wabaye n’umuyobozi wa gahunda (MC) ngo ashingiye ku mateka ye yo mucyaro nk’ uko abyivugira yahisemo kugura Indirimbo imwe gusa ya Yakobo maze yemera gutanga inka, dore ko ubuhamya bwahatangiwe bwose bwerekanaga ububasha n’ urukundo by’ Imana.

 

Jean D’ Amour NTIRENGANYA

1.Umubare w’abantu benshi cyane watumye hari abataha batarebye ibi
birori kuko ku isaha ya saa cyenda zuzuye ari nayo yagombaga
gutangirirago igitaramo,yageze abantu bamaze kuzurirana,bityo abaje
nyuma y’iyi saha ntibabona amahirwe yo kwihera akajisho iyi korali
y’imbonekarimwe mu mujyi wa Kigali.

2.Umuhanzi Dominic Nic yatangarije isange.com ko kubera ubwinshi
bw’abantu bwari burenze,byamuteye gufata ingamba zo kuzahangana
n’umubare munini w’abantu ushobora kuzaza mu gitaramo cye dore ko kizaba
kuri iki cyumweru ku tariki ya 20/11/2011 kuri ADEPR Nyarugenge
Gakinjiro.

3.Abantu benshi bavuka I Cyangugu bari baturutse imihanda yose
wasangaga ari bo biganje muri iki gitaramo ahanini bitewe no gushaka
gushyigikira iyi korali y’iwabo.Wasangaga abadaherukanye basuhuzanya
,aha nyuma y’igitaramo benshi bikaba byarabananiye gusohoka mu rusengero
kubera urukumbuzi bari bafitanye!

4.Abayobozi bakuru b’itorero rya ADEPR bose bari bitabiriye iki
gitaramo ndetse yewe banagihaye agaciro gakomeye ahanini kubera ko iri
torero ryavuye mu bise bya bamwe mu batangije iyi korali.Ubu bwitabire
bw’aba bayobozi bwashimishije benshi kuko si kenshi usanga mu bindi
bitaramo bose bahagurukira rimwe ngo baze kureba korali yashyize
ahagaragara ibihangano byabo.

5.Ntibyari bimenyerewe ko MC aba umuntu ukuze!Muri iki gitaramo
umudamu ukuze niwe wabaye MC ,akaba yarabashije kuhanyurana umucyo dore
ko benshi bari bafite amatsiko yo kumenya uburyo ari bubashe
guhererekanya amagambo kuko ibi akenshi usanga biharirwa abantu bakiri
bato.

6.Ubwo yaririmbaga indirimbo yayo ya mbere kuri DVD yise
“Urukundo”iyi ikaba ari nayo ya mbere mu ndirimbo z’agakiza,Korali
Bethania ikaba yarayobowe n’umugabo ukuze wigeze no kuba umutoza
w’amajwi muri iyi korali ,ibi akaba yarabikoze atanga mesure ubwo yari
ahagaze ku ntebe.Benshi rero bashimishijwe no kubona iyi shusho y’umuntu
uyobora umutwe w’abaririmbyi ahagaze ku ntebe kuko si henshi ikunda
kugaragara!

7.Abantu baguze DVD za korali Bethaniya batabyingingiwe kuko uwari MC
yavuze ko nta muntu bari buhatire kwitanga kuko ngo uretse kwigiza
nkana buri wese wari uri aho azi imvune z’iyi korali!

8.Umuziki w’iyi korali ucecetse bidasanzwe watunguye abanya Kigali
bari aho,kuko akenshi usanga anakorali menshi y’I Kigali aririmba
indirimbo ziherekejwe n’umuziki umena amatwi!Iyi korali rero yakoze
agashya icuranga umuziki utuje bidasanzwe kandi wuzuyemo ubuhanga,ariko
kandi uherekejwe n’amagambo akirigita umutima!

9.Abasaza babiri banditse amateka muri iri torero aribo Sagatwa
Rudoviko na Nyakwigendera Pastor Senzige Zackarie,berekanwe ku
mugaragaro.Sagatwa Rudoviko niwe mukristo wa mbere wabatijwe muri ADEPR
ahagana mu 1940,naho Pastor Senzige Zackarie we ahindura indirimbo zo mu
gitabo cy’agakiza azivana mu rurimi rw’igiswahili azishyira mu
Kinyarwanda.

 

 

Pastor Senzige Zackarie wahinduye indirimbo z’agakiza mu kinyarwanda

10.Abaririmbyi ba Bethaniya batunguwew n’ibihembo bagenewe na Isange
Corporation nyuma y’aho bari bamaze gutsinda amarushanwa yaberega kuri
www’isange.com yari yahuje amakorali 12 yo muri ADEPR aho abakunzi bayo
bayatoraga.Iyi Korali rero yaje ku mwanya wa mbere maze igenerwa
igihembo cy’uko ari korali ikunzwe n’abantu benshi ku murongo wa
internet ,ihembwa kandi gukorerwa indirimbo imwe ya audio muri East
Africano Sound ya Aaaron Niyitunga,ndetse inahabwa Special Promotion
kuri www.isange.com aho izamara igihe kingana n’ibyumweru bibiri iri kuri background y’uru rubuga.

 

Peter NC Isange.com

Nyuma y’amezi agera ku 10 yose atabasha
kwiyereka abakunzi be ngo abasusurutse binyuze mu bitaramo yari
yarabamenyereje,umuhanzi Dominic Nic noneho yashyize kuri iyi tariki ya
20/11/2011 itazigera yibagirana mu mateka ye y’ubuhanzi,akora igitaramo
gikomeye ku itorero rye rya ADEPR Paroisse ya Nyarugenge,hakaba hari ku
isaha ya saa 14h30 nk’uko byari byatangajwe kikaza gusozwa ku isaha ya
saa mbili z’ijoro.

 

 

Abantu bari bakubise buzuye no hejuru mbere y’uko igitramo gitangira!

 

Nk’uko bisanzwe iteka,iki gitaramo
yagifashijwemo n’abahanzi bo mu itorero rya ADEPR gusa aribo Alexis
Dusabe,Benoit ndetse na Simon Kabera n’ubwo rwose nyuma byaje guhinduka
akisanga n’abandi bahanzi barimo AIme Uwimana ndetse na Justin Cubaka
bamuririmbiye atari abyiteze ahanini kubera amahame y’iri torero.Nyuma
yo gutungurwa n’imbaga y’abantu basaga 3,000 yiganjemo urubyiruko ndetse
n’abantu bakuze ndetse yemwe n’abana bato cyane dore ko buri wese yari
YEMEREWE KWINJIRA aka ya ndirimbo ye ,umuhanzi Dominic Nic rero akaba
yaje gusohorerwaho n’inzozi yari amaranye igihe!

 

 

Abandi bari buriye hejuru muri Etage....

 

Hari abakozi b’Imana barimo Ev.Edson
uyobora uyu mudugudu wa Nyarugenge,Ev.Determine,Pastor Jules Kazura
Bagaramba ndetse n’abandi.Nyuma y’umuhanzi Benoit waje mu njyana ya
Zoulu yashimishije benshi,haje gukurikiraho umuhanzi Alexis Dusabe
waririmbye indirimbo 3 mu buryo bwa Live dore ko atari ibintu
ashakisha,maze abakunzi be si ukumwishimira karahava.Amaze kuririmba
akaba yashimiye Imana kubw’iki gikorwa maze agita ati"Ubu mundeba uku
nari narapfuye kandi nkorera Imana ariko ubu ndi muzima!Yakomeje avuga
ko kuri we abona ko adata umwanya na gato mu gihe cyose akorera Imana
by’ukuri kandi ko yizeye kuzabibonera ingororano"

 

 

Abantu bavuye mu yandi matorero bari bahari kandi bafashijwe...

 

Kuba uyu muhanzi Dominic Nic ndetse na
Alexis Dusabe barakoreye ibitaramo bikomeye mu rusengero rwabo,byerekana
agaciro baha itorero ndetse n’uburyo ki bagaragaza ko ari abana
b’itorero koko!Iri rikaba rikwiriye kubera isomo rikomeye abahanzi
benshi ndetse n’itorero rya ADEPR aba bahanzi basengeramo kuko bakeneye
ko ribashyigikira mu buryo bwose.

 

Umuhanzi Dominic Nic yaje kwinjira kuri
stage,maze aririmba indirimbo 5 zakoze ku mitima ya benshi maze abakunzi
be bamwereka ko burya nubwo rwose yari amaze igihe atabiyereka ,nabo
bari bamunyotewe bitavugwa!Amaze kuririmba indirimbo ze zikunzwe zirimo
iyitwa "NEMEREWE KWINJIRA" abantu bagaragaje umunezero mwinshi.Uyu
musore yaje no kuvuga umuvugo ukubiyemo ugushima Imana kubyo yamukoreye
dore ko yari nayo nsanganyamatsiko y’iki gitaramo kidasanzwe.

 

 

Umuhanzi Dominic Nic ubwo yariirmbanaga na Aime Uwimana

 

Amaze kuririmba hagiyeho ijambo ry’Imana
ryatanzwe na Pastor Jules Kazura Bagaramba uyu akabaanashinzwe
ivugabutumwa mu mashuli ndetse no mu bindi bigo binyuranyemuri iri
torero,akaba yigishije ku magambo aboneka muri 2Abakorinto 19:22 ; Luka
17:11-19 ;Yohana 6:20-26.Aha akaba yigishije avuga ko hari abantu
bashimisha Imana umunwa ariko ibikorwa byabo bigasenya ibyo baba babwira
Imana.Yavuze kandi ko hari abakurikiye Yesu kubw’uko bamwumvanye
abandi,maze ahamagarira abameze batyo gukora uko bashoboye bakamenya
Yesu wa nyawe uwo ari we.Yavuze kandi ko ashimiye Dominic Nic ko
yamutekerejeho nk’umwigisha w’Ijambo ry’Imana kuko ngo bahuje ubuhamya
dore ko nawe yabaye imfubyi kera nka Dominic Nic ubwo yari amaze
gutakaza i Se umubyara maze agahura n’ibizazane by’ubuzima bubi,ariko
nyuma yo gukizwa Imana ikaba yaramugejeje aho atatekerezaga.

 

 

Simon Kabera ubwo yari amaze kuririmba
yashimiye Dominic Nic ndetse anerekana umufasha we ati"Uyu ni Depute mu
nteko ya Simon....!"

Nyuma y’Ijambo ry’Imana umuhanzi Captain
Simon Kabera yahawe umwanya nawe anyuzaho indirimbo 3 maze si
ugushimisha abantu karahava!Nyuma yo kurrimba imwe mu ndirimbo ye yitwa
"INANGA" yavuze ko ashimye Imana kubwa Dominic Nic kuko ngo amufata
nk’umwana we dore ko Simon yatumirwaga kuririmba muri uru rusengero mu
myaka ya za 1998,aha akaba yavuze ko nta mashuli yari afite ariko kugeza
uyu munsi akaba afite Diplome ya Kaminuza mu bijyanye n’amategeko
ndetse akaba anafite umufasah n’umwana umwe!

Nyuma y’ibi byose hahamagawe umuyobozi
wa Isange Corporation maze ahabwa ijambo,avuga impamvu
yabazanye.Yasobanuye ko bashimishijwe n’aho umuhanzi Dominic Nic amaze
kugera kuko ngo bamuze mu ntangiriro za 2009 afite indirimbo imwe gusa
ubwo yari avuye i wabo ku Gisenyi,ariko kugeza ubu akaba ahagaze imbere
y’ibihumbi afite album Video ikunzwe na benshi.Yakomeje avuga ko bakunda
uburyo uyu musore akora cyane ndetse akagira gahunda mu buhanzi bwe
kandi bakaba bishimira kuba yahaye agaciro itorero rye akaba yahisemo
gukorera igitaramo cye mu rusengero abarizwamo,ibi akaba yabishimiwe
cyane imbere y’abayobozi b’itorero rye bari aho.Uyu muyobozi yakomeje
avuga ko Dominic Nic yazaniwe igihembo cy’uko ari we muhanzi ukunzwe
cyane kuri Isange.com aho yaje ku mwanya wa mbere ubwo hatorwaga
umuhanzi waba ufite abakunzi benshi binyuze kuri uyu
murongo.Yashyikirijwe iki gihembo ku mugaragaro maze abakunzi be
bafatanya nawe gushima Imana kubw’iki gihembo kije kiyongera kubyo amaze
kwegukana hano mu Rwanda ndetse no muri aka karere.

 

Ubwo Dominic Nic yavugaga umuvugo usekeje!

Dominic Nic yashimiye abantu bagiye
bamufasha mu buhanzi bwe barimo Maman we,abavandimwe be ,Uwimana
Aime,Alexis Dusabe,Justin Cubaka,Abanyamakuru ,Itorero rye ndetse
n’abandi.Yasoje indirimbo ze aririmbana n’aba bahanzi bose ndetse
n’itsinda ry’abasore bafite amajwi atyaye barimo Alexis Dusabe,Vincent
ndetse na Josue Shimwa,aha bakaba batangaje abantu bari aho bitewe
n’amajwi aryoheye amatwi basohoraga.

Kubera umubare munini w’abitabiriye iki
gitaramo bari baturutse mu yandi matorero,abantu benshi by’umwihariko
abasengera muri iti torero rya ADEPR bakoje kwibaza impamvu ADEPR
itareba kure ngo ifate aba bahanzi bayo baririmbye muri iki gitaramo
ndetse n’abandi bakunzwe ngo ibashyire hamwe maze ibashoremo akayabo
k’amafranga bityo bakomeze gukora ibitaramo byinshi mu nsengero zayo
kuko byagaragaye ko bafite abakunzi benshi hirya no hino muri aya
matorero cyane ko muri iki gitaramo hagaragaye umubare munini
w’abakristo bagiye bava muri ADEPR.Hakomeje kwifuzwa ko ADEPR yabyaza
umusaruro aba bakozi b’Imana badasanzwe kuko byatuma ibona uburyo bwo
kubwiriza abantu itajya ibona barimo n’abayicitse kubera impamvu
zitandukanye!

UDUSHYA 20 TWAGARAGAYE MURI IKI GITARAMO"

 1.Isinzi ry’abahanzi ba Gospel bari baje
kwifatanya na Dominic Nic ryatangaje benshi.Ibi byagaragaje ko uyu
muhanzi azi kubana nabo.Hagaragaye kandi umuhanzi Mani Martin.

 

Umuhanzi Mani MArtin (Hagati)

2.Iki gikorwa cyahawe agaciro n’iri torero mu buryo bugaragara kuko abayobozi b’uyu mudugudu wa Nyarugenge bari aho.

3.Habayeho igikorwa cyo kuramya iminota 30 yose!Ibi ntibyari bimenyerewe muri ADEPR.

4.Abantu b’ingeri zose bari bitabiriye
iki gitaramo.Abasengera muri ADEPR ndetse n’abatahasengera.Wabonaga
bafashijwe hatitawe ku matorero yavuyemo.

5.Byari bimenyerewe ko mu gihe Umuhanzi
Dominic Nic ategura ibitaramo bye agerageza kwitwararika ku myenda aba
yambaye mu rwego rwo kujyanisha n’amabara aba ari mu mitako!Muri iki
gitaramo byagaragaye ko atigeze abikora!

6.Kuba nta Camera Video yagaragaye muri
iki gitaramo byagaragaje ko hari ikintu gikomeye gicitse uyu muhanzi
kuko iki gitaramo cyari ku rwego rushimishije ugereranije n’ibyo yagiye
akora.

7.Uyu musore yaranzwe no guca bugufi
kudasanzwe nk’umuhanzi wari wakoze igitaramo nk’iki.Ubundi usanga
umuhanzi ufite igitaramo gikomeye adakunda kwigaragaza mu gihe
atararirimbe ndetse yewe na nyuma yo kuririmba.Uyu musore rero wasangaga
yiberaye mu bandi bantu ndetse aniyicariye inyuma ahantu hatagaragara
ku buryo hari bamwe mu bakunzi be babazanyaga bati"ESE DOMINIC NIC TWAJE
KUREBA ARI HE?"

8.Ubwo yakiraga abashyitsi,Ev.Edison
yibukije abacuranzi ko bakwiriye kuba ku byuma nyuma y’aho bari
barangaye.Yasabye abantu bose gucunga ibyo bazanye muri iyi nzu y’Imana
ngo kuko hari bandi bavandimwe batagenzwa na kamwe bari binyegejwe muri
iri teraniro!Yarangiye kandi abashyitsi aho ubwiherero buri!!

9.Kuba hari abakristo bo mu yandi
matorero bagera kuri 1/3 cy’abari bitabiriye iki gitaramo,byatumye hari
imico itamenyerewe mu itorero rya ADEPR yigaragaza cyane cyane nyuma yo
kuririmba kw’abahanzi batandukanye.Urusaku rudasanzwe muri iri torero
ndetse n’umusaza wahagurukaga buri kanya atera za Haleluya za Hato na
Hato zasetsaga abari aho!

10.Umuhanzi Aime Uwimana yaririmbye
bitari kuri gahunda.Ibi byabayeho nyuma yo kubwirwa na Ev.Edson ko nubwo
adasengera muri iri torero baziko akijijwe kandi ko bamukunda.Nyuma
yaho gato abakunzi be baje gutera hejuru cyane basaba ko yahabwa
indirimbo,maze umuhanzi Alexis Dusabe amusaba ko yaza kuririmba
indirimbo igira iti"NINJIYE AHERA CYANE"

11.Umufasha wa Alexis Dusabe Carine
yasusurukije abari aho mu ijwi ryatunguye benshi ubwo yagiraga
ati"UWITEKA NIWE MWUNGERI WANJYE"aha akaba yafatanije na Alexis muri iyi
ndirimboBayirangije Alexis Dusabe yamubwiye ati"NDAGUKUNDA"

12.Amajwi yatambukaga neza ndetse n’ibyuma ku buryo nta kigeze kibangamira ikindi

13.Hari abanda benshi bari bicaye imbere
ndetse bananyanyagiye mu bantu ku buryo haje gutangwa itangaza ko hari
umubyeyi wabuze abana be babiri!

14.Ubwo yaririmbaga indirimbo ye
"NEMEREWE KWINJIRA"abakunzi b’umuhanzi Dominic Nic bari hejuru muri
Etage babyinnye kugeza ubwo banyeganyeje igisenge cyari kimanitseho
indangururamajwi maze abashinzwe protocole basaba ko iyi ndirimbo
yasozwa huti huti kuko kubabuza byari byananiranye!Nyuma baje guhabwa
gasopo n’uwari ayoboye iki gitaramo.

 15.Kuba Dominic Nic yagurishije DVD ye
Original kuri 2000Frw byatangaje benshi mu bari aho kuko bundi basanzwe
bazi ko iyo umuntu aguze iy’impimbano(Piratage) ayigura kuri 15000Frw!

16.Mu gihe yari agiye
kuririmba,hanyujijweho Documentaire ivuga birambuye ku buzima bwe
bw’ubuhanzi kuva mu bwana bwe,mu mabyiruka ye,kugeza ubu.

17.Dominic Nic yasabye abakuru b’itorero
ko bamusengera kugera ngo ubuhanzi bwe bukomerere ku Mana!Yabyemerewe
ndetse anasengerwa n’abantu bose bari aho maze bashinganisha impano ye
ku Mana!

18.Mu muvugo we yavuze shima
Imana,yasekeje abantu cyane ubwo yafataga amagambo amwe n’amwe
y’igifransa,icyongereza ndetse n’igiswahili akayavuga nk’uwivugira i
Kinyarwanda!

 

19.Umuhanzi Alexis Dusabe,Simon
Kabera,Aime Uwimana ndetse na Dominic Nic batangaje ko mu munsi mike
bagiye gukora ikintu kidasanzwe,ariko birinze kugira icyo bagitangaza
ho!

20.Abadiyakoni(Protocole) bari bahuye
n’akazi kataboroheye kubera umuvundo wari mu rusengero ndetse no hanze
yarwo kuko n’umushyitsi w’Imena wahageraga bitari byoroshye ko bamenya
ko yaje cyangwa se ngo anabone ago aseserera.

Andi mafoto murayasanga ahabanza,hasi ahagenewe amafoto

 Photo:Kwizera Emmanuel

Peter NC / isange.com

Mu gihe hari hashize igihe kinini Chorale Salemu itavuga ubutumwa mu
mugi wa Kigali, Chorale Salemu yiteguye gutaramira abakristo bo
mw’Itorero rya Kacyiru umudugudu wa Kabagari mu mugi wa Kigali. Nyuma
y’aho Chorale Salemu na Chorale Gahogo yo mw’Itorero rya Gahogo,
Ururembo rwa Gitarama basusurukije abakristo bo mw’Itorero rya Gatsata
umudugudu wa Gatsata bakunze kwita i Galilaya, hari hari igiterane cyari
cyateguwe n’abanyamasengesho b’icyumba cyo kuwa Gatanu cyo kuri uwo
mudugudu(Gatsata).

Icyo giterane kikaba cyari gishyushye cyane kuburyo abari bakirimwo
batifuzaga gutaha, cyari kirimwo imbaraga nyinshi z’umwuka wera, kuburyo
bwije abari bari muri icyo giterane bagatungurwa no kumva babasezerera,
kubera ibihe byiza byari bihari ntibamenye uko bwije.

Ni muri urwo rwego Chorale Salemu yiteguye gutaramira abo mu Kabagari
kakahava.Chorale Salemu ikaba izwiho cyane gukora umuziki wa Live,
indirimbo za Playback ikaba itazikunda.Abanya Kigali byumwihariko abanya
Kacyiru muhawe ikaze kuri iki cyumweru taliki ya 27.11.2011, kuva
mugitondo kugeza nimugoroba, muzaze mufatanye n’abanyakabagari hamwe na
Chorale Salemu gushima Imana.

Président wa Chorale Salemu

NTAMBARA Etienne

Tel: 0788359509

source: isange.com

Nyuma y’uko hagaragaye ibitaramo, amasengesho, ndetse n’ibiterane bitandukanye bigamije gufasha abantu babarizwa mu matorero atandukanye kurangiza umwaka wa 2011 bahimbaza Imana, hateguwe igikorwa gihuza abahanzi bose ba Gospel kiswe ”ALL ARTISTS GOSPEL CONCERT” kugira ngo nabo barangize Umwaka bahimbaza Imana. Ibi kandi byateguwe mu rwego rwo kuzamura Gospel Music hano mu Rwanda kugira ngo abayikora bahambwe agaciro nk’abandi bahanzi, dore ko usanga umuhanzi wa Gospel ataragera ku rwego rwo gutungwa n’ubuhanzi bwe ndetse hakaba hari na bamwe batekereza kubireka bakajya kuririmba indirimbo zisanzwe (Secular music), kugeza ubu hakaba hakiri umubare munini w’abahanzi bahagarika kuririmba indirimbo z’Imana, bakajya kuririmba indirimbo zisanzwe.

Twegereye NTIGURIRWA Peter Claver, umwe mubantu bazwi cyane hano mu Rwanda mu bantu bagira uruhare mu kuzamuka kwa Gospel Music dore ko ari n’umuyobozi wa Isange Corporation, akaba ari n’umwe mu bari gutegura iki gikorwa, atumbwira ko “ALL ARTISTS GOSPEL CONCERT” ari igikorwa cyateguwe ku bufatanye n’abantu batandukanye bafasha abahanzi ba Gospel, harimo abanyamakuru, amacompagnies ya Gospel, ndetse n’abahanzi ubwabo kugira ngo nabo batange umusanzu wabo mu kuzamura ubwami bw’Imana. NTIGURIRWA Peter yatumbwiye ko amatariki yarangije kwemezwa ndetse n’aho izabera akaba ari muri Petit Stade kuwa 25 Ukuboza, 2011.

Ku mpungenge z’uko abahanzi ba Gospel ari benshi bose bakaba batabona umwanya wo kuririmba, yatumbwiye ko aho nta mpungenge zirimo kuko hazaririmba abahanzi cumi na babiri (12), n’amakorali abiri (2) abandi bakaba abanyacyubahiro muri iki gikorwa, yongeraho ko ari igikorwa ngarukamwaka kigomba gushyigikirwa na buri muhanzi wese, kuko umuhanzi utazaririmba kuri uyu munsi ashobora kuzaririmba ubutaha dore ko bwo hazanatangwamo ibihembo bitandukanye (Award), gusa hakaba hakirimo imbogamizi z’ubushobozi bucye ku bari kubitegura, ariko yizeza abantu ko iki gikorwa cyo kizaba nta kabuza. Twamubajije kandi icyo bizasaba kugira ngo umuntu abashe kwinjira, atumbwira ko kuri ubu abantu bamaze kumenyera umuco wo gufasha abahanzi ba Gospel, maze atumbwira ko kwinjira azaba ari amafranga 3,000 mu myanya y’icyubahiro ndetse n’amafranga 1,000 ahasigaye hose.

Twabibutsa ko bamwe mu bari gutegura iki gikorwa harimo Umuyobozi mukuru wa Moriah Entertainment, Umuyobozi Mukuru wa Isange Corporation, Umuhanzi Dominic Nic, KWIZERA AYABBA Paulin uzwi cyane mu bantu bafasha abahanzi ba Gospel nk’umunyamakuru n’abandi batandukanye

isange.com

Mu rugamba rukaze rwo kuvuga ubutumwa bwiza bwa Yesu Kristo ifite haba mu gihugu i mbere ndetse no hanze yacyo, ibi bikaba bigaragarira mu ngendo imaze kugirira hirya no hino mu gihugu, aho benshi bishimiye ubutumwa bwiza ifite, ubu noneho Jehovah Jireh Choir irataramira mu mujyi wa Kigali ,mu Nyakabanda-Kimisagara ya kabiri (2) tariki 27/11/2011

Jehovah Jireh Choir rero ikaba itangaza ko ifitiye abakunzi bayo amakuru mashya arebana na Album ya 2 irimo gukora ndetse indirimbo ziriho zikaba zimaze gukundwa na benshi aha twavuga nka: Icyo gusa, Mfite ijambo, Eliya, n’izindi… Jehovah Jireh Choir ikomeza itangaza kandi ko ubu yamaze kwagura imbibi zayo z’ivugabutumwa mu ndirimbo, aho ubu iteganya kuzashyira kuri iyi album ya 2 indirimbo z’icyongereza ndetse na Swahili niba nta gihindutse nkuko babiteganya. Ikaba rero ihamagarira abakunzi bayo kwitabira icyi gitaramo cy’indirimbo z’Imana harimo n’izi nshyashya ibahishiye kuri album ya 2. Ngo rero ikazaba yasesekaye Kimisagara ya 2 guhera mu gitondo saa mbiri (08h:00am) hanyuma saa munani (02h:00pm) hagatangira Concert live ubwo izaba iri kumwe n’umuvugabutumwa MUNEZERO uzaba aturutse ku Gisenyi. Ngo kuza kwanyu ni inkunga ikomeye k’umurimo w’Imana.

Vital R.

Nyuma y’aho ashyiriye ahagaragara Album Audio yise "Ikime cy’igitondo", Patient Bizimana amaze igihe kitari gito ategura Album DVD ya mbere igizwe n’amashusho. DVD yayise "Iyo ineza" ikaba igaragaza amashusho asa neza mu buryo bunogeye ijisho. Uyu musore wibera mu ntara y’i Burengerazuba ho mu karere ka Rubavu akaba abarizwa mu itorero rya Restoration Church akaba kandi ayobora ibigendanye no kuramya muri uru rusengero cyane ko n’inganzo ye usanga yibanda ku kuryamya Imana, akaba azayishyira ku mugararagaro ku cyumweru tariki ya 11/12/2011 mu itorero asengeramo rya Evangelical Restoration Church guhera ku isaha ya saa munani kugeza i saa moya z’ijoro.

Uretse indirimbo nshya yise "Iyo ineza", Remix y’indirimbo « Andyohera cyane »harimo nizindi ndirimbo yakoranye n’abahanzi batandukanye barimo Nelson Mucyo, Gaby, Aime Uwimana.

Ubwo twaganiraga na Patient yadutangarije ko nta mbogamizi z’umubare munini afite ku bijyanye no kubakira dore ko mu gitaramo cye giheruka yahuye n’iki kibazo, ngo hari ingamba zikaze zafashwe zo kuzahangana n’ubwinshi bw’abantu bazaba baje kumureba dore ko kwinjira muri iki gitaramo cye biza ari ubuntu, mu gihe hazaba hari abahanzi bakunzwe cyane barimo nka Captain Simon Kabera, Alexis Dusabe, Gaby Kamanzi, The Blessed Sisters.

Patrick Kanyamibwa.

Gospel Promoters ni itsinda
ry’abantu bishyize hamwe basanzwe bagira uruhare mu kuzamura umuziki
waririmbiwe Imana mu Rwanda, ikaba irimo gutegura igitaramo ngarukamwaka
kizajya gihuza abahanzi bose ba Gospel mu Rwanda, kikaba kizaba kuri
Noheli tariki ya 25 Ukuboza 2011 i Remera kuri Petit Stade guhera i saa
kumi kugeza i saa yine z’ijoro.

Mu kiganiro yagiranye na Gospel Time Show cyo kuri Radio Isango Star
umwe mu bari gutegura iki gitaramo, Eric Mashirano yatangaje ko
imyiteguro igeze kure, kuko ubu ibyuma, ndetse n’aho igitaramo kizabera
hamaze kuboneka, ndetse n’abahanzi bose bakaba biteguye kuzacyitabira
nk’uko bamwe mubo babashije kuganira babyemeza.

Mashirano ubusanzwe uyobora Moriah Entertainment yakomeje atangaza
ko Gospel Promoters ihamagarira abahanzi bose baririmba indirimbo
zihimbaza Imana kugira uruhare muri iki gikorwa kuko ari icyabo,
abatazaririmba bakumva ko bose bataririmba ngo bikunde, ko icy’ingenzi
ari ugushyigikirana akaba kandi ahamagarira abayobozi b’amatorero
kubafasha muri iki gikorwa kitoroshye batangije cyo guhuriza hamwe
abahanzi kugira ngo batere imbere, abasaba kandi gusobanurira abakristu
bayobora ko hakenewe umusanzu wabo mu buryo bwose by’umwihariko
banabashishikariza kuzitabira iki gitaramo.

Bamwe mu bahanzi bazaba bari mu gitaramo

Gospel Promoters Group igizwe na Moriah Entertainment Group, Isange
Corporation, Mercy Promo Entertainment, abahanzi, Abanyamakuru
batandukanye barimo Steven Karasira (Umucyo radio) n’abandi.

Ngo kwinjira muri iki gitaramo ni ugutanga inkunga y’amafranga y’u
Rwanda 3,000 naho mu myanya y’icyubahiro ni amafaranga 1000 ahasigaye
n’amafaranga 500 ku bana bato bazanahabwa impano na Pere Noel, naho icyo
kurya n’icyo kunywa ku babyifuza nabo bazakibona aho hafi dore ko azaba
ari kuri Noheli.

Bamwe mu bahanzi bazagaragara baririmba muri iyi concert harimo Gabi
Kamanzi, Dominic Nic, Jimmy Muriho, Bright uzwi cyane muri Holly Hip
Hop, itsinda rya Beauty for Ashes n’abandi batandukanye

KWIZERA Ayabba Paulin

Kuri uyu wa gatanu taliki 9 Ukuboza 2011, nimugoroba guhera saa mbili z’umugoroba, abaririmbyi ba Korali Elayo, imwe mu zigize amakorali y’Ihuriro ry’abanyeshuli b’Abapantekote biga muri Kaminuza y’u Rwanda (CEP-UNR), yasusurukije abantu.

Nyuma y’iminsi yitegura concert, Korali Elayo yateguriye abakunzi bayo indirimbo nziza cyane. Muri zo harimo iziri kuri alubumu yayo ya … yitwa Akira Amashimwe.

Aha Korali Elayo iri mu masengesho muri Arboretum ya Kaminuza ahitwa mu bwa CEP.

 

Korali Elayo yatangiye umurimo muri 2001 ari makumyabiri ari Korare ya Nibature ariko ubu ngubu bageze ku baririmbyi 150 Mu bitabiriye igitaramo harimo abaririmbyi ba Korali Elayo barangije amasomo yabo, abanyamuryango ba CEP-UNR, n’abanyeshuli batandukanye ba Kaminuza y’u Rwanda.

Ev. Bernard Habimana uturuka muri ADEPR Gikondo yabwirije ubutumwa bwiza, nk’uko byari biteguwe nk’intego y’icyumweru ya CEP-UNR, buboneka muri Matayo 11:29 “Mwemere kuba abagaragu banjye munyigireho, kuko ndi umugwaneza kandi noroheje mu mutima, namwe muzabona uburuhukiro mu mitima yanyu.”

Abari aho bose bakiriye ubutumwa bwiza maze batanu (5) muri bo bakira Yesu nk’Umwami n’umukiza wabo.

Korali Elayo yakomeje isusutsa abantu, dore ko n’akavura kari kaguye, ariko abari bateraniye aho ntibigeze barambirwa kuko bagejeje nyuma saa sita z’ijoro bacyumva ubutumwa mu ndirimbo.

 

Korali Elayo irategura gusohora album yabo y’amashusho (Audio-visuel). Imyiteguro irakomeje.

 

Turababarikira gukurikirana ibikorwa byacu kuri www.facebook.com

Imana ibahe umugisha.

Simeon Ngezahayo /agakiza.org

 

 

 

 

 

 

 

 

 

 

 

 

 

 

 

Umucuranzi wa guitare Solo akaba n’umuhanzi Nkurunziza Emmanuel uzwi
ku izina frere Manu,yateguye igitaramo cyo gushima no kwagura ubwami
bw’Imana cyitwa "Nyimbo za Wokovu" izi zikaba ari indirimbo ziboneka mu
gitabo cy’indirimbo z’agakiza mu rurimi rw’igiswahili.Yatangarije
isange.com ko iyi album yayikoze kubw’impamvu z’uko ari indirimbo
abantu benshi bakunda kandi babuze,akaba kandi arimo kuzikorera
amashusho ,akazazishyira hanze nazo mu gihe cya vuba.

 

Iki gitaramo ngo kizaba kuri iki cyumweru tariki ya 18/12/2011 kikaba
kizabera kuri ADEPR Rubavu mu mujyi ngo kikaba kizahuza abantu benshi
kuko yatumiye abashumba b’amatorero atandukanye,inshuti hirya no hino
ndetse harimo nabo mugihugu cya Congo Kinshasa.

 

Kuri ubu amaze iminsi mu myiteguro ihambaye ngo kuko yifuza
kuzakora ibintu byiza kuri uwo munsi. Uyu ni yumuhanzi abantu bifuza
kubona ariko bakamubura kuko akigengwa n’amategeko ya korari aririmbamo
ndetse akaba ari n’umunyamakuru ,bityo kuboneka bikaba bitamworohera.

 

Azafatanya kandi na chorale Bethlehem ndetse na Dominic Nic n’abandi bahanzi banyuranye.

 

 

 

Kwizera Emmanuel/isange.com

Gospel Promoters ni itsinda ry’abantu
bishyize hamwe basanzwe bagira uruhare mu kuzamura umuziki waririmbiwe
Imana mu Rwanda, ikaba irimo gutegura igitaramo ngarukamwaka kizajya
gihuza abahanzi bose ba Gospel mu Rwanda, kikaba kizaba kuri Noel
tariki ya 25/12/2011 i Remera kuri PETIT STADE guhera i saa kumi kugeza i
saa ine z’ijoro.

Nk’uko twabitangarijwe n’umwe mu bari
gutegura iki gitaramo, Bwana Eric MASHIRANO ngo imyiteguro igeze kure,
kuko ubu ibyuma ndetse n’aho igitaramo kizabera hamaze kuboneka, ndetse
n’abahanzi bose bakaba biteguye kuzakitabira nkuko bamwe mubo babashije
kuganira babyemeza.

 

Bwana Eric MASHIRANO ubusanzwe uyobora
Moriah Entertainment yakomeje atangaza ko Gospel Promoters
ihamagarira abahanzi bose baririmba indirimbo zihimbaza Imana kugira
uruhare muri iki gikorwa kuko ari icyabo, abatazaririmba bakumva ko bose
bataririmba ngo bikunde, ko ikingenzi ari ugushyigikirana akaba kandi
ahamagarira abayobozi b’amatorero kubafasha muri iki gikorwa kitoroshye
batangije cyo guhuriza hamwe bahanzi ndetse n’amakorali kugira ngo
babatere imbere, babafasha mu gusobanurira abakristo babo ko hakenewe
umusanzu wabo mu buryo bwose by’umwihariko banabashishikariza kuzitabira
iki gitaramo.

 

 

 Twabamenyesha ko Gospel Promoters Group
igizwe na Moriah Entertainment Group, Isange Corporation, Mercy Promo
Entertainment, abahanzi, abanyamakuru batandukanye barimo Kwizera Ayaba
Paulin (Isango Star), Steven Karasira (Umucyo radio) n’abandi.

Twashatse kumenya icyo bizasaba ngo
umuntu yemererwe kwinjira atangaza ko winjira muri iki gitaramo ari
ugutanga inkunga y’amafranga 3,000Frw/VIP, 1000Frw ahasigaye, na 500Frw
ku bana bato bazanahabwa impano na Pere Noel, naho icyo kurya n’icyo
kunywa ku babyifuza nabo bazakibona aho hafi dore ko azaba ari kuri
Noeli.

Bamwe mu bahanzi bazagaragara baririmba
muri iyi concert harimo Gabi Kamanzi, Dominic Nic, Jimmy Muriho, Bright
uzwi cyane muri Holly Hip Hop, itsinda rya Beauty for Ashes, n’abandi
batandukanye.

Karasira Steven/isange.com

Nyuma yuko umuhanzikazi ubarizwa mu gihugu cy’ubwongereza ariwe Jackie Mugabo aje murwamubyaye kwifatanya n’abandi banyarwanda mu gikorwa cyiswe Bye Bye Nyakatsi; benshi mu banyarwanda bakaba batazibagirwa Concert yakoreye muri Serena hotel Kigali ku wa 29/10/2010 cyane cyane ko iyo Concert yitabiriwe n’abahanzi bibyamamare mu njyana zihimbaza Imana bahano mu Rwanda, agarutse mu Rwanda mu mpera z’uku kwezi kwa cumi na kabiri kwizihiza iminsi mikuru hamwe n’abanyarwanda.

Mu bikorwa ateganya gukorera mu Rwanda harimo kuzitabira Concert irimo gutegurwa na Bwana Nsengimana Elysée umuyobozi mukuru w’Isaro Studio Ltd izaba irimo abaririmbyi nka Uwiringiyimana Théo, Patient Bizimana, Bangamwabo Pascal, Blessed Sisters n’abandi bahanzi baririmba indirimbo z’Imana.

Nkuko yabidutangarije kuri téléphone, Jackie Mugabo yatubwiyeko ko nyuma yiyo Concert ateganya no gusura abamugaye babarizwa mu kigo cya Gatagara mu rwego rwo kwifatanya nabo mu gikorwa bise “Fasha Gatagara” nkuko asanzwe arangwa n’umutima w’impuhwe.

Nyuma yaho azagaragara muri Film ya Gikirisitu yitwa “Ibanga ry’ubuzima” nkimwe munararibonye mubijyanye na Cinema cyane ko n’ubusanzwe aribyo arimo kurangiza kwiga hariya mu gihugu cy’Ubwongereza, iyo Film ikaba izakinirwa hano mu Rwanda ndetse no mu gihugu cy’abaturanyi cya Tanzaniya, iyo Concert ikazaba ku cyumweru taliki ya 8/01/2012 imyiteguro yayo ikaba igeze kure aho abayitegura bari no kureba aho yabera heza kandi horoheye abantu benshi n’uburyo abantu bazinjira bitabagoye.

 Patrick Kanyamibwa.

Gospel Promoters ni itsinda ry’abantu
bishyize hamwe basanzwe bagira uruhare mu kuzamura umuziki waririmbiwe
Imana mu Rwanda, ikaba irimo gutegura igitaramo ngarukamwaka kizajya
gihuza abahanzi bose ba Gospel mu Rwanda, kikaba kizaba kuri Noel
tariki ya 25/12/2011 i Remera kuri PETIT STADE guhera i saa kumi kugeza i
saa ine z’ijoro.

Nk’uko twabitangarijwe n’umwe mu
bari gutegura iki gitaramo, Bwana Kwizera Ayabba Paulin ngo imyiteguro
igeze kure, kuko ubu ibyuma ndetse n’aho igitaramo kizabera hamaze
kuboneka, ndetse n’abahanzi bose bakaba biteguye kuzakitabira nkuko
bamwe mubo babashije kuganira babyemeza.

Yakomeje
atangaza ko Gospel Promoters ihamagarira abahanzi bose baririmba
indirimbo zihimbaza Imana kugira uruhare muri iki gikorwa kuko ari
icyabo, abatazaririmba bakumva ko bose bataririmba ngo bikunde, ko
ikingenzi ari ugushyigikirana akaba kandi ahamagarira abayobozi
b’amatorero kubafasha muri iki gikorwa kitoroshye batangije cyo guhuriza
hamwe bahanzi ndetse n’amakorali kugira ngo babatere imbere, babafasha
mu gusobanurira abakristo babo ko hakenewe umusanzu wabo mu buryo bwose
by’umwihariko banabashishikariza kuzitabira iki gitaramo.

 

 

Aba nibo bahanzi bazaririmba.

Twabamenyesha ko Gospel Promoters Group
igizwe na Moriah Entertainment Group, Isange Corporation, Mercy Promo
Entertainment, abahanzi, abanyamakuru batandukanye barimo Kwizera Ayaba
Paulin (Isango Star), Steven Karasira (Umucyo radio) n’abandi.

Twashatse
kumenya icyo bizasaba ngo umuntu yemererwe kwinjira atangaza ko
winjira muri iki gitaramo ari ugutanga inkunga y’amafranga 3,000Frw/VIP,
1000Frw ahasigaye, na 500Frw ku bana bato bazanahabwa impano na Pere
Noel, naho icyo kurya n’icyo kunywa ku babyifuza nabo bazakibona aho
hafi dore ko azaba ari kuri Noeli.

UKENEYE KUBONA TICKET YO KWINJIRA MU GITARAMO WAKANDA MURI IYI FOTO IRI HASI UKUZUZA IBISABWA TUKAYIKUGEZAHO

 

 

http://www.isange.com/index.php?opt...

Peter NC/ isange.com

Ribinyujije mucyo ryise "HIS GROLY
PRODUCTION" itorero Zion Temple Celebration Center ryateguye igitaramo
cyo ku rwego rwo hejuru gihuje abakozi b’Imana batandukanye bazaba
barimo umushyitsi w’imena uzwi ku izina rya Alain Moloto uzaba aturutse
muri Repubulika iharanira Demokarasi ya Kongo uyu akaba yarabaye
ikirangirire binyuze mu itsinda abereye umuyobozi rizwi ku izina rya
GAEL aba bakaba baramenyekaniye cyane mu ndirimbo yabo yitwa "Scihlo".

Nk’uko isange.com yabitangarijwe na
Bwana Eric Mashukano uyu akaba ari umwe mu bashinzwe iki gikorwa ,ngo
uyu mushyitsi byari biteganijwe ko asesekara i Kigali kuwa kabiri tariki
ya 20/12/2011 ariko ngo bikaba bitamushobokeye kubera irahira
ry’umukuru w’igihugu cya Congo Kinshasa Joseph Kabila.Ngo biteganijwe
rero ko hatagize igihinduka yagera i Kigali bitarenze ejo kuwa kane
tariki ya 22/12/2011 azanye n’abaririmbyi babiri cyangwa se batatu.

Bwana Eric akaba yatangaje ko umwaka
utaha aribwo bateganya kuzakira abaririmbyi bose bagize uyu mutwe wa
Gael ngo kuko bifuza ko abanyarwanda bazababona cyane ko
babakunda.Twabamenyesha ko igikorwa nyir’izina "LOUANGE ADOLATION"
bishatse kuvuga ngo "Kuramya ngo guhimbaza" aha akandi hakazaba hari
Pastor akaba n’umuhanzi guturuka mu gihugu cy’u Burundi Appolinaire
Habonimana we wamaze gusesekara mu Rwanda akaba yaranatangiye guha
amahugurwa abahanzi ndetse n’abandi bakozi b’Imana ku bigendanye no
Kuramya no guhimbaza Imana ,ibi bikaba birimo kubera ku cyicaro gikuru
cy’iri torero mu Gatenga kuva i saa tatu kugeza isaa kumi
z’umugoroba,abayitabiriye bakaba bazahabwa impamyabumenyi mubyo Kuramya
no Guhimbaza Imana.

Bwana Eric kandi akaba yavuze ko Intumwa
y’Imana Paul Gitwaza nayo biteganijwe ko kuri iyi tariki ya 23/12/2011
guhera ku isaha ya saa kumi z’umugoroza izakora mu nganzo kakahava
cyane ko ari nawo munsi w’ibirori nyir’izina.Ngo Apotre Paul Gitwaza
agiye gutangiza ukuramya no guhimbaza bya nyabyo nk’umuhanzi ndetse
akazaba afatanije n’abandi bahanzi b’abaramyi basanzwe bazwi hano mu
Rwanda barimo nka Aime Uwimana,Gaby Kamanzi,Aime Uwimana n’abandi.Yasoje
ahamagarira abantu bose kuzaza kwifatanya nabo kwegerana n’Imana
bayiramya ndetse banayihimbaza kugira ngo banasoze umwaka bayishimira
ibyiza yabakoreye.Twabamenyesha kandi ko habayeho n’igikorwa cyo guha
inkoni y’ubushumba abakozi b’Imana babarizwa muri iri torero.

source: isange.com

Nk’uko umuyobozi w’iyi korali Bwana Nsengumuremyi Claude, yabitangarije inyarwanda.com, imyiteguro iri kugenda neza kandi ntagihinduka. Iyi Launch ikaba izabera ku rusengero rwa ADEPR Rwimbogo hafi y’ikibuga cy’indege.

Imurika ry’iyi alubumu rizabera mu gitaramo kizatangira saa saba z’amanwa kizitabirwa n’abandi bahanzi bazaza gushyigikira iyi Korali harimo Cpt Simon kabera, Alex Dusabe na GMI Group, kwinjira bikaba ari ubuntu.

Umuyoyozi w’iyi Korali yatangarije inyarwanda ko iyi alubumu yabatwaye amafaranga ari hejuru ya miliyoni y’amanyarwanda, bakaba aribo ubwabo bayitangiye kuko muribo harimo abakozi n’ababfite akazi, ikaba iriho indirimbo 10 ziri mu njyana zitandukanye zose zikaba ziri mu kinyarwanda, ikaba yaratunganyijwe na Producer Didier Ntwari ubwo yari agikorera muri Solace Studio Kacyiru.

Kuri uyu munsi wo kumurika iyi alubumu yabo, bakaba ngo bateganyirije abakunzi babo n’abakunda gospel music ibintu byinshi kandi byiza harimo umuziki mwiza unononsoye w’umwimerere yaba iyi Korali betesida ndetse n’abandi bahanzi bose bazakorana, bikaba ariyo mpamvu bahisemo abahanzi bacye bazakorana nabo ariko bose b’abahanga kandi bakora live music.

Iki gitaramo ubundi Korali betesida yateganyaga kugikorera muri Hotel La Palisse Nyandungu nyuma basanga Salle nini y’ibitaramo yahabaga yagijwe Gim Tonique, gusa ngo kuri bo ntacyo bizahungabanga ku migendekere myiza yo kumurika iyi alubumu yabo.

Igiterane cyatangiye isaa munani kirangira saa mbiri nigice z’ijoro.

Amasaha cyari cyagenewe gutangiriraho haguye imvura ariko urebye yari iy’umugisha ndetse wagirango yateguriraga abantu inzira bari bucemo baza.

Kuva ku isaha ya sa munani salle yari maze kuzura imbaga y’abantu uko amasaha yicumaga uko niko n’abantu barushagaho kwiyongera. Isaa cyenda n’igice salle yari maze kuzura abantu basaga 1400 bongeza ibyicaro ndetse benshi bahagarara hanze kuko hari huzuye. Ubusanzwe iyisalle yakira abantu 980 nawe urumvako habayeho kongeza intebe.

Abantu bataramiwe na Bethelehem choir n’umuhanzi dominic nic ndetse n’umuhanzi kazi Godence.

 Dore ubushya twaranze igitaramo cya Frere Manu.

Abantu bari benshi cyane ,nyuma y’igitaramo cy’umuhanzi bahati Alphonse iki nicyo gitaramo cy’umuhanzi gikozwe kikagira abantu benshi cyane.

-ubuyobozi bwa ADEPR bwose bwitabiye iki gitaramo hari: umushumbwa w’ururembo ,umushumba wa poisse ndetse n’abakuru b’itorero rya ADEPR Gisenyi.

_ hari abantu baturutse mu bihugu bitandukanye nka: Uganda ,Congo,Burundi ndetse na umwe wavuye muri Sudani y’amajyepfo.

-FRERE Manu yinjiranye n’abacuranzi bose bambaye imipira myiza yanditseho izina rya Concert ndetse n;izina ry’umuhanzi.

-Frere Manu yacurangushije gitari amenyo bitangaza abantu benshi cyane

-umucuranzi wa drum the kilo wazanye n’umuhanzi Dominic yashimishije abantu benshi cyane.

-abacuranzi ba Dominic bacuranze injyana y’igi congomani benshi bita SEBENI maze si ukubyina karahava.

_hitanzwe amafaranga agera kuri 1.270.000 frw yo gufasha umuhanzi mu gikorwa cyo gukora amashusho nyimbo za wokovu abantu benshi bakunda cyane

Nyuma y’igiterane umuhanzi yakomeje atangaza ko agiye kwerekeza I bukavu muri Congo maze akabona akazi I Kigal ubundi akerekeza mu bindi bihugu cyane bikoresha ururimi ry’igiswahili nka Kenya…

-Dore abanyamakuru bari muri iyi Concert: Patrick Kanyamibwa

 Christian uzwi ku izina COCO ukora kuri RC Musanze

 Diane chaku ukora kuri MISHAPI VOICE TV muri Congo

 Theodore Magarambe ukora kuri Rc Rubavu

 Charles Twagiramungu umuyobozi wa radio isangano

 Clement Bagemahe ukora kuri Victory Radio

 Regis ukora ku web Akariho.com

 Alain ukora kuri web inyarwanda.com …

Dore abahzi baririmbye: CUBAKA Justin , Dominic Nic , Godence , Bethlehem choir na Frere Manu.

Evangelist David Karasira niwe wigishije ijambo na Pastor Muhire Claude aba umuyobozi wa Gahunda

 Frere Manu i Gisenyi

Nkuko twabitangarijwe na Pasiteri Lydia Masasu umuhuzabikorwa wa kino giterane, bifashishije ijambo ry’Imana riri muri Zaburi 133:1-3 rivuga ngo “Dore ko ari byiza n’iby’igikundiro ko abavandimwe baturana bahuje,…..Aho niho Uwiteka ategekera imigisha n’ubugingo buhoraho”

Mu ijoro ryo gusoza umwaka tariki ya 31/12 za buri mwaka habaho ibintu byinshi abo abantu baba basezera umwaka binjira mu wundi, ibi bigakorwa mu buryo butandukanye bikanakorerwa ahantu hatandukanye. Bamwe bakaba bahitamo gusoza umwaka basenga cyangwa bashima Imana abandi bagahitamo kuwusoreza mu miryango yabo bishimye n’abandi bahitamo gusohoka bakajya kwishimisha mu buryo butandukanye.

Pasiteri Lydia Masasu yadutangarije ko itorero rya Evangelical Restoration Church District yo hagati (umugi wa Kigali) rizahuza amatorero 12 abarizwa muri aka karere (District Centre) mu gitaramo cyo kwidagadura bushima Imana bambuka umwaka wa 2011 binjira mu mwaka 2012. Icyi gitaramo kizitabirwa n’abantu bose bifuza kurangiza umwaka basenga bashima Imana ibyo yabakoreye banawuragiza umwaka utangiye. Iki gikorwa kizaba mu ijoro ryo kuwa gatandatu tariki ya 31/12/2011 kuri Stade Amahoro guhera saa mbiri z’ijoro (8:00pm/20h00) kugeza ku cyumweru mu gitondo saa kumi n’ebyiri za mu gitondo (6:00am).

Muri gahunda ziteganyijwe harimo kuramya no guhimbaza Imana tubifashijwemo n’abahanzi batandukanye Mike KALAMBAY uturutse muri RDC, Guy Badibanga (Rwanda), Liliane Kabaganza (Rwanda), Gaby Kamanzi (Rwanda), Shekinah Mass Choir (Rwanda), Shekinah Dance (Rwanda), Shekinah Drama Team (Rwanda),Dena Mwana (Burundi), Aime Uwimana (Rwanda) n’abandi. Ibindi bikorwa bizaba bihari harimo kumva ijambo ry’Imana n’Intumbero y’umwaka wa 2012, gusengera ubugingo bwacu, imiryango, igihugu, n’isi muri rusange, kumva ubuhamya butandukanye, gutanga ituro ry’ishimwe ku Mana k’ubwo imiryango no gushyigikira bene wacu b’Abanyafurika bicwa n’inzara muri Somalia. Mu gusoza Pasiteri Lydia Masasu yatubwiye ko kwinjira muri Stade uje muri iki gitaramo cyo gukesha ijoro ryose ari ubuntu kandi imyiteguro iri kugenda neza.

Nkuko twabitangarijwe na Pasiteri Lydia Masasu umuhuzabikorwa wa kino giterane, bifashishije ijambo ry’Imana riri muri Zaburi 133:1-3 rivuga ngo “Dore ko ari byiza n’iby’igikundiro ko abavandimwe baturana bahuje,…..Aho niho Uwiteka ategekera imigisha n’ubugingo buhoraho”

Mu ijoro ryo gusoza umwaka tariki ya 31/12 za buri mwaka habaho ibintu byinshi abo abantu baba basezera umwaka binjira mu wundi, ibi bigakorwa mu buryo butandukanye bikanakorerwa ahantu hatandukanye. Bamwe bakaba bahitamo gusoza umwaka basenga cyangwa bashima Imana abandi bagahitamo kuwusoreza mu miryango yabo bishimye n’abandi bahitamo gusohoka bakajya kwishimisha mu buryo butandukanye.

Pasiteri Lydia Masasu yadutangarije ko itorero rya Evangelical Restoration Church District yo hagati (umugi wa Kigali) rizahuza amatorero 12 abarizwa muri aka karere (District Centre) mu gitaramo cyo kwidagadura bushima Imana bambuka umwaka wa 2011 binjira mu mwaka 2012. Icyi gitaramo kizitabirwa n’abantu bose bifuza kurangiza umwaka basenga bashima Imana ibyo yabakoreye banawuragiza umwaka utangiye. Iki gikorwa kizaba mu ijoro ryo kuwa gatandatu tariki ya 31/12/2011 kuri Stade Amahoro guhera saa mbiri z’ijoro (8:00pm/20h00) kugeza ku cyumweru mu gitondo saa kumi n’ebyiri za mu gitondo (6:00am).

Muri gahunda ziteganyijwe harimo kuramya no guhimbaza Imana tubifashijwemo n’abahanzi batandukanye Mike KALAMBAY uturutse muri RDC, Guy Badibanga (Rwanda), Liliane Kabaganza (Rwanda), Gaby Kamanzi (Rwanda), Shekinah Mass Choir (Rwanda), Shekinah Dance (Rwanda), Shekinah Drama Team (Rwanda),Dena Mwana (Burundi), Aime Uwimana (Rwanda) n’abandi. Ibindi bikorwa bizaba bihari harimo kumva ijambo ry’Imana n’Intumbero y’umwaka wa 2012, gusengera ubugingo bwacu, imiryango, igihugu, n’isi muri rusange, kumva ubuhamya butandukanye, gutanga ituro ry’ishimwe ku Mana k’ubwo imiryango no gushyigikira bene wacu b’Abanyafurika bicwa n’inzara muri Somalia. Mu gusoza Pasiteri Lydia Masasu yatubwiye ko kwinjira muri Stade uje muri iki gitaramo cyo gukesha ijoro ryose ari ubuntu kandi imyiteguro iri kugenda neza.

Patrick Kanyamibwa

Kuva kuwa Mbere tariki 26 ukuboza
2011, Korali Agape ivugira ubutumwa ku rusengero rwa ADEPR Nyarugenge
yatangije ibiterane byahawe insanganyamatsiko yo kuramya, guhimbaza no
gushima Imana bizageza ku wa Gatandatu mu ijoro ribanziriza umunsi
mukuru w’Ubunani.

Nk’uko bikunze kugenda mu mpera z’umwaka, amatorero atandukanye
ategura ibitaramo mu rwego rwo gufatanya n’abakiristu babo kurangiza
umwaka neza biyeza kandi bashima Imana kuba yarabarinze mu mwaka baba
basoje.

Iki giterane kizajya gitangira saa kumi n’igice (16h30) kugera saa
tatu z’umugoroba (21h), naho kuwa Gatandatu ari nawo munsi wa nyuma
w’iki gitaramo kizatangira saa munani (14h) gisoze saa sita z’ijoro
tariki ya 01/01/2012.

Sosthène Bagambake, umwe mu bashinze iyi Korali ubwo yatangiraga
kuvuga ubutumwa ari batandatu mu mwaka wa 1999, akaba n’umuyobozi
wungirije ushinzwe gutoza abaririmbyi, yatangarije IGIHE.com ko Korali
Agape ifite byinshi byo gushima Imana.

Ati :”twatangiye umurimo mu 1999, Agape igizwe n’abaririmbyi 6,
twatangiye bitugora kubera ko twari bake,ariko ubu tumaze kuba 65”.

Akomeza avuga ko muri iyi myaka bamaze kugera mu ntara zose z’igihugu
bavuga ubutumwa kandi bamaze gukora album ebyiri z’amajwi (audio).

Muri iki giterane Agape ikaba yaratumiye mo n’abandi bahanzi nka
Jehovah-Yileh yo kuri kaminuza ya ULK, Simon Kabera, Mugabo Vénuste,
Alexis Dusabe, Musabe Bernadette, Rushema Ephraim, Gloriose, amakorali
yo kuri ADEPR Nyarugenge yose n’itsinda ryo kuramya no guhimbaza Imana
(Worship team) rya Nyarugenge, hamwe kandi n’umuvugabutumwa mpuzamahanga
(Evangelist International) Munongo Stefano wo muri Repubulika Iharanira
Demokarasi ya Congo.

Sosthène akaba yasabye Abanyarwanda muri rusange kuzaza bakifatanya
mu gushima Imana hasozwa umwaka wa 2011 kandi asaba by’umwihariko ko
baza muri iki giterane kuko umugisha n’amavuta bizamanuka.

Ngiyo Korali Agape irimo kuririmbira abakunzi babo

Nguwo Sosthène arimo kuvuza ingoma

Nkuko
Bwana Mutangana Manager we yabidutangarije ngo bateguye igitaramo cyo gushima
kuri kino cyumweru tariki ya 8/01/2012, i Kanombe Busanza kuri Holy Nation kuva
saa munani z’amanwa aho Albert azafatanya nabagenzi be benshi abazaba baje
kumushigikira harimo Serge, Assa, Jimmy, Grace n’abandi. Kwinjira muri icyi
gitaramo akaba ari ubuntu kandi kikaba kiri mu rwego rwo gushima Imana ibyo
yabakoreye umwaka ushize ndetse no gutegura kumurika alubumu bbari gukora
bitarenze uyu mwaka wa 2012.

Patrick Kanyamibwa

Kuri iki cyumweru taliki ya 08/01/2012 Korari(Chorale) Yakini ikorera umurimo w’ Imana mu Itorero rya ADEPR Kicukiro irashyira ahagaragara umuzingo wayo(album) w’indirimbo z’amajwi.

Nk’uko Bwana Rutabana Epimaque ,umuyobozi w’iyi korari abitangaza ngo uyu muzingo w’indirimbo ugiye gusohorwa n’iyi korari ni uwa 2 ukaba witwa “WITINYA”ukaba uje nyuma y’undi muzingo wayo wa mbere witwa “MBERE NA MBERE”

Mu kiganiro agakiza.org yagiranye n’umuyobozi wa korari Yakini Bwana Rutabana Epimaque yatangaje ko amwe mu mateka y’iyo korari aho yavuze ko Korari Yakini yavutse mu mwaka wa 1992.Iyi Korare yatangiye yitwa Korari ya Kicukiro, itangirana abaririmbyi 14.Epimaque kandi akomeza avuga ko mu mwaka wa 2000 aribwo iyi Korari yahisemo guhindura izina aho abaririmbyi bayo batoye izina rya Yakini.Epimaque avuga ko iri zina Yakini ryanditse muri Bibiliya mu gitabo cy’ Abami1 igice cya 7,umurongo wa 22 rikaba risobanurango” Uwiteka azabikomeza”.Epimaque yakomeje atangaza ko ubu ngubu iyi Korari igizwe n’abaririmbyi bagera kuri 70.

Muri iki kiganiro kandi agakiza.org yabajije bwana Rutabana Epimaque niba hari ibikorwa by’ iterambere iyi Korari yabashije kugeraho maze atangaza ko bakoze ingendo z’ ivugabutumwa mu ntara zose z’ igihugu.Ati: “Usibye n’ibyo kandi tugerageza gufasha abatishoboye bari muri twe n’abandi batandukanye.”

Epimaque yakomeje ararika abakunzi ba Korari Yakini kuzaza kwitabira iki giterane cyo gushyira kumugaragaro uyu muzingo w’ indirimbo z’amajwi kandi ikindi yatangaje ni uko ko muri iki giterane hatumiwe abahanzi batandukanye bazabafasha barimo Kabera Simon, Dominic Nic hamwe n’abavugantumwa batandukanye nka Zigirinshuti Michel n’abandi.

Epimaque ati: “Tuzahita dutangira gukora amashusho y’ izi ndirimbo ati bigenze neza ntabwo bizarenza mu kwezi kwa Gatanu amashusho atarajya ahagaragara.”.Ku bikorwa iyi korari iteganya bitari ukuririmba gusa Epimaque yatangaje ko bateganya kugura imodoka ya Coaster yo kuzajya ikora ikunganira imisanzu itangwa n’abaririmbyi ikazaba ifite agaciro ka milioni mirongo itatu n’ umunani.Ati: “Tuzakora ingendo zo hanze y’ igihugu cy’u Rwanda tuvuga ubutumwa bwiza aho duteganya kujya I Burundi na Uganda mu ngendo z’ ivugabutumwa.”

Ku bifuza kuzaboneka muri icyo giterane cya Korari Yakini twabamenyesha ko ADEPR Kicukiro ahazamurikirwa uwo muzingo(album) w’indirimbo umuntu afata umuhanda wa Remera unyuze Sonatubes, iyo utaragera sonatubes neza hari station yahoze yitwa Station ya Shell hari icyapa niho uviramo ukazamuka haruguru gato uba ureba urusengero runini rwiza.Mwese murararitswe.

Ubwanditsi/ agakiza.org

Urubyiruko rwo mu itorero ry’abadiventiste b’umunsi wa karindwi bakorera mu matorero atandukanye yo mu mujyi wa Kigali ngo biyemeje guhindura byinshi muri uyu mwaka wa 2012 aho bihurije hamwe ari amakorari agera kuri ane maze agategura igitaramo cy’ imbatura rubyiruko cyahawe insanganyamatsiko igira iti “rubyiruko haguruka dukorere Imana”.

Iryo tsinda ry’amakorari rikaba rigizwe na Send us God Choir ikorera umurimo w’Imana mu itorero ry’ abadivantiste b’ umunsi wa karindwi rya Muhima, Calvary Memory Choir guturuka I Remera, Deliverance singers baturuka Kimisagara na Jehovah Niss Choir guturuka mu kigo cy’ amashuri cya Apade kicukiro.

Nk’ uko tubikesha Alexis Mbonigaba umwe mu bagize Korari Send Us God, yabidutangarije agira ati “ni Gahunda twihaye nk’ urubyiruko rw’ abadiventiste twashyize hamwe rero tukaba twarateguye igikorwa cyo gukangurira urubyiruko gukorera Imana kuri uyu wa gatanu 06/12/2012 guhera saa kumi n’imwe za nimugoroba, twateguye gahunda nziza zitandukanye zikubiyemo ubuhamya bwa bamwe muri bo,Indirimbo zo guhimbaza Imana ndetse n’ibyigisho bitandukanye”.

 Icyo gitaramo mbatura rubyiruko kikazabera ku Rusengero rw’ itorero ry’abadiventiste b’umunsi wa karindwi ku Muhima (hepfo ya Yamaha) bikaba byaratangiriye I Remera ndetse n’ahandi hose bakaba bafite umugambi wo kuhagera.

J D’ Amour

Nyuma y’ingendo z’ivugabutumwa zitandukanye yagiye igirira hirya no hino mu gihugu muri mwaka wa 2011, Korali JEHOVAH JIREH yo muri Kaminuza Yigenga ya Kigali (ULK) ubu noneho umwaka wa 2012 uwutangiriye mu rugendo rw’ivugabutumwa bwiza bwa Yesu Kristo i Butare muri UNR tariki 29/01/2012. Hakaba hazaba iteraniro mbere ya saa sita na concert live nyuma izatangira kuva saa munani (14h00).

JEHOVAH JIREH Choir rero ntizaba iri yonyine kuko izataramana na korali zisanzwe zikorera umurimo w’Imana

muri UNR arizo Vumiliya, Elayo na Alliance.

Nkuko bitangazwa n’umuyobozi w’iyi Korali, NDORIMANA Phillotin, avuga ko bishimiye uru rugendo batangiye muri uyu mwaka wa 2012, ngo kuko ari n’intego ya CEP (Communauté des Etudiants Pentecotistes ADEPR) yabo nyamukuru yo kuvuga ubutumwa bwiza mu banyeshuli ba Kaminuza, Amashuri Makuru n’ayisumbuye. Ati rero kandi ni ishimwe ku Mana yacu yadushoboje gukora n’izindi ngendo zarubanjirije cyane cyane ko abaririmbyi baba babifatikanya n’amasomo.

Akaba kandi ashimira abakunzi babo uburyo bakomeje kugenda bashyigikira ndetse anabasaba gukomeza kubaba hafi muri uyu mwaka twatangiye wa 2012 kuko umurimo ari mugari.

Akaba rero ararika buri wese ndetse by’umwihariko abakunzi babo kuza kubashyigikira muri iki gikorwa cy’ivugabutumwa bwiza. Ati igihe kirageze ngo dukorere ibirama.

Jehovahjireh choir rero ikomeje gukangurira buri wese kwitabira iki gitaramo bifatanya nabo mu gukomeza guhimbaza Imana nkuko badahwema kubyerekana bifatanya nabo. Ikindi ni uko ngo ibafitiye indirimbo nshya irimo gukora kuri Album yayo ya kabili (2), zimwe muri izo ndirimbo bakazazibaririmbira aho i Butare muri CEP UNR.

VITAL R.

Korale Ukuboko kw’iburyo ni imwe mu makorari akora umurimo w’Imana mu rurembo rwa ADEPR Umujyi wa Kigali, Itorero rya Gatenga, umudugudu wa Gatenga. Igizwe n’abaririmbyi 85 bo mu ngeri zose. Korale Ukuboko kw’iburyo ikorera umurimo w’Imana hirya no hino mu gihugu. Uretse ko inateganya ingendo mu bihugu by’abaturanyi.

Iyi korale yatangiye umurimo w’Imana mu 1989 mu cyumba cy’amasengesho cy’umudugudu wa Kimihurura mu Ngoma kwa Pastor RUTAMUHANA Claude. Icyo gihe iyi korale yari iy’abana. Abenshi muri yo babaga ari abana b’abakozi b’Imana n’abakirisitu ba bugufi. Nyuma y’imyaka itatu (Mu 1992) nibwo cya cyumba cyaje kwimukira mu GATENGA gihinduka umudugudu wa Gatenga akaba ari nacyo cyicaro cy’Itorero rya Gatenga na n’ubu: mu mudugudu wa Cyeza mu Kagari ka Nyanza mu Murenge wa Gatenga. Iyi korale yakomeje gukora umurimo w’Imana ihinduka iy’urubyiruko.

Genocide yakorewe abatutsi muri Mata 1994 yatumye iyi korale ibura abaririmbyi benshi (bamwe barapfuye abandi barahunga). Mu mezi ya Nyuma y’1994, abaririmbyi bake bari basigaye barisuganije bafatanya n’abandi bashya bakomeza kuba korale y’urubyiruko, umurimo w’Imana wo kuvuga ubutumwa bwiza ukomeza utyo. Hagataho ariko iyi Korale yitwaga Siyoni ariko bisa naho bidafashe.

Kuva 1989 kugera mu 1998, Korale yayoborwaga n’umuntu ukuze utanzwe n’itorero ngo batitwara gisore (Dore ko ubuto bushukana). Mu mwaka w’1998, umurimo w’ Imana wakomeje kwaguka, bamwe muri yo batangira kubaka ingo, Korale ihabwa ubuzima gatozi bwo kwigenga, ari nako Korale irenga ku kuririmba indirimbo z’abandi itangira guhimba izayo bwite. Icyo gihe ndetse chorale ihindurirwa izina yitwa Ukuboko kw’Iburyo ari nako ikitwa na bugingo n’ubu. Abenshi bibaza ubusobanuro n’impamvu z’iri zina ariko Iyo bibiliya ivuga ukuboko kw’ iburyo kw’ Imana iba ivuga umugisha w’ Imana ndetse n’imbaraga z’ Imana. Natwe twizera ko ibyo dukora byose tubishobozwa na Kristo uduha imbaraga, Ukuboko kw’Iburyo kw’Imana niko kudushoboza gukora umurimo wayo.

Iyi Chorale yagiye itera imbere ari nako yunguka abakunzi hiry no hino ku isi bagiye banayifasha mu bikorwa bitandukanye by’iterambere. Mu mwaka wa 2009 nibwo Chorale Ukuboko kw’iburyo yabashije gutunganya indirimbo zayo izishyira kuri CD Audio. Uyu mwaka wa 2012, Chorale Ukuboko kw’Iburyo nibwo igiye gushyira ku Mugaragaro DVD yayo yambere igizwe n’Indirimbo 11. Studio yafashe amashusho ikanayatunganya ni TOP 5 SAI yo mu Ruhengeri. Mbere yo gukora DVD indirimbo zimwe na zimwe zasubiwemo bijyanye n’igihe tugezemo bikorwa na Producer Junior. Ni muri urwo rwego Chorale Ukuboko kw’Iburyo yateguye Igiterane cy’iminsi ibiri kizabera kuri ADEPR Paroisse ya Gatenga guhera le 25-26/02/2012.

Ukeneye amakuru arambuye kuri Chorale Ukuboko kw’iburyo, ushobora kuyasanga kuri website yayo : www.ukchoir.page.tl. Cyangwa no kuri facebook. Ushobora no kudusura aho tubarizwa kuri ADEPR aproisee ya Gatenga iherereye imbere y’Uruganda rwitwa Rwanda Plastic Industries. Indirimbo zacu ziri ku mbuga za internet zitandukanye harimo : www.inyarwanda.com na www.ishimwe.com.

 CHORALE UKUBOKO KW’IBURYO

ADEPR-GATENGA

Email: ukchoir89@gmail.com

Website: www.ukchoir.page.tl

 

 

Muri iyi week-end biraba bishyushye kuri ADEPR Paroisse Gatenga . Mu rwego rwo gushyira kumugaragaro Indirimbo zayo yabashije gutunganya mu buryo bugaragaza amashusho (DVD), Chorale Ukuboko kw’iburyo yateguye igiterane kizamara iminsi ibiri (Ku wagatandatu tarikiya 25/02/2012 no kucyumweru tarikiya 26/02/2012). Buri munsi igiterane kizajya gitangira saa saba z’amanywa.

Kuwa gatandatu hazaririmba: Chorale Ukuboko kw’iburyo, Chorale Jehovah Yireh yo muri CEP-ULK n’abahanzi ISAIE na BERNADETTE. Umwigisha kuri uwo munsi wo kuwa gatandatu ni Pasiteri Désiré Habyarimana. MC kuri uyuminsi ni Pateur Mutima Jonathan wo muri ADEPR gatenga.

Ku cyumweru (26/02/2012) hazaririmba Chorale Ukubokokw’iburyo, Chorale AGAPE yo muri ADEPR Gakinjiro n’Umuhanzi DOMINIC NIC. Umwigisha kuri uwo munsi ni Mwalimu Jean uzaturuka mu Ngororero. MC kuri uyumunsi azaba ari Edouard wo mu Itorerorya ADEPR Bibare.

Seth Kwizera

Chorale Iriba iherutse i Kigali ubwo yakoreraga concert muri
Christian Life Assembly ubu ngo ifite gahunda yo kugaruka gutaramana
n’abanyakigali. Muri iyo concert yanejeje benshi kuko babashije
guhembuka kandi bagakorwaho cyane n’ubutumwa buri mu ndirimbo ndetse
bishimira uburyo concert yateguwe n’ubuhanga chorale yagaragaje mu
kuririmba. Icyo gihe Chorale Iriba yari yaje muri gahunda yo ubwayo
yiteguriye itumira abantu batandukanye, ubu bwo izaza ije kwitabira
ubutumire yagejejweho n’ urubyiruko rwo mu Itorero rya ADEPR Kacyiru
Umudugudu wa Kanserege ruri gutegura igiterane kizaba tariki ya 10 –
11/03/2012 kikazajya gitangira saa saba n’igice.

Ibigendanye n’igiterane:

Nkuko twabitangarijwe n’Umuyobozi wa Komite kuri uwo Mudugudu Butera
N. Bona, igiterane kiri gutegurwa kigamije kwamamaza ubwami bw’Imana
kikaba gifite intego ivuga GUKORA IGIKORWA GIKWIYE, AHANTU HAKWIYE, MU GIHE GIKWIYE
(Right Thing, Right place and right time). Impamvu bahisemo iyi ntego
ni uko muri rusange kimwe mu bibazo bikunda kugora abantu mu buzima ni
kumenya icyo umuntu akeneye, icyo agomba gukora kugira ngo agere ku cyo
akeneye, inzira agomba gukoresha n’igihe agomba gukora. Aha yatanze
urugero rw’uko ushobora kubwira umuntu ijambo ariko bitewe n’igihe
urimubwiriye, aho urimubwiriye n’uko warimubwiye bigatuma ijambo wavuze
ridahabwa agaciro bityo niba ari ubufasha wari ukeneye bigatuma
utabubona kandi bwari bukenewe. Aha birumvikana ko buri wese akwiye
kwiga uko akwiye guhuza biriya bintu bitatu kugira ngo agere kucyo
yifuza.

 Uretse Chorale Iriba izitabira igiterane nk’abatumirwa, iki giterane
kizitabirwa kandi na Chorale zo kuri uwo mudugudu arizo Chorale Ijwi
ry’Umwami Yesu izwi cyane ku ndirimbo yitwa “Inuma”
hamwe na Chorale Integuza. By’umwihariko ku munsi wo ku cyumweru hazaba
hari itsinda ryo kuramya no guhimbaza rizwi ku izina rya GMI (Golgotha
Music International).

 Ibindi bikorwa Chorale Iriba iri gutegura:

Uretse iki giterane Chorale Iriba izitabira, Chorale Iriba iri
gutegura Album Audio Vol ya 4 irimo indirimbo zakunzwe cyane aha tukaba
twavugamo nk’indirimbo ya Ntakibasha kurogoya imigambi yawe, Amaraso
hamwe na Nzabana Nawe. Iyi album iri gutunganywa muri Studio Afro
Vision iri ku Kacyiru. Ibindi bigendanye na gahunda y’igihe izatangira
kugurishwa ku mugaragaro tuzakomeza kubibagezaho uko bizajya bitegurwa.

Inkuru dukesha isange.com

Kuri iki cyumweru umuhanzi w’lndirimbo zihimbaza Imana Muhoza Janvier ubarizwa mu itorero rya ADEPR cyarwa yafatanije n’abanyeshuri bo muri Petit seminaire baptiste iherereye ku itaba mukarere ka Huye mu materaniro y’ivugaburumwa.ayo matearaniro yari yitabiriwe n’abanyeshuri benshi cyane kuko salle yari yuzuye.

Ubutumwa bwatanzwe bwari ubwo kwibutsa abantu urukundo Imana yadukunze rwatumye itanga umwana wayo Yesu akabamwa kumusaraba bityo tukaba dukwiye kumushimira no kumwizera dukora ibyo Imana ishaka.

Abari aho bose banejejwe nuko aya materaniro yagenze ariko cyane cyane indirimbo zaririmbwe nuyu muhanzi. Nk’indirimbo NTAWE TWAHWANYA NAWE YESU.

Nyuma y’aya materaniro uyu muhanzi yakomeje ajya kuririmba muri EAR Butare aho naho byagenze neza cyane.

MUHAYIMANA Vincent

Nyuma y’imyaka 20 Korali
‘Abakorerayesu’ izamurika album yayo ya mbere yise ‘Aritamurura’ mu
mpera z’icyumweru gitaha, tariki 18 Werurwe 2012, ku rusengero rw’ADEPR,
mu mudugudu wa Rukurazo ku Kimironko.

Nduwimana Etienne umuyobozi wa Korali Abakorerayesu avuga batekereje
ku kumurika iyi album nyuma yo kubona ko ubutumwa bwiza batanga bukwiye
kugezwa kuri benshi.

Nduwimana yagize ati :’’Imana ntacyo idashobora, amateka yacu agaragaza ko Imana ishobora byose kandi yaratwiyeretse cyane’’.

Korali Abakorerayesu yavukiye Kimironko mu cyumba cy’amasengesho, mu
rugo rw’uwitwa Mpambara, itangirana n’abaririmbyi 21 ariko Jenocide
yakorewe Abatutsi mu 1994, izaguhitanamo abaririmbyi 13.

N’ubwo aya mateka aremereye ntibyabaciye intege bakomeje kwiyubaka,
baza no kongeramo abandi icumi, bituma kugeza ubu iyi korali igizwe
n’abaririmbyi 18.

Igitaramo cyo kumurika ‘Aritamurura album’ kizatangirira saa saba
z’umugoroba, abakorera Yesu Izafashwa na Dominic Nic na Simon Kabera mu
kuramya no guhimbaza Imana kuri uyu munsi.

Nduwimana Ethienne avuga ko uyu munsi wo kumurika album yabo ya
mbere ari umunsi w’amateka, umunsi uzaba utandukanye n’indi minsi kubari
basanzwe bababona kandi ngo bazakora uko bashoboye kugirango uyu munsi
uzahore wibukwa mubazababona.
Bitewe n’uko aho Korali yakoreraga umurimo nta nyubako yari ihari, mu
gihe Ubuyobozi bw’Itorero bwari mu gikorwa cyo gushaka inkunga yo
kubaka, byabaye ngombwa ko iyi Korali igurisha ibyuma byayo kugira ngo
itangire igikorwa cy’inyubako y’urusengero.

Korali Abakorerayesu kandi yagize uruhare mu gutangiza imidugudu
itandukanye y’itorero ry’ADEPR bakoreramo umurimo. Harimo Umudugudu wa
Rukurazo na Kimironko.

Kanyamibwa Patrick

Korali Rangurura (Gihogwe)
isengera muri ADEPR Gatsata umudugudu wa Gihogwe irateganya kumurikira
Album yayo ya kane muri Hotel La Palisse Nyandungu kuwa 25 Werurwe 2012
ku bw’impamvu zitandukanye zirimo no kugendana n’igihe.

Ubwo basobanuriraga abanyamakuru umushinga wabo wa miliyoni umunani
(8) bateganya gukoresha mu kumurika iyi Album ya kane yitwa “Imva ya
Yesu irarangaye", abayobozi b’iyi Korali bavuze ko bateganya gukorera
igitaramo cyo kumurika iyi Album muri Hotel izwi kandi isobanutse
kubw’impamvu zirimo ko hari abo badahuje ukwemera bifuza kuzahahurira,
kuba iyi Hotel yaborohereje no kuba bifuza kugendana n’igihe bakorera
ahantu heza kandi hazwi.

Jean de Dieu Mutarambirwa, umwe mu bayobozi muri iyi Korali, aganira
na IGIHE, yagize ati :”Twatekereje kujya muri Hotel kuko igihe tugezemo
tugomba kugendana n’igihe. Icya kabiri ni uko dufite abaterankunga
b’amatorero atandukanye batakwemera kwinjira mu itorero duhitamo
guhitamo ahantu bose bahurira atari ukuvuga ngo ni itorero runaka. Icya
gatatu haratworohereje cyane hari ibikoresho byinshi tuzakenera bya
Hotel tuzifashisha biri hariya.”

Gusa Mutarambirwa yongeraho ko babivuganyeho n’ubuyobozi
bw’urusengero ku buryo nabo hari amahame bagomba kuzakurikiza n’ubwo
bazaba bari muri Hotel bwose. Yagize ati :”Muri ibyo byose n’ubwo ari
muri Hotel tuzubahiriza amahame y’itorero ; kutaba mu bintu by’Isi
kutanywa inzoga n’ibindi.”

Gusa yongeraho ko kugira ngo n’abo basanzwe basengana bazabashe
kubabona hafi yabo bateganya ibindi bitaramo 2 bizabera mu matorero
basanzwe basengeramo. Ibyo bizaba kuwa 31 Werurwe no kuwa 1 Mata 2012.

Korali Rangura (Gihogwe)

Ibi bitaramo bizaba birimo abahanzi basanzwe bazwi muri ndirimbo zo
guhimbaza Imana nka Mugabo Venuste, Nelson Mucyo, Dominic Nic (bakiri
kuvugana ku kuzaza kwe) ndetse na Kabera Simon.

Korali Rangurura (Gihogwe) yatangiye ahagana mu 1975. Yashinzwe ubwo
umudugudu ikoreramo wari wakiriye itorero rya ADEPER, ari naho hantu
bavuga ko hashinzwe iri torero ku nshuro ya kabiri mu Rwanda. Igizwe
n’abanyamurayango basaga mirongo inani (80).

Izi ndirimbo icumi (10) zagize iyi Album yabo ya kane, zakozwe na
Producer Kabano wo muri Bridge Record, i Nyamirambo ku bufatanye na Kana
Mujiji Sylivie, umuyobozi w’indirimbo na Marie Jeanne Mukazi, umuyobozi
mukuru wa Korali.

Inkuru dukesha igihe.com

Kuri iki cyumweru Chorale intumwa za Yesu ikorerera umurimo w’Imana muri E.P.R Remera kicukiro kumuhanda wa amabuye ujya kuri APAPER imbere ya RTUC Sonatube yateguye igitaramo cyo kumurika umuzingo w’indirimbo Audio Vol 1

Twengereye umuyobozi wa Chorale intumwa za yesu Karekezi Jean De Dieu tumubaza amateka yiyi chorale uburyo batangiye kugeza ubu aho mubashije gukora indirimbo Audio Vol 1

Karekezi yadutangarije ko inzira yo kugera kubyo tugezeho yari ndende cyane kuko twatangiye turi chorale ya abana b’ ishuri ry’ icyumweru dutangira ntago twari tuzi ko twifitemo impano yo guhimba indirimbo kuko twakoreshaga indirimbo zandi makorari tukaziga akaba arizo turirimba ikintu cyadufashije cyane nukubaho mu buzima bwo gusenga no kwimika urukundo muri twe aho buri umwe yiyumvaga undi kuburyo twafatanyaga muri byose tukishakamo ubutunzi uko umuntu yifite nuko bitari byoroshye tugafashanya

Jean de Dieu umuyobozi w’iyi chorale yakomeje atumbwira ko igitekerezo cyo gukora album Audio cyaje ubwo twari tumaze kugira indirimbo zirenga 150 kdi muri yo chorale hakaba hari harimo umu produce witwa Mahoro Dieu d’Amour yaje gufata indirimbo enye (4) muzo bari bafite abanza azikorera music nyuma twaje kujya muri studio tukaba kuri iki cyumweru tugiye gusohora umuzingo w’indirimbo umunani za Audio zikoranye ubuhanga ibyo byose tukaba tubikesha Imana yabanye natwe muri urwo rugendo ubu Imana yaradukujije kuva mu bwana bamwe barakora abandi barakiga abandi barashatse abandi Imana yabateye iteka ryo gukomereza amashuri mu mugane wa asia ibyo byose byavuye mu gusenga no kuba hafi y’Imana akaba ariyo mpamvu iyi Audio dusohora kuri iki cyumweru twayitiriye indirimbo twahimbye Imana imaze guha abaririmbyi bacu bane uburyo bwo gukomeza amashuri yabo muri china ndetse na India nundi uumwe uri kwiga muri Mozambique

Album Audio yindirimbo umunani ‘’NTAWUHWANYE NAWE ‘’

Umuhanzi Pasacal Bangamwabo ni umwe mu
bahanzi bake bamaze kwigaragaza ko bakora umuziki bazi kandi bayobora
uko bashatse.Ibi yabigaragarije imbere y’imbaga y’abakunzi be basaga
1,500 bari bakubise buzuye no hejuru urusengero rwa ADEPR GAKINJIRO kuri
Paroisse ya Nyarugange,aha akaba ari naho asengera.Iki gitaramo cyabaye
kuri iki cyumweru tariki ya 1/4/2012 ku kicaro cy’iyi Paroisse ,aho
yafashijwe n’abacuranzi batandukanye ndetse n’abahanzi batandukanye
bazwi cyane barimo nka Alexis Dusabe wari wayoboye gahunda,Dominic
Nic,Serge usengera mu itorero Omega ,Honorey Iyakaremye usengera muri
Women Foundation ndetse n’abandi.

 Muri iki gitaramo kidasanzwe,uyu muhanzi
yagaragaje ubuhanga yavanye mu ishuli ndetse buherekejwe n’amagambo
akora ku mitima y’imbaga yari yitabiriye iki gitaramo ,aho yakoresheje
ibyuma bya muzika birimo Trompete,Saxphone,inanga za kinyarwanda ,ndetse
n’ibyuma bya kizungu.Uyu muhanzi yatangarije abari aho ko bidakwiriye
ko abahanzi bimenyereza ibyuma bya kizungu gusa ahubwo ko bakwiriye
kujya bitoza no gukoresha ibikoresho bya gakondo kuko ari byo bikwiriye
abanyarwanda.

Abahanzi barimo Alexis Dusabe
,Serge,Honorey ndetse na Dominic basusurukije abari aho babinyujije mu
ndirimbo zabo zagiye zikundwa na benshi.Iri torero rya ADEPR Nyarugenge
rimaze kugaragaza ubushake ndetse n’umwete mu guteza imbere abahanzi
baribarizwamo ,kuko mbere y’uyu muhanzi,abahanzi barimi Dominic Nic
ndetse na Alexis Dusabe nabo bakoze ibitaramo by’imbaturamugabo mu mpera
z’umwaka wa 2011 aho babikoze babitewemo inkunga n’iri torero.

Umwigisha w’ijambo ry’Imana nawe
yigishije ku magambo avuga ku Igihe abantu banyuramo ,kuko ngo usanga
iyo banyuze mu bihe binyuranye usanga nyuma y’imyaka runaka usanga hari
byinshi Imana igenda ibanyuzamo bitewe n’ubuzima bwiza cyangwa se
bubi.Aha yavuze ko hari igihe yifuzaga guhagarara ahantu hakomeye
yigisha ijambo ry’Imana ariko ntabibonere uburenganzira ariko kuri iki
gihe aakaba ahamagwra hirya no hino kubwiriza ubutumwa bwiza.Yatanze
urugero kandi ku bantu babaho mu gihe kiza bababyeho neza ariko mu gihe
runaka ugasanga ubuzima bwabo bwarahindutse ku buryo ubareba ukibaza ko
aribo.Yasabye abari aho ko igihe Imana ibahaye bakwiriye kwiga
kugikoresha neza kuko iminsi itajye isubira inyuma.(Umubwiriza 3)

Twamabenyesha ko iki gitaramo cyatangiye
ahagana ku isaha ya saa munani n’igice ,kikaza gusozwa ahagana ku isaha
ya saa moya z’ijoro.KANDAHANO UREBE AMAFOTO Y’IGITARAMO

Inkuru ya Isange.com

Nkuko twabitangarijwe na Uwitonze Clementine abenshi bazi ku izina rya Tonzi, umuhanzi uririmba indirimbo z’Imana akaba n’umwe mu bayobozi biri tsinda riyobora kuramya no guhimbaza kuri Women Foundation “Precious Stones”, ni ku nshuro ya kabiri bongeye gutegura iminsi irindwi yo kurama no guhimbaza Imana.

Icyi cyumweru cyo gushimba Imana, kizatangira ku munsi wejo ku cyumweru, tariki ya 27/05/2012, kuva saa kumi z’umugoroba cyirangire ku cyumweru tariki ya 2/06/2012, buri gihe saa kumi z’umugoroba kugeza saa mbiri z’ijoro niyo masaha kizaba kiba (16h00-20h00’). “Buretse twebwe Precious Stones Worship team twateguye icyi giterane cyo kuramya Imana no kuhiyimbaza, tuzifatanya na Aime Uwimana, Cpt Simon Kabera, Theo Bosebabireba, Iwacu Music, Shekinah, The FOG, Passionate Ambassador, Pst Juliene kabanda na Dudu kuvaBurundi”. Ayo ni amagambo ya Tonzi

Dusoze iyi nkuru tubamenyeshako icyi giterane cy’indirimbo z’Imana kizabera ku cyicaro cya Women Foundation Ministries Kimihurura, kandi hakazaha kuramya Imana no kuyihimbaza ku buryo bw’umwimerere, kwinjira bikaba ari ubuntu. Tonzi yatubwiyeko mu rwego rwo gufasha abahanzi hazabaho no gucuruza ibihangano byabo buri munsi, hari ahantu bageneye icyo gikorwa ku buryo buri wese ukeneye CD, DVD n’ibindi bihangano by’abahanzi yabibona kandi bidahenze, agashigikira abahanzi kandi ateza imbere umurimo w’Imana.

Nyuma yaho bakoreye Album Audio Vol. No1“Igihe ni iki”, igizwe n’indirmbo umunani, bazayishyira ahagaragara ku cyumweru tariki ya 17/06/2012, ku rusengero rwabo ADEPR SGEEM, aho iyi korali izaba iri kumwe na GMI (Golgotha Music International), Simon KABERA na Chorale Impanda ya SGEEM. Umuyobozi w’iyi kolari yatubwiye ko kwinjira ari ubuntu kandi kizatangira saa saba z’amanwa. Twababwira ko zimwe mu ndirimbo ziri kuri iyi alubumu harimo “Hari umunsi”, “Kwiringira Imana”, “Igihe ni iki” n’izindi.

Naioth Choir yatangiye mu mwaka wa 2003 itangijwe n’abanyeshuri bo ku Mudugudu wa Gikondo SGEEM Paroisse Rwampara, itangirana intego yo kwagura ivugabutumwa mu banyeshuri cyane cyane mu bigo by’amashuri.

Itangira yatangijwe n’abaririmbyi bari hagati ya 15 na 20 ariko bamwe muri bo babaga baturutse muri amwe mu ma Chorale asanzwe aho ku Mudugudu wa Sgeem twavugamo nka (Goshen, Impanda,….), ikaba yaratangiye iririmba mu biruhuko (vacance), mu masengesho yategurirwaga abanyeshuri kuko na benshi bari bayigize bigaga mu ntara (Internat) bigatuma ikora mu biruhuko kuko hasigaraga bake cyane batakomeza kuririmba dore ko n’imiririmbire yari ikiri hasi nka Chorale itangiye kubaho.

Abaririmbyi bakomeye kwiyongera gake gake, bigeze mu mwaka wa 2007 abari muri Chorale Maranatha ariyo Chorale y’abana bacukirijwe mu makorali atandukanye ariko umubare munini waje mu yari Chorale y’abanyeshuri. Kugeza mu mwaka wa 2008 nibwo iyari Chorale y’abanyeshuri yahawe izina rya “Naioth Choir’’ inemererwa kuba imwe mu ma Chorale ahoraho yo ku Mudugudu wa Sgeem/Rwampara. Bitewe n’ihinduka ndetse n’iyaguka rya Chorale biturutse ku mubare munini wabarimo bageze ubu kuri 80, no kwemerwa nka Chorale ihoraho intego yarahindutse ubu ntibikiri ku banyeshuri gusa ahubwo intego nshya ni ugukora ivugabutumwa ku isi hose

Bimwe mu bikorwa Naioth Choir yakoze harimo, ko muri iyo myaka bateguye ibiterane bitandukanye; bitabiriye ubutumire butandukanye mu mujyi wa Kigali no zindi ntara hafi ya zose; bamaze gukora Album Audio Vol. No “Igihe ni iki” izashyirwa ahagaragara ku cyumweru tariki ya 17/06/2012; bakoze amatsinda yo kwiteza imbere mu bijyanye n’ubukungu; bitabiriye amarushanwa yo kuririmba yateguwe na Association “Mwana ukundwa” babona umwanya wa kabiri. Muri gahunda bafite mu minsi iri imbere harimo gukora amashusho y’izi ndirimbo, gukomeza kwiteza imbere mu rwego rwo kuzamura imibereho myiza y’abaririmbyi no kwagura ivugabutumwa mu mpande zose.

Chorale Abatoranijwe ni mwe mu makorari atatu akorera ku mudugudu wa Murambi ADEPR-Gatenga ikaba imaze igihe ikorera umurimo w’Imana kuri uyu mudugudu dore ko ari nayo yabanje kuhaba yewe mbere y’uko umudugudu unavuka.

Mu ntego zabo ngo bazirikana cyane inshingano Yesu yasize yo kubwiriza ubutumwa bwiza akaba ari muri urwo rwego bateguye igiterane cy’ivugabutumwa cyane ko basanga ahantu batuye hakeneye ivugabutumwa ryaguye nk’uko twabitangarijwe n’Umuyobozi w’iyo korari INGABIRE Marie Claire.

Iki giterane kizamara iminsi ibiri ni ukuvuga kuya 16 na 17/6/2012 ku wa gatandatu nyuma ya sa sita no kucyumweru mbere na nyuma ya sa sita kikazabera kurusengero rwa ADEPR-MURAMBI ho muri Paruwasi ya Gatenga, aho iyi korari izaba iri kumwe n’umuhanzi Alexi DUSABE, Isaieh UZAYISENGA, RUSHEMA Ephrem, Chorale Holy Nation ADEPR-Gatenga ndetse n’abandi bakozi b’Imana batandukanye, aho bazaba bakoresha umuziki w’imbonankubone (Live music), intego ‘’(Abaheburayo 7:26)’’
Chorale Abatoranijwe yatangiye muri 1996 yitwa korari y’icyumba ifite abaririmbyi 16, nyuma y’uko bigaragaye ko aho hantu hari abakristo bahavukira bahise bahashyira umudugudu aba ari yo iwutangiza ikaba yaragiye itera imbere uko iminsi ishira kugeza ubu ifite abaririmbyi bagera kuri 70, iyi korari ifite indirimbo(Audio) initabirai kand ibikorwa bitandukanye by’ivugabutumwa mu mujyi wa Kigali ndetse no hanze yawo

Nyuma y’igihe kitari gito Salemu choir ikorera umurimo w’Imana mu itorero rya ADEPR Gatsata aho bakunze kwita i Galilaya, iyi korali ikaba yari mu myiteguro yo gukora Album y’amashusho volume yayo ya mbere, ubu noneho iratangariza abakunzi bayo by’umwihariko ndetse n’abakunzi b’indirimbo za Gospel ko ubu igikorwa yar’imazemo igihe kitari gito cyo gutegura umuzingo w’indirimbo z’Imana mu buryo bw’amashusho ubu cyarangiye,ahasigaye akaba ari ukugishyira ku mugaragaro.

Nkuko Perezida wa Korali salemu Bwana NTAMBARA Etienne yabitangarije isange.com, avuga ko bafite gahunda ndende yo kwagura umurimo w’Imana. Ati nyuma yo gukora indirimbo zo mu rwego rwa Audio (amajwi gusa) ubu noneho twifuje kuzishyira ku mashusho kugira ngo abakunzi bacu bazumve banazireba. Akomeza atangaza ko iki gikorwa kugira ngo gishoboke cyabasabye ubwitange bwinshi ndetse n’amasengesho y’uburyo bwose, aha akaba aboneraho no gushimira Imana yabashoboje ndetse n’abaterankunga babo batahwemye kubaba hafi mu buryo butandukanye.

Akomeza atangaza kandi ko Korali Salemu itazaba iri yonyine muri iki gikorwa, ahubwo ko izaba iri hamwe n’abahanzi b’indirimbo z’Imana bakunzwe n’abenshi aribo: Capitaine Simon kabera, Dominic Nic ndetse na Korali Yerusalemu yo mu gihugu cy’abaturanyi cya Repubulika iharanira demukarasi ya Congo, ndetse n’izindi zizagenda zimenyekana mu minsi iri mbere.

Ku’ubu rero iki gikorwa cyikaba kizabera muri Serena Hotel, kuwa 08/07/2012 guhera saa cyenda z’amanywa (03:00pm) kugeza saa moya z’umugoroba (07:00pm). Korali Salemu rero ikaba irarika buri wese kuzitabira iki gikorwa kuko kuhagera ari inkunga ikomeye mu kwamamaza ubutumwa bwiza bwa Yesu kristo, ngo bikaba biteganyijwe ko kwinjira ari ukwigurira DVD ubundi ukaba uteye inkunga umurimo w’Imana.

Iki gikorwa rero ngo ntikizarangirira muri Serena Hotel gusa kuko kizakomereza mu itorero rya Gatsata kuva kuwa 13/07/2012 kugeza 15/07/2012, kikazajya gitangira saa saaba (01:00pm) kugeza saa kumi n’ebyiri (06:00pm) iminsi yose uretse kuwa 15/07/2012 kizatangira saa mbiri za mu gitondo (08:00am) kigeze saa kumi n’ebyiri(06:00pm).

Umuhanzi Eddie Mico nyuma yo kwegukana Groove Awards yuyu mwaka wa 2012 ku ruhande rw’u Rwanda, no kuza ku rutonde rw’abahanzi bari guhatanira Africa Gospel Music Awards 2012, uyu muhanzi yateguye igitaramo cyo gushima Imana ku cyumweru tariki ya 29/06/2012 kuri St Etienne urusengero rwa EAR Kiyovu/Biryogo, kuva saa cyanda n’igice z’umugoroba.

Ubwo twaganirana na Eddie yadutangarije ko icyi gitaramo kiri mu rwego rwo gushima Imana no kwereka abanyarwanda bamutoye bakamuha amahirwe yo kwegukana Groove Awards, icyo gikombe yahawe ku mugaragaro. Icyi gitaramo Eddie Mico akaba azafatanya na Aline Gahongayire, Patient Bizimana, Beauty for Ashes, Dominic Nic, Blessed Sisters n’abandi bahanzi batandukanye, kandi kwinjira bikaba ari ubuntu.

Mu magambo ye Mico akaba yagize ati “Kuri uriya munsi nzafatanya n’abakunzi banjye ndetse nabagenzi bange gushima Imana no kuyishyira hejuru, kandi tuzakora umuziki mwiza w’umwimerere, ndetse mfitiye udushya twinshi kuri uwo munsi mpishiye abazitabira kiriya gitaramo. Reka tubibutseko Eddie Mico aherutse gusohora indirimbo yise “Pati Pati” yakoranye n’abahannzi bo muri Kenya DK na Caro NycULL, kandi kumutira muro Africa Gospel Music Awards 2012 bikaba bikorerwa kurubuga rwa www.africagospelmusicawards.com ahanditse vote.

Kuri iki cyumweru taliki ya 01 Nyakanga 2012,korali Elayono yo mu mudugudu wa ADEPR Kimicanga,Paruwasi ya Kimihurura izamurika alubumu yabo ya mbere y’amajwi izaba yitwa “Imana irinda ijambo ryayo”.

Iyi korali yatangiye mu mwaka wa 2000 ari iy’ababyeyi aho yari igizwe n’abaririmbyi 13 nk’uko twabitangarijwe na Placide,umuyobozi wa korali.Gusa ngo uko imyaka yagendaga ishira niko Imana yagendaga ibagurira imbago kuko abo babyeyi bari abanyamasengesho cyane,Imana ikababwira ko izagura uwo murimo.

Placide akomeza avuga ko muri 2003 batangiye kujya bakora ingendo z’ivugabutumwa muri Kigali,mu gihe gito Imana ibaha ibikoresho bya muzika bicirirtse.Muri 2005 babonye Atari byiza ko korali iguma ari iy’ababyeyi,nibwo hatangiye kwinjiramo n’urubyiruko rw’abasore n’inkumi bakiri bato.Maze korali itangira kwiyubaka mu buryo bugaragara.Ubu ikaba igeze ku baririmbyi 65. Iyi korali rero nyuma y’ibikorwa imaze kugeraho bitandukanye birimo kuvuga ubutumwa mu mujyi wa Kigali no mu ntara bakaba bateganya gukomeza kuvuga ubutumwa hirya no hino mu gihugu no hanze yacyo,bati hamwe no gusenga Imana izabidushoboza.

Ubu ikibaraje ishinga ni ugutegura mu buryo bunejeje igikorwa cyo kumurika album audio y’indirimbo zabo zigera ku icumi,aho bazaba banari kumwe n’abahanzi tumenyereye muri muzika yaririmbiwe Imana barimo Simon Kabera,itsinda ryitwa Ipfundo ry’amahoro ndetse hazaba hari n’umuvugabutumwa Bernard.
Icyo gitaramo kizatangira ahagana mu ma saa saba z’amanywa,mwese muratumiwe!!!

Nkuko bigaragara kuri affiche abo abanyeshuri biga muri INILAK basengera mu itorero ry’ADEPR bahuriye mu murwango CEP INILAK bateguye igiterane cyo gushima Imana mu cyumweru gitaha tariki ya 06-08/07/2012, ku rusengero rwa ADEPR kicukiro Shell.

Intego yacyino gikorwa nkutwa twabitangarijwe n’umuyobozi wa CEP INILAK ni ugushima Iama ibyo ibakorera kandi bagashishikariza n’abandi banyeshuri bagenzi babo kuza mri CEP kuko hari byinshi bahungukira kuva ku Mana.

Icyi gitaramo kizatangira saa tanu z’amanwa kigeze saa moya zijoro, kizitabirwa n’abanzi batandukanye harimo Korali Elayo ya Butare, Warning coive Choir, Umugisha Choir na Angelos Choir bose bakazaba bataramira abakunzi ba CEP INILAK yaba iya nijoro niyo kumanwa. Muri iki gitaramo kwinjira bikaba ari ubuntu, hakazaba hari umuvugabutumwa ukunzwe cyane muri iri torero uzaturuka Butare witwa Viateur Ngamije.

Nkuko twabitangarije n’umuyobozi wa CEP INILAK ngo ubushobozi bwose bwo gutegura kino gitaramo byavuye mubanyamuryango ba CEP kandi bakaba bashima Imana ko hagati yabo harimo abakozi bagenda batanga n’inkunga ‘yuburyo bufatika.

Umuhanzi Musabe Bernadette aramurika alubumu ye y’amashusho ku rusengero rwa ADEPR Nyakabanda ku tariki 6/07 kugeza ku cyumweru tariki 8/07/2012, mu bitaramo yateguye aho kwinjira ari ubuntu, aho azafatanya n’abandi bahanzi batandukanye Safari, Gonzage, Faustin Murwanashya n’amakorali atandukanye harimo Korali « Abatoranyijwe » Kimisagara, Korali « Abihanganye » yo ku Muhima na Group y’abasirikare imufahs yitwa « Itorero ku rugamba » n’bakongomana bitwa « Umoja »

Bernadette wise alubumu ye « Naramaje kumukundu », yatangiye kuririmba akiri mutoya, indirimbo ze akenshi zikaba zituruka ku buzima bwe, yavutse mu muryango wabana batanu, bakaba bafite Mama wabo ariwe babana wenyine, Bernadette niwe mukuru mu bana b’iwabo. Mu mwaka wa 20/06/2009 nibwo yashyize hanze alubumu ye ya mbere y’amajwi.

Mu mwaka wa 2010, mu kwezi kwa cumi na kumwe Bernadette yakoze igitarmo cyitabiriwe n’abantu besnhi cyikaba ari kimwe mubyamuteye imbaraga zo gukomeza ubuhanzi, ubusanzwe akaba yaratangiriye ubuhanzi muri Korali nyuma aza gufata umwanzuro wo gutangira gukora ubuhanzi ku giti cye. Kimwe mubyamushimishije cyane ni urukundo abantu bamweretse mu bitaramo yagiye ategura, ikindi ni uburyo abanyamakuru bagiye bamufasha mukumenyekanisha indirimbo ze. Zimwe mu ndirimbo za Bernadette zamenyekanye ni « Iyabafite amababa », « Kamaranimba » na « Naramaramaje kumukunda ».

Iyi alubumu y’amashusho Bernadette agiye gushyira hanze yamutwaye amafaranga agera kuri miliyoni ebyiri, naho igitaramo cyo kuyimurika n’ibindi bijyanye nabyo bikba bigera ku mafaranga 1.000.000Frw. Ubusanzwe Bernadette mu buzima busanzwe niwe umudozi kandi uwo mwuga uramunezeza cyane ko yabyize. Library ADEPR Gakinjiro ni imwe mubaterankunga be bakomeye mu bikorwa Bernadette akora nkuko yabidutangareije.

Nkuko twabitangarijwe numuyobozi wa Korale “Abaturajuru”, Uwimana Felecien ngo byuna y’igihe batunganya indirimbo zabo z’amajwi n’amashusho y’alubumu yabo ya kabiri, kuri icyi cyumweru tariki ya 15/07/2012 nibwo barazimurika ku rusengero rw’abadivantisite w’umunsi wa karindwi I Nyamairambo, akaba ari naho basanzwe basengera.

Uwimana yadutangarije ko iyi alubumu igizwe n’indirimbo icumi, zose abaka ari bo baziririmbniye bakanazihimba, ikaba izitwa “Araguhamagara”, yakozwe na Studio ya Dearm Record amajwi n’amashusho. Zimwe mu ndirimbo ziri kuri iyi alubumu harimo “Umunsi”,”Uri Uwera mana”, “Haleluya” n’izindi.

Icyi gitaramo cyo kumurika alubumu yabo kizatangira saa tanu z’amanwa kandi kwinjira ni ubuntu, bakazifatanya n’andi ma kolari yo kuri urwo rusengero rwabo rw’abadivantisite w’umunsi wa karindwi i Nyamirambo, nyuma yo kuyimurika kumugaragaro nkuko Felecien yakomeje abidutangariza, bakazazenguruka ahantu batandukanye bagenda bakora ibitaramo byo kuyimenyekanisha yaba muri Kigali no hanze yayo. Reka tubibutse ko Korale Abaturajuru yatangiye mu mwaka wa 2001 ifite abaririmbyi 18, ubu ikaba ifite abaririmbyi 24.

« Ndashima Imana uko yabanye nanjye mu bitaramo bibiri maze gukora mu byumweru bibiri bikurikiranye, nabonye uburyo abantu bakunda kuramya no guhimbaza Imana batarebera ngo abahanzi tubaririrmbire, uyu wa gatandatu hatahiwe i Kigali » aya ni amagambo ya Alcene Manzi.

Uyu muhanzi usanzwe uririmba indirimbo zo kuramya no guhimbaza Imana akaba ayobora itsinda ryo kuramya muri Evengelical Restoration church ya Remera ndetse n’umuyobozi wa ALTAR OF WORSHIP MINISTRIES. Uyu murimo wo gukorera Imana abinyujije mu kuramya no kuririmbira Imana, yawutangiye afite imyaka 15 y’amavuko, kuri ubu akaba afite imyaka 19. Muri uyu mwaka wa 2012, Arsene akaba aribwo yashoboye gukora album ye ya mbere yise IBENDERA RY’AGAKIZA igizwe n’indirimbo12.

Mu rwego rwo kwitegura kumurika ku mugaragaro iyi alubumu, Arsene akaba yarakoze Worship Dinner yo kuyishyira ahagaragara tariki 14 z’ukwezi kwa Nyakanga, kuri Hotel Chez Lando aho kwinjira byari amafaranga ibihumbi icumi(10000frw) kandi abantu. Muri iki gikorwa uyu muhanzi akaba yaramuritse umurimo Imana yamushyize ku mutima Witwa AWOR MINISTRIES( Altar of worship).

Nyuma yo gushyira ahagaragara album ye, itariki 21 z’ukwezi kwa Nyakanga yari i Gisenyi mu mugoroba wo kuramya no guhimbaza uzabera mu rusengero rwa ERC Gisenyi, aho byagenze neza urungero rwuzuye kandi baramya Imana mu buryo bwa live, aha kandi kwinjira byari ubuntu. Ubu gahunda itahiwe akaba ari tariki 28/07 ejo bundi kuwa gatandatu aho azaba ari i kigali mu rusengero rwa Restoration Church Remera aho asanzwe ateranira.

Nkuko twabitangarijwe na Goreth, nyuma yo kumurika alubumu ye, ubu afatanyije n’umuhanzi mugenzi Rachel bari gutegura igitaramo cyo gufasha imfubyi kuri icyi cyumweru tariki ya 29/07/2012, ku rusengero rwa Bethesaida Holy Church, kuva saa munani kugeza saa kumi n’ebyiri zumugoroba.

Goreth yatubwiyeko batekereje bakareba ku bana b’imfubyi bajya baza mu biruhuko by’amasomo, ubuzima bukabakomerera, yewe no gusubira ku ishuri ntibyorohe kubera ubushobozi n’ibikoresho, bo nk’abahanzi baririmba indirimbo zihimbaza Iamana, bafatanyije n’urusengero rwa Bethesaida Holy Church bateguye igitaramo aho kwinjira bizaba ari ubuntu nyuma mu gitaramo habemo kwitanga no gukora findrising amafaranga azavamo azahabwe abahagarariye abo bana bayabagabanye bitewe nayabonetse kandi nibyo bakeneye byihutirwa.

Umuhanzi Rachel yadutangarije ko icyi gitaramo bazafatanya na Uncle Sam, Mama Zoulou, Abavandimwe Group, Folo, Beaneser Dancing na Rwibutso Yves, kandi ijambo ry’Imana rikazatangwa na Mama Pasiteri Rugamba ari nawe uzayobora igikorwa cyo gusahka amafaranga yo gufasha abo bana b’imfubyi.

Korari Messengers yateguye igiterane kudasanzwe kuri uyu wa gatandatu no ku cyumweru byatumye twegera umuyobozi wayo Flavien Yadusoneye adutangariza uko iyi Korare yavutse adusubiza muri aya magambo:

Korari messengers yavutse kw’italiki 08/10/2011, ivukira ku rusengero rwa ADEPR Gatare ( i Gahanga). Ni ukuvuga ko itaramara umwaka ivutse. Ibyo ariko ntibivuga ko abayigize batari basanzwe ari abaririmbyi kuri urwo rusengero, ahubwo bahoze mu makorari 3 mato yarubagaho ari yo Siyoni, Jehovanisi na Rehoboti. Uretse no kuba mato n’iterambere ry’ayo makorari ntiryihutaga.

Abayobozi b’ayo makorari bamaze kubigirwamo inama n’abayobozi b’urusengero basanze byaba byiza kwiremamo amakorari 2 afite imbaraga. Ayo makorari rero yavutse hakoreshejwe tombola ku dupapuro twanditseho 1 cyangwa 2, abatoye utwanditseho 2 ni bo bafashe izina messengers bivuga Intumwa bityo rero tukaba turi Intumwa za Yesu kuko ariwe dukorera. Ubu turi abantu 54 abenshi bakaba ari urubyiruko.

Tugitangira twihaye intego yo kwihuta mw’iterambere ry’umwuka n’iry’umubiri kugirango tuvemo korari ivuga ubutumwa bufasha benshi ari abo mu rusengero rwacu ndetse no hanze yarwo tubicishije mu miririmbire iteye imbere ndetse n’ibindi bikorwa by’ubugiraneza, ibyo byose ariko bikabanzirizwa no kwera imbuto zikwiriye abihannye.
Ubu rero kuko tukiri mw’itangira turakiyubaka. Twatangiriye ku kuvugurura imiririmbire yacu ku buryo ubu bigenda bitungana.
Ku bijyanye n’ibikoresho bikenerwa mu iterambere rya korari nk’ibyuma na uniformes na byo turacyabishakisha dukoresheje ubwitange bw’abaririmbyi bacu ndetse n’abandi bantu bakunda gushyigikira umurimo w’Imana.

Ni muri urwo rwego rero dufatanyije n’ubuyobozi bw’urusengero twateguye igiterane gifite intego yo gushyigikira umurimo w’Imana muri korari yacu, ni ukuvuga ko kizatangwamo umwanya wo kudutera inkunga ifatika ku muntu wese ubishoboye. Kikaba kizatangira ku wa 5 taliki 27 kugeza 29/07/2012, buri gihe kikabera ku rusengero rwa ADEPR Gatare.

Ku wa 5 kizatangira saa tatu kugeza saa kumi n’imwe z’umugoroba, ku wa 6 ni saa saba nyuma y’umuganda kugeza saa kumi n’ebyiri z’umugoroba naho ku cyumweru ni ukuva saa tatu za mu gitondo kugeza saa kumi n’ebyiri z’umugoroba.

Muri iyi minsi yose igiterane kizizihizwa n’amakorari yo muri Gatare ari yo Messengers na Friends of Jesus izwi cyane nk’Inshuti za Yesu ndetse n’abahanzi banyuranye barimo n’icyamamare Ferdinand uzava i Burundi. Ku cyumweru tuzabana by’umwihariko na korari IMIHIGO Y’ABERA y’i Karama mu Rurembo rwa Kabuga.

Tukaba rero dutumiye umuntu wese ubohotse ko yazaza kwifatanya na twe muri iki giterane kandi tunabasaba kugisengera ngo kizagende neza.

Tuboneka kuri facebook twitwa Messengers Choir Gatare-Gahanga unatubereye inshuti byatunezeza, cyane cyane ariko ukazanaza kudusura ku rusengero iwacu.
Murakoze Imana ibahe umugisha

Nkuko twabitangarijwe na Eric Mugisha umwe mubari gutegura icyi gikorwa, kuva kuwa gatanu tariki 27/07/2012 saa kumi n’ebyiri za mu gitondo kugeza kuwa gatandatu tariki 28/07/2012 saa kumi n’ebyiri za mu gitondo, kuri Zion Temple Celebration Center Gatenga, hazabaho igikorwa cyo gushima Imana mu buryo bw’indiirmbo n’ibindi bikorwa, abakristo baramya banahimbaza Imana amasaha 24 ntaguhagararara, ibi bikaba byateguwe n’umuryango mpuzamatorero yo mu Rwanda witwa Alliance Evangelique.

Alliance Evangelique iyoborwa uyu mwaka na Apostle Dr Paul Gitwaza, icyi gikorwa ikaba yagihaye intego igira iti "Gushiraho urufatiro rwo kuramya no guhimbaza m’urwanda mw’iyi myaka 50 ir’imbere". Iki gikorwa kiri mu bikorwa amatorero amatorero hirya no hino ategura muri uyu mwaka wa yubile, aho amakorali atandukanye azaba ahari, aho buri tsinda rikazafata isaha imwe cyangwa ibiri yo kuyobora indirimbo ziramya Imana.

Mugisha yakomeje adutangarizako amwe mu ma Korale azaba ahari muri ayo masaha 24 yose ntaguhagarara, harimo Asaph Music International, Alarme Ministries, Singiza Ministries, Eglise de Louange, Rehoboth, Asaph Butare ni zindi nyinshi. Naho abahanzi ku giti cyabo bazaba bahari harimo Aime Uwimana, Gaby Kamanzi, Guy Badibanga n’abandi benshi batandukanye. Tubibutse ko hari indirimbo ya Yubile iherutse gukorwa n’abahanzi baririmba indirimbo z’ihimbaza Imana baturutse mu matorero atandukanye bagera kuri 17, iyi ndirimbo nayo ikazaririrmba. Abantu bose bakaba bahawe ikaze muri icyi gikorwa, kwinjira bikaba ari ubuntu muri aya masaha yose 24 ntaguhagarika na rimwe, habaho kuramya no guhimbaza Imana.

Mu giterane cy’urubyiruko “Youth in Revival time” ku nshuro ya kane kibaye muri uyu mwaka, kiri kubera kuri Healing Centre Church Remera, aho cyatangiye ku cyumweru tariki ya 22/07/2012 cyikazasozwe ejo ku cyumweru tariki ya 29/07/2012, umuhanzi Dudu Niyukuri Theophile ubarizwa mu gihugu cy’u Burundi yaraye ataramiye abantu benshi bari baje mu ijoro ryo kuramya no guhimbaza Imana ryagejeje mu gitondo ibyo abarokore bakunda kwita “Gukesha”, ibi bikaba byabaye mu ijoro ryo kuwa 27 kugeza mu gitondo cyo kuwa gatandatu tariki ya 28/07/2012.

Uru rusengero rukaba rwari rwakubise rwuzuye, abantu benshi bari biganjemo urubyiruko, Pasiteri Ntayomba Emmanuel, arinawe uyobora uru rusengero rwa Healing Centre Church niwe wafunguye iri joro avuga ijambo ry’Imana, aho yakanguriye urubyiruko kumaramaza mu gukunda no gukorera Imana.

Ahagana mu ma saa sita z’ijoro nibwo bakiriye umuhanzi Dudu Niyukuri Theophile, abantu benshi bakaba bari bamutegerezanyije amatsiko, aho yaririrmbye indirimbo nyinshi yicurangira Guitor yonyine n’ijwi rye, bikaba byagaragarye ko indirimbo ze zimaze kumenyekana mu Rwanda cyane “Je ndahafashe”, “Koma amashi”, “Sinicuza” na “Yesu n’Umwami”.

Nkuko twabitangarijwe na Didier Kanamura umwe mubateguye icyi giterane yatubwiyeko cyizaszwa ku cyumweru tariki ya 29/07/2012, ku rusengero rwa Healing Centre Church Remera, kuva saa cyenda z’umugoroba, kandi bakaba bashima Imana uko ibintu biri kugenda dore ko hagaragayemo n’abahanzi batandukanye barimo Patient Bizimana, The Blessing nindi group yavuye Uganda n’abandi bahanzi benshi batandukanye.

Nkuko twabitangarijwe na Cornel Ibenga uyoboye komite iri gutegura icyi gitaramo, umuhanzi Ndanyuzwe Albert aramurikira abakunzi be alubumu ye ya mbere yise twagiranye igihango, ku cyumweu tariki ya 12/08/2012, muri Salle ya Centre Pastoral St Paul mu mugi hafi y’ikiriziya cya St Famille, kuva saa munani z’amanwa.

Uyu muhanzi akaba umwe mubahanzi bake ba gospel bafite aba Manager nawe yadutangarije ko imyiteguro igenda neza, ubu akaba yaratangiye imyitozo y’indirimbo ze zizacurangwa ku buryo bwa bw’umwimerere (live music), kandi abahanzi bose bazakorana nawe Ubwabo bakaba baratangiye kwitegura.

Mutangana Emmanuel akaba ari nawe Manager wa Albert yadutangarijeko bafashe abahanzi bakeya kugirango hazabeho umwana uhagije wo kumva izi ndirimbo, kandi kuko ari ubwa mbere bakaba barakoze byose bikenewe ku buryo kwinjira muri icyi gitaramo bizaba ari ubuntu.

Twabamenyesha ko nkuko bigaragara kuri Affiche yiki gitaramo, abahanzi bazakorana na Ndanyuzwe kuri uwo munsi harimo Sam and Reedmed Groupe, umuhanzi w’umuhanga munjyana ya R&B witwa Serge, Iwacu Music, Didier na Nelson Mucyo.

Mu gihe habura iminsi mike ngo igitaramo cy’umuhanzi Domionic Nick kigere,amakuru atugeraho n’uko Dominic yadabagije abakunzi be ku buryo uzahaboneka wese azinjira mu gitaramo ndetse akanatahana CD y’indirimbo z’uwo muhanzi azaba yashyize ahagaragara ku mafaranga 2000FRW gusa.N’ubwa mbere bibaye kandi benshi byabashimishije cyane aho bakomeje kudutangarizako kuhabura ar’ukunyagwa zigahera.

Icyi gitaramo kizaba kuva I saa cyenda z’amanywa kibere ku Gicumbi cy’umuco imbere ya Sitade amahoro I Remera.Iki gitaramo kandi cyizaba mu rwego rwo gushyira ahagaragara Album nshya ya Dominic yise UMUBAVU,ndetse kikazaba cyitabiriwe n’abahanzi batandukanye harimo Fortran w’I Burundi,Emile Nizeyimana,Liliane Kabaganza,Iwacu music,Uwimana Emmy,Serge,Bobo Bonfils n’abandi.

Iyo ubajije abantu batandukanye kubirebana n’umuhanzi babona waba nk’icyitegererezo,benshi bakubwira Uwimana Emmy
bakongeraho na Dominic Nick wagirango umwe n’umuvandimwe w’undi.Mwese abazashobozwa nyamuneka muzaze duhimbaze Imana muri za ndirimbo mwikundira kandi igishimishije n’uko bazaba bacuranga ibyo bita Live n’ukuvuga umuhanzi ariwe uririmba apana CD.

Korali Abakorerayesu ikorera umurimo w’Imana w’ivugabutumwa mu ndirimbo ku Mudugudu wa Rukurazo Paruwasi ya Bibare. Iherereye mu Murenge wa Kimironko. Iyi Chorale irigutegura gutaramana n’abakunzi bayo batandukanye mu Mujyi wa Kigali. Iyi Chorale ntabwo izwi cyane nka Chorale zifite amazina azwi cyane muri gospel nyamara ifite ibigwi bitari bike kandi iri kugenda yubaka izina. Kuri ubu, iyi Chorale izwi mu ndirimbo zikunzwe cyane muri iyi minsi nka aritamurura, amahema, dore yesu araje, njya nkumbura n’izindi.

Nkuko twabitangarijwe n’Umuyobozi w’iyi Chorale Bwana Nduwimana Etienne, icyo gitaramo giteganijwe tariki ya 12/08/2012 kikazabera ku rusengero rwa ADEPR Kacyiru aho bakunze kwita mu Kanserege. Nkuko yakomeje abidutangariza, bahisemo gukorera ku Kacyiru kugira ngo borohereze abakunzi babo batandukanye guhurira ahantu hagari kandi ku buryo bworoshye bityo bizabafashe kubabona ku bwinshi no gutaramana nabo. Uretse Chorale Abakorerayesu yateguye iki gitaramo, bazafatanya na Chorale Ijwi ry’Umwami Yesu yo ku Mudugudu wa Kacyiru ikaba ari Chorale ikunzwe cyane imenyerewe cyane mu ndirimbo yitwa inuma!

Ibindi bikorwa bya Chorale Abakorerayesu
Nyuma yo gushyira ku mugaragaro Album Audio Vol. 1 yiswe Aritamurura, Korali Abakorerayesu ntabwo yarekeye aho. Dore bimwe mubyo iri gutegura: Ibikorwa birebana n’imibereho myiza: Mu bikorwa birebana n’imibereho myiza muri rusange, Chorale Abakorerayesu bafite gahunda yo Gusura Urwibutso rwa Jenoside yakorewe Abatutsi rwa Gisozi ndetse bakazanasura bamwe mu batishoboye, batagize amahirwe yo gukomeza amashuri bo mu Murenge wa Kimironko. Iyi gahunda itegenijwe kuba kuwa gatandatu tariki ya 11/08/2012 aho Abakorerayesu bazifatanya n’abakunzi babo muri iyi gahunda.

Uru ni urugero rwiza izindi chorale zikwiye kwigiraho kuko bitanga ubutumwa bwiza kandi bwubaka ndetse bikaba bishobora no kugira umumaro cyane mu buzima bwa benshi. Aha tukaba twagira duti mukomereze aho. Album Video: Ibyo bikorwa twavuze haruguru biri gutegurwa n’Abakorerayesu bari kubifatanya no gutegura Album Video bakaba baratangiye igikorwa cyo kwitoza mu minsi ya vuba bakaba bazatangira gufata amashusho. Chorale Abakorerayesu irashimira abakunzi bayo bose kandi ikaba ikomeje kubararikira gukomeza kuyiba hafi no kuyishyigikira mu buryo bwose kugira ngo intego yayo yo kwamamaza ubwami bw’Imana ikomeze kugerwaho.

« Mu kumurika indirimbo zanjye sinteganya gucuranga CD ( Play back), ngo mbeshye abazaza ko arinjye urimo kuririmba ahubwo nariteguye bihagije kuburyo nzaririmba imbona nkubone ( live), ikindi yaba ari ku ruhande rwanjye cyangwa se ku rw’abazamfasha gucuranga nta kibazo na kimwe » Aya ni amagambo twatangarijwe n’umuhanzi NTIRUGIRIMBABAZI Jean Pierre umwe mu bahanzi b’indirimbo z’Imana akaba asanzwe ari n’umurirrimbyi muri Korali Sion yo mu itorero rya ADEPR KICUKIRO umudugudu wa NYAKABANDA ryubatse hepho gato ya Hotel Alpha Palace.

Ubusanze umuhanzi Jean Pierre NTIRUGIRIMBABAZI ni umusore ukijijwe, nk’uko abyivugira ngo akaba yaratangiye ubuhanzi bw’indirimbo z’Imana akiri umwana yiga mu ishuri ryo ku cyumweru ry’abana ( Sunday School ), gusa ngo icyo gihe bikaba bitari byakabaye umwuga kuko yarazihimbaga zikaririmbwa n’abana bagenzi be gusa, mu mwaka wa 2006 ngo nibwo iyo mpano yongeye kubyuka maze tariki 2/09/2006 abasha gushyira ahagaragara indirimbo ze 2 ( Agira neza hamwe na Humurizwa).

Ntago byahagarariye aho kuko Imana yakomeje kumufasha cyane, kuri ubu ishimwe afite ni uko amaze gutunganya indirimbo 13 murizo harimo 10 zikoze kuburyo bw’amajwi hamwe n’izindi 3 z’amashusho ( 10 Audio & 3 Visuel ), akaba kandi ngo yumva atazahagararira aho kuko indirimbo ze ngo amaze kubona benshi zubaka mu bugingo,abandi zikabasubizamo ibyiringiro, kuburyo rero biri mu bimwongerera imbaraga zo kurushaho gukora uwo murimo w’Imana.
Ku birebana n’igihe ateganyiriza kumurika ku mugaragaro indirimbo ze, umuhanzi Jean Pierre yatubwiyeko ateganya kuzakora igiterane kigari ku itariki ya 26/08 uyu mwaka ku rusengero rwa ADEPR NYAKABANDA ( KICUKIRO), akaba yaraboneye ho umwanya wo gushimira ubuyobozi bw’iryo torero, abahanzi batandukanye, abakirisitu n’inshuti ze by’umwihariko uburyo badahwema kumuba hafi mu myiteguro, ariko anasaba abakunda indirimbo ze n’izindi z’Imana ko bararitswe kuri uwo munsi kandi ko kwinjira bizaba ari ubuntu,bakumva indirimbo ze n’izabandi bahanzi bakunzwe cyane bazaba baje kwifatanya nawe, mu mvugo ye bwite ati : « Nzanezezwa no kubabona muje,muri benshi ku nshigikira kandi mbijeje ko tuzabakirana urrugwiro iwacu »

Tumubajije niba hari imbogamizi yaba ahura nazo, yadusubije ko ikibazo afite ari ikibazo rusange mu bahanzi, cyo kudahabwa agaciro cyane mu nsengero z’iwabo mu matorero ngo ahubwo ugasanga barenga bagatumirwa mu biterane bitandukanye by’ahandi nyamara ngo baba banakeneye no gukora umurimo w’Imana aho basengera ngo kuri we imvugo ngo Nta muhanuzi iwabo yakagombye gucika mu nsengero,ikindi ngo ni icy’amikoro aba adahagije n’ibikoresho bya muzika gusa ngo n’ubo bibagora mu murimo w’Imana ngo ntago bibaca intege cyane kuko Imana nyir’umurimo kenshi yishakira igitambo.

Muri launching ya Korali Sinai hatumiwemo Chorale Salemu ni Chorale ifite ivugabutumwa rifite imbaraga muri ino minsi ,doreko ifite ibyuma (instrument) yifashisha mu ivugabutumwa bifite agaciro gakabakaba muri million makumyabiri (20.000.000frw).Umuvugabutumwa ni HABIMANA Berenard umukozi w’Imana usizwe amavuta, agashya mudushya tuzaboneka uwo munsi nuko equipe yabacuranzi hazaba harimo umukunzi wacu mujya mwumva mukiganiro cya gospel kitwa gospel timeshow cyo kuri radio isango star uwo ni Ayabba Paulin aho azaba acuranga quitare bass. Italiki n’amasaha bizaberaho ni 19/08/2012 saa munani bizabera ku urusengero rwa Kamashashi-Kanombe aho Chorale Sinai ikorera umurimo w’Imana.

Mu rwego rw’ivugavutumwa, Korali Sinai irateganya kongera ingendo z’ivugabutumwa mu gihugu ndetse no hanze y’igihugu cy’u Rwanda cyane cyane ihereye ku bihugu duhana imbibi doreko ifite ubutumire mugihugu cy’abaturanyi i Burundi mu kwezi kwa 11 k’uyu mwaka wa 2012. Nyuma yaho kandi izakomeza gukora izindi ndirimbo inakora amashusho yazo. Naho mu rwego rw’iterambere, barateganya kwagura iterambere mu buryo bwose bushoboka kuko ishingiro ry’umutungo rya mbere ni abaririmbyi kandi bafite imirimo itandukanye, bakaba batiganda gutanga imisanzu ariko murwego rwo korohereza abaririmbyi imisanzu turateganya kugura imodoka ishobora kwinjiza amafaranga ikaba yanadufasha mu ngendo zivugabutumwa,turateganya kandi kongera imbaraga mu gikorwa tujya dukora cyo gusura abarwayi badafite ababitaho mu bitaro bya gisirikare i Kanombe.

Barateganya kandi gushyiraho urubuga(website) rwo kujya ruduhuza nabakunzi bacu, kugeza ubu igikorwa chorale Sinai yimirije imbere ni igikorwa cyo gushyira k’umugaragaro(launch) album yayo volume ya kane(4) ya audio.

Amwe mu mateka yiyi Korali, twababwirako Korali Sinai ni imwe mu makorali abarizwa ku mudugudu wa Kamashashi ho muri Paruwasi ya Kanombe. Yavutse mu kwezi kwa Werurwe umwaka w’1997 ikaba yari igizwe n’abaririmbyi umunani (08) higanjemo abadamu. (ni ibintu bitangaje!!! Kuko bamwe muri abo badamu baririmbaga ijwi rya Base!!). turanibuka ko uwabanje kuyicurangira yari umudamu acuranga piano!!

Twakomeje gusenga Imana umubare w’abaririmbyi uriyongera kuko kuri ubu ugeze kuri 87. Korali Sinai kuva icyo gihe yakoze umurimo w’ivugabutumwa mu buryo bw’indirimbo kuri uwo mudugudu ndetse n’ahandi hantu hatandukanye mu gihugu cy’u Rwanda,ukuyemo icyahoze ari Gikongoro na Kibuye niho itaragera muri iki gihugu cyacu. Turebye kuri imwe mu mirimo yayo, mu murimo w’ivugabutumwa Korali yawukoraga imicurangire igoye cyane, kuko ingoma yakoreshaga ni ya ngoma ya gakondo bakunze kwita ingoma y’uruhu!!. Hamwe n’abaterankunga bayo, Iyi Chorale Sinai yagiye itera imbere mu bikorwa bitandukanye birimo kwigurira ibyuma bya muzika, gukora ingendo zinyuranye, impuzangano (uniforme), ndetse no gushyira mu majwi indirimbo zayo.

Uko umurimo wagiye waguka hamwe no gusenga Imana abaririmbyi bakomeza gutanga umuhamagaro binjira muri Korali kugeza ku rwego rwo kubasha kwigurira ibyuma bya muzika mu mwaka 1999 Muri uku kugura ibyuma kandi nabwo ntibyatworoheye kuko twagombaga gukora ibyo twakwita ibiraka: nko kubumba amatafari yo kubaka amazu, kubaka nabyo byarakorwaga kugirango habashe kuboneka amafaranga y’imisanzu n’ayo kugura ibyuma bya muzika. Icyo gihe twabumbye amatanura agera kuri abiri Twubaka amazu 4 kugira ngo ayo mafaranga aboneke!! Ibi byose byakorwaga n’abaririmbyi.

Ntitwakwibagirwa kandi abaterankunga n’inshuti zacu zagumyaga kutuba hafi ndetse bakanatugira inama mu by’umurimo w’Imana twakoraga. Mu ngendo z’ivugabutumwa ahantu hatandukanye mu gihugu, twageze mu ntara nyinshi kuko izo ngendo ubwazo zigeze kuri ijana na mirongo itanu nebyiri (152). Nyuma yaho twabashije gushyira indirimbo ku ma kasete atatu ni ukuvuga ko yari igeze kuri Volume 3.

Kuri ubu Korali ikaba yaratekereje gushyira indirimbo zayo ku ma CD, iyi ikaba ari CD AUDIO VOL 4 ikababa yarahawe izina rya “MFITE UMWANYA REKA NGUSHIME”. Iyi Korali yamenyekanye cyane ku ndirimbo yitwa “Akamanyu k’umutsima” nayo ikaba yumvikana kuri iyi Vol kuberako twifuje ko iyo ndirimbo yakorerwa amashusho niyo mpamvu yagarutse kuri iyi volume igizwe n’indirimbo 12.

Kuri iki cyumweru tariki ya 12/08/2012 nyuma ya saa sita,mu karere ka Huye Umurenge wa Tumba akagali ka Gitwa hazwi cyane nko kuri antene,habereye igitaramo cy’indirimbo zihimbaza Imana,ndetse n’ijambo ryayo.

Icyo gitaramo cyateguwe na CHORALE EVANGELIQUE ibarizwa mu itorero rya ADEPR CYARWA mukarere ka HUYE cyitabiriwe n’abandi baririmbyi aribo chorale EBENEZER, na chorale ABITANZE zombi zo muri iryo torero.

Icyo gitaramo cyaranzwe n’indirimbo zanejeje cyane abari bacyitabiriye,mu ijambo ry’Imana ryavuzwe na SENTOZI Annanias yibanze cyane kukugira Imitekerereze nk’iya Yesu,aho yibukije abari aho ko iyo umuntu yakiriye Yesu nk’umwami n’umukiza we mubugingo bwe :imikorere,imitekerereze,imyambarire,imibanire n’ibindi byose biranga imibereho ya buri munsi ya muntu birahinduka maze akabaho nk’uko Imana ishaka,uwo muvugabutuwa yarangije ashishikariza abatarakizwa kwakira agakiza bakemera kuyoborwa na Yesu mumibereho yabo ya buri munsi.

Nyuma y’iki gitaramo,chorale evangelique izakomereza mururembo rwa Gikongoro,aho izakorera urugendo rw’ivigabutumwa mu mpera z’icyi cyumweru.Dukomeze kubasengera kugirango urugendo rwabo ruzagende neza.
Imana ibahe umugisha.

Ni kuri uyu wa gatandatu taliki 18 Kanama guhera saa munani z’amanywa kugeza ku cyumweru taliki 19 Kanama 2012, aho Chorale y’ikirangirire Bethlehem ikomoka mu Karere ka Rubavu izataramira abakunzi ba yo ku mudugudu (Chapelle) wa ADEPR Rwimbogo, Paroisse ya Kanombe, ku bufatanye na Chorale Elayono isengera kuri uyu mudugudu. Iyi chorale izasesekara i Rwimbogo mu ma saa sita z’amanywa, maze saa munani itangire igiterane.

Bethlehem ifite abakunzi batari bake muri iki gihugu cyacu ubu itegerezanijwe amatsiko menshi muri iki giterane. Ni mu gihe kandi kuko yagiye ivuga ubutumwa mu ndirimbo nyinshi mu ndimi z’Ikinyarwanda, Igifaransa n’Igiswahili, kandi zisobanuye mu rurimi rw’Icyongereza, iziririmba mu njyana zitandukanye. Ibi byatumye ubutumwa bwiza buzikubiyemo bugera ku bantu benshi bumva indimi zinyuranye mu mpande nyinshi, ndetse no hanze y’igihugu cyacu. Uretse no kuba iririmba neza ikanezeza abakunzi ba yo, ibi na byo biri mu byatumye ikundwa n’abantu batandukanye kandi biyizanira kumenyekana cyane.

Ku bijyanye n’urugendo rwa Chorale Bethlehem, twegereye umuyobozi wa yo Bwana Muhire Innocent atangariza agakiza.org ko iyi Chorale yavutse mu w’1965, itangiranye abaririmbyi batageze kuri 20 bakomoka mu mpande zitandukanye z’igihugu cyacu. Muri icyo gihe amakorali yari akiri make kuko muri ADEPR mu Rwanda hose hari amakorali 3 gusa, ari yo Bethlehem (yitwaga Korali Gisenyi); Betania (yitwaga Korali Gihundwe) na Hoziana (yitwaga Korali Kigali).
Uhereye icyo gihe, iyi Chorale yagiye yaguka cyane. Ubu abaririmbyi bayirimo babarirwa muri 80. Umuyobozi wa yo yadutangarije ko uko yagiye ikura, umurimo wagiye waguka maze abaririmbyi bakerekeza mu makorali anyuranye nka Hoziana yo muri ADEPR Nyarugenge, Iriba yo muri ADEPR Butare-Ville, n’ahandi. Imaze gushyira ahagaragara albums zigera kuri 5 ndetse ikaba itegura gusohora iya 6 vuba aha. Muri zo, albums izigaragaza amashusho (Video) ni ni 2. Yakoze ingendo z’ivugabutumwa zitandukanye mu gihugu cyacu, muri Congo ndetse n’i Burundi.

Chorale Bethlehem kandi ngo ifitanye umubano ukomeye n’umudugudu wa Rwimbogo, kuko umuyobozi w’uyu mudugudu Pasteur Seth Munyamahoro yayoboye ADEPR Gisenyi guhera 1996-2000. Ibi bituma Chorale Bethlehem itiyumvamo ubushyitsi cyane, ahubwo bumva ari bisanga. Badutangarije ko banejejwe cyane no kuza ku mudugudu uyobowe n’uwahoze ari umuyobozi wa bo, dore ko ngo banamukunda kandi bakamwubaha nk’umubyeyi wa bo. Iyi Chorale ngo yiteguye iri ivugabutumwa cyane, basubira mu ndirimbo ndetse basenga Imana ngo izabakoreshe.

Mu butumwa yahaye abazitabira iki giterane, Bwana Muhire yagize ati: “Yesu ari ku ngoma kandi azahoraho iteka ryose. Turabararika ngo muzaze muri benshi murebe ibitangaza Imana izakora binyuze mu ndirimbo, kuko twagiye dukora ibiterane ahantu hatandukanye abantu benshi bakabohoka.”

Twegereye kandi umuyobozi wa Chorale Elayono izakira bagenzi ba bo bagize Chorale Bethlehem, Bwana Gaga Gerard ngo agire icyo adutangariza kuri Elayono ndetse no ku buryo biteguye igiterane. Yabivuze muri aya magambo: “Chorale Elayono yatangiye muw’1996, itangirana abaririmbyi 4 ariko kugeza ubu ifite abagera kuri 63. Kugira ngo umurimo waguke, twabifashijwemo no gusenga, n’ivugabutumwa ryabyaye abantu bakaza tugafatanya umurimo. Tumaze gushyira ahagaragara album audio yitwa “Gucungurwa kwacu”. Iki giterane turagitegura mu buryo bwo gusubira mu ndirimbo, no gusenga tunasengera bene Data ngo bazasohore amahoro.”

Mu butumwa yahaye abakunzi b’agakiza.org, yagize ati: “Bethlehem ni Chorale nziza cyane, ku buryo tudashidikanya ko iki giterane kizaba kirimo imigisha n’imbaraga z’Imana. Tugize umugisha wo gutaramirwa na Chorale izwi ku rwego mpuzamahanga kandi idakunze kugenderera abantu benshi, turararika abantu ngo bazaze bakire imigisha y’Imana.”

Ku bifuza kwitabira iki giterane, twabibutsa ko ujya kuri ADEPR Rwimbogo agera ku kibuga cy’indege mpuzamahanga cya Kanombe, maze akamanuka mu muhanda w’amabuye uhari ukamugeza ku rusengero.
Muze muri benshi mwakire imigisha y’Imana!

Inkuru ya Simeon Ngezahayo/agakiza.org

Kuri iki cyumweru tariki ya 19 Kanama 2012,Korali Heman yo mu Itorero rya Louange i Gikondo izashyira ku mugaragaro albumu yayo ya kane yiswe “Igitaramo”.

Mu kiganiro na IGIHE,Prospert BIGANGU,umuyobozi uhagarariye abatoza muri iyi korali yatangaje ko ari ubwa mbere babashije gukora indirimbo z’amashusho,umuhango wo kuyimurika ukazabera ku rusengero rwa Louange i Gikondo i saa yine z’igitondo no kuri Zion Temple mu Gatenga i saa kumi n’igice z’umugoroba. Iyi albumu kandi iriho indirimbo 8 nka Uwiteka ni we buhungiro bwacu,Hari umunsi umwe tuzava muri iyi si,Hafi y’umusaraba n’Igitaramo ari nayo bitiriye albumu yabo.

Nk’uko Prospert abitangaza,Korali Heman yashinzwe mu mwaka wa 1996,ikaba ifite abaririmbyi 53.Zimwe mu ntego bafite ni ukwamamaza ubutumwa bwiza no gufatanya n’ubuyobozi gukangurira abaturage kwiteza imbere

Bafatanyije n’urubyiruko rwa Eglise Vivante, Rabagirana Worship Band bateguye iminsi ibiri yo kuramya no guhimbaza Imana, kuva kuwa gatandatu tariki ya 18/08/2012 kugeza ku cyumweru tariki ya 19/08/2012, buri munsi kuva saa cyanda z’amanwa (15h00’/3pm), bikazabera ku rusengero rwa Eglise Vivante Kimihurura.

Rabagirana Worship Band n’itsinda ry’urubyiruko ruva mu masengero atandukanye yo mugi wa Kigali aho bakora kuramya no guhimbaza hamwe n’ibikorwa by’urukundo basura abarwayi n’abatishoboye, bakafasha, bakababwiriza ubutumwa bwiza bwa Kristo, uru rubyiruko ngo abenshi muriryo banyuze mu buzima bukomeye bunagoye mu gihe cyashize. Nino muri urwo rwego abenshi muribo bari barataye ukwizera n’ibyiringiro byejo habo bazaza ariko baza gusobanukirwa n’ijambo ry’Imana hamwe n’ubuzima bwiza buba muri Kristo, barahinduka bafata ikindi cyerekezo.

Nkuko twabitangarije n’umuyobozi wabo David Habimana, muri iki gitaramo bazaba bari kumwe Aline Gahongayire, Patient Bizimana, Alcene Manzi, worshipteam ya Eglise Vivante, Shekinah, The Blessing, Shinig Stars, Iwacu Music n’abandi besnhi batandukanye. Icyanditswe muri Bibiriya bashingiyeho ni Yesaya 60:1, kandi ngo hazabaho n’umwanya w’ijambo ry’Imana hamwe na Pasiteri Stanlay na Julienne Kabanda, kwinjira biaba ari ubuntu.

Kuri uyu wa gatanu tariki ya 24/08/2012, kuva saa kumi n’imwe z’umugoroba(17h00’/5pm), mu rusengero rwa Omega Church mu mugi wa Kigali hejuru mu nyubako ya Rubangura, niho umuhanzi Serge Iyamuremye aramukira aubumu ye ya mbere yise “Ntamvura idahita”

Nkuko yabidutangarije ubwo twamusangaga mu myitozo n’abacuranzi n’abarririmbyi, Serge yadutangarije ko uriya munsi azaba ari kumwe na bandi bahanzi bazaza kumushigikira harimo Cpt Simon Kabera, Gaby Irene Kamanzi, Alcene Manzi, The Blessing n’abandi benshi batandukanye. Kwinjira muri kino gitaramo bikaba bizaba ari ukugura Cd yuyu muhanzi aho izaba igura amafaranga 2000Frw mu rwego rwo gufasa abakunzi be bose kutabura muri cyo gitaramo, dore ko nyuma yacyo zizaba zigura 5000Frw.

Nyuma y’iki gitaramo Serge Iyamuremye akamoza gukora amashusho y’indirimbo ze ku buryo mu mpera z’uyu mwaka azayimurikira abakunzi be mu kindi gitaramo kinini azabategurira, yewe kugeza ubu hakaba ahari zimwe mu ndirimbo yarangije gukorera amashusho harimo “Nabaho” (dore aho iri kuri http://www.youtube.com/watch?v=1y-fv8w4KpY&feature=g-upl) aherutse gusohora mu cyumweru gishize.

Iyamuremye Serge, yavutse ku italiki ya 01/09/1990, avukira mu murenge wa Kigarama muri Kicukiro, yavukiye mu muryango ukijijwe, abatizwa mu mazi menshi mu itorero rya ADEPR Nyarugenge muri 2006. Muri icyo gihe yatangiye gufatanya n’umuryango we mu ivugabutumwa mu buryo bwo kuririmba bakora itsinda ryitwa « Family Group».

Iyakaremye yaje kujya kwiga muri APE Rugunga naho akomerezayo umurimo w’Imana ari muri groupe yo kuramya no guhimbaza (Praise and Worship), aho yaje no kuba umuyobozi wayo (Worship Leader) w’iyo groupe. Aho yagereye muri APACE, nabwo yakomeje gukora uwo murimo w’ubu Worship Leader. Mu biruhuko yajyaga ajya kwiga gucuranga musique classique piano mu Kiyovu mu kigo cy’umunyamerikazi witwa Marylene. Mu buzima bwe bw’ubuhanzi yatangiye kuririmba ku giti cye mu mwaka wa 2007.

Nyuma yaje kuza gufatanya n’uwitwa Bahizi Vincent umurimo wo kuririmba mu gihe cy’imyaka ibiri muri groupe yitwaga «Vincent and Serge». Bahizi Vincent yaje kubihagarika ku mpamvu ze bwite, ariko Serge akomeza kugira ishyaka ryo gukomeza umurimo w’Imana ari wenyine kugeza ubu ngubu.

Kuri uyu wa gatanu tariki ya 24/08/2012, kuva saa kumi n’ebyiru z’umugoroba(18h00’/5pm), mu rusengero rwa Omega Church mu mugi wa Kigali hejuru mu nyubako ya Rubangura, niho umuhanzi Serge Iyamuremye yamurikiye alubumu ye ya mbere yise “Ntamvura idahita”, igitaramo cyari kitabiriwe n’abantu benshi batandukanye, kwinjira bikaba byari ukugura Cd yuyu muhanzi yari yashyizwe ku mafaranga y’amanyarwanda ibihumbi bibiri (2000Frw).

Iki gitaramo cyatinze gutangira ugereranyije n’igihe cyari cyarateganyirijwe gutangira, Serge yadutangarije ko byatewe n’ikibazo cyibyuma byagoranye bigatuma batangira batinze ariko nyuma bikaba byagenze neza dore ko abahanzi bose bari bemeye kuza kumushigikira yaba Cpt Simon Kabera, Gaby Irene Kamanzi, Alcene Manzi, The Blessing ndetse na Gaby Ngamije bose baje kandi bakazira igihe banashimisha abari bitabiriye kino gitaramo. Bamwe mubo twaganiriye nyuma ya kino gitaramo barimo Amos umuyobozi wa Gift Supermakert, abantu batunganya umuziki Prod Nicolas, Prod Pst P, Prod Didier, Prod Prince, Cubaka Justin, Octave umuyobozi wa The Blessing ndetse n’aba bahanzi bari bitabiriye iki gitaramo bakaba badutangarije ko babona cyagenze neza cyane ko cyitabiriwe kandi Serge akaba yaririrmbye neza anambaye neza.

Nyuma y’iki gitaramo Serge Iyamuremye yadutangarije ko akomeje gukora amashusho y’indirimbo ze ku buryo mu mpera z’uyu mwaka azayimurikira abakunzi be mu kindi gitaramo kinini azabategurira, doreko icyi gitaramo cyari mu rwego rwo gutegura icyo kindi kinini azakora amurika iyo alubumu y’amashusho.

Iyamuremye Serge, yavutse ku italiki ya 01/09/1990, avukira mu murenge wa Kigarama muri Kicukiro, yavukiye mu muryango ukijijwe, abatizwa mu mazi menshi mu itorero rya ADEPR Nyarugenge muri 2006. Muri icyo gihe yatangiye gufatanya n’umuryango we mu ivugabutumwa mu buryo bwo kuririmba bakora itsinda ryitwa « Family Group». Iyakaremye yaje kujya kwiga muri APE Rugunga naho akomerezayo umurimo w’Imana ari muri groupe yo kuramya no guhimbaza (Praise and Worship), aho yaje no kuba umuyobozi wayo (Worship Leader) w’iyo groupe. Aho yagereye muri APACE, nabwo yakomeje gukora uwo murimo w’ubu Worship Leader. Mu biruhuko yajyaga ajya kwiga gucuranga musique classique piano mu Kiyovu mu kigo cy’umunyamerikazi witwa Marylene.

Mu buzima bwe bw’ubuhanzi yatangiye kuririmba ku giti cye mu mwaka wa 2007. Nyuma yaje kuza gufatanya n’uwitwa Bahizi Vincent umurimo wo kuririmba mu gihe cy’imyaka ibiri muri groupe yitwaga «Vincent and Serge». Bahizi Vincent yaje kubihagarika ku mpamvu ze bwite, ariko Serge akomeza kugira ishyaka ryo gukomeza umurimo w’Imana ari wenyine kugeza ubu ngubu.

Uyu ni FRERE Manu ni umuhanzi umucuranzi ndetse n’umuvugabutumwa amazina ye ni NKURUNZIZA Emmanuel akorera umuryangow’ itangazamakuru, niwe wahawe special promotion n’umuryango w’itangazamakuru witwa isange corporation nk’umunyamakuru wakozeneza mu mwaka wa 2011 atuye I Rubavu mu mujyi wa Gisenyi.

Ubu amaze umwaka n’amezi 4 ategura amashusho y’indirimbo z’agakiza ziri mu giswahili NYIMBO ZA WOKOVU atubwira impavu yahisemo gukora izindirimbo yagize ati: ndi umuhanzi mfite indirimbo nyinshi zimwe nazigishije choral mbamo Bethlehem izindi njya nzigisha abahanzi batandukanye tumubaza impamvu we atazisohora avugako ataringombwa ko yasohora ize bwite mugihe akiri muri choral kuko kenshi iyo uba muri korari ubundi ugakora n’ibyawe usanga bitaba byiza cyane ndetse birakuvuna cyane iyo ukiri umunyeshuri uri n’umukozi! Biragoye ariko hari icyo Imana izakora. Gusa niyumvamo kuba umuhanzi wo muri choral kurusha kuba umuhanzi kugiti cye. Kubera impamvu zitandukanye ntavuga ngo nzirangize kuba muri choral uba ufite abanjyenama bagukunda kandi bagushyigikiye ngirango abaza mu bitaramo nkora bo barabyibonera!!!!

Yagize icyo avuga kuri gahunda yizi ndirimbo za Wokovu: indirimbo nazikoze kuko nzikunda kandi ni indirimbo zanditse amateka mu gufasha imitima y’abantu benshi cyane cyane abaturiye igihugu cya Congo ikindi kandi nasanze zikundwa gusa ngerageza kurebako haba hari umuhanzi wakoze Album yazo ndamubura gusa bamwe bagiye bakora indirimbo zabo ugasanga bagiye bashyiramo imwe cyangwa 2 nka LILIANE KABAGANZA CHRISTINE SHUSHUI ,SALOMON MKUBWA … bituma mfata umwanzuro wo kuzikora kuko mbifitiye ubushobozi ndetse n’Impano nubwo rwose bihenze muri ikigihe.

Nihaye gahunda yogukora ubukangurambaga mu indirimbo z’agakiza(Campage d’evangelisation Nyimbo za Wokovu) mfite gahunda y’ibitaramo mu bihugu byose humvikanamo ururimi rw’igiswahili nahisemo kubikora nk’ubukangurambaga kugirango mbone abantu twakora uyumurimo kuko ni mugari cyane kubwanjye sinabishobora nemera ijambo ngo: “NJYE NAWE DUFASHANYE KWAGURA UBWAMI BW’IMANA KANDI NGO HAMWE N’IMANA TUZAKORA IBY’UBUTWARE”
Iyi ni inshuro ya gatatu ngiye gukora ibitaramo mbere y’icyambere cyabereye muri Gisenyi nkakorana na Dominic nic icyakabiri nagikoreye muri Congo ho byari bigoye kugira umuhanzi njyanayo kuko hariyo benshi kandi byari bumpende cyane uburero nkaba njye gukora icya 3 ikigali hamwe na Simon Kabera!

Ntakiba kidasanzwe mu bitaramo byanjye uretseko njye nemerera Umwuka Wera kwiyoborera gahunda iyo byabaye ngombwa gusenga ijambo rifata umwanya munini tukarebako hari uwakwihana ibyaha ubundi hakabaho umwanya wogusengerwa kubafite ibibazo bitandukanye,,,urumva ko bitandukanye gato n’ibindibitaramo by;abahanzi bagenzi banjye! Gusa byo turanaririmba tugacuranga live nziza tukagaragaza muzika yagospel urwego igezeho bitari ibya Disquette cyangwa Cd(Playback) muri Concert tuzazana udutabo tw’indirimbo ama DVD ndetse naza CD kubazabikenera bazabihabwa biciririce cyane!

Nyuma y’ikigitaramo cy’I Kigal FRERE Manu azakomereza I Burundi , Kenya , Tanzania na Uvira ariko yabanjye gukora ( tournois) mu matorero azwimo izindirimbo nka Zion Temple,Restauration…akazabifashwamo n’itorero rye ndetse na Choral Bethlehem abririmbamo
Ishimwe Deborah

Umuhanzi Bahati Alphonse usanzwe umenyerewe mu ndirimbo zo guhimbaza Imana(Gospel)ndetse no mu bikorwa byo gufasha cyane cyane impfubyi yateguye igitaramo cyo gufasha abana icyenda basigaye nyuma y’uko se wari n’umwalimu mu idini rya ADPR Paroisse Gisenyi yitabye Imana.

Mu kiganiro uyu muhanzi yagiranye n’abanyamakuru kuri uyu wa Kane yatangaje ko nyuma y’uko uyu mugabo yitabye Imana agasiga abana icyenda badafite aho bikinga, ibi byatumye Bahati ahita afata icyemezo cyo gutegura igitaramo kugira ngo uyu muryango wa nyakwindera wubakirwe indi nzu.

Bahati yatangaje ko iki gitaramo kizaba ku cyumweru tariki 2/09/2012 ku itorero rya ADEPR Gisenyi aho kwinjira bizaba ari ubuntu hanyuma abitabiriye iki gitaramo bakazakusanya inkunga yo gufasha uyu muryango.

Si ubwa mbere Bahati Alfonse ategura igikorwa cyo gufasha impfubyi nk’uko aherutse gutegura ikindi cyo gufasha impfubyi z’abari abakozi ba Bralirwa ku Gisenyi bazize jenoside yakorewe abatutsi mu w’1994 ndetse n’abishwe n’abacengezi mu mwaka wa 1998.

Uyu muhanzi afite indirimbo zitandukanye ndetse akaba anaherutse gukorana na King James indirimbo yitwa BIRASOHOYE.

Abahanzi baririmba indirimbo zihimbaza Imana, kuri uyu wa gatanu tariki ya 14/09/2012 baratamira abakunzi babo muri Restaurant Amani, kuva saa kumi n’ebyiri z’umugoroba, ibi bikaba ari mu rwego rwo gufasha abakunda ubuhanzi bw’ibintu byerekeranye n’Imana, kubona aho baruhukira kandi bishimana n’abahanzi babo.

Nkuko twabitangarije na Kwizera Ayabba Paulin umuyobozi wa Gospel Talent Promotion yateguye kino gikorwa, ubwo twaganiraga mu magambo ye yagize ati “Nyuma yo kubona ko umuziki wa Gospel mu Rwanda ufite abakunzi benshi, ndetse n’abahanzi benshi kandi babisobanukiwe, Company isanzwe ifasha abahanzi mu bintu bitandukanye Gospel Talent Promotion yifuje gukora ibitaramo by’indirimbo zihimbaza Imana buri mpera z’icyumweru kugira ngo abahanzi bajye bishimira abakunzi babo, ndetse n’abakunzi babahanzi babashe kwidagadurana na bo.”

Paulin yakomeje atubwirako Gospel Night Mix izatanga umusaruro ukomeye wuko umuhanzi wa Gospel na we yabona ubushobozi binyuze mu buhanzi bwe dore ko uzajya aharirimba azajya ahembwa, hakabaho kandi gufasha abakristo n’abandi bose bakunda ibintu bya gospel kujya babona aho basohokera muri weekend bakanidagadura mi Ijambo ry’Imana, ndetse hagafashwa abana bakiri bato kwigaragaza mu mpano zitandukanye bafite. Gospel Night izafasha abantu kwidagadura banasabana.

Kanyamibwa Patrick usanzwe ari Event Coordinator wa Gospel Talent Promotion, yatangaje ko ku nshuro ya mbere bahisemo Dominic Nic, itsinda rririmba rinacuranga riyobowe na Producer Myma Mbanza Alexis, umuhanzi Columbus Nduwayo, n‘umusore ukizamuka uzava Rusizi Pst King, kuva saa kumi n’ebyiri z’umugoroba abahanzi bakazatangira gususurutsa abazaba bahageze. Mu rwego rwo kubona amafaranga yo guhemba aba bahanzi hamwe no kwishyura ibyakoreshejwe, kwinjira muri iki gitaramo ni amafaranga 2000 y’amanyarwanda, ugahabwamo Fanta ku buntu. Buretse aba bahanzi bazariirmba hanateganyijwe umudije ukora Gospel Mix ibintu bitamenyerewe mu Rwanda kandi ngo uyu ni umwanya aho hazajya hanagaragazwa n’izindi mpano zitandukanye mri gospel zitari ukuririmba gusa.

“Nkuko agace ka Gacurabwenge gafite amateka mu gihugu cy’u Rwanda, niko natwe twifuza kuzenguruka u Rwanda rwose turirimba indirimboz ziri kuri alubumu yacu mu ivugabutumwa kandi tubereka ibyiza Imana yadukoreye” aya ni amagambo y’ umuyobozi wa Kolari Guershom.

Nkuko twabitanagrijwe na Ufitumufasha Elimerch, umuyobozi wa Kolari Guershom ibarizwa mu ntara y’amajyepfo, akarere ka Kamonyi, itorero Peresibiteriyeni mu Rwanda (EPR) region Remera Rukoma, Paroisse Gacurabwenge, Guershom yatangijwe kugitekerezo cy’abantu babiri, itangira ari groupe y’amasengesho batangira arabantu 8 mu kwezi kwa kane, 2004. Mu mwaka wa 2005 nibwo yabaye Kolari banayitorera izina “Guershom” bisobanuye “Abasuhuke cyangwa Abimukira” rikaba ryaravuye muri Bibiliya mu gitabo cyo Kuva 2:22, ikaba yaratangiye ari abaririmbyi 30 bivuye ku mushinga waterwaga inkunga na Compassion International. Kolari yakomeje kwiyongeramo abaririmbyi baba 45, ikaba igizwe na abanyeshuri biga mu mashuri yisumbuye ndetse nabarangije bagakomerezamo umurimo.

Kurubu korali Guershom igizwe n’abarimbyi 60, bimwe mu bikorwa yakoze harimo, aho mu kwezi kwa mbere 2005 nibwo yakoze igitaramo cyitabiriwe n’abantu benshi, nyuma bakomeje gukora no gusura amaparuwase ari muri Region yabo ariyo Remera, Nyakabuye ,Gihinga,Giko,Mwirute, Bubazi na Karangara, nkuko Bwana Elimerch yakomeje abitutangariza. Nyuma bakomeje no gusura izindi ndembo arizo ururembo rwa Kigali muri Paruwase Kicukiro na kiyovu, ururembo rwa Ruyumba muri Paruwasi Ngoma, Musambira, Mbati na Rugarika, ururembo rwa Kibungo muri Paruwasi ya Kabarondo, ndetse yakomeje gukora nibindi bitaramo muri Paruwasi kugeza ubu bibarirwa muri 22. Mu mwaka wa 2006 nibwo yagize igitekerezo cyo gusohora cassette Vol.1, bayisohora muri 2007 bayita ‘’Humura urarizwe’’ iriho indirimbo 11 arizo Ubuzima bwiza, Humura, Aratwibutse, Imana ni byose, Intwari, Urugendo, Dufitimana, Ururembo, Isi yose, Urera  n’Imbaraga. Mu mwaka wa 2011 yasohoye indi cassette Vol.2 bayita “Mana tabara’’ yo bayisohora iri kumwe n’amashusho iriho indirimbo 10 arizo Mana tabara, Umukunzi, Abayuda, Himbazwa, Tuzaruhuka, Urukundo impamvu, Mwijuru, Bwoko bw’Imana, Nimugaruke no Kumusaraba. Mu kiganiro gito twagiranye akaba yadutangarije ko mubyo bateganye harimo gukomeza umurimo w’Imana no kujya kuvuga ubutumwa mu mahanga Mu mwaka wa 2013 bateganya kugura ibyuma byiyongera kubyo bafite. Mu mwaka wa 2014 bazaba bafite isabukuru y’imyaka 10 nayo bazizihiza. Kuri gahunda bafite kandi hariho Igitaramo cyiminsi 2 cyo gusoza umwaka wa 2012.

Umuhanzi Bahati Alphonse uzwi mu ndirimbo z’Imana nka Shimwamana yateguye igitaramo kigamije gushyigikira ikigega “Agaciro Development Fund” gifite insanganyamatsiko igira iti “niba amahanga ahagaritse inkunga yageneraga u Rwanda, twebwe nk’Abanyarwanda twakora iki?”

Ubwo twaganiraga, Bahati yavuze ko igitaramo cya mbere kizaba tariki ya 23 Ukuboza 2012 muri Stade Amahoro i Remera (Petit Stade) aho azaba ari kumwe n’abahanzi batandukanye. Ikindi gitaramo bishobotse cyazabera muri Kigali Serena Hotel. Bahati yagize ati“twebwe twagombye kuba twaragize uruhare kuva kera mu gushyigikira “Agaciro Development Fund”.Uyu muhanzi yavuze ko mu myaka 16 amaze aririmba ari ubwa mbere azaba ateguye igitaramo gikomeye kigomba kubera muri Kigali kuko ubusanzwe abarizwa muri Rubavu.

Umuhanzi Bahati Alphonse ubusanzwe usengera muri ADEPR avuga ko igitekerezo cyo gutegura icyo gitaramo cyo guteza imbere igihugu yakigize nyuma yo kumva ko bimwe mu bihugu byahagaritse by’agateganyo inkunga byageneraga u Rwanda.Bahati azwi mu ndirimbo Aleluya Hozana, Niwowe gusa usigaye Mana na Shimwamana.

Ibiterane mu itorero rya ADEPR bikunze kwitabirwa kandi bikanagaragaramo ububyutse , rimwe na rimwe bitewe n’ivugabutumwa riba ryakonzwe haba mu ndirimbo cyangwa ijambo ry’Imana. Ni muri urwo rwego itorero ADEPR Kiyovu , ryateguye igiterane mu cyumweru bahariye kugira impuhwe.

Iki giterane kikaba kizatangira kuwa gatandatu, le 22/09/2012 hakazaririmba Chorale Ba Maso (yo mu Kiyovu), na Chorale Rehoboth (ya Rehoboth-Remera); naho ku cyumweru, le 23/09/2012 hazaririmba Chorale Simuruna (yo mu Kiyovu), na Chorale Impanda (ya SGM-Gikondo).

Si kenshi usanga ibiterane bitegurwa biba bifite insanganyamatsiko imeze itya, kuko incuro nyinshi usanga byinshi byibanda kubuzima bw’umwuka ,gushima no guhimbaza none by’umwihariko iri torero risanze no kugira impuhwe bikwiye nk’imwe mu ndangagaciro zikwiye kuranga umukirisitu.

ADEPR Kiyovu imaze kubona no gusobanukirwa ko roho nziza itura mu mubiri mwiza, yafashe icyemezo cyo gushishikariza abantu kugira impuhwe mu mibereho ya buri munsi. Ibi bikaba bitanga ikizere cy’ejo hazaza h’umukristo mu itorero igihe cyose rizirikana ku mibereho rusange y’abababaye bakwiye kwitabwaho no kugirirwa impuhwe.

Iki giterane kizarangwa n’urujya n’uruza rw’indirimbo z’amakorali azakuranwaga mu ndirimbo zisize amafuta n’ubutumwa bushyika ku mutima. Izi korali zose zizitabira iki giterane nk’uko zavuzwe haruguru, akaba ari korali zibarizwa muri ADEPR

Inkuru dukesha isange.com

Liliane Kabaganza, Cpt Simon Kabera, Aime Uwimana, Dominic Nic, Gaby Irene Kamanzi na Nelson Mucyo bayobowe na Patient Bizimana barataramira abakunzi b’indirimbo z’Imana ku cyumweru tariki ya 30/09/2012, kuva saa kumi z’umugoroba muri salle ya Sport View Hotel, icyi kikaba ari kimwe mu bitaramo bya gospel birimo abahanzi bakomeye kandi bakunzwe mu Rwanda. Kwinjira muri iki gitaramo bikaba ari amafaranga ibihumbi 2000 ahasanzwe hamwe na 5000Frw muri VIP.

Nkuko Patient Bizmana yabidutangarije, iki nicyo gitaramo cye cya mbere yateguye mu mugi wa Kigali, nyuma yo kubisabwa n’abakunzi be bamubona mu bitaramo by’abahnzi bagenzi be agenda aririmbamo hamwe n’amasengero atandukanye. Ibi akaba ari nyuma y’ibindi bitaramo bitatu yakoreye Rubavu i Gisenyi. Patient afite Album Audio yise "Ikime cy’igitondo", hamwe na DVD yise "Iyo ineza" ikaba igaragaza amashusho asa neza mu buryo bunogeye ijisho. Uyu musore utakibarizwa mu ntara y’i Burengerazuba mu karere ka Rubavu, dore ko ubu ari kuba i Kigali, abarizwa mu itorero rya Restoration Church, ishami rya Gikondo, akaba kandi ayobora ibigendanye no kuramya muri uru rusengero cyane ko n’inganzo ye usanga yibanda ku kuryamya Imana.

Zimwe mu ndirimbo ze zakunzwe harimo indirimbo "Menye neza", ndetse n’indirimbo « Andyohera cyane », n’izindi ndirimbo yakoranye n’abahanzi batandukanye barimo Gaby Irene Kamanzi, Liliane Kabaganza, Aime Uwimana n’abandi.

Patient Bizimana yavutse taliki ya 1/02/1987, muri Congo mu muryango w’abana 9 we akaba ari uwa 8, amashuri yisumbuye ayiga EPGI kuri St Fidele, ubu agiye mu mwaka wa kane ULK aho yiga Finance. Nubwo we yaje gutura Kigali ababyeyi be 2 baracyaba Rubavu, akaba ari umuhanzi uhimba, akanaririmba, akayobora kuramya no guhimbaza ndetse akanacuranga Piano. Kuririmba yabitangiye yiga mu mashuri yisumbuye, akaba yaragiye afasha abahanzi batandukanye muri studio bakora indirimbo zabo. Bizimana akunda kwirira ifiriti, akanwa Juice ya Marakuja. Kubijyane n’urukundo cyangwa niba afite inshuti nicyo abitekerezaho ngo ngo nta mukunzi afite kugeza ubu.

Mu giterane cy’urubyiruko cyari kigamije kugarura ububyutse muri Paruwasi ya ADEPR Bibare, Umuhanzi Simon Kabera yagaragaye arimo kuririmbana n’itsinda rimufasha kuririmba, ririmo n’umugore we Uwase Sandrine mu ndirimbo eshanu zari zahawe Simon.

Kabera Simon udasanzwe azwiho kuririmbana n’umugore we dore ko yajyaga kuririmba umugore we Uwase Sandrine agasigara mu byicaro, kuri iki Cyumweru tariki ya 16 Nzeri 2012, ubwo Kabera Simon yahabwaga indirimbo, mu bahagurutse bagiye kuririmba harimo n’umugore we, nyuma biza gutungura benshi babonye nawe baririmbanye dore ko abamufashaga batari barenze 3 biyongeragaho abamucurangiraga.

Mu kiganiro na Kabera uvuga ko barimo gutegura DVD ya album yitwa “Munsi Yawo”, amwenyura yagize ati “ Nk’uko mubireba ibidasanzwe ni uko na Madamu twaririmbanye tudasanzwe turirimbana, ubundi twaririmbanaga mu rugo ariko uyu munsi nanjye yankoreye surprise (yantunguye) mbona duhise turirimbana numva biranshimishije”.

Tumubajije niba biteguye gukomeza kujya baririmbana mu ruhame, yagize ati “Madamu wanjye indirimbo arazizi kandi azi no kuririmba nta kibazo, aririmba jwi rya kabiri (Alto)”.

Umugore wa Kabera Simon, Uwase Sandrine w’abana babiri ati “ Ndanezerewe cyane ko nyuma yo gukizwa Imana yampaye kubaka urugo kandi rwiza, ikampa n’umugabo w’umukozi w’Imana mu buryo bw’indirimbo”.

Nyuma yo gutangaza ko barimo gutegurana izindi ndirimbo nshya zitandukanye, Uwase Sandrine akomeza avuga ko bikiri intangiriro ariko ngo hamwe na Yesu ateganya kuzavuga ubutumwa kugera ku mpera z’Isi.

Muri iki giterane cy’urubyiruko cyari kigamije kugarura ububyutse mu Bibare, hanahindurwa isura isanzwe ihabwa urubyiruko ko ruhora mu byaha, abandi bari bacyitabiriye barimo umuhanzi Uzayisenga Isaie, Korali Elayono yari yaturutse kuri ADEPR i Remera n’amakorari asanzwe abarizwa muri Paruwasi ya Bibare arimo Korali Gloria.

source igihe.com

Kuri iki cyumweru cya 23 /09/ umuhanzi FRERE Manu yashimishije abakunzi b’indirimbo za Wokovu mu muhango wo kubamurikira DVD amashusho y’izi ndirimbo. Hashize igihe kingana n’umwaka n’igice uyumusore w’umucuranzi akora amajwi ndetse n’amashusho y’indirimbo z’agakiza mu giswahili NYIMBO ZA WOKOVU Frere Manu amurika ayamashusho yavuze ko gutinda kwayo harimo kuyakora neza ndetse no kuba yarayakoreye muri studio zitandukanye nabyo biri mubyamukereje!

Muri uyumuhango Frere Manu yasobanuye impamvu zatumye akora izindirimbo murizo higanjemo amateka yazo mu guhindura imitima yabantu ,ndetse anagaragaza urwandiko yandikiwe n’umuryango ugize muri bamwe mubahibyi bazo bamwe batakiriho harimo kumuha uburenganzira bwo kuzigurisha ndetse no kuzimwenyekanisha ku isi hose!

Uretse izindirimbo Frere Manu yashimishije abari muri ikigitaramo mu indirimbo zo guhimbaza aririmba mu cyongereza!! Nka “”you are Alpha and Omega” aririmba acuranga Piano.

Tuganira na Frere Manu yadutangarije ko ikigikorwa cyari icyumwihariko kubantu bamuba hafi muri muzika ye ndetse bakanamushyigikira haba mu masengesho ndetse no mubutunzi bwabo(cash) ngo akaba ariyo mpamvu atabitangaje ahubwo agatumira ni igikorwa cyatangiye kuiva isa 18h00 kugeza saa 20h00 z’umugoroba kuri Lake Kivu Serena Hotel kiyoborwa na Patrick KANYAMIBWA.

Cyitabiwe n’abantu 32. nubwo umubare wabo wari muke kubigaragara, ntibyatumye batamwerekako bakimushyigikiye aha bamuhaye amafaranga angana n’ibihumbi maganatanu 500.000frw

Ndetse bose bakana murambikaho ibiganza mu Isengesho riyobowe na Pastor Simon MASASU umuyobozi wa Restauration Church ndetse na Pastor Bahizi Gerard uhagarariye nyanama muri ADEPR mu Rwanda.
Frere Manu Akaba ategura igitaramo cyo gushyira kumugaragaro iyi Dvd mu ruhame kucyumweru tariki 30/09 mu rusengero rwa ADEPR aho azafatanya na Choral Bethlehem ndetse n’umuhandi Alexis DUSABE.

Umuhanzi Musabe Dieudonne amaze iminsi mike ashyize hanze indirimbo ye nshya yise « Ndamufite », akaba yarayikoranye n’abahanzi Dominic Nic na Rachel. Iyi ndirimbo ye ije isanga izindi nazo yakoranye n’abahanzi batandukanye, aho twavuga nk’iyitwa « Duhindure isi yacu » ari nayo ndirimbo irimo abahanzi benshi bagera kw’icumi, ndetse hari n’indi yitwa « Nzamubona » yakoranye na Bright umusore uzwiho kuririmba mu njyana ya Hip hop.

Musabe n’umuhanzi uririmba indirimbo zihimbaza Imana mu njyana ya Rn’b na Pop, benshi banemezako ariwe watangije injyana ya Pop muri gospel ya hano mu Rwanda. Agitangira kuririmba muri iyo njyana, yahereye ku ndirimbo yakoze mu mwaka wa 2010 ikaba yitwa « Nzamubona ». Iyo ndirimbo kandi yafashije urubyiruko rutari ruke cyane cyane urudakijijwe doreko Musabe anemezako ariwo muhamagaro we wo kuburira abanyabyaha.

Uyu muhanzi ikindi azwiho n’ukuba yaragiye agaragara cyane mu ndirimbo yakoranye n’abantu benshi arizo bita Collabo, ibi ngo Musabe yagiye abikora mu rwego rwo kubaka ubumwe bw’abahanzi bahimbaza Imana, mu gihe mbere byasaga nkaho buri wese ari nyamwigendaho. Ikindi n’uko Musabe akunda kurangwa no gusura abarwayi, gusura abanyeshuri mu mashuri yisumbuye ndetse no mu nsengero naho tutahibagiwe.

Kugeza ubu Musabe amaze gusinyana amasezerano na Net solution ishinzwe ibya Caller tune (Nukuvuga abashinzwe gushyira indirimbo muri telephone bityo wajya uhamagara umuntu ukumvamo indirimbo y’umuhanzi, akaba avugako ibi ari bimwe mu bimufasha gusakaza ubutumwa atanga kimwe n’uko n’abakunzi nabo biyongera. Usibye kuba agenda ategura Alubumu ye ya mbere, yanagerageje gusura abakunzi be babarizwa mu ntara zitandukanye z’Igihugu.

Indirimbo « Duhindure isi yacu » yakozwe umwaka ushize ikaba ari iya Musabe aho yayikoranye n’abandi bahanzi 10 aribo Asa, Jimmy Claude, Jimmy Muriho, Fazzo, Patrick (ubarizwa mw’itsinda Iwacu music), Musabe Dieudonne, Serge Iyamuremye, Eddie Mico, Laurent, Dorcus (ubarizwa mu itsinda Blessed sisters) na Bright.

zamukunda Goreth wamenyekanye cyane ku ndirimbo “Gusenga, Urufunguzo, Hana” ndetse n’izindi nyinshi, aratangaza ko imyiteguro yo kumurika alubumu ye ya kabiri y’amajwi (Audio) ayigeze kure, iyi alubumu akaba yarayise "SIOGOPI", ikazaba igizwe n’ndirimbo 7 zirimo nizi Giswahili .

Igikorwa cyo kumurika iyi alubumu giteganyijwe ku cyumweru tariki ya 07/10/2012 i Kanombe muri Museum ahahoze ari ingoro yaba perezida b’u Rwanda, mubijyanye no kwinjira bikaba bizaba ari amafaranga amafaranga ibihumbi bibiri mu mwanya isanzwe, naho mu mwanya y’icyubahiro (V.I.P) ari ibihumbi bitanu(5,000 frw).

Goreth Uzamukunda akomeza atangaza ko imyiteguro igeze kure ndetse n’abahanzi bazagaragara muri kiriya gitaramo mirongo inani kw’ijana(80%) bamaze kumenyekana, akaba ari: Kabaganza Liliane; Bahati Alphonse, Theo Bosebabireba; Mugabo Venuste, Zaninka Liliane ndetse n’abandi azadutangariza mu minsi irimbere.

« Siogopi; Dorcas; Izagusubiza; Umuntu; Ufunguo; Urukundo » nizo ndirimbo zizagaragara kuri iyi alubumu, nyuma yo kugira abakunzi benshi mu Rwanda ndetse no mu karere akaba atangaza ko kuri iyi album byatumye akoramo n’indirimbo z’igiswahiri kugirango akomeze kongera abakunzi be mu rwego rwa East African, ndetse mu ma tariki ya 26/09 kugeza 30/09/2012 akaba azaba ari muri Kenya aho yatumiwe kuririmba mu giterane kizabera Nairobi.

Uzamukunda Goreth yavukiye i Kigali taliki ya 16/09/1983, avukira ahahoze ari commune Kanombe ubu akaba ari Kicukiro district mu murenge wa Nyarugunga akagali ka Kamashashi, avuka mu muryango w’abana umunani, akaba ari umwana wa gatatu mu muryango ndetse akaba ariwe mukobwa wa mbere mu muryango wabo. Yize amashuri abanza muri Ecole Primaire Nyarubuye i Rwamagana, amashuri yisumbuye ayakomereza muri G.S/AIPER Nyandungu aho yize icyiciro rusange no muri APROFOTEC i Remera mu ishami ry’amashanyarazi.

Uzamukunda Goreth akaba yarakiriye agakiza mu mwaka 1996 i Kanombe ndetse ahita yinjira muri Korali Sinayi mu mwaka 1997, aza kuyivamo mu mwaka 2006 atangira urugendo rwo kuba umuhanzi ku giti cye. Ubu Goreth akaba amaze guhabwa akazina n’abakunzi be ka Maman Gospel kubera ibikorwa bitandukanye akomeje kugenda akora aho usanga agaragara mu biterane birenga mirongo itanu mu mwaka mu matorero atandukanye nkuko yabidutangarije.

Nyuma yo gukora ingendo zitandukanye hirya no hino mu gihugu z’ivugabutumwa ryiza, ubu noneho Korale Louange ADEPR Gatsata irashyira henze ku mugaragaro Alubumu yabo Vol 3 yitwa « Yesu ni byose », kuri uyu wa gatandatu no ku cyumweru mu mpera za kino cyumweru, ni ukuvuga tariki ya 29 na 30/09/2012, muribi bitaramo kandi akaba aribwo bazatangira gufata amashusho y’indirimbo zabo azakoreshwa kuri DVD.

Umuyobozi w’iyi korali Bwana Jacques Ndayisenga mu kiganiro twagiranye akaba yadutangarije ko ibi bitaramo bizabera kuri ADEPR Gatsata aho bakunda kwita Gulugari, bikazajya bitangira saa kumi z’umugoroba. Abahanzi bazakorana nabo hakaba harimo Isaie, n’abandi benshi batandukanye.

Yasoje asaba abakunzi bayo kuyisengera ndetse no kuzitabira iki gikorwa ku bwinshi dore ko no kwinjira ari ubuntu.

Patient Bizimana arataramira abakunzi b’indirimbo z’Imana ku cyumweru tariki ya 30/09/2012, kuva saa kumi z’umugoroba (16h00’/4pm) muri salle ya Sport View Hotel I Remera mu mugi wa Kigali, icyi kikaba ari kimwe mu bitaramo bya gospel birimo abahanzi bakomeye kandi bakunzwe mu Rwanda barimo Liliane Kabaganza, Cpt Simon Kabera, Aime Uwimana, Dominic Nic, Gaby Irene Kamanzi na Nelson Mucyo. Kwinjira muri iki gitaramo bikaba ari amafaranga ibihumbi 2000 ahasanzwe hamwe na 5000Frw muri VIP.

Ubwo twamusanganga mu myitozo n’abacuranzi be barimo Zawadi, Cubaka Justin, Pashington n’abandi ndetse n’abaririrmbyi bzamufasha mu kwikiriza, Patient yadutangarije ko biri kugenda neza, kugeza ubu hejuru ya 80% ibisabwa ngo igitaramo kizagende neza byabonetse kandi ibyo kwishyurwa byarangiye. Ubu ikiri gukorwa ni imyitozo hamwe no gutegura imigendekere y’igitaramo hamwe n’abandi bahanzi bazakorana nawe.

Iki nicyo gitaramo cye cya mbere yateguye mu mugi wa Kigali, nyuma yo kubisabwa n’abakunzi be bamubona mu bitaramo by’abahnzi bagenzi be agenda aririmbamo hamwe n’amasengero atandukanye. Zimwe mu ndirimbo ze zakunzwe harimo indirimbo "Menye neza", ndetse n’indirimbo « Andyohera cyane », n’izindi ndirimbo yakoranye n’abahanzi batandukanye barimo Gaby Irene Kamanzi, Liliane Kabaganza, Aime Uwimana n’abandi.

Patient Bizimana yavutse taliki ya 1/02/1987, muri Congo mu muryango w’abana 9 we akaba ari uwa 8, amashuri yisumbuye ayiga EPGI kuri St Fidele, ubu agiye mu mwaka wa kane ULK aho yiga Finance. Nubwo we yaje gutura Kigali ababyeyi be 2 baracyaba Rubavu, akaba ari umuhanzi uhimba, akanaririmba, akayobora kuramya no guhimbaza ndetse akanacuranga Piano.

Kuririmba yabitangiye yiga mu mashuri yisumbuye, akaba yaragiye afasha abahanzi batandukanye muri studio bakora indirimbo zabo. Bizimana akunda kwirira ifiriti, akanwa Juice ya Marakuja. Kubijyane n’urukundo cyangwa niba afite inshuti nicyo abitekerezaho ngo ngo nta mukunzi afite kugeza ubu.

Nkuko yabidutangarije kuri uyu wa kane tariki ya 27/09/2012, ku kibuga cy’indege i Kanombe mbere gato yo kwerekeza mu gihugu cy’u Burundi, Liliane Kabaganza yatumiwe i Bujumbura mu giterane kizamara iminsi itanu, cyikazabera ku rusengero rwitwa Dynamique.

Muri ki giterane Kabaganza akaba yajyanye n’undi muhanzi w’umunyarwanda Mama Zoulou ubusanzwe amazina ye akaba ari Zaninka Joseline, nkuko yabidutangarije yaba tike y’indege, aho bazaba nibindi byose bikaba bizakorwa nurwo rusengero rwabatumiye.

Tumubajije ibindi bikorwa ari gukora muriyi minsi nibyo ateganya mu minsi iri imbere nyuma yo gutwara Salax Awards 2012, yatubwiyeko ubu ari gukora amashusho ya alubumu ze ebyiri, iyi Kinyarwanda niyi giswahiri zose ashaka ko zizasohokera rimwe umwaka utaha wa 2013, izi ndirimbo zose hamwe zikaba ari makumwabiri, akaba ari kuzikorera ahantu hesnhi hatandukanye ku biyaga nahandi henshi hatandukanye bigendanye na buri ndirimbo uko imeze. Buretse kandi ifatwa ryayo mashusho yizo ndirimbo, arakomeje kandi no gutaramira abakunzi be mu bitaramo n’ibiterane bitandukanye aba yatumiwemo.

Igitaramo cyo kuramya no guhimbaza cya Patient Bizimana yise “Poetic Evening of Praise and worship” cyabaye kuri icyi cyumweru, ni kimwe mu bitaramo bya gospel byiza bikozwe muri uyu mwaka, dore ko cyitabiriwe cyane kandi abenshi mubacyitabiriye twaganiriye bakaba badutangarije ko bishimiye iko byagenze.

Nyuma yaho dukurikiye iki gitaramo, twabashakiye ibintu icumi byagaragaye muri kino gitaramo bidakunze kugaragara mu bitaramo, ibyo abenshi bita « Udushya », muri byo harimo ibyiza byo gushima no kwigiraho cyane abandi bahanzi bategura ibitaramo, n’itaragenze neza byo gukosora ubutaha.

Icya mbere kidakunze kugaragara mu bitaramo byinshi bibera mu mugi wa Kigali, iki gitaramo cyatangiye kare kandi gikurikiza isaha yari yaravuzwe mbere, iyo akaba ari isaha ya saa kumi z’umugoroba. Ibi byatumwe kino gitaramo gisozwa neza kandi hakiri karedore ko saa tatu n’iminota icumi igitaramo cyari kirangiye.

Icya kabiri cyitamenyerewe ni ukwitabirwa cyane kw’abantu mu gihe kwinjira byari amafaranga. Mubindi bitaramo usanga bbyitabirwa turavuga ibya gospel, usanga kwitabirwa cyane akenshi biterwa nuko kwinjira aba ari ubuntu cyangwa se wanakwishyura ugahabwa CD cg DVD y’ubuntu. Iki gitaramo cya Patient Bizimana cyaritabiriwe kugezaho bongera intebe muri Salle, ndetse saa kumi n’ebyiri Salle yari yuzuye hasi no hejuru.

Icya Gatatu kidasanzwe ni ukubura k’umuriro w’amashanyarazi (Electricity power) inshuro 2 mu bihe bitandukanye. Nubwo uku kubura kumuriro ntacyo kwangije cyane doreko wamaraga hafi iminota 2 yonyine ariko byerekanyeko ari byiza guteganya generator yo gufasha mu gihe ari ngombwa.

Icya kane ni ubwitabire bunini bw’abahanzi bari bateganyijwe kuririmba, doreko bose baje kandi bakaza hakiri kare uretse umuhanzi Liliane Kabaganza wari uri Bujumbura. Naho Nelson Mucyo, Aime Uwimana, Dominic, The Blessing Family, Gaby Irene Kamanzi na Cpt Simon Kabera, ntawakerewe kandi bose bararirimbye yewe haniyongeraho Cubaka Justin na Bobo, kandi bose bariririmbye uburyo bw’umwimerere keretse Bobo Bonfils niwe wakoze Playback wenyine. Buretse aba bahanzi hari n’abandi bahanzi baje gushigikira Patient Bizimana nubwo bo bataririmbye harimo Aline Gahingayire, Bahati Alphonse, Jaskson Kanimba wo muri Tasker na Danny nanone.
Icya gatanu ni uburyo umuhanzi Bizimana Patient yafashe iminota irenga 10 hagati mugitaramo ntakindi akora kitari ugushimira abantu bose bamufashije mu gitarmo cye. Aha akaba yari afite urupapuro rurini yarebagaho asoma umwe umwe, harimo buri gitangazamakuru ukwacyo, amakampani, amasengero ndetse n’abantu kugiti cyabo.

Icya gatandatu, iki gitaramo nta findrising cyangwa uburyo bukunda gukorwa mu bitaramo byinshi bya gospel byo gushaka no gusaba amafaranga afasha umuhanzi cyangwa azakoreshwa nyuma, rimwe na rimwe hakabaho no kubikora hagurishwa ibihangano by’umuhanzi. Ahubwo iki gitaramo cyagaragayemo cyane umwuka wo kuramya no guhimbaza Imana.

Icya karindwi, itsinda The Blessing Family bagaragaje ukubyina bigezweho mu buryo bw’igihinde, kuburyo aba basore n’abahungu iminota igera kuri 10 ntaguhagaraga kujemo bari mu bahanzi bashimishije abantu by’umwihariko muri concert ya Patient Bizimana.

Icya munani, abanyamakuru Rukundo Fils na Claude Claude Ndayishimiye wo kuri Autantic radio bose buri umwe yaje aherekejwe n’umufasha we, tukab twabibutsako aba banyamakuru bafite abafasha babasungu, Angela Alford w’umwongerezakazi wa Rukundo na Courtney Alisha Cole w’umuyamerika uumudamu wa Claude.

Icya cyenda, rimwe na rimwe igitaramo cyigitangira, imbaraga nyinshi z’ibyuma n’amatara byakoreshwaga byarushaga imbaraga umuriro (electricity power) wa Hotel bigatuma gucuranga no kuririmba bigorana. Nubwo ibi byabaye inshuro ebyiri mu itangira rya kino gitaramo ni byiza ko abahanzi bajya babitegura hakiri kare kuko bishobora guhagarika igitaramo cyangwa bigatuma kigenda neza mugihe ibindi byose bimeze neza.

Icya kumi, uwayoboye gahunda bita MC cyangw aumushyushyarugamba, ni umwe mu bantu bakomeye kandi bubashye muri Gospel kubera igihe ayimazemo n’ibikorwa yagiye akora, uyu akaba ari Evangelist Kwizera Emmanuel, wanagaragaje ko ashoboye kuyobora ibitaramo dore ko yananyuzagamo agasetsa.

Nyuma y’igihe kitari gito imaze igirira ingendo z’ivugabutumwa hirya no hino mu gihugu ndetse no mu ntaraz’igihugu, Jehovahjireh choir CEP-ULK Evening ikorera umurimo w’Imana muri Kaminuza yigenga ya Kigali, Campus ya Gisozi, ubu noneho igarutse mu mujyi wa Kigali aho iraba yerekeje ku Mudugudu wa Karukungu muri Paruwasi ya Remera, ahagana Kimironko werekeza mu bice by’aho bakunda kwita cumi na kabiri (12) kuri ki cyumweru cyo kuwa 07/10/2012.

Nkuko twabitangarijwe na Prezida wa Korali Jehovahjireh Bwana NDORIMANA Philotin, avuga kurubu barimo kugenda basatira umusozo w’ingendo bari barateguye zose muri uyu mwaka wa 2012, akaba rero akomeza avuga ko n’uru rugendo barwishimiye kuko ruje rwiyongera kuzindi bakoze haba imbere mu gihugu ndetse no hanze yacyo.

Ati rero izi ngendo icyo zidufasha nukurushaho kwaguka mu gukorera Imana ndetse no gukomeza guhura n’abakunzi bacu bari hirya no hino mu gihugu. Akomeza avuga ko ubu barimo gutegura ibikorwa bibiri bikomeye bisoza uyu mwaka aribyo: ko kuwa 3-4/11/2012 bazakora igiterane cyo gushimira Imana ibyo imaze kubagezaho ndetse no gukomeza kwagura umurimo w’Imana, hashakwa ubushobozi bwo Kugura ibyuma ndetse na Transport yabyo, iki giterane ndetse bageze kure bitegura dore ko kizabera kurusengero rw’I Gasave bakazaba bari kumwe na Korali Salemu yo mu Gatsata, ndetse n’abahanzi batandukanye.

Ikindi gikorwandetse gitegerejwe n’abenshi nkuko badahwema kubisaba nuko mu kwezi kwa 12, noneho hazaba igiterane cyo kumurika Album Audio vol.2 aho avuga ko nacyo bageze kure bacyitegura ariko akaba yirinze gutangaza amazina y’iyo album ndetse n’aho kizabera, ati haracyari kare ariko gusa aho kizabera ni muri Kigali.

Akomeza avuga ko bashimira Imana ibyo imaze kubagezaho, ati si imbaraga zacu ahubwo ni Imana yagiye idushoboza na cyane cyane ko tuba dukorera muri conditions zisa n’izigoranye harimo ubuzima bw’amasomo ndetse no gushakaza Minerval (School fees) hakiyongeraho n’ubuzima busanzwe, ati ariko ntiturambirwa dukomeza kurushaho kumva dushaka kudapfusha ubusa umwanya tuba tubonye.

Jehovahjireh choir rero I kaba irarika buri wese kuza kuyishigikira muruyumurimo barimo wo kwagura ubutumwa bwiza bwa Yesu Kristo aho barimo kubujyana hose.

Chorale louange nyuma yo gutangariza abantu igikorwa yarifite cyo gushyira ku mugaragaro Album yabo vol ya 3 “Yesu ni byose” mu tariki ya 29 na 30 Nzeri, iratangaza ko ibyo Imana yabakoreye ari ibitangaza gusa nkuko twabitangarijwe n’umuyobozi w’iyi chorale Bwana Jean Jacques Ndayisenga.

Mu magambo ye akaba yagize ati “Mu byukuri ibintu byagenze neza kurusha uko twari tubyiteze, kuko nubwo hariho imbogamizi zuko hari ibiterane byinshi cyane mu mujyi wa Kigali ndetse no mu nkengero zawo ntabwo byabujije inshuti n’abavandimwe kwitabira igiterane cyacu kuko kuva saa muni amasaha byari biteganyijwe ko aribwo igiterane gitangiriraho abantu bari bamaze kuzura mu rusengero ku buryo abazaga nyuma bitaboroheye ko babona ibyicaro.

Icyi gitaramo cyarinze kirangira abantu bagihari uko baje tukaba, Jacques akaba yatubwiye ko babishimira Imana cyane kuko abantu bari muri bimwe mubyo bari basabye Imana kandi yarabidukoreye ndetse ngo nabo barabashimiye cyane ubwitange bwabo bwo kuboneka muri gahunda zacu.

Ikindi bashimira Imana nuko yabahaye ikirere kiza nubwo ubushyuhe bwari bwinshi ariko kuba imvura itaraguye ngo igire abo ibera inzitizi yo kutahagera nabyo babishimira Imana cyane. “Turashimira ama chorale yacu Gatsata ndetse na Salem uburyo bitabiriye ubutumire bwacu ndetse nindi mirimo itandukanye bagiye badufashamo, tukongera gushimira ubuyobozi bw’itorero ryacu rya ADEPR Gatsata uhereye k’umushumba ndetse nabo bafatanyije bose uburyo babanye natwe kuva dutangira kugeza turangiza” ayo ni amagambo ya Jaques.

Chorale Duhuzumutima iri mubashimishije abantu mu ndirimbo zayo, uyu muyobozi akaba yakomeje avugako bashimira cyane Abakristo bose muri rusange cyane abavuye Mu Majyaruguru, Iburasirazuba, Iburengerazuba, Amajyepfo ndetse nabo mu mujyi wa Kigali uburyo bitabiriye ibikorwa, ndetse ngo barashimira cyane Itangazamakuru amara radio ibinyamakuru ndetse n’imbuga za internet uburyo ryakurikiranaga umunsi ku wundi kugeza igikorwa nyirizina kirangiye. Yasoje atubwirako icyo basaba abantu ari ugukomeze kubaba hafi kuko urugendo ntabwo rwari rwarangira, ngo banakomeze kubasengera kugirango igikorwa barimo cyo gufata amashusho kizarangire neza nkuko babyifuza.

Nkuko twabitangarijwe na Hategekimana Innocent umuyobozi wa Korali Kubwubuntu ngo ni korali ikorera umurimo w’Imana muri AEP/UNR (association des etudiants presbterienne au Rwanda/a l’univeriste national du Rwanda) akaba ari ihuriro ry’abanyeshuri bo muri EPR(Eglise Presbterienne au Rwanda), yatangiye mu mwaka wa 2000, itangijwe ’abariribyi barindwi bo muri AEP. Yakomeje kugenda ikomera ari nako ibona abandi baririmbyi kugeza kuri uyu munsi aho ifite abaririmbyi 45.

Ubu uko umwaka ushize basezerera abarangije kwiga bakababera abaterankunga bakakira n’umubare utari muke w’abaje gutangira muri kaminuza. Bazwi cyane muri Kaminuza no kuri EPR/Paroisse ya Butare ari ho bakorera ivugabutumwa cyane.

Korali Kubwubuntu mu gihe cy’imyaka 12 imaze bakoze ivugabutumwa mu ndirimbo muri Butare ari muri NUR no hanze yayo cyane cyane kuri EPR paroisse Butare. Bakoze ibiterane byinshi muri kaminuza ikibukwa cyane ni icya 07/10/2012, bari kumwe na korali Rangurura, Shalom na RAGEPRA/Remera-Rukoma.

Bitabiriye ibiterane byateguwe na andi makorali cyangwa mu rwego rwa kaminuza yose, Buri kwezi kwa kane kwa buri mwaka bategura ibikorwa by’isanamitima birimo kubakira abatishoboye, gufasha imfubyi za genocide yakorewe abatutsi muri 1994 bigasozwa n’igiterane kinini cyo kugarurira abantu ibyiringiro no guhumuriza imitima.

Korali kubwubuntu irimo gukora album y’amajwi y’indirimbo ikenda (9) izaba yitwa « Imirimo » muri izo ndirimbo izamaze gushyirwa ahagaragara ni : Imirimo, Abiringiye Uwiteka, Ntawundi, Ibanga. Muri uku kwezi kwa 10 Korali Kubwubuntu irimo gukora ibiterane bitandukanye muri Butare mu rwego ryo kumurika album yayo.

Mu kwezi kwa 11 barategura launch ya album muri Kigali nyuma ni mu ntara. Umwaka utaha ngo bazatangira gukora amashusho y’indirimbo ziri kuri iyi album nkuko umuyobozi wabo yabidutangarije kandi ngo uretse kumurika iyi album ibindi bikorwa barimo gushyiramo imbaraga ni ukwagura ivugabutumwa ryabo rikarenga Butare rikagera mu ntara zose, kongera imbaraga mu bikorwa byo gufasha abatishoboye, no kongera umubano mu baririmbyi ubwabo.

« Uyu mwaka mukumurika alubumu yanjye ya gatatu, nafashe icyemezo cyo gukora igitaramo kiri ku rwego rw’akarere nise « East Africa Gospel concert », aho natumiye umuhanzi umwe umwe muri bino bihugu bigize Afurika y’i Burasirazuba » ayo ni magambo y’umuhanzikazi Tonzi ubusanzwe amazinaye akaba Uwitonze Clementine.

Ubwo twaganiraga nawe, Tonzi yatubwiyeko icyi gitaramo ari indoto yagize agiye gushyira mu bikorwa kandi cyikazajya kiba buri mwaka. Kuriyi nshuro yacyo ya mbere, igitaramo « East Africa Gospel concert » kizabera kuri Serena Hotel, ku cyumweru tariki ya 4/11/2012 kuva saa kumi n’imwe z’umugoba, aho kwinjira ari amafaranga ibihumbi 5000 n’ibihumbi 10.000Frw.

Abahanzi Dudu ubusanzwe witwa Theophile Niyukuri kuva Bujumbura i Burundi, Judith Babirye kuva Kampala i Bugande, itsinda ry’abasore ryitwa The Voice kuva Tanzaniya hamwe na Bishop Murili kuva Nairobi muri Kenya nibo bahanzi bazafatanya na Tonzi muri kino gitaramo. Ubwo twamubazaga akarusho kino gitarmo gifite ugereranyije nibindi bitaramo dore ko Tonzi azwiho gukora ibintu bishya mu bitaramo bye ategura, yatubwiyeko hazaba umwanya uhagije kuri buri muhanzi akisanzura, akaba ariyo mpamvu azakorana nabahanzi bakeya doreko mu Rwanda ari w’itsinda The Blessing ribyira uburyo bugezweho bazayigaragaramo gusa naho abandi n’abahanzi bo hanze kuko nabo Tonzi yifuzako bakwegera abakunzi babo ba banyarwanda, ndetse n’abanyarwanda bakareba aho umuziki wabandi ugeze bigafasha mu kuzuzanya no kwigira kubandi ibyiza. Ngo amafaranga azava muri kino gitaramo niyo azamufasha kwishyurira amatike y’indege aba bahanzi n’amacumbi mu ma Hotel bazararamo ndetse no gutunganya ibindi byose bizaba byakoreshejwe mu itegura rya « East Africa Gospel concert ».

Reka tubibutse ko Tonzi ari umwe mu bahanzi bakomeye ba gospel bagize uruhare mu gukundisha uwo muziki wa gospel abanyarwanda, dore ko yatangiye kuriirimba kuva kera aho yagiye anyura mu ma Korale menshi atandukanye n’amatsinda yo kuririmba ku rusenegro no ku bigo by’amashuri yizemo, nyuma atangira kuririrmba ku giti cye wenyine,akaba kugeza ubu afite alubumu 2 z’amajwi n’imwe y’amashusho, « Humura » akaba ariyo ndirimbo yamneyekanyeho cyane. Tonzi arubatse, umugabo we Alfa Gatarayiha nawe akaba afite byinshi akora bigendanye n’imyidagaduro, doreko afite Sound, Stage n’amatara.

Tonzi kandi mu buzima busanzwe akaba akora akazi ko kwambika abantu no gutaka (decoration) ndetse ibi akaba ari nawe ubyikorera mu bitaramo bye byose ategura, no mu mashusho y’indirimbo ze yo ziri gutunganwa akora alubumu y’amashusho.

Ikuzo gospel Concert ni igitaramo gikomeye kiri gutegurwa na Moriah Entertainment Group, cyikazaba tariki ya 27/10/2012, kuva saa munani n’igice z’amanwa muri Parking ya Petit Stade i Remera, icyi gitaramo kikaba kimwe mu bitaramo bya gospel bizagaragaramo abahanzi benshi ba gospel, amaKorali, amatorero y’ibyino gakondo ya gospel, ababyinnyi batandukanye ndetse harimo nabakora Drama.

Nkuko twabitangarijwe na Eric Mashukano umyobozi wa Moriah Entertainment Group iri gutegura kino gitaramo, ngo imyiteguro iri kugenda neza doreko bamaze kumenya abahanzi bemeye kuzakorana nabo muri icyi gitaramo, ubu hakaba hatangiye gutegura ibindi biri tekinike, Eric yadutangarijeko umuterankunga mukuru wicyi gitarammo ari MTN ariko bakinashakisha n’abandi baterankunga kugirango icyi gitaramo kizabe kimwe mu bitaramo bya gospel bikozwe neza kandi biteguye neza.

Kubijyanye n’imbogamizi ko muri kino gitaramo bigaragara ko hazabamo abahanzi besnhi bishobora gutera ikibazo bamwe ntibaririmbe cyangwa stage ikagorana kuyikoresha, yatubwiye ko ubu hari itsinda bashyizeho riri kubitegura neza ku buryo bizeyeko aho ntakibazo kizahaba cyane ko ariyo mpamvu bafashe umunsi wo kuwa gatandatu kandi bakazatangira hakiri kare (14h30’) ku buryo habaho umwanya uhagije wa buri muhanzi.

Mashukano akaba yatubwiyeko icyi gitaramo kizaba ngarukamwaka, iyi akaba ari inshuro ya mbere kizaba kibaye. Intego ya Ikuzo Gospel Concert ikaba ari uguhuriza hamwe abahanzi bose baturutse mu matorero, amadini n’insengero zitandukanye, kandi bafite impano zitandukanye bagahimbaza Imana, banavuga ubutumwa ndetse berekana impano zabo dore ko ngo bazanabafasha kumurika no gucuruza ibihangano byaho kuri uwo munsi. Bamwe muhanzi bazaririmba muri kino gitaramo, harimo Fortran kuva Bujumbura, Gaby Irene Kamanzi, Liliane Kabaganza, Bizimana Patient, Theo Bose Babireba, Gahongayire Aline, Blessed Sisters, Guy Badibanga, Colombus, Bobo, Bright, Bahati, Eddie Mico, Vincent de Paul, Mama Zoulou, Jimmy, Gashongore, Philemon, Timamu, John Ndabarasa, Asa, Golleti, Roy, Ibra, Alfred, Honoray, Cubaka, Serge, Billy, Cyubahiro, Rachel, Karen, Iriba, Asaph, GMI, Alarne, Shekinah, Iwacu Music, Ihirwe Style, Beauty for Ashes, Singiza Traditional, The Blessing, Vivante Drama team, Shinning Stars n’abandi.

Umuhanzi Patient Bizimana ubwo yashimaga inshuti ze n’abavandimwe bamufashije mu itegura no kugenda neza kw’igitaramo cye aherutse gukora yari yise “Poetic Evening of Praise and worship”, ndetse nababanye nawe bamusura nyuma y’impanuka y’imodoka yakoze ikirangiza icyo gitaramo.

Kuri icyi cyumweru tariki ya 14/10/2012, kuva saa kumi n’ebyiri z’umugoroba nibwo Patient Bizimana yashimiye inshuti n’abavandimwe iwe mu rugo i Gikondo uburyo bamufashije mu gitaramo cye cya mbere yakoze i Kigali nyuma yo kuva mu mugi wa Rubavu i Gisenyi aho yabarizwaga ndetse n’umuryango we akaba ariho utuye kugeza nanubu. Uyu muhango wari witabiriye n’abantu benshi bo mu muryango wa Patient, abantu basengana nawe kuri Evangelical Restauration Church i Gikondo, bamwe mubanyamakuru bamufashije ndetse n’abahanzi batandukanye. Buretse kuba basangiye ibyo kurya no kunwa, bakaba banarebeye hamwe uko igitaramo cyagenze.

Mu magambo ye Patient Bzizmana akaba yashimiye cyane abantu bose bamufashije mu gutera iki gitaramo ndetse no mugitaramo nyirizina, anavuga ko yari afite ubwoba bwinshi cyane mbere yo gutegura kino gitaramo ndetse akigera muri Kigali, yahoraga abisunika abijyana inyuma kubera ubwoba, nyarama ubwo yafashe icyemezo bikaba byaragenze neza. Ikindi cyamuteye ubwoba ni igitaramo cya Mani Martin ubwo yaramaze kumenyako cyahinduye itaraiki kizabera umunsi umwe n’igitaramo cye, gusa byose yavuzeko ari Imana yabikoze bikagenda neza abantu bakaza, n’abahanzi bakamushigikira.

Patient yashimiye abari aho ndetse nabandi bose batashoboye kuhagera, anabashimira uko babanye nawe nyuma y’impanuka y’imodoka yakoze akirangiza igitaramo, abantu bakamusura, abamuhamagaye kuri telephone n’ibindi byindhi bamukoreye. Akaba yasoje avugako akomeje gutegura n’ibindi bikorwa bitandukanye harimo izindi ndirimbo n’ibindi bitaramo.

Ku mugoroba w’ejo hashize taliki ya 14/10/2012 ahagana mu ma saa kumi mu kigo cy’amashuri yisumbuye cya Fawe ibintu byari ibicika aho byagaragaye ko abanyeshuri bakunze cyane umuzika wa Gospel, ibyo bikaba byaragaragaye cyane mu buryo babaga bizihiwe iyo hagiraga itsinda cyangwa umuhanzi ugiye kubasusurutsa.

Iki gitaramo cyaje gusozwa nisengesho rya Pastor Aron aho yagize ati” amagambo navuga ntaruta ayo Imana yo ubwayo yavuga ati kandi turifuza ko iki kigo cya Fawe kiba icyambere muri byose bibazwa ndetse benshi bakabona amanota yogukomeza za Kaminuza ”

nibwo yasenze Isengesho ritanabaye rinini cyane nyuma yaho umuyobozi w’ikigo ushinzwe uburere arinawe wavuze ijambo ryo gusoza yashimiye abateguye Igitaramo ndetse anababutsa mw’ijambo ry’Imana aho Dawidi yagaruraga isanduku y’isezerano muri Isirayeli igiterane cyarangiye ahagana muma saa moya ariko ubona abanyeshuri bacyifuza gukomeza guhimbaza Imana ariko bitewe nizindi gahunda byabaye ngombwa gahunda yubahirizwa nkuko yari iteganyijwe

Rehoboth Ministries yateguye igitaramo cyo kuramya no guhimbaza yise “Praise and worship explosion”, kizaba ku cyumweru, tariki ya 28/10/2012, muri salle ya Sport View Hotel, kuva saa cyenda z’amanwa kugeza saa mbiri z’ijoro (15h00’-20h00’/pm).

Nkuko twabitangarijwe n’umuyobozi wa Rehoboth Ministries Bwana Douglas Kigabo, insanganyamatsiko yicyi gitaramo ni “Mutima wanjye taraka, ushime Imana”, bakaba bafite intego ebyiri arizo guhuza hamwe abantu bavuye mu matorero atandukanye mu mwanya wihari wo kuramya no guhimbaza Imana wisanzuye hamwe no guha amahirwe abatizera guhishurirwa ubwiza n’ubuntu bw’Imana binyujijwe mu kuramya no guhimbaza bikaba byatuma bizera bakacyira Yesu nk’umwami n’umukiza wabo.

Douglas yakomeje atubwira ko kwinjira muri icyi gitaramo ari ubuntu, buretse Rehoboth Choir hakazaba hari na Cpt Simon Kabera bazafatanya muri icyo gitaramo cyo gushima Imana. Ntakindi gikorwa kizakorwa uwo munsi uretse igikorwa cyo kuramya no guhimbaza mu ndirimbo byonyine ntayindi gahunda yivanzemo.

Ubwo twamubazaga impamvu bateguye igikorwa nkiki cyo guhimbaza mugihe bitamenyerewe ku ma Korale, akesnhi yo akoresha indirimbo zayo mukuvuga ubutumwa cyane cyane, Douglas Kigabo yadutangarije ko n’ubusanzwe basanzwe bakora iki gikorwa cyo kuramya no guhimbaza Imana cyane ko kinabafasha mu ivugabutumwa kandi bikanorohereza imitima y’abatizera n’abakomerewe bakizera.

Kuba abantu benshi batekerezako ama Korali ari ukuvuga ubutumwa, Douglas yatubwiye ko biragoranye gutandukanya kuvuga ubutumwa no kuramya no guhimbaza kuko byose ari ibikobwa bibiri ariko byuzuzanya cyangwa bimeze nkaho ari igikorwa kimwe. Ijambo ry’Imana riravuga ngo Imana yicara mu mashimwe y’abana bayo, yo kuramya no guhimbaza bikozwe Imana iramanuka. Abantu iyo babonye amashimwe n’Imikorwa Imana yakoze bibatera kuyizera.

Mu gihe muri iki gihe usanga amakorali amwe n’amwe ahangayikishijwe no gushakisha ikintu cyatuma agaragaza ubushongore n’ubukaka bwayo mu byo kwemeza abantu ko azi kuririmba cyangwa se ko amaze kwiteza imbere, ni nako usanga hari andi makorali afite andi maso yihariye ayerekeza mu kureba icyateza imbere abantu babayeho nabi biturutse ku mpamvu zitandukanye.

Nyuma ya Korali Jehovajireh ya CEP ULK/Soir, kuri ubu Korali Duhuzumutima ya ADEPR Muhima ije mu gikorwa gikomeye cyo gutaramira abantu ariko hagamijwe gukangurira inshuti zayo gukusanya inkunga yo kwita ku bibazo by’abasizwe iheruheru na Jenoside yakorewe abatutsi mu 1994, kugeza na n’ubu badafite aho kwikinga cyangwa se babayeho nabi mu buzima bwa buri munsi.

Nk’uko twabitangarijwe na Bwana RUDASUMBWA Mugisha Ezechiel akaba ari umwe mu bashinzwe ibijyanye na Tekiniki muri iyi korali, ngo iki gikorwa cyateguwe n’iyi korali ariko ikaba izagikora ibitewemo inkunga n’abantu benshi barimo n’itorero ibarizwamo rya Paroisse ya ADEPR Nyarugenge.Yakomeje atangaza ko iki gikorwa kizabaho mu minsi 3 ni ukuvuga guhera kuri uyu wa gatanu tariki ya 26/10/2012 kugeza ku cyumweru tariki ya 28/10/2012 bikazajya bitangira ku isaha ya saa kumi kugeza saa moya n’igice z’ijoro(kuwa gatanu) naho kuwa gatandatu kikazatangira ku isaha ya saa 13h00-19h00 naho ku cyumweru kikazatangira isaa 14h00-18h00.Iki gitaramo cyahawe insanganyamatsiko igira iti "Gusura impfubyi n’abapfakazi no kwifatanya nabo mu mibabaro yose ni umurimo w’Itorero.Yakobo 1:27"

Twabamenyesha ko iki gikorwa cyateguwe ku rwego rwo hejuru kuko biteganijwe ko kizaba kitabiriwe n’abanyacyubahiro bo mu nzego za leta barimo nk’ Umuyobozi w’akarere ka Nyarugenge ndetse n’abahagariye umuryango wa Ibuka, abayobozi bakuru b’itorero rya ADEPR , amakorali nka korali Hoziana,Korali Muhima, Simon Kabera, Mugabo Venuste ndetse na Ev.Zigirinshuti Michel n’abandi.

« Aritamurura » ni izina rya Album DVD Vol. 1 ya Korali Abakorerayesu. Aritamurura ni izina rituruka kuri imwe mu ndirimbo zigize iyi Album. Iyi Album izamurikwa ku mugaragaro tariki ya 9/12/2012 guhera saa saba (13h00) aho isanzwe ikorera umurimo ku rusengero rwa ADEPR Rukurazo/Kimironko aho bakunze kwita ku Isangano. Kuri uyu munsi kandi hazaba hari Umuhanzi Kabera Fils Fidѐle uzwi ku ndirimbo “Ninde Uzahagarara ku Musozi Wawe Wera‘ . Umuvugabutumwa Pasteur Ngamije Viateur guturuka i Huye/ Butare.

Amavu n’amavuko ya Korali Abakorerayesu

Korali Abakorerayesu yatangiye mu 1990, itangira ari itsinda ryahuriye mu cyumba cy’amasengesho cyabaga mu rugo rw’umuntu ku Kimironko. Mu mwaka wa 1992, ku Kimironko hamaze kubakwa urusengero, kuya 17 mutarama rwaratashywe rya tsinda ritangira umurimo wo kuririmba mu rusengero ari nabwo ryafashe izina rya Korali Abakorerayesu. Icyo gihe yari imaze kugira abaririmbyi 21 icyo gihe hakirwa abandi baririmbyi bagera kuri 15 bose hamwe baba 36.
Nyuma ya Jenoside yakorewe Abatutsi muri Mata 1994 Korali Abakorerayesu yasigaranye abaririmbyi bagera ku munani (8) gusa.

Kugira ngo umurimo ukomeze ukorwe, iyi Chorale yavanzwe na Korali ya 2 yari ifite abaririmbyi 10 bose baba 18 ikomeza kwitwa Abakorerayesu kugeza ubu. Korali Abakorerayesu yagize uruhare mu gutangiza imidugudu itandukanye. Aha twavuga cyane Umudugudu wa Rukurazo na Kimironko. Icyo gihe amikoro yari make kuko Korali nta bushobozi yari ifite kandi yakoreshaga ibikoresho bya gakondo bigizwe n’ingoma n’amapendo. Mu mwaka wa 1997 nibwo yashoboye kugura ibyuma bya muzika biciriritse.

Iyi Korali yaje kugurisha ibikoresho bya muzika

Bitewe nuko aho Korali yakoreraga umurimo nta nyubako yari ihari, mu gihe Ubuyobozi bw’Itorero bwari mu gikorwa cyo gushaka inkunga yo kubaka, byabaye ngombwa ko iyi Korali igurisha ibyuma byayo kugira ngo itangire igikorwa cy’inyubako y’urusengero. Kuva mu mwaka wa 2005 Chorale yari imaze kongera kwiyubaka, ifite ibikoresho by’ibanze bya muzika, aho gukorera hatunganye neza. Iki gihe kandi yatangiye kumenyakana cyane mu Nkengero za Kimironko cyane cyane mu Bibare n’ahandi mu Mujyi wa Kigali ndetse igenda ikora ibiterane ahantu hatandukanye mu Mujyi wa Kigali ari nako yagendaga yakira ubutumire buyisaba kujya mu Ntara zitandukanye.

Korali Abakorerayesu ubu

Korali Abakorerayesu imaze kugera ku rwego rushimishije mu iterambere mu buryo bw’umwuka no mu buryo bw’umubiri haba ku ruhande rwa Chorale ndetse no ku ruhande rw’abayigize. Ibyo byose byayifashije kugera ku gikorwa cyo gutegura Album Audio kuwa 18/03/2012 none ubu ikaba igiye kumurika ku mugaragaro Album DVD kuri uyu wa 09/12/2012.

Iyi Korali yageze ku bikorwa byinshi muri uyu mwaka nk’uko twaganiriye n’Umuyobozi wayo basuye Urwibutso rwa Jenoside yakorewe Abatutsi 1994 ndetse mubushobozi bwabo buringaniye bafasha bamwe mu bataragize amahirwe yo gukomeza amashuri babagurira imashini zo kudoda, bafasha kandi umwana 1 wari war waracikirije amashuri ye bamusubiza mu ishuri. Korali Abakorerayesu imaze kugaragara ko hano mu Rwanda iri mu Makorari meza, cyane yigaragarije mu marushanwa yahuje amwe mu makorari yo muri ADEPR mu Mujyi wa Kigali iza ku mwanya wa 2 aho yeretse abakunzi bayo ko imaze kugera kurwego rwiza cyane, nubwo abakunzi bayo benshi n’abandi bitabiriye aya marushanwa batashye bababaye kubera ko Chorale Abakorerayesu atariyo yabaye iya mbere.

Ubwo twamusuraga mu rugo, umuhanzi Tonzi uri gutegura igitaramo ngarukamwaka yise « East Africa Gospel concert » kizabera kuri Serena Hotel, ku cyumweru tariki ya 4/11/2012 kuva saa kumi n’imwe z’umugoba, aho kwinjira ari amafaranga ibihumbi 5000 n’ibihumbi 10.000Frw, yadutangarijeko ibintu byose biri kugenda neza. Aho mu rugo tukaba twasanze ari mu mwitozo we n’abacuranzi be, ibi bikaba bikorwa gatatu mu vyumweru rimw ena rimwe bagakora imwitozo bari kumw en’abaririmbyi bazamufasha mu kwikiriza (backing).

Abahanzi bazakorana na Tonzi muri icyi gitaramo uyu mwaka akaba ari Dudu ubusanzwe witwa Theophile Niyukuri kuva Bujumbura i Burundi, Judith Babirye kuva Kampala i Bugande, itsinda ry’abasore ryitwa The Voice kuva Tanzaniya hamwe na Bishop Murili kuva Nairobi muri Kenya nibo bahanzi bazafatanya na Tonzi muri kino gitaramo.

Ubwo twamubazaga akarusho kino gitarmo gifite ugereranyije nibindi bitaramo dore ko Tonzi azwiho gukora ibintu bishya mu bitaramo bye ategura, yatubwiyeko hazaba umwanya uhagije kuri buri muhanzi akisanzura, akaba ariyo mpamvu azakorana n’abahanzi bakeya doreko mu Rwanda ari w’itsinda The Blessing ribyira uburyo bugezweho bazayigaragaramo gusa naho abandi n’abahanzi bo hanze kuko nabo Tonzi yifuzako bakwegera abakunzi babo ba banyarwanda, ndetse n’abanyarwanda bakareba aho umuziki wabandi ugeze bigafasha mu kuzuzanya no kwigira kubandi ibyiza. Ngo amafaranga azava muri kino gitaramo niyo azamufasha kwishyurira amatike y’indege aba bahanzi n’amacumbi mu ma Hotel bazararamo ndetse no gutunganya ibindi byose bizaba byakoreshejwe mu itegura rya « East Africa Gospel concert ».

Reka tubibutse ko Tonzi ari umwe mu bahanzi bakomeye ba gospel bagize uruhare mu gukundisha uwo muziki wa gospel abanyarwanda, dore ko yatangiye kuriirimba kuva kera aho yagiye anyura mu ma Korale menshi atandukanye n’amatsinda yo kuririmba ku rusenegro no ku bigo by’amashuri yizemo, nyuma atangira kuririrmba ku giti cye wenyine,akaba kugeza ubu afite alubumu 2 z’amajwi n’imwe y’amashusho, « Humura » akaba ariyo ndirimbo yamneyekanyeho cyane.

Tonzi arubatse, umugabo we Alfa Gatarayiha nawe akaba afite byinshi akora bigendanye n’imyidagaduro, doreko afite Sound, Stage n’amatara. Tonzi kandi mu buzima busanzwe akaba akora akazi ko kwambika abantu no gutaka (decoration) ndetse ibi akaba ari nawe ubyikorera mu bitaramo bye byose ategura, no mu mashusho y’indirimbo ze yo ziri gutunganwa akora alubumu y’amashusho.

Nyuma yo kuririmba indirimbo zitandukanye zigakora ku mitima ya benshi cyane cyane indirimbo Gumamo korali Jehovahjireh CEP-ULK Evening iraba iri kumwe n’abakunzi bayo mu gitaramo gikomeye cyo gushimira Imana i Gasave kuva kuwa 03-04/11/2012.

Nkuko yabyiyemeje bikaba biri no mu nshingano zayo kuvuga ubutumwa bwiza bwa Yesu kristo haba mu gihugu imbere ndetse no hanze yacyo, Korali Jehovahjireh CEP-ULK Evening ikorera umurimo w’Imana muri Kaminuza yigenga ya Kigali Campus ya Gisozi, ubu noneho yateguriye abakunzi bayo igitaramo cyo gushimira Imana kubyo imaze kubagezaho ndetse no gukomeza kuyereka umurimo ngo ikomeze kuwagura.

Iki gitaramo rero kikaba ari kimwe mu bikorwa bibiri by’imgenzi iyi Korali yateguriye abakunzi bayo. Ibyo bikorwa rero akaba ari uko hateganyijwe ko kuwa 03-04/11/2012 hakorwa iki giterane cyo gushimira Imana kizabera ku rusengero rwa ADEPR Gasave naho ku mu kwezi kwa cumi n’abiri hakazaba igikorwa cyo gushyira ku mugaragaro umuzingo (Album Audio) wa kabiri, ngo akaba ari nayo mpamvu muriki giterane hazaririmbwamo indirimbo zo kuri iyi Album ya 2 ikirimo gutunganywa.

Prezida wa Korali Jehovahjireh CEP-ULK Evening Bwana NDORIMANA Philotin avuga ko yishimira iki gikorwa cyo gushimira Imana aho ibagejeje mu gutambutsa ubutumwa bwiza bwa Yesu kristo, ati iyo urebye conditions dukoreramo umurimo w’Imana hano kuri kaminuza cyane cyane umwanya muto tuba dufite iminota makumyabiri n’itanu ya buri mugoroba gusa ugashyiraho n’amasomo aba ari imbere yacu, ukanongeraho n’izindi nshingano z’imibereho yo mu buzima busanzwe kandi umusaruro uva mu bikorwa bitandukanye by’ivugabutumwa tuba turimo ndetse n’uburyo abantu batandukanye bagenda bakira ubutumwa tuba twabagejejeho mu ndirimbo zitandukanye, tukaba tujyenda tubona ari byiza, ati ibi byose bitumye twuyumvamo ko dukwiye guhura n’inshuti zacu zitandukanye na cyane cyane ko tuba tumaze igihe tugenda hirya no hino mu gihugu ndetse no hanze yacyo, noneho tugashimira Imana kubera ibi byose yatugejejeho n’ibindi tutarondoye byose ariko tukanaboneraho umwanya wo gukomeza kuyereka ibindi bikorwa dufite kugira ngo umurimo ukomeze kwaguka.

Bwana NDORIMANA Philotin akomeza atangaza ko iki giterane giteganyijwe kubera ku rusengero rwa ADEPR Gasave ruherereye haruguru y’agakinjiro ko ku gisozi kandi kuwa 03/11/2012 hakaba hateganyijwe ko bazatangira ku isaha ya saa munani z’amanywa (02h:00pm) bakazaba kandi bari kumwe n’umwigisha kuva Butare Ville Pastor NGAMIJE Viateur hamwe na Turanezerewe choir ya CEP-ULK yo ku manywa na Gasave choir. Naho kuwa 04/11/2012 hakaba hateganyijwe ko bazatangira ku isaha ya saa mbiri (08h:00am) bakazaba bari kumwe n’umwigisha guturuka mu itorero rya Gatsata

Pastor UWAMBAJE Emmanuel hamwe na Korali Salemu yo mu Gatsata.
Jehovahjireh choir rero ikaba irarika buri wese kwitabira iki giterane yabateguriye ngo kuko yumva noneho ishaka kwiyereka abakunzi bayo kuko imaze igihe kitari gito ijya hirya hino, bityo rero ngo umwanya akaba ari uyu, aha rero ikaba azanabaririmbira indirimbo zimwe na zimwe zizasohoka kuri Album ya 2 irimo kubategurira ikazashyirwa ku mugaragaro mu kwezi k’ugushyingo uyu mwaka wa 2012.

Chorale Abatoranijwe ni Chorale yaba Mama ibarizwa mwitorero rya ADEPR Nyarugenge, iyi Choral ikaba iririmba indirimbo zihimbaza Imana ndetse bakaba bamaze igihe mu murimo w’Imana dore ko batangiye gukora umuziki wabo no kuvuga ijambo ry’Imana ibingibi bakaba barabitangiye ahagana muwi 1987 kugeza ubungubu, iyi Choral ikaba yaragiye ikora ibikorwa bitandukanye nko gusura abarwayi, gufasha abatishoboye n’ibindi bikorwa bitandukanye by’urukundo.

Kuri ubungubu iyi Choral Abatoranijwe ikaba igiye gushyira ku mugaragara album yabo ya mbere y’indirimbo z’amajwi iyi album bakaba barayise “Dufite Imana”, izaba igizwe n’indirimbo icumi (10) harimo nka « Imana yacu Ikomeye », « Ndavuga ibingwi », « Igitondo kimwe », « Tungali Duniya », « Itorero ni umugeni » n’izindi nyinshi zizaba kuri iyi Album, ndetse mukanazumva. Iyi Album bakaba bazabasha kuyimurikira abakunzi babo taliki 11/11/2012 aha akazaba ari ku munsi wo ku cyumweru, ku rusengero rwa ADEPR Nyarugenge aho bakunze kwita mu gakinjiro guhera i saa Cyenda (15h00), bakaza bari kumwe n’abakozi b’Imana batandukanye nka Selemani ndetse na Mwarimu Etienne kuva mw’itorero rya Nyakabanda hamwe n’umuhanzi Mugabo Venuste.

Izi ndirimbo zabo bakaba barazitunganyirije muri Studio ya Gates Music, iyi Choral Abatoranijwe bakaba bifuzako zbakunzi babo babashyigikira muri byose kugirango ivugabutumwa ryabo ribashe gusakara kw’isi hose cyane cyane mu rubyiruko rukabasha kumenyako rushobora gukora umurimo w’Imana kandi rukawusaziramo.

Naphtal wamenyekanye kundirimbo zitandukanye zirimo “Ntugira uko usa”, “Tabara”, “Turagukunda” na “Yabihindura” kuri icyi cyumweru tariki ya 2/12/2012, muri Salle ya St Paul kuva saa cyenda z’umugoroba, nibwo aramurika alubumu ye ya kabiri y’amajwi.

Muri icyi gitarama nkuko Naphtal yabidutangarije azakorana n’abandi batandukanye barimo Emile Nzeyimana kuva Nairobi Kenya, Rugema Emmanuel, Papa Maurice umuyobozi wa Radiyo Umucyo, Bobo, Goreth, Serge na Ndabara John.

Mu rwego rwo gufata neza bakunzi be n’abakunzi ba gospel music batandukanye kwinjira muri icyi gitaramo Naphtal akaba yabishyize ku kugura Cd ye amafaranga 2000 by’amanyarwanda bakaguha iyo Cd ariko ukaninjira muri icyo gitaramo ukabikurikirana imbona nkubone. Kamwe n’udushya tuzagaragra muri iki gitaramo nkuko Naphtal yakomeje abidutangariza, ni imwambarire idasanzwe kandi abahanzi bose nako hafi ya bose bakazakora live music. Iyi alubumu ya Naphtal yitwa “Ngutuye indirimbo” ikaba iriho indirimbo 10 z’amajwi.

Ubusanzwe Naphtala akaba akaora kazi ko gutunganya imywenda no gukora imitako (decoration) mu birori bitandukanye.

Nyuma yo kurimba indirimbo zitandukanye ndetse ahantu hatandukanye zikajyenda zikundwa n’abantu b’ingeri zitandukanye, Korali Boaz (basoma Bowazi) y’abanyeshuli bo mu kigo cy’amashuli yisumbuye (secondary school) cya Kanombe ahahoze EFOTEC, ubu noneho yamaze kwagura imbago z’ivugabutumwa bwiza bwa Yesu kristo aho noneho za ndirimbo zabo abantu bakunze ari benshi bazishyize ku muzingo (Album audio) w’amjwi ndetse kuri iki cyumweru cyo kuwa 04/11/2012 bakazazishyira ku mugaragaro aho iki gikorwa kizabera ku rusengero rwa ADEPR Kamashashi.

NKuko umuyobozi w’iyi Korali abitangaza Madamazera UWIHOREYE Marie Madeleine avuga ko bashimira Imana kubw’iki gikorwa ngo kuko kuba bashoboye gukora Album kandi ari abanyeshuli baba badafite ubushobozi buhagije ati turumva ari amateka meza kuri twe ndetse ni n’ishimwe rinini rwose. Ati rero iyo turebye aho tuvuye tukareba aho tugeze ndetse tukareba naho tugana bituma twumva tugize imbaraga zo gukomeza uyu murimo na cyane cyane ko izina ryitiriwe korali yacu ariryo Boaz risobanura "imbaraga". Ati ubusanzwe ni rimwe mu mazina yavuzwe n’umwami Salomo ubwo yubakaga inzu y’Uwiteka ngo icyo gihe hari inkingi z’urusengero ebyeri, imwe ayita "Yakini" indi ayita "Boaz" bisobanura ngo: Harimo imbaraga (1Abami 7:21). Ati ubu rero ni igihe cyo kwigwiza imbaraga tugakorera Imana kuko tumaze kuba inkingi yo mu rusengero ifite imbaraga kandi ikwiriye kugirira umumaro abantu bose.

Akomeza atangaza ko korali Boaz yatangiye umurimo w’Imana mu mwaka wa 2008 ubwo abanyeshuli bahoze biga muri collège ETO-Kicukiro boherezwaga gukomereza amasomo yabo mu ishuli ryisumbuye rya Kanombe riherereye impande y’ikigo cya gisirikare cya Kanombe hafi y’aho bakunda kwita mu kajagari ka Kanombe rikaba riherereye ahahoze EFOTEC, ngo baje kuhasanga abandi baririmbyi bake nuko bahitamo gushyira hamwe imbaraga zabo none ubu bakaba barenga umubare w’abaririmbyi mirongo irindwi.

Ubusanzwe rero bakaba bakorera amateraniro mu kigo ndetse bakajyana n’ubutumwa hanze aho babatumiye dore ko nabyo ngo bishoboka cyane rwose. Ati rero ubu twasanze dukwiye kwagura ibikorwa byacu by’ivugabutumwa bwiza bwa Yesu kristo dusanga twakora Album audio kugira ngo ubutumwa bubashe kwaguka bugende bugere kure, akaba ari nayo mpamvu iyi Album igizwe n’indirimbo cumu n’imwe (11) twayise: "BITUZANIRA INYUNGU".

Ati rero bituzanira inyungu gukorera Imana ngo kuko igihe cyose hari ibibazo bahuraga nabyo babyerekaga Imana nayo ikabisubiza ariko ibyo byose ikabikora kubera ko babaga bagiye mu murimo wayo, ati rero gukorera Imana harimo inyungu nyinshi. Madamazera UWIHOREYE Marie Madeleine akomeza avuga kandi bazakomeza gukora cyane mu rwego rwo kurushaho kwagura ubutumwa bwiza bwa Yesu kristo ngo kuko bafite n’agahunda yo kuzakora amashusho ya zino ndirimbo kugira abakunzi babo noneho banumve ubutumwa bwiza ariko banareba ababubaha abo aribo. Akaba ashimira abayobozi b’iri shuli rya E.S Kanombe/EFOTEC ngo kuko badahwema kubaba hafi babagira inama ndetse bakongeraho no kuborohereza mu mikorere yabo ya buri munsi ati baduha inkunga ikomeye turabibashimiye cyane.

Korali Boaz ikaba rero ngo irarika buri wese kuza kwifatanya nabo muri ibi byishimo dore ko biteganyijwe ko guhera ku isaha ya saa munani (02h:00pm) aribwo bazaba batangiye igitaramo cy’indirimbo z’Imana by’umwihariko iziri kuriyi Album audio vol.1 yabo kikazabera ku rusengero rwa ADEPR Kamashashi, Korali Boaz rero ngo ntizaba iri yonyine kuko izafatanya n’andi makorali yo kururiya mudugudu.

Ijoro ryo kuramya no guhimbaza Imana riba buri mwaka kuri ubu ryaba rigiye kongera kuba, aho rizaba kuwa 23 Ugushyingo 2012 i Nyarutarama mu Mujyi wa Kigali. Mu kiganiro umwe mu bashizwe gutegura iryo joro Christian Kajeneli yavuze ko bateganya gukora ijoro ryo kuramya no guhimbaza mu Gushyingo 2012 bita (Africa Let’s Worship Aflewo) riba buri mwaka.

Christian yagize ati “iki gikorwa ni nshuro ya kabiri kigiye kuba kuri ubu twiteguye ko kizagenda neza kandi tukaba dusaba amatorero kugishyigikira kuko ari igikorwa cyo kuramya no guhimbaza Imana kandi bitanaga icyizere ku bantu”.

Kajeneli avuga ko ijoro ryo kuramya no guhimbaza ryatangiriye muri Kaminuza imwe yo muri Kenya akaba ari igikorwa no muri Tanzania. Africa Let’s Worship Aflewo izana ikizere muri Afurika kandi bakaba bashaka ko yagera mu bihugu 52 bigize umugabane.

Christian avuga ko bategereje abantu batari bake bazaba baturutse mu bihugu bitandukanye nko mu Burundi ndetse no muri Uganda. Biteganyijwe ko ijoro ryo kuramya no guhimbaza rizaba rizitabirwa n’abahanzi nka: Gaby Kamanzi, Aimé Uwimana n’abandi.

Chorale Salemu ubwo yarivuye mw’ivugabutumwa mu ndirimbo yakoranye na Chorale Jehovajile mw’itorero rya ADEPR Gasave, abari bari muri iki giterane bakaba barishimiye iki giterane cyane bashimishijwe n’izi chorales zombi,iki giterane kikaba kandi cyari kirimwo umuziki w’umwimerere(Live) dore ko Salemu yo ariwo muziki icuranga gusa, n’abacuranzi bayo babahanga

Chorale Salemu rero ntiyitaye kumunaniro bavanye muri icyo giterane kuko hari benshi bagikeneye kugezwaho ubutumwa bwiza;ni muri urwo rwego iyi Chorale yiteguye kwerekeza mu Karere ka Bugesera muri Paroisse ya BATIMA, umudugudu ni NYIRAGISEKE ikaba izahaguruka i Kigali kuwa gatandatu 17-18/11/2012, ikaba izagaruka i Kigali kucyumweru ni mugoroba,tubararikiye mwese kuba mwabana natwe. Imana ibahe umugisha.

Inkuru dukesha ubuyobozi bwa Chorale Salemu

Tembeya na Yesu ni ikiganiro cyiba buri ku cyumweru mugitondo kuri Radio One ivugira mu Rwanda ku murongo wa 91.1 Fm, cyigatangwa na Evangelist Sugira Steven, cyikaba kimaze amaze atatu. Nkuko twabitangarijwe na Mahoro Jean Napoleon umuhuzabikorwa w’igikorwa Tembeya na Yesu Choirs promotion, iki ni igikorwa cyo gufasha ama Kolari kumenyekana no gutera imbere, cyikaba ari ubwa mbere kizaba kibaye mu rwanda ariko cyikaba ari ngarukamwaka.

Muntangiriro habayeho amatora kuri radio abantu bagahamagara bakohereza n’ubutumwa butoya (sms) bagahitamo Korali nziza bumva iri kwitwara neza muri iyi minsi, none ubu ikigezweho ni igikorwa cya kabiri cy’imbonankubone (live), bizaba kuri uyu wa gatandatu tariki ya 17/11/2012 amakorali yose uko ari 10 yatanzwe kuri Radio mu kiganiro « Tembeya na Yesu » havemo Kolari 3 za mbere, izo eshatu zatsinze zitaramire abantu bose ku cyumweru tariki ya 18/11/2012 hamwe na Korali Iriba izava mu magepfo y’u Rwanda na Korali Herumoni yo ku Gisenyi i Rubavu.

Mahoro yakomeje atubwirako hazabaho kandi n’ivugabutumwa cyane irinyuze muri ayo makorali, muribyo byose ngo ikigamijwe akaba ari ukuzamura ibikorwa byaza Korali muri rusange. Kwinjira muri ibi bitaramo uko ari bibiri ni ubuntu, nubwo nyuma hazabaho guhemba no gushigikira amakorali atatu azatsinda.

Dore amakorali icumi yatorewe kujya muri aya marushanwa, harimo Korali Elayo y’i Remera, Korali Beselali y’i Remera, Korali Abahetsi y’i Remera, Korali Salemu yo mu Gatsata, Korali Siloam yo ku Gisozi, Korali Abakorerayesu yo mu Bibare, Korali Naoith y’i Gikondo, Korali Itabaza y’i Karama, Korali Louange yo mu Gatsata na Korali Louange yo muri KIE. Icyi gikorwa cyikazabera kuri ADEPR Kanserege Kacyiru mu mugi wa Kigali, gutangira na saa munani kugeza saa kumi n’ebyiri buri munsi yaba kuwa gatandatu cyangwa kucyumweru.

Nyuma y’uko Korali kubwubuntu ivuye muri studio gukora indirimbo 9 mu kwezi kwa Kanama uyu mwaka, ubu noneho irimo gutegura igikorwa cyo gushyira ku mugaragaro izo ndirimbo muri Album ya mbere yitwa “IMIRIMO ITUNGANYE” ku italiki ya 18 Ugushyingo 2012 i Kigali muri EPR Paruwasi Kiyovu kuva saa saba kugeza saa kumi n’imwe (13h00-17h00). Nkuko twabitangarijwe n’umuyobozi wa korali Jean Claude MUNYEMANA, indirimbo zizashyirwa ku mugaragaro ni: Abiringiye Uwiteka, Ntawundi, Urugendo, Ibikomangoma, Imirimo itunganye, Nimuhimbaze, Nibyiza, Abamba amahema n’ Ibanga. Nyuma yo gushyira ku mugaragaro indirimbo i Kigali, korali izakomereza no mu ntara kugirango irusheho kwamamaza ubutumwa bwiza bwa Yesu Kristo.

Korali Kubwubuntu ni korali ikorera umurimo w’Imana mu ihuriro ry’abanyeshuri bo mu itorero presbytérienne mu Rwanda AEP/UNR (Association des Etudiants Presbytériens de l’Univeristé National du Rwanda). Korali yatangiye mu mwaka w’2000 itangijwe n’abaririmbyi barindwi ubu ikaba igizwe n’abaririmbyi 45. Nk’uko Korali Kubwubuntu igizwe n’abanyeshuri biga muri Kaminuza y’ u Rwanda buri mwaka basezerera abanyeshuri barangije kwiga ariko bagahita batubera abaterankunga ndetse uko umwaka utangiye bakira abandi baririmbyi bashya baje gutangira kwiga kaminuza mu mwaka wa mbere.

Korali Kubwubuntu imaze imyaka 12, ikaba izwi cyane muri Kaminuza no mu itorero presbytérienne mu Rwanda cyane cyane Paruwasi ya Butare kuko ariho ikorera ivugabutumwa rya buri Cyumweru. Korali yakoze ivugabutumwa mu ndirimbo ahantu henshi hatandukanye mu ma paruwasi menshi yo mu itorero presbytérienne kandi bakoze ibiterane byinshi muri kaminuza y’u Rwanda no hanze yayo. Igiterane cyibukwa cyane ni icyabaye ku wa 07 Ukwakira 2012 bari kumwe na korali Rangurura, Korali Shalom na Korali RAJEPRA yo muri Gr.Sc.Remera-Rukoma.

Ibindi Korali ikora ni ukwitabira gahunda zitegurwa na AEP/UNR harimo ibikorwa ngaruka mwaka by’isanamitima mu kwezi kwa Mata birimo kubakira abatishoboye, gufasha impfubyi za jenoside yakorewe abatutsi muri Mata 1994 bigasozwa n’igiterane kinini cyo kugarurira abantu ibyiringiro no kubahumuriza imitima.

Icyerekezo cya korali Kubwubuntu ni uko mu mwaka utaha wa 2013 bazatangira gukora amashusho y’indirimbo ziri kuri iyi Album ya mbere kandi bakarushaho gukora ibikorwa byiza birimo kwagura cyane ivugabutumwa, ubufatanye mu muryango mugari wa Kaminuza kandi bakongera imbaraga mu bikorwa byo gufasha abatishoboye, ibikorwa by’itorero presbytérienne, n’ibikorwa by’ igihugu muri Rusange .

Ku cyumweru tariki ya 9/12/2012, nibwo Kolari Jehovanis Rwampala izashyira hanze alubumu yayo ya mbere y’amajwi, bikazabera i Gikorwa Rwampala ku rusengero rw’ADEPR.

Jehovanis n’ijambo riboneka muri Bibiliya mu gitabo cya Mose cyitwa Kuva 17:15 risobanuyengo Uwiteka n’ibendera ryacu. Choral jehovanis ni choral ibarizwa k’umudugudu wa ADEPR Kimisange itorero rya Rwampara. Ni choral yaturutse mu ishuri ry’abana bicyumweru bakunze kwita Sunday School. Ikaba yaracukijwe mumwaka wa 2003 mukwezi kwa 3. Choral jehovanis yatangiranye n’abaririmbyi 17 ubu ikaba ifite abaririmbyi bashyika 45.

Jehovanis ni choral yinganjemo urubyiruko ariko ikaba ifitemo n’abaririmbyi bubatse ingo. Jehovanis ubu ifite abagabo 7. abagore 5, abasore13, abakobwa 19. Kuri ubu Jehovanis ifite umuririmbyi wiga muri primaire 1. Abaririmbyi biga muri secondaire 10, abaririmbyi biga muri kaminuza 5, abaririmbyi bafite akazi kabahemba kukwezi 6, Abamotari baba muri jehovanis ni 4, abakora imyuga inyuranye ni 4, abashomeri ni 15.

Abaririmbyi ba choral jehovanis umwe niwe witabye Imana. Abayobozi (Presidents) bayoboye choral jehovanis harimo, Nsabimana Alexis, Eric, Ntihemuka Pascal na Irambona Jean Christophe (ari nawe uyiyoboye muri iki gihe).

Nkuko twabitangarijwe na Phocas Niyongombwa umwe mubari gutegura iki gitaramo cya Jehovanis Kimisange ADEPR Rwampala, yatubwiyeko mu gitondo kuva saa tatu kugeza saa sita (9-12h00’/am) hazaba ari amateraniro; hanyuma kuva saa munani kugeza saa moya zijoro bikaba igitaramo nyirizina aho bazifatanya na Jehovagille kuva ULK hamwe n’umuhanzi Serge Iyamuremye wigeze no kuririmba muriryi Kolari.

Ichtus Gloria Choir yateguye igitaramo cyo kuramya no guhimbaza Imana, ku cyumweru 25/11/2012, ku rusengero rw’ADEPR Nyarugenge, akaba arinabwo izamuri alubumu yayo ya 2, bise “Dieu se soucie de toi’.

Chorale Ichtus - Gloria ni chorali ikorera umurimo w’Imana mu buryo bwo kuririmba muri ADEPR Nyarugenge (mu Gakinjiro), mu mudugudu ukoresha Igifaransa n’Icyongereza (Chapelle Internationale).

Kuvuka kw’iyi chorale ntibiri kure y’ukwa chapelle internationale yatangiye mu mwaka wa 1987 yitwa Culte Francophone, aho bakoreshaga ururimi rw’Igifaransa basobanura mu Kinyarwanda. Intego y’iryo teraniro kwari ugushobora kuvuga Ubutumwa bwiza mu bantu batashoboraga kumva Ikinyarwanda nk’abakozi ba za Ambassades n’Imiryango Mpuzamahanga (expatriés), ndetse no mu bantu b’impuguke (intellectuels) batari bamwe n’abanyeshuri ba za Kaminuza n’ab’amashuri yisumbuye. Ubwo chorale yaririmbwagamo n’abantu 11, icyo gihe yitwaga “Chorale Francophone”, Chorale yaje kwitwa Ichtus mu 1998.

Ichtus ni amagambo ahinnye y’Ikigereki(Grec) asobanurwa mu Gifaransa ngo “Jesus Christ Fils du Dieu Vivant, Sauveur”, Yesu Kristo Umwana w’Imana nzima, Umucunguzi. Ni inshamake kandi y’ishingiro ry’inyigisho z’ubukristo yari igamije gutuma Abakristo batabyibagirwa mu gihe cy’itotezwa n’akarengane. “Ichtus” bivuga nanone “Ifi”.

Ikimenyetso cy’ifi Abakristo bari baziranyeho, cyabarangaga mu gihe cy’akarengane k’Itorero. Uretse ibyo kandi, ibi bifatiye ku Ijambo ryImana ryanditse muri Luka 5:10; aho Yesu yabwiye Petero na bagenzi be kumukurikira ko azabagira abarobyi w’abantu. Nkuko twabitangarijwe na Theophile Ndayambaje umwe mubayobozi biyi Kolari, ngo baroba abantu bababwira ubutumwa bwiza bwa Yesu bava mu byaha bagakizwa.

Mu mpera za 2010 ni ho haje igitekerezo cy’uko bashyira hamwe imbaraga bagakora itsinda rimwe ryitwa “Ichtus-Gloria Choir”. Uyu munsi chorale ifite abaririmbyi bagera kuri 45 uretse ko abayiyandikishijemo bose barenga 100. Album ya mbere yitwaga “ Saintete a l’Eternel”

Iki gitaramo kizatangira saa munani n’igice (14h30’/2.30pm), kwinjira ni ubuntu nkuko babidutangarije, kandi bakazaba bafatanya nabo bahanzi basanzwe bayiririmbamo Dusabe na Dominic, naho umuvugabutumwa akaba Pasiteri Desire Habyarimana. Ijambo ry’Imana bashingiyeho bategura kino gitaramo akaba ari igitabo cya Zaburi 68:19 muri Bibiliya.

Ancilla Bella umunyarwanda ubu i Burundi, ubu agiye kumurika album ya 2 iyo yise “Mpore”, akaba azayishyira ku mugaragaro ku cyumweru tariki ya 25/11/2012 kuri Patmos urusengero ruri Nyabugobo, kwinjira bikaba ari ubuntu.

Ndayishimiye Ancilla Bella yavutse itariki le15/05/1985 akaba yaravukiye mu mujyi wa Bujumbura, bavukana ari 4 we ni uwa 2, mu mibereho ye yakuze ari impfubyi kuko yabuze ababyeyi yiga muwa 5 Primaire intambara yo mu Burundi imaze kuba bamaze kwica Papa we bahungana na Maman we.

Nyuma kubera ko bahunze ntacyo bafise baza guhura n’ikibazo cyimibereho kugezaho babura ibiryo n’ubuzima bukomeye cyane, aza no kurwaza Mama we abifatanya no kwiga, ariko nubwo ibyo byose byabayeho yakomeje kuba muri Korale aririmba kandi agakundwa, aza kwiga gucuranga guitar ngo ajye ayicuranga yumve ko ibibazo yari afite byogabanuka, Imana iramufasha gucuranga arabimenya gusa nkuko yabidutangarije ngo yanyuze mubuzima bugoranye cyane bikabije kugeza yaraye hanze ku mihanda n’ibindi byinshi bigoranye yanyuzemo mu muryango we.

Imana yaje gusohoza ibyo yamuvuzeho rero asohora album ya 1 mu buryo bwibitangaza, azijyana ku ma radio akajya aririmba anacuranga ya guitar bakabifata bikajya binyura kuma radio yo mu Rwanda no mu Burundi, iyo album yayise “Twihangane”.

Nyuma yaho akoreye DVD yise “Va ibuzimu ujye ibuntu, ntaho Imana itagukura ntanaho itadushyira”, aho yerekana akanavuga ku buzima bukomye yanyuzemo, ibyamubayeho nuko bikomeye aho yanyuze no mu buraya, gukora mu kabari, kurara hanze, gufungwa, gukubitwa, gukira cyane, gukena cyane n’ibindi byinshi, kuri icyi cyumweru tariki ya 9/12/2012 arayishyira ku mugaragara anayimurikire abantu bwa mbere kuri Bethlehm Miracle Church i Nyamirambo ku muhanda ujya Rwarutabura.

Nkuko yabidutangarije, ngo ibi byabaye nyuma yabo abantu benshi bagiye bumva ubuhamya bwe atanga ahantu yabaga yagiye kubwiriza, bamusaba kubushyira kuri DVD abantu bakajya babureba bakanabwumva, biryo bikarushaho kugirira abantu benshi akamaro nawe bikamugirira akamaro.

Kwinjira muri uyu muhango ni ubuntu, hazaba kandi hari Korali zitandukanye n’umuhanzi Senga, kandi uretse indirimbo hazabaho n’umwanya wo kumva ijambo ry’Imana no kongera kumva muri makeya ubuhamya bwa Miriyamu Deborah Zulphath. Iyi DVD izaba igura amafaranga ibihumbi bibiri by’amanyarwanda, Deborah akaba yadutangarije ko igituma yayishyize kuri makeya, aruko yifuzako abantu benshi bahinduka nyuma yo kumva ibyo Imana yamukoreye.

Nyuma yo kuyishyira hanze Deborah akaba ateganya no kuyishyira ahandi hantu hasanzwe haboneka ibihangano bitandukanye, ndetse akanazenguruka amatorero yo muri Kigali ndetse no hanze yayo ayerekana anayitanga.

Hyssop choir nimwe muri chorale za ADEPR ikaba ikorera umurimo w’Imana mu itorero rya Muganza ku mudugudu wa Kiruhura .
Hyssop choir (iryo zina ryavuye kugati kitwa Ezobu kakoreshwaga n’abatambyi iryo jambo mwarisanga muri Zaburi 51:9 )yatangiye gukora umurimo w’Imana mu mwaka wa 2004 ,itangijwe n’abanyeshuri 15 gusa ,iyo chorale yakomeje gukura mu mubare w’abaririmbyi no muburyo bw’imiririmbire,ikaba arimwe mu machorale aririmba neza .

Ubu bakaba bageze ku baririmbyi 40 benshi muri bo barangije kwiga amashuri y’isumbuye, bamwe bari kwiga kaminuza abandi barangije kaminuza. Korale Hyssop yaririmbaga muri vacances gusa bityo bigatuma badatera imbere nkuko bikwiye. Ubwo bagendaga barangiza kwiga amashuri yisumbuye baje gufata umwanzuro wo kuririmba mu rusengero babarizwamo ibihe byose kuva mu mwaka wa 2010 kugeza magingo aya.

Kubera iyo korale yari igizwe n’abanyeshuri gusa yahuraga n’imbogamizi zo kubura amafaranga yo gukoresha muburyo bw’imiririmbire . Ariko ubu bakaba bamaze kugira byinshi bageraho harimo indirimbo z’ivugabutumwa mu ndimi z’amahanga arizo Ikinyarwanda ,Icyongereza ,Igifaransa ,Igiswahili ndetse n’ikigande .

Hyssop choir ikaba yarabateguriye concert yo gushima Imana ifite intego dusanga muri Zaburi 150 ikazaba irikumwe n’umuhanzi Alexis Dusabe na Hyssop worship team na chorale hyssop nyirizina kuri uwo munsi tuzaba turi kumwe n’umuvugabutumwa Nzaramba Jean Paul akaba ari mwarimu w’umudugudu wa ADEPR Rugando hyssop choir ikaba ibatumiye mwese kuzifatanya nayo muri icyo gikorwa cyo kuramya no guhimbaza Imana kwinjira bizaba ari ubuntu.

Fracois Ntakirutimana/agakiza.org

Umugabo wamenyekanye cyane kubera uburyo indirimbo ze zifasha benshi, akaba aririmba indirimbo zo kuramya no guhimbaza Imana, Don Moen kuri uyu wa Gatatu araba ataramana n’abakunzi be mu mugi wa Accra uri muri Ghana hano muri Afurika aho azava ajya i Lagos ho muri Nigeria.

Abinyujije ku mbuga-nkoranyambaga facebook na twitter, Don Moen yagize ati “ Nishimiye cyane kuba mu mugi utuje wuzuye ubwiza wa Accra ho muri Ghana ,aho ngirana ibihe byiza n’incuti zanjye mu gitaramo cyo kuwa Gatatu nijoro murusengero rwitwa World Miracle Church.”

Uyu mugabo ufite abakunzi batari bake ku isi ,by’umwihariko muri Afurika niwe waririmbye indirimbo nka ‘Good is Good, Sing for Joy , God will make a way, Let’s your glory fall, God with us, Give thanks, I will sing ’ n’izindi zinakoreshwa henshi mu nsengero za hano mu Rwanda.

Ubusanzwe Donald James Moen bita Don Moen, ufite imyaka 62 y’amavuko yavukiye muri Reta zunze ubumwe za Amerika (USA) ahitwa Minneapolis, muri Leta ya Minnesota.

Akaba yaratangiye ubuhanzi bwe bwo kuririmba muri 1984 kugera n’uyu munsi akiririmba.

Don Moen akaba amaze gushyira hanze imizingo (Alubum 11) ,aho iya mbere yashyize hanze muri 1992 yayishyizemo izina rye ayita ‘Worship with Don Moen’ bishatse kuvuga “ Kuramya no Guhimbaza hamwe na Don Moen”.

Indirimbo ze zikaba zimaze kugurishwa ku isi hose, aho amaze kugurisha izirenga milliyoni eshanu.

Ku bamuzi aririmba bamubonamo kumenya kujyanisha ibyo akora dore ko ubusanzwe ari , umuririmbyi, umucuranzi, umwanditsi w’indirimbo, umuyobozi wo kuramya no guhimbaza, umuproducer, umupasitori, umucuruzi, umunyabugeni kandi byose ngo abikora neza cyane.

Amashuri ye yayigiye muri Oral Roberts University. Don Moen yibera ahitwa Nashville, TN, hamwe n’umugore we Laura bafitanye abana batanu .

Inkuru dukesha inyarwanda.com

Nkuko twbaitangarijwe na Egide umwe mu bayobozi ba Alarme Ministries uri mubari gutegura iki gitaramo, ku cyumweru tariki ya 23/12/2012 nibwo Alarme Ministries izamurika alubumu yabo y’amashusho ya live concert bakoze umwaka ushize, uyu munsi kandi kuva saa kumi akaba ari nabwo bazatangira gufata andi mashusho igikorwa kizazira rimwe no kumurika iyo alubumu bakora icyo bita live recording mu magambo y’icyongeraza (Gufata amajwi n’amashusho y’ibintu biba ako kanya).

Patient Bizimana na Liliane Kabaganza nibo bahanzi bazafatanya na Alarne Ministries kuri uwo munsi, kwinjira muri iki gitaramo bikaba ari amafaranga y’amanyarwanda 2000 na 5000 Frw muri VIP. Egide yatubwiyeko kimwe mu bishya bateguriye abakunzi babo aruko ibintu byose bizakorwa bizaba ari umwimerere doreko n’abaririmbyi bazakorana nabo bazakora mu buryo bwa Mass Choir ibikiriza. Iki gitaramo kizabera kuri Christian Life Assambly i Nyarutarama kandi ngo isaha yo gutangira igitaramo izakurikizwa, akaba ari saa kumi kizatangira.

Reka tubabwireko Alarme Ministries ari imwe mu ma minisiteri akomeye akorera mu Rwanda cyane ikaba yaramenyekanye kubera agashami ko kuririmba, yewe ikaba ifite amalubumu ane harimo izamajwi nimwe yamashusho.

Alarme Ministries kandi iherutse gukora ubushakashatsi ku buzima ndetse ibushyira hanze, ibyo bikaba byabaye mu rwego rw’umushinga wa MAJ, aha Alarme ikaba yaragize icyo isaba Leta nk’umuryango utegamiye kuri Leta kandi mu ntego zawo harimo kuvuganira abaturage, aho basabye ko amafaranga y’imishinga yajya agera hasi kuba turage agakoreshwa mu bikorwa bifatika kandi bitafitiye akamaro abaturage.

Nkuko twabitangarijwe n’umuyobozi wiyi korali Bwana
Nsengumuremyi Claude, imyiteguro uri kugenda neza kandi ntakizahinduka, Korale Betesida yo kuri ADEPR Rwimbogo i Kanombe izamurika alubumu yayo ya mbere y’amashusho ku cyumweru tariki ya 23/12/2012, ku rusengero rwa ADEPR Rwimbogo hafi y’ikibuga cy’indege. Icyi gitaramo kizatangira saa saba z’amanwa kizitabirwa kandi n’abandi bahanzi bazaza gushigikira iyi Korali harimo Korali Impanda kuva ADEPR Gikondo n’abandi, kwinjira bikaba ari ubuntu.

Umuyoyozi wiyi Korali yakomeje adutangariza ko iyi alubumu yabatwaye amafaranga ari hejuru ya miliyoni y’amanyarwanda, bakaba aribo ubwabo bayitangiye kuko muribo harimo abakozi n’ababfite akazi, ikaba riho indirimbo 10 ziri mu njyana zitandukanye zose ziakaba ziri mu kinyarwanda.

Korali Betesidayavutse mu mwaka wa 1991 ari Korali y’icyumba, mu mwaka wa 1992 nibwo yabaye Korali y’umudugudu, mu mwaka wa 1994 yahuye n’ibabazo bamwe mu bayigize baricwa, hanyuma mu mwaka wa 1995 yongeye gutangira itangirana abantu 7.

Korali Betesida yakomeje kwiyubaka ku buryo ubu ifite abantu bagera kuri 70. Mu mwaka wa 2002 nibwo yakoze alubumu yabo ya mbere y’amajwi (audio), iyishyira ahagaragara mu mwaka wa 2003. Yakomeje kwiyubaka kugeza 2011, aho yatangiye gukoraAlbum yayo ya kabiri y’amajwi (audio), iyishyira ahagaragara mu kwa gatanu 2012.

Ku cyumweru tariki ya 23/12/2012, nibwo Korali Redeemed izamurika alubumu yayo ya mbere mu mugi wa Kabuga, kuva saa kumi z’umugoroba, igitaramo kizabera kuri Zion Temple i Kabuga.

Nkuko twabitangarijwe na Ahadi Tresor umwe mu bayobozi biyi Korali, ngo intego yiki gitaramo ni ukumurika no gushyira hanze alubumu yabo ya mbere bise “Yesu niwe inshuti yanjye”, iyi alubumu ikaba iriho indirimo icumi. Tresor yadutangarije ko bazakorana na Arsene Manzi, Bobo, Shinning Star, Kabera Fils na Power of the Cross kandi kwinjira bikaba ari ubuntu.

Korali Redeemed ni Korali ikorera umurimo w’uburirimbyi muri Evangelical Restoration Church Rusororo (Kabuga) yatangiye 2002 ari abana bo muri Sunday School. Mu mwaka wa 2009 nibwo yiswe Redeemed Choir, ikaba igizwe n’abanyeshuri ahanini. Bimwe mu bikorwa yakoze harimo yasohoye CD y’amajwi mu mwaka wa 2010, ikora video mu mwaka wa 2012, ikaba kandi yaragiye ikora ibitaro ahantu hatandukanye. Intego ya Redeemed Choir ni ukwamamaza ubutumwa bwiza bwa Yesu Kristo mu Rwanda no ku Isi yose, gufasha imfumbyi n’abapfakazi ndetse n’abatishoboye, hamwe n’ibindi bikorwa bijyanye na gahunda za leta.

Nkuko IRABONA Aubin Umuyobozi w’abanyeshuri n’abarangije bo muri Paroisse ya ADEPR Bibare akaba ari no mubategura iki giterane kizaba kucyumweru tarikiya 23/12/2012 ya bidutangarije, iki giterane kizaba kidasanzwe kuko kizahuza abanyeshuri biga n’abarangije ibyiciro by’amashuri bitandukanye(Secondaire, Université, Maîtrise, na PHD ) babarizwa mu itorero rya Bibare, kikazaba gifite intego “Umumaro w’abanyabwenge barimo Umwuka w’Imana mu itorero no mu gihugu” Itangiriro 41:38.

Iki giterane kizabera kukicaro cya Paroisse ya Bibare kuva saasaba (13h00’) kugeza saa kumi n’ebyiri (18h00’) kizaba kirimo abaririmbyi batandukanye nka UMURERWA Olive, Chorale IJWI RY’AGAKIZA yo muri CEP/MUDENDE, Chorale Gloria yo ku mudugudu wa BIBARE na Chorale PENOUEL y’abanyeshuri n’abarangije bo kumudugudu wa Rukurazo muri Paroisse ya Bibare, Umuvugabutumwa azaba ari Pasteur Aumônier MPAMYUKURI Nehemie hazaba harikandi n’abandi bakozi b’Imana batandukanye.

Nkuko IRABONA Aubin yabidutangarije, bifuzako abantu bazaza kwifatanya na bo muri iki giterane kuko kizaba kirimo inyigisho nziza n’ ibindi bintu byiza kandi bagafatanya gusangira imigisha y’Imana.Tubakurikiranire uko ikigiterane kizagenda.

Korali Siyoni yo muri ADEPR Nyakabanda paruwasi ya Kicukiro, yateguye igiterane cya Noheri; icyo giterane kikaba kizatangira ku cyumweru taliki ya 23/12/2012, kirangire taliki ya 25/12/2012 kuri Noheri.

Muri icyo gitaramo hakazagaragaramo amakorari atandukanye, harimo korali Louange yo muri ADEPR Gatsata, korali Galeedi yo muri ADEPR Nyakabanda, ndetse na korali Siyoni yateguye icyo giterane.

Hazagaragamo kandi umuhanzi Isaie UZAYISENGA, umenyerewe cyane mu ndirimbo zihimbaza Imana hano mu Rwanda cyane iyitwa “Amaraso ya Yesu”; ndetse hakazaboneka n’abavugabutumwa bazwi nka Pasiteri HABYARIMANA Desiré washinze urubuga Agakiza.org, na Edison Muhayimana uzaturuka muri ADEPR Gasave.

Nk’uko bitangazwa n’umwe mu bagize komite ishinzwe gutegura icyo giterane UWIDUHAYE Longin yadutangarije ko intego yacyo ari ugushima Imana no kwishimira ibyo imaze kubagezaho.

Yagize ati: “Mu by’ukuri hari intabwe igaragara Imana imaze kuduteza, ukurikije ahantu twavuye n’ibihe bikomeye twagiye ducamo; tukaba twarateguye iki giterane mu rwego rwo gushima Imana no gushimira umuntu wese wadufashije ngo tugere aho tugeze ubu”.

Ikindi kandi giteganyijwe muri iki giterane, ni ugufatanya n’abana kwizihiza umunsi mukuru wa Noheri basangira nabo ndetse babagenera impano zitandukanye.

Insanganyamatsiko y’iki giterane ikaba igira iti: “Kandi hahirwa uwizera kuko ibyo yabwiwe n’Umwami Imana bizasohora”-Luka 1:45.

Nkuko twabitangarijwe na Eric Mugisha umwe mubayobozi w’itsinda ry’abarundi Redemption Voice riririmba indirimbo z’Imana, iri tsinda riri kubarizwa mu Rwanda kuva ku munsi wa gatatu aho ryaje gufata amshusho y’indirimbo zabo eshatu hamwe no kumenyekanisha ibhangana byabo.

Nubwo i Burundi iri tsinda riri ma matsinda akomeye i Burundi ngo bifujeko n’abanyarwanda babamenya kandi bagakorana, doreko bakora indirimbo nyinshi munjyana y’umwimerere ibyo bita Acapela. Ngo banatekereje ko mu Rwanda babona ahantu henshi kandi heza bafatira amashusho yabo, akaba ari muri urwo rwego bazamara icyumweru kirenga muri ibyo bikorwa bitandukanye.

Umurwi Redemption Voice n’umurwi uririmba indirimbo zishira izina ry’Imana hejuru, uva mu burundi i bujumbura mwisengero rya Bon Berger. Uyu murwi ugizwe n’abahungu 7 n’umukobwa umwe, abawugize bose ni urwaruka ruri hagati y’imyaka 27 na 20 kandi bakiriye Yesu cyangwa agakiza hagati y’umwaka wa 2002 na 2006.

Uyu murwi wavutse mu mwaka wa 2008, abo baririmvyi bahuriye mwishengero rya Bon Berger mucyo bita postulat niho bakoza arrangement nshasha y’indirimbo iri mu gitabo cy’ikirundi bita “Wogejwe”, bikaba byaratangaje abantu batari bake ku bw’ubuhanga bwiyo accapela. Redemption Voice iyobowe na Mugisha Eric, ukaba waragiye ukonana n’abahanzi benshi batandukanye b’abarundi nka DuDu, GMP, David, H4C n’abandi. Mugisha mu magamboye akaba yagize ati "Umurwi wacu rero ubayeho ngo utume igikorwa cazanye Yesu kibandanya biciye muri music, harabantu vyanka vyakunda babwirizwa guhinduka no kwegera Imana kuruta bivuye kubikorwa vyacu, tubayeho ngo abantu barye kuvyamwa vyo gucungurwa navyo n’amahoro umunezero ubugingo buhoraho” Alubumu yabo ya mbere yitwa “Yuguruye ntawugara” yakozwe n’umu producteur DUDU.

Ngo i Kigali bakazaba baririmba mu masengero atandukanye nka Restoration ya Remera niya Kimisagara, Zion Temple, Women Foundation, Eglise Vivante, Bethel church nahandi hatandukanye. Redemption Voice iririmba mu buryo bwa acapela, RnB ivanze na rock, n’izindi.

Nyuma y’aho ishyiriye ahagaragara umuzingo wayo ugizwe n’indirimbo zigaragaraza amashusho, Korali LOUANGE yo muri KIE ikomeje gukora ingendo hirya ni hino.

Kuri iki cyumweru taliki ya 23/12/2012 izaba iri mu ntara y’iburasirazuba, umudugudu wa RWIKUBO muri paruwasi ya RWIKUBO aho bazafatanya n’aba Kiristu baho guhimbaza Imana guhera saa tatu kugera saa kumi n’ebyiri.

Twegereye umuyobozi w’iyo korali HABINEZA Theogene adutangariza ko intego bafite ari ukugeza ubutumwa bwiza bwumvikana mu bihangano byabo henshi mu gihugu, kandi ko Imana izakomeza kubafasha bakarenga n’imbibi z’ u Rwanda no hanze bakajyayo.

Korali LOUANGE ni imwe mu ma korali aherutse kwitabira irushanwa Tembeya choirs promotion award initwara neza kuko yaje mu makorali ane yambere muri Kigali.

Twabibutsa ko korali LOUANGE ibarizwa mu muryango w’abanyeshuri b’abapantekote biga mu Ishuri Rikuru Nderabarezi rya Kigali (CEP-KIE).

Foundation Uwanyiligira Suzanne isanzwe ikorana na Luc Buntu bateguye igitaramo cyo kuramya no guhimbaza Imana mu rwego rwo gufasha abana, kizaba kuwa gatatu tariki ya 26/12/2012, kuri New Life Bible Church Kicukiro mu kagarama, aho bazaba bari kumwe n’abahanzi Aime Uwimana, Gaby Irene Kamanzi, Guy Badibanga na Luc Buntu, kwinjira bika ari ibihumbi 5000, aya mafaranga azavamo akazafashishwa abana b’imfubyi barerwa niyi Foundation.

Luc Buntu yadutangarije kandi ko ari mu rwego rwo kubifuriza rwo kwifatanya naba bana mukabaha Noheli no kubifuriza iminsi mikuru mwiza isoza umwaka, icyanditswe iki gikorwa kigenderaho kikaba ari ijambo ry’Imana ryanditse mu gitabo cya Yakobo 1:27.

Fondation Uwanyiligira Suzanne ni umuryango usanzwe ufasha abana b’imfubyi, nabandi bose batishoboye ikaba ifite amazu abiri ibareramo Kabuye na Kimisagara. Ubushobozi bwose bukaba butanga na Marie Paul afatanyije n’umugore we gusa kuriyi nshuro aba bahanzi ba gospel bakaba bagiye gufatanya nabo muri iki gikorwa bateguye.

Kuri uyu wa kane tariki ya 27/12/2012, abavugabutumwa, abanyamasengesho n’abahanzi bo mu itorero rya ADEPR bateguye igitaramo cyo gushimira Imana ibyo Imana yakoze uyu mwaka wose ugiye kurangira ndetse no gusengera itorero n’igihugu cy’u Rwanda, icyi gitaramo cikazatangira saa moya z’ijoro kigeza saa tisa zijoro, kwinjira bikaba ari ubuntu.

Nkuko twabitangarijwe na Ev Sugira Steve umwe mubari gutegura kino gitaramo ngo intego yicyi gitaramo iri mu gitabo cya Bibiriya mu Abami I 5 :18.

Ngo hazaba haria bavugabutumwa benshi batandukanye harimo Pasiteri Ngamije Viateur, Pasiteri Desire, Bernard n’abahanzi batandukanye bo mu itorero rya ADEPR nka Mugabo Venuste, Dominic, Naphtal na Korali Salemi na Worship team yabaramyi bose bo muri ADEPR bishyizehamwe.

Sugira yadutangarije ko icyi gitaramo kizaba ngaruka mwaka kuko buri gihe aya matariki igikorwa nkiki kiba gikenewe, kandi ibi bikanongera imikoranire n’ubwuzuzanye hagati y’abavugabutumwa, abahanzi n’abandi bantu batandukanye bakorera umurimo w’Imana muri ADEPR. Kuri iyi nshyuro ya mbere bakaba bakise « Duhawe ihumure 2012 »

Umuhanzi Diane nkusi wamenyekanye ku ndirimbo nyisnhi zitandukanye harimo nka “Mukunzi mwiza” hamwe n’izindi nyinshi zitandukanye zihimbaza Imana, ndetse wanasohoye igitabo yise “La folie de la foi”, yateguye igiterane yise Women and Destiny in divine connection kizaba ku cyumweru tariki ya 6/01/2013 muri Serena Hotel, kwinjira bikaba ari ubuntu.

Nkuko yabidutangarije mu magambo ye akaba yagize ati “Mukobwa, Mudamu...nabatumiye mwese muri iki giterane Women and Destiny ku tariki 6 Mutarama 2013 kuri Serena Hotel kuva saa cyenda z’umugoroba (15h00’/3pm), aho kwinjira ari ubuntu.

Muri iki giterane cy’abarin’abategarugori kizamara umunsi umwe ngo hazabaho inyigisho, ubuhamya ndeste n’ijambo ry’Imana bazagezwaho n’abakozi b’Imana batandukanye harimo Pst. Lydia Masasu, Pst. Christine Gatabazi, Pst. Liliose Tayi na Pst Fifi Cameroon, Pst Julienne Kabanda ndetse n’umuhanzi Gaby Irene Kamanzi.

Umuhanzi Nkusi Diane kuri uwo munsi hazaba hanaboneka igitabo cye yise “La folie de la foi”, ndetse n’ibindi bihangano bye, ndetse uyu akaba ari umwana abari n’abategarugori babonye wo gutegura neza umwaka wabo wa 2013 ku mpande zose banyuramo.

Igiterane cyise Women and Destiny in divine connection kizaba ku cyumweru tariki ya 6/01/2013 muri Serena Hotel, aho kwinjira bizaba ari ubuntu, ni kimwe mu bikorwa binini bigiye gutangira umwaka wa 2013, ibi bikaba ari nk’agashya doreko ubusanzwe imyaka ibiri ishize wasangaga ibiterane n’ibitaramo bikomeye bitangira kugaragara mu kwezi kwa gatatu.

Muri iki giterane cy’abarin’abategarugori kizamara umunsi umwe ngo hazabaho inyigisho, ubuhamya ndeste n’ijambo ry’Imana bazagezwaho n’abakozi b’Imana batandukanye harimo Pst. Lydia Masasu, Pst. Christine Gatabazi, Pst. Liliose Tayi na Pst Fifi Cameroon, Pst Julienne Kabanda ndetse n’abahanzi Diae Nkusi na Gaby Irene Kamanzi.

Uyu akaba ari umwanya abari n’abategarugori bomu Rwanda babonye wo gutegura neza umwaka wabo wa 2013 ku mpande zose banyuramo, aho muri iki giterane Women and Destiny kizaba ku cyumweru gitaha kuri Serena Hotel i Kigali, kikazatangira saa cyenda z’umugoroba (15h00’/3pm), cyane ko abantu bose bazinjirira ubuntu.

Korali Kinyinya yo mu Itorero rya ADEPR Paruwase Kinyinya mu Mujyi wa Kigali irategura igiterane kuri uyu wa 13 Mutarama 2013, cyo gushyira ku mugaragaro album ya 7 y’amajwi yiswe “Kinyinya Audio Remix”

Iyi album yiswe iri zina kubera ko irimo indirimbo nshya zivanze n’izo mu gihe cya kera zagiye zikundwa na benshi zikaba zararirimbwe zikanacurungwa mu buryo buvuguruye.

Nk’uko twabitangarijwe na Ndayishimiye Pascal Umuyobozi wa Korali Kinyinya, iki giterane kizabera kuri Paruwase ya Kinyinya, kuva i saa tatu za mu gitondo, Simon Kabera na we akazaba yakitabiriye.

Ndayishimiye yadutangarije ko korali ayoboye yashinzwe mu mwaka wa 1992, ikaba igizwe n’abaririmbyi 62.

Yamenyekanye cyane mu myaka ya 1996-1999 mu ndirimbo zakunzwe na benshi nka “Urondereza ubusa bukimara”, “Nzasenga Imana” n’izindi. Imaze gusohora album 6 z’amajwi, iyi ikaba ari iya 7 igiye kujya ku mugaragaro.

Iyi Korali ngo yabwirije ubutumwa bwiza mu gihugu hose kandi na n’ubu ngo ikomeje iyo ntego, ikaba kandi yitegura gushyira ahagaragara album y’amashusho mu minsi ya vuba.

Inkuta, intebe, ameza tapi….umuriri w’ibi byose ntiwari woroshye mu ngoro ya hotel ya cote d’Ivoire ahaberaga festival. Abamambre batatu ba Seraphim’s Songs bakoze urugendo rwerekeza muri Côte d’Ivoire , Seraphim’s Songs yaje kuba iya mbere ku izina ry’impundu (Louange). Mu yandi matsinda atanu yari mu byiciro bya gospel ni Joyous Choir, Soweto Gospel (Afrique du Sud), DMK (Zambie), Gael (DRC), Infinity (Nigeria).

Ibi byabaye mu mpera z’umwaka dusoje ku itari ya 30 Ukuboza, aho imihango yatangiye saa mbiri z’umugoroba kugeza saa yine z’ijoro i Burundi, bityo ikirori kimara amasaha abiri.

Nimbona Kidum Jean-Pierre nk’umwaritisite mwiza w’igitsina gabo muri Afurika y’iburasirazuba, ni we waje ku mwanya wa mbere mu guhamagarwa kuri podium, mu ndirimbo ye yitwa Mulika Mwiza. Nyuma y’abaritisite makumyabiri, hakurikiyeho Seraphim’s Song : « twari tuzwi gusa mu mijyi y’i Burundi. Kugeza ubu, hafi isi yose yaratumenye tukaba tugiye kujyana umuziki wacu hanze y’u Burundi. » ibi ni ibyagarutsweho na Orlando Niyomwungere.

Seraphim’s Songs isaba inkunga guverinoma irengeje agahimbaza musyi bari basanganywe. Buri wese yishyuwe passeport y’amafaranga ibihumbi maganabiri mirongo itatu na bitanu by’amarundi (235.000 Fbu), Viza y’amadolari y’Amanyamerika mirongo icyenda (90$) angana n’amafaranga ibihumbi ijana na mirongo ine y’amarundi (140.000 Fbu), ibihumbi mirongo itatu na bitanu by’amarundi (35.000 Fbu) ku bijyanye na carte jaune, hongeweho n’amafranga make bagomba kwitwaza ku mufuka, ibi byabaye mu gihe abagize iri tsinda ari abanyeshuri ndetse n’abadafite akazi.

Tubabwire ko ikiciro cya nyuma cya Kora Africa Music Awards cyari cyatumiwemo umusitari w’umunyamerika Chris Brown wari n’umutumirwa w’icyubahiro muri ibi birori.

Kuri uyu wa gatanu tariki ya 10/01/2013 guhera kuva saa kumi n’imwe na mirongo ine n’itanu kugeza za saa mbiri zijoro (17h45’ - 20h00’), nibwo Yvone yamuritse albumu ye ya mbere i Kigali. Yvonne Uwase wamenyekanye ku ndirimbo “Amasezerano”, “Umuntu” na “Yesu w’i Nazareti”, akaba yari aherutse kuyimurikira mu majyepfo i Huye,

Iki gitaramo cyabereye i Nyamirambo muri Eglise Francophone ku rusengero rw’itorero ry’abadivantisite, nkuko Yvonne yabidutangarije, muri iki gitaramo yari yifatanyije na Warren group itsinda ribarizwa i Masoro, True Way itsinda ry’abakobwa gusa baririmba indirimbo zihimbaza Imana hamwe na Sahihi kuva Ruhengeri (Kigombe).

Yvonne yakoemje adutangariza ko byose byagenze neza, kuko intego yakino gitaramo (Theme) yari “Hitamo umucyo, umurike muri 2013”, kandi abantu benshi bakitabiriye bakaba bariyemeje kuyigenderamo uyu mwaka wose, tukaba twababwirako iki gitaramo cyitabiriwe cyane doreko ndetse kwinjira byari ubuntu. Yvonne ngo nyuma ya kino gitaramo arateganya gukomeza nibindi bitaarmo ahantu hatandukanye agenda amenyekanisha alubumu ye nyuma agakora amshusho ya zimwe mu ndirimbo ze.

Kuri icyi cyumweru tariki ya 13/01/2013 iyi Korali ubusanzwe ibarizwa Butare nibwo yamurikiye abanyamakuru n’abakunzi bayo mu mugi wa Kigali alubumu yayo ya kabiri yasohoye, iyi alubumu y’indirimbo z’amajwi ikaba iriho indirimbo icumi zakorewe mu ma Studio atandukanye.

Bwana Juvénal Nsengiyumva, umwe mu bayobozi wiyi Korali yatangaje ko iyi alubumu iriho indirimbo z’amajwi zikoze neza harimo « Halellua », « Ntakibasha », « Mfite impamvu », « Naritegereje » na « Yesu ni Iriba » akaba ari nayo bitiriye iyi alubumu. Yakomeje atangaza ko kuba kandi baregukanye igihembo cya ’Umucyo Gospel Awards 2012’ cyari cyateguwe na Radio Umucyo nabyo biri mu byatumye bakora ibihangano biza kandi bigatunganwa neza.

Muri iki gikorwa abagize Iriba Choir bakaba banaboneye gutangaza ko uyu mwaka ari umwaka kuribo wo gukora cyane kandi hakaba hari nibindi bikorwa bitandukanye bari guteganya gukorera mu mugi wa Kigali harimo ibitaramo n’ibindi. Iyi Korali ikaba inafite urubuga rwa interinete yewe ikaba imwe mu ma Korali yo muri ADEPR akorana cyane n’itangazamakuru akanakoresha interinete yaba website ndeste na facebook.

Korali Iriba ibarizwa mu itorero rya ADEPR mu Rurembo rwa Butare muri Paroisse ya Butare-Ville , ikaba yaratangiye umurimo w’Imana kuwa 15/2/1995 itangijwe n’abantu 18 ariko kugeza uyu munsi ikaba igeze ku baririmbyi 80. Iyi korali kandi yagiye ikorera umurimo w’Imana mu bice bitandukanye by’igihugu cyacu ndetse no hanze yarwo. Basoje basaba abakunzi babo kuzabashigikira muri uyu mwaka muri byo bikorwa byose bateganya gukora.

Chorale Louange CEP/KIE ni chorale igizwe n’ abanyeshuri biga muri KIE (Kigali Institute of Education ), bimaze kugaragara ko iri mu ma korari akunzwe cyane mu mugi wa Kigali no mu ntara hose .

Umwaka wa 2012 yashyize ahagararagara DVD yitwa ARAKUMVA nyuma ikora ingendo z’ ivugabutumwa mu mugi wa Kigali no mu ntara , yashoje umwaka iri mu ntara y’ iburasirazuba muri Paruwasi ya Rwikubo . Kuri icyi cyumweru tariki 27/01/2013 sa munani z’amanywa izataramira muri Paruwasi ya Bibare umudugudu wa Nyagatovu.

Twabajije umuyobozi wa chorale Habineza Theogene adutangariza ko Imana ikomeje kwagura ivugabutumwa bakora mu buryo bwo kuririmbira Imana kandi turashimira Imana ko twashoje umwaka amahoro, mu ngendo twakoze zose ntakibazo twahuye ntacyo nubwo satani atatwifuriza ibyiza ariko dufite Imana , yokomeje adutangariza ko umwaka wa 2013 bawutangiye neza bakora ingendo muri Paruwasi ya Bibare umudugudu wa nyagatovu mu gitaramo cyo guhimbaza Imana yarangije asaba abakunzi babo n’ abaterankunga kuzaza kwifatanyana nabo. Birasanzwe ko mu mpera z’ umwaka no mugutangira umwaka mushya habaho ibitaramo bikomeye Byo gushima Imana .

Tuzakomeza kubakuricyiranira iyi nkuru .

Korale Siyoni ikorera mu itorero ry’ADEPR, mu ntara y’amajyaruguru, akarere ka Nyabihu, umurenge wa Jenda, akagari ka Bukinanyana, itorero rya Jenda iri gutegura ku ibitaramo bibiri bikomeye uyu mwaka.

Nkuko twabitangarijwe na Twizerimana Theogene umuyobozi mukuru wiyi Korale, Korale Siyoni yatangiye mu mwaka wa 1995 igizwe n’abana b’urubyiruko bari hagati y’imyaka 12- 15 itangirana abantu 30. Iyi Korale yatangiye kugura ibyuma byo gucurangisha (Instrument musical) mu mwaka wa 2001. Siyoni yasohoye kasete audio ya mbere yitwa “Ntaruganda rukora agakiza” mu 2005. Korale yakoze ingendo zitandukanye hirya no hino mugihugu harimo nk’i Kigali, Gitarama, Musanze, Kibingo (i Gishari), Rubavu, Kibuye (Rutsiro), Butaro (Rusumo aha ho havutse umudugudu ari Korale iwutangije) n’ahandi henshi.

Bimwe mu bindi bikorwa biherekeje ivuga butumwa iyi Korale yagiye ikora nkuko Theogene yabidutangarije harimo kubakira umuntu utishoboye (mu murenge wa Jenda mu mwaka wa 2007), kwishyira hamwe bagahingira abatishoboye, bagiye kandi batanga ibyo kurya ku bakene cyane mu mwaka wa 2012. Iyi Korari yanaririmbye mu biterane byabaga byateguwe na Leta by’ubumwe n’ubwiyunge cyane mu karere ka Musanze mu mwajyaruguru. Tariki ya 13/04/2012 basuye urwibutso rwa Gisozi bagamije kwigisha urubyiruko kwigira ku mateka yibyabaye kugira ngo bitazongera kuba. Chorale yakoze ubusabane n’igiterane cy’abantu bagera ku 2000 irabagaburira bose ibi ni kimwe mu bintu binini Siyoni yakoze tariki ya 21/10/2012.

Korale yasohoye kasete Audio ya kabiri yitwa mu 2012, ubu Korale ifite abantu 64, abaririmbyi bagiye bashyingiranwa ubu ifite ingo 15, abagore 15, abagabo 12, urubyiruko rw’abakobwa 20 n’abasore 17. Ubu Korale ifite abantu biga Kaminuza 10, abiga muri secondaire 25, abakozi bakora mu bigo bya Leta no mu byigenga 6 hamwe n’abikorera ku giti cyabo (abacuruzi) 10.

Habiyambere Jean akaba Dirigent (coacher) wiyi Korale yadutangarije ko bimwe mubyo bateganya muri uyu mwaka wa 2013 harimogukora Album Video (Clip) DVD izarangira mu ntangiriro zuyu mwaka, hakabamo igitaramo cyo kurwanya Ibiyobya bwenge mu rubyiruko, igitaramo cyo gutangira Mutuel Imiryango 10 ikennye ndetse n’igitaramo muri Kigali na Musanze byose byo kwiyereka inshuti zacu. Baritegura ingendo mu bitaro bitandukanye basura abarwayi ndetse bakanagura ibyuma bya Music bihagije. Mugosoza akaba yasabye abanyarwanda kuza kwifatanya nabo mu gukorera Imana, kuko ijambo ry’Imana ryanditswe mu Ibyakozwe n’intumwa 10:34-35 ribivuga ngo uwubaha Imana agakora ibyo gukiranuka iramwemera.

Silowamu ibarizwa mu itorero rya ADEPR muri Paroisse ya Gasave, luri kino cyumweru tariki ya 28/01/2013 yashimiye cyane abantu bose bayifashije mu kumurika Album yayo ya kabiri bise "Inzira yo gukiranuka" yashyizwe ku mugaragaro kuwa 31/7/2011 ku kicaro cy’aho iyi Korali ibarizwa ku mudugudu wa Kinamba haruguru gato y’urwibutso rwa genocide yakorewe abatutsi muri 1994.

Bwana Medal uyobora uyi Korali akaba yashimiye abantu bose bari bita ubu butumire hari Korale Iriba kuva Huye ndetse nindi Korali yindi yavuze i Gikongoro bakunda gukorana, anabereka bimwe mjubikorwa bakoze harimo nko kuba baramuritse album, harimo kugura ibikoresho bitandukanye birimo uniformes za korali, ibyuma bya muzika bigendanye n’igihe, ndetse no kugira amafaraga abitse azakoresha mu bindi gikorwa. Iyi Korale kandi ifite imodoka ikora taxis ikaba ariyo ibafasha gukusanya amafaranga abafasha.

Buretse umuyobozi wiyi Kolare hanabayeho andi magambo harimo ijambo ry’umushumba w’itorero rya ADEPR Gasave, uhagarariye abaterankunga biyi Korali, uhagarariye Korale Iriba ndetse nuhagarariye abantu bigeze kuririmba muriyi Korale ariko batakiyibarizwamo kubera impamvu zitandukanye.

Korale Silowamu yavutse mu 1992 ivukira k’umudugudu wa Kinamba icyo gihe yitwaga Kolare Komeza Urugendo umudugudu wa Kinamba warutarajya muri paroisse ya Kacyiru uri muri Paroisse ya Gasave ari nayo ubu babarizwamo. Mu mwaka wa 1997 bamwe mubari bagize iyo Chorale bagiye k’umudugudu wa Gacuriro abandi basigara ku Kinamba, kuwa tariki ya 09/04/2000 paroisse Gasave yabohereje k’umudugudu wa Kumukenke niho warukivuka ubwo nibwo bafashe izina rya Silowamu i gizwe n’abaririmbyi 25 ubu bakaba bamaze kugera kuri 58.

Zimwe mu ntego za Korare Silowamu, harimo kubwiriza ubutumwa bwiza mu buryo bw’Indirimbo hano mu Rwanda ndetse no mu mahanga, aho yanagiye mu Rurembo rwa Cyangugu, Gikongoro, Butare, Gitarama, Ruhengeri, Byumba, Kabuga, Kibungo. Iyi Korale yabashije kugura ibyuma bifite agaciro ka milliyoni eshanu harimo ingoma za kizungu, Ampli de puissance, mixeur, baffres, synthétiseur, guitares, microphones na uniforme zo kwambara eshanu zitandukanye. Kolare Silowamu yabashije no kugura imodoka yo mu bwoko bwa munibus. Basohoye Album yabo ya mbere mu mwaka wa 2007 yitwa “Iyo yakubashye” bakaba barasohoye iya kabiri bise “Inzira yo gukiranuka” umwaka ushize. Kuri ubu gahunda bafite hakaba harikmo gukora n’amashusho.

Korari Hermoni ibarizwa mu karere ka rubavu mu murenge wa Nyamyumba ikaba ikorera umurimo mu itorero rya ADEPR Paroisse ya Rubona.

Iyikorari ikaba yaramenyekanye mu Rwanda hose kubera indirimbo zabo cyane cyane indirimbo Amatunda yacuranzwe ku amaradiyo atandukanye ibi bigatuma kandi imenyekana ndetse igakora ingendo zitari nke mu ntara zitandukanye .

Nyuma y’urugendo iyikorari yakoreye mu mujyi wa Butare mu gitaramo cya teguwe na korari Iriba Imana yabahaye ibihe bidasanzwe ngo bagirana ubusabane n’iyikorari ndetse bagambirira kuyitumira.

Kuri uyu wagatandatu tariki 09 korari Iriba izaba iri ku urusengero rwa ADEPR Rubona aho korari Hermoni Ibarizwa. Nk’uko tubitangarizwa n’umuyobozi wa korari Hermoni avugako intego nyamukuru ari ugushima Imana gusa naho k’uruhande rwa korari Iriba ngo ni umugisha kubantu b’i Rubavu kuko ngo bazaza babazaniye indirimbo nshya kubakunzi babo by’umwihariko.

Bakunzi b’urubuga , tuzakomeza kubakurikiranira hafi amakuru y’ururugendo ndetse n’ivugabutumwa muri rusange.

Nyuma y’igihe kitari gito i Rubavu hadategurwa igitaramo gikomeye ngo cyitabirwe n’abantu b’ingeri zose ubu noneho ngo haba harimo gutegurwa icy’imbaturamugabo kizaba ku itariki 24 /02/2013.

Iki gitaramo cyiswe Rubavu Shima Imana kikaba gitegurwa ku urwego rw’impuzamatorero,n’imiryango ya gikristo mu Rwanda nka A E E,Campuss pour Christ… igitekerezo cy’ikigitaramo cyazanywe n’umucuranzi akaba n’umunyamakuru ubarizwa i Rubavu mu mujyi wa Gisenyi FRERE Manu.

Tuganira n’abategura iki gitaramo badutangarije ko intego nyamukuru ar’ugushima Imana kubyo yakoze mu mwaka wa 2012 by’umwihariko imirwano yabereye mu mujyi wa Goma mu gihugu cya Congo yashoboraga kugira ingaruka k’ubuzima bw’abaturiye ak’ akarere ariko Imana igakinga ukuboko kwayo ndetse igakoresha n’ubuyobozi guhumuriza no kurinda umutekano w’abaturage baho muri ibyo bihe,doreko hari benshi baribatangiye guhunga abandi bagahungisha imiryango!

Uyumuhanzi Imana yahaye ikigitekerezo ngo yasanze aribyiza ko abantu bicara bakibuka maze bagashima kuko aribyo Imana ishaka muri Christo Yesu akimara kugeza ikigitekerezo k’ubuyobozi bukuru bw’impuzamatorero bacyakiye neza ndetse bemera kuzamushyigikira doreko nta torero ryari ryaragize iki gitekerezo kuko amezi yarashyize ari abiri.

Rubavu Shima Imana ni igitaramo cyatumiwemo ubuyobozi bwose mu nzego za Leta uhereye kubayobozi b’imirenge ndetse n’umuyobozi mukuru wa karere ka Rubavu hamwe n’ubuyobozi bw’imiryango ya gikristo hamwe n’ amatorero yose akorera mu karere ka Rubavu n’abaturage muri rusange bakaba biteguye ikigitaramo kuko ngo ntaw’utashimir’Imana ibyo yakoze.

Ikigitaramo kizabera kuri Stade y’ikigo cya Vision Jeunesse Nouvelle ishobora kwakira abantu benshi nyuma ya Stade Umuganda. Abahanzi bateganyijwe kuririmba muri iki gitaramo ni : Umucuranzi FRERE Manu , Liliane Kabaganza , Dominic Nic , Nelson Mucyo na Diane Nkusi Rebeca. kizayoborwa n’abanyamakuru Patrick Kanyamibwa ukora kuri radio Isango Star ndetse na Eric Shabba Ukora kuri Television y’u Rwanda.

Nyuma ya gahunda hateganyijwe kandi igice cya kabiri cy’ibirori ,aho uyu mucuranzi FRERE Manu azamurika indirimbo ze yakoze mu ijyana y’umuco nyarwanda Kabaganza nawe akazaririmba indirimbo ze yakoze mu rurimi rw’igiswahiri nko k’ Umusaraba….Kwinjira muri ibi birori bizaba ari ubuntu.Gusa ufite ubushobozi azatahana DVD ya Nyimbo za Wokovu ndetse na CD Audio iriho iz indirimbo nyarwanda by’uyumuhanzi , adasize kandi na CD Audio y’igiswahiri y’umuhanzi Kabaganza Liliane.

Inkuru na Theodore Magarambe
Radio Rwanda i Rubavu

Mu ishusho y’umunaniro mwinshi, Korali Hoziyana kuri uyu wa 10/2/2013 ahagana ku isaha ya saa kumi kugeza i saa moya z’ijoro, nibwo yari isoje imyitozo ikarishye yari imazemo amezi asaga abiri mu myiteguro yo gushyira ahagaragara album yayo ya 10 yise IMANA IRAKUZI, iteganijwe kuzaba kuba kuri iki cyumweru tariki ya 17/2/2013 ku itorero rya CLA Nyarutarama.

Abaririmbyi basaga 70, nibo babashije kugaragara muri iyi myitozo uvanyemo umwe waje kugira ikibazo akajyanwa kwa muganga atayirangije. Ibi ntibyaciye intege aba baririmbyi, kuko bashyizeho imbaraga zose kugira ngo bakosore udukosa twa nyuma, bityo kugira ngo bazabashe kunyurana umucyo imbere y’abakunzi bayo bamaze imyaka 35 yose batabasha guca iryera iyi korali mu byo kumurika umuzingo wa 10 wabanjirije indi 9 yose benshi bemeza ko yahinduye imitima yabo.

Mu ndirimbo nshya ndetse zicuranze mu muziki utuje, unoze kandi uri kuri gahunda, byagaragaye ko izashobora kugaragaza ko koko ari korali yuje ubushongore n’ubukaka mu makorali yo mu itorero ryo muri ADEPR nayo asanzwe azwiho kuba atyaye mu miririmbire hano mu Rwanda.
Biragaragara kandi ko ishobora kuzagaragaza udushya itagaragaje mu myitozo, turimo nk’imyamabarire idasanzwe n’ibindi.Kuba Umubare munini muri ibo, ari abantu bakuru basobanukiwe umurimo w’Imana icyo ari cyo, no kuba bashyira cyane gusenga no kuba hafi y’itorero muri byose, bishobora kuzahuruza imbaga y’abantu ikeneye kugira ngo bazayigurire ibihangano byayo ndetse banayishyigikire muri iki gikorwa igiye gukora ku nshuro yayo ya mbere.

Biteganijwe ko muri iki gikorwa cyo gushyira ahagaragara album yayo, ari nabwo hazafatwa amashusho azakoreshwa muri DVD yayo ya 10. Gusa, muri iyi myitozo ntihumvikanyemo indirimbo za kera benshi bazi nka karahanyuze. Mu kiganiro iherutse kugirana n’abanyamakuru kuri iki kibazo, ikaba yarasubije ko mu gihe cya concert nazo izabasha kuzirimba.Kwinjira muri iki gitaramo ni UBUNTU, hazabaho kugura ama CD yayo ndetse no kuyishyigikira.

Korali Kubwubuntu y’abanyeshuri biga i Butare muri NUR yatangiye gufata amashusho y’indirimbo zabo z’alubumu yabo ya mbere nkuko twabitangarijwe n’umuyobozi wayo Jean Claude MUNYEMANA.

Nyuma y’uko Korali kubwubuntu imaze gushyira ku mugaragaro indirimbo zo muri Album ya mbere yitwa “IMIRIMO ITUNGANYE” mu mwaka wa 2012, ubu kandi irimo no gukora ibiterane bitandukanye birimo no gufata amashusho “Shooting” y’izo ndirimbo kuva 2-3/2/2013 bari i Gikondo no mu Kiyovu; 16-17/2/2013 izaba ikomereje muri kaminuza I Butare no muri EPR Butare irangirize muri EPR ururembo rwa Remera Rukoma ku 2-3/3/2013. Indirimbo ziri muri Album ya mbere ni: Abiringiye Uwiteka, Ntawundi, Urugendo, Ibikomangoma, Imirimo itunganye, Muhimbaze Uwiteka, Abana b’Imana, Abamba amahema, Ibanga.

Korali Kubwubuntu igendera ku cyanditswe kiri muri Bibiliya kivuga ngo “Mwakijijwe n’ubuntu kubwo kwizera, ntibyavuye kuri mwe ahubwo ni impano y’Imana” EFESO2:8, ni Korali ikorera umurimo w’Imana mu ihuriro ry’abanyeshuri bo mu itorero presbytérienne mu Rwanda AEP/UNR (Association des Etudiants Presbytériens de l’Univeristé National du Rwanda) imaze imyaka 13, ikaba izwi cyane muri Kaminuza no mu itorero presbytérienne mu Rwanda.

Uretse ivugabutumwa mu buryo bwo kuririmba, Korali Kubwubuntu ikora ibikorwa ngaruka mwaka by’isanamitima bitegurwa na AEP/UNR birimo kubakira abatishoboye, gufasha impfubyi zasizwe iheruheru na jenoside yakorewe abatutsi muri Mata 1994 bigasozwa n’igiterane kinini cyo kugarurira abantu ibyiringiro no kubahumuriza imitima. Uyu mwaka iki gikorwa kizabera muri EPR Paruwasi NYANZA kuwa 23-24 Werurwe 2013.

Icyerekezo cya korali Kubwubuntu ni ukurushaho kwagura ivugabutumwa no gukora ibikorwa byiza birimo ubufatanye mu muryango mugari wa Kaminuza, kongera imbaraga mu bikorwa byo gufasha abatishoboye, ibikorwa by’itorero presbytérienne, n’ibikorwa by’igihugu muri Rusange. Umuyobozi wiyi Korale akaba yasoje ikiganiro gito twagiranye agira ati “Koral ibifurije gukomezwa n’amagambo meza y’Imana ari mu bihangano byayo”.

Mu magambo ye umuyobozi wa Choral Call On Jesus Bwana UWAYEZU Fidele yagize ati “Ubu tugiye gushyira ahagaragara indirimbo zacu Album yambere twise “Araje Yesu” ikaba igizwe nindirimbo 10. Tuzakorera launch ahantu hatatu ku bihe bitandukanye, kuwa 17/2/2013 saa munani n’igice kuri Cathedral Saint Etienne mu Biryogo, kuwa 24/2/2013 saa munani muri KIST, kuwa 10/3/2013 saa munani i Remera mugiporoso kurusengero rwa EAR Paroisse Remera Tukaba dutumira abantu bose kuzaza bakabana natwe kuko ariyo nkunga yibanze tubifuzaho cyane ko hose kwinjira bizaba ari ubuntu”.

Nkuko yakomeje abidutangariza ngo imyiteguro iri kugenda neza, kandi byose bizeyeko bizagenda neza. Mu mwaka wa 2005 Korali yatangiranye n’abaririmbyi bagera ku 10 mu mpera zuwo mwaka nibwo choral yabonye n’izina yitwa “Call on Jesus” nanubu ikaba ariko yitwa maze ihita inashyiraho n’umurongo ngenderwaho nkabaririmbyi kugirango bibafashe kugera kuntego bari biyemeje. Ibyo byatumye umurimo w’ivugabutumwa bari bashyize imbere ugira imbaraga.

Mu mwaka wa 2007 choral ntiyigeze ijya hasi yabaririmbyi 30 none ubu ifite abaririmbi 45 bose bakiri kwiga muri KIST, KHI cyangwa NUR mu ishami ry’itangazamakuru riri i Kigali. Ikaba kandi ifite abandibagera kuro 50 bari hirya no hino mu gihugu cyacu no hanze yacyo barangije kwiga ariko kuko babaye muri iyi Choral bagira uruhare mubikorwa byayo bya buri munsi cyane ko bazi neza ko Choral ari iyabo.

INTEGO: Za Choral Call on Jesus harimo kubwira urubyiruko nabakuze bari muri kaminuza, mu mashuri yisumbuye namakuru ko bakwiye kwakira Yesu nkumwami n’umukiza wabo nkurufunguzo rwejo habo hazaza tubinyujije mundirinbo. Murizo ntego harimo kandi kumenyesha no kwibutsa abantu ko turi ab’Imana yamye kandi ko yaturemeye imirimo tugomba gukora kandi mugihe gikwiriye buri wese azahemberwa ibyo yakoze. Bagomba kandi gukora ivugabutumwa muma paruwase atandukanye hirya no hino yo mu itorero Anglican mu Rwanda ndetse n’ivugabutumwa mu itsinda ry’abantu abo aribo bose aho bari hose bashobora kubaha ikaze hamwe n’ivugabutumwa rivanze nibikorwa aho biri ngombwa.

Kuva itariki igiterane Rubavu shima Imana yatangazwa ku ibinyamakuru bitandukanye bamwe mu bahanzi bazitabira iki gitaramo bamaze kudutangarizako imyiteguro ari yose. Diane Nkusi Rebeka ni umuhanzi kazi uri k’urutonde rwabazitabira iki gitaramo yatangarije ikinyamakuru ko ikigitaramo kije ari umugisha kuko ngo kuri we ni ubwambere agiye kuririmba muri iyi ntara aha bizamuhesha amahirwe yo kubona abakunzi b’indirimbo ze doreko ubu afite n’amashusho y’indirimbo ze!!

K’uruhande rwa Kabaganza we ngo kuba azaririmba igiswahiri kuko benshi bakunda igiswahili kandi bakaba banacyumva ngo yumva kuri we atasiga impangaye mama zulu ibi rero ngo bikaba birimo kwigwaho n’abarimo bategura ibi birori kuburyo bushoboka bwose bakazajyana muri iki gitaramo.

FRERE Manu nk’umuhanzi umaze kumenyekana cyane muri iyintara ndetse no mu mujyi wa Goma kubw’ indirimbo ziri mu giswahili NYIMBO ZA WOKOVU akaba ari nawe watanze igitekerezo cy’iki gitaramo ngo kubwe n’amahirwe adasanzwe kuko benshi bamuzi muri izi ndirimbo ubu rero akaba azabakorera indirimbo mu injyana ya Kinyarwanda ndetse agakoresha ibyumba bitamenyerewe nk’umuduri inanga… ibi kandi ngo ntibizatuma abamuzi mu ijyana ya blues na jazz kuri guitar ya solo batamwumva!! Kuri we ngo birashimishije cyane bihebuje!!!

Kuramya no guhimbaza Imana nibyo bizajya ku isonga ubundi pastor Simon Masasu umuyobozi uhagarariye impuzamatorero mu karere ka Rubavu akazabagezaho ijambo ry’Imana nyuma y’ijambo ry’umuyobozi w’akarere ka Rubavu. Rwanda Gospel Magazine ndetse na Television y’u Rwanda byafashe iyambere mu kuzasakaza amakuru iki gitaramo ndetse amatorero atandukanye arashishikariza abayoboke bayo kuzacyitabira!

Twabibutsa ko ikigitaramo kizayoborwa n’abanyamakuru bakunzwe muri iki gihugu nka Eric Shabba ndetse na Patrick Kanyamibwa.
Inkuru na MAGARAMBE Theodore
RC. Rubavu.

Ku itariki ya 17/02/2013 nibwo Chorale Hoziana yashyize ahagaragara album yayo vol 10 icyo gikorwa kikaba cyarabereye kuri CLA iki gikorwa kikaba cyaritabiriwe n’abantu benshi batandukanye kandi baturutse hirya no hino mu gihugu ndetse no hanze y’igihugu iyi album vol 10 ikaba yitwa IMANA IRAKUZI.

Muri iki gitaramo chorale Hoziana ikaba ifatanije na chorale Jehovah Jireh (CEP ULK), Saimon Kabera ndetse na Dominique Nic Iki gitaramo kandi kikaba kibimburiye ibindi Chorale Hoziana iteganya gukora mu minsi iri imbere mu rwego rwo kwagura ivugabutumwa Chorale hoziana ikaba ishimira abantu bose bitanze mu buryo butandukanye bagaragaza kuyishyigikira haba mu rwrgo rw’imirimo itandukanye , haba no mu rwego rwo kuyishyigikira bagura CD ndetse n’abitabiriye iki gitamo bose Imana ibahe umugisha kandi mukomeze kudushyigikira kugira ngo intego twihaye mu bihe bizaza yo kwagura ivugabutumwa tuzabashe kuyigeraho Imana ibahe umugisha kubw’inkunga yanyu ndeste n’iyo mu bihe bizaza.

Tariki ya 24/02/ 2013, nibwo umwanditsi Ndatsikira Jean Paul azashyira ahagaragara igitabo “HIRYA Y’IMBIBI Z’AMASO”. icyo gikorwa kikazabera kuti Kigali Serena Hotel saa kumi z’umugoroba. Tuzasusurutswa n’abahanzi Simon Kabera na Alexis Dusabe. Kwinjira ni ubuntu ku muntu wese ashishikajwe no kwandika no gusoma nk’umuco

NDATSIKIRA JEAN PAUL NI MUNTU KI?

Nitwa NDATSIKIRA Jean Paul, nkaba naravukiye mu gihugu cy’ I Burundi mu w’I 1980. Amashuri abanza nayigiye I Burundi, ayisumbuye nyigira mu rwunge rwa mutagatifu yosefu I kabgayi (Groupe Scolaire Saint Joseph Kabgayi.) na Groupe Scolaire de Karengera kibuye. Nkaba narize indimi (Lettre), muri Kaminuza nize ubukerarugendo n’ingendo (Travel and Tourism Mmanagement TTM) muri Rwanda Tourism University College (RTUC).

Ndi umukristo w’itorero rya Sion Temple mu gatenga. Nkaba na none ndi Umuvugabutumwa n’umuyobozi w’ umuryango w’ivugabutumwa witwa «Ministere d’Intercession et d’Evangelisation pour le Reveil Spirituel» (MIERS) uzwi ku izina rya SHARON.

Nabayeho mfite umutwaro wo kwandika ibitabo kandi nkiyumvamwo ko iyo ari impano indimwo, ariko kuko kwandika bigoye cyane, ariko cyane cyane kwandikira mu Rwanda kuko bitari mu muco wacu, byagiye bimbera ingorabahizi cyane kugera kuri izo nzozi zanjye. Iki gitabo « HIRYA Y’IMBIBI Z’AMASO » natangiye kucyandika mu w’i 2004 ndi mu mwaka wa gatandatu w’amashuri yisumbuye, none ngisohoye mu w’2013.

Uretse kwandika iki gitabo, ndifuza kuba umwanditsi ubuzima bwanjye bwose, akaba aribyo biba akazi kanjye nka business yanjye. Uretse kwandika, twatangije asosiyasiyo (Association) y’ubwanditsi y’urubyiruko cyangwa y’abagitangira uwo mwuga, ariko babifitemo ubushobozi n’impano. Izafasha abandi banditsi bagitangira kugera ku nzozi zabo zo kwandika ibitabo

HIRYA Y’IMBIBI Z’AMASO

Ni igitabo nanditse kijyanye n’iyobokamana, kikaba kivuga ku KWIZERA mu buryo bwimbitse kandi busobanutse. Kirimwo ihishurirwa ryingirakamaro ku muntu wese wemera ukuri kwa Bibiliya. Gifasha umuntu wese mu rwego urwo arirwo rwose yaba arimwo, kuko igituruka mu ijambo ry’Imana cyose kitajya kiba gito ku bantu. UWEMERA N’UTEMERA iki gitabo kiramureba, kuko buri wese yacyisangamwo uko byamera kose. Nta dini iki gitabo gishingiyeho, ariko gishingiye kuri Bibiliya ijana ku ijana.

BYAJE BITE?

Mu Rwanda nta muco wo gusoma no kwandika ibitabo uhaba, kandi nyamara gusoma nibwo bwenge cyangwa niko gutyaza ubwenge, kuko ibitabo bibitsemwo ubwenge gusa. Mu bintu byose bibera munsi y’ijuru bisaba gusoma. Byaba iyobokamana, ubukungu, politiki n’ibindi byose bigomba kubaho byandika ndetse bisoma ngo bibe bishyitse. Niyumvishemo rero ko ngomba kwandika ngo mfashe benshi bari mubyo badashobora gusobanura kandi babirimwo, kuko batabizi cyane cyane ku bijyanye n’iyobokamana.

Nkuko twabitangarijwe na Aloys Bazambanza umwe mubagize comite nyobozi y’Abakurikiyeyesu Family Choir kuri uyu wagatandatu tariki ya 23/02/2013, ku rusengero rw’abadivantisiti w’umunsi wa karinndwi rwa Kacyiru nibwo iyi Kolare iramurika alubumu yabo ya 8 y’amajwi hamwe n’alubumu yabo ya kane y’amashusho.

Abakurikiye Yesu Family Choir ni Chorale ibarizwa mu Itorero ry’abadiventiste b’umunsi wa karindwi ku Kacyiru. nimwe mu makorale akunzwe cyane muri uyu mujyi wa Kigali ndetse no mu ntara zose zigihugu dore ko nta ntara n’imwe itarageramo ivuga ibutumwa. Ikunzwe kubera umwete n’umurava igira mu ivugabutumwa ndetse no mu ndirimbo zayo zinyura imitima ya benshi imenyerewe mu ndirimbo zagiye zikundwa cyane nka : Nta bituro, Imbaraga, Yesu araje, Wiganya cyane (ikaba imwe mundirimbo zabo zakunzwe cyane) n’izindi

Imaze gusohora Volume 7 za Audio na Volume 3 za DVD, naho kuri ubu ikaba ibazaniye Album nshya igizwe n’indirimbo nziza nshya 10 zikaba ziri kuri Audio Vol. 8 na DVD Vol. 4 yitwa TURUHA CYANE iriho indirimbo nziza cyane nkiyitwa Ubu namenye, Hariho amaraso, Niko tubayeho, n’izindi. Kwinjira uri kino gitaramo kizatangira saa munani z’amanwa ni ubuntu kandi baza bari kumwe nizindi Kolare ebyiri zizaba ziturutse mu ntara y’iburengerazuba bw’u Rwanda.

Kunshuro ya kabiri, Rehoboth Ministries yateguye igitaramo cyo kuramya no guhimbaza yise “Praise and worship Explosion .” Icyo gitaramo kizaba ku cyumweru, tariki ya 24/02/2013, muri salle ya Sportsview Hotel kuva saa cyenda z’amanywa kugeza saa mbiri z’ijoro (15h00’-20h00’/pm).

Abo tuvugana mubabashije kwitabira “ Praise and Worship Explosion” yambere yabaye ku ya 28/10/2012 bose barahamyako iki gitaramo cyagenze neza cyane kandi ko umuntu wese wahageze yasabanye n’Imana biciye mundirimbo. Natwe abahibereye twabonye abantu benshi bemera kwakira YESU nkumwami numucunguzi wabo igihe cyose Rehoboth yabikanguriraga abantu hagati mugitaramo.

Nkuko twongeye kubitangarizwa n’umuyobozi wa Rehoboth Ministries Bwana Douglas Kigabo, insanganyamatsiko yicyi gitaramo ni “Taraka mutima wanjye ushime Imana”, Iki gitaramo kikaba gifite intego ebyiri arizo guhuza hamwe abantu bavuye mu matorero atandukanye mu mwanya wihariye wo kuramya no guhimbaza Imana wisanzuye hamwe no guha amahirwe abatizera guhishurirwa ubwiza n’ubuntu bw’Imana binyujijwe mu kuramya no guhimbaza bikaba byatuma bizera bakacyira Yesu nk’umwami n’umukiza wabo.

Tuganira na Bwana Douglas twamubajije impamvu bahuza ibikorwa bibiri aribyo kuramya no guhimbaza n’ivubabutumwa bakabigira igikorwa kimwe. Douglas yadutangarijeko ibyobikorwa byombi aringombwa kandi byuzuzanya. Yakomeje atubwirako kuramya no guhimbaza Imana binyujijwe mundirimbo harimo imbaraga z’ubumana zikora kumitima zikorohereza ivugabutumwa kuberako imitima yakozweho nubwiza bw’Imana ibasha kumva ijwi ry’umuka wera rihamagarira bose kwizera Krito.

Muri “ Praise and Worship Explosion” yambere, Rehoboth ministries yafatikanyije n’umuhanzi “ Simon Kabera” waboneyeho numwanya wokuyobora abantu mundirimbo ze afatikanyije na Rehoboth. Umuyobozi wa Rehoboth yadutangarije ko kucyumweru bazafatikanya nundi muhanzi; ariwe Dominic Nic.

Umuyobozi wa Rehoboth Ministries yadutangarijeko iki gitaramo bise “Praise and Worship Explosion” ari igitaramo ngaruka gihembwe. Twakomeje tunamubaza aho bakura ubushobozi bwogukora iki gitaramo kitishyuzwa rimwe mugihembwe. Douglas yadutangarijeko ubushobozi babwishakamo hamwe n’inshuti za Rehoboth. Hejuru yabyose, Douglas akaba yarakomeje avuga ati” Twizerako guha abantu amahirwe yo kwegera Imana bayishima ndetse no guha abatirizera amahirwe yo gukizwa ari igikorwa cy’Imana kandi niyo izakomeza kuduha ubushobozi bwogukora umurimo wayo”

Bwa mbere mu mateka yayo hagaragaye Korale mu gice cya Gospel mu bazahatanira ibihembo bya Salax Awards 2012

Kuri uyu wa 18 Mutarama 2013 guhera saa yine za mu gitondo muri Hill Top Hotel nibwo Ikirezi Group itsinda ritegura itangwa ry’ibihembo ku bahanzi bitwaye neza buri mwaka hamwe n’abanyamakuru bakora muri showbiz nyarwanda bose bahuriye mu gikorwa cyo kuganira kuri Salax awards hamwe no gushyira ku mugaragaro abahanzi bazatanira ibihembo bya Salax awards 2012, ubu urutonde rukaba rwatangajwe abazahatanira ibi bihembo ku nshuro ya gatanu bakaba bamenyekanye.

Dore abahanzi batanu bagize igice cya gospel ba:

BEST GOSPEL ARTIST (Umuhanzi uririmba indirimbo ziramya Imana witwaye neza)

1. Alarme Ministries

2. Bobo Bonfils

3. Dominic Nic

4. Patient Bizimana

5. Tonzi

Mu kiganiro gito na Emma Claudine umuyobozi wa Ikirezi.ltd yavuze ko igikurikizwa mu gutora abahanzi ari uburyo bagiye bakora mu mwaka wa 2012, haba mu buhanzi bwabo cyangwa se mu bitaramo bagiye bagaragaramo. Ibi bikaba byakozwe hifashishinzwe abanyamakuru bakurukirana ibyaba bahanzi umunsi ku munsi 57 batoye mu ibanga hamwe na n’itsinda ry’impuguke ndetse bakaba inzobera muri ibi bintu byo gukora nomination mu ma Awards atandukanye. Buretse uyu mwaka harimo ibishya byinshi, by’umwihariko muri gospel category harimo ibintu bibiri byahindutse, icya mbere nuko ari ubwa mbere kuva Salax Awards yatangita hajemo Korali, ikindi kandi umibare wabahatanira igihembo muri buri kiciro wiyongeye doreko umwaka ushize buri kiciro cyagiraga abahanzi bane none uyu mwaka babaye batanu kuri buri kiciro.

Rka tubibutseko umwaka ushize kino gice cyari kirimo bahanzi bane aribo bahanzi Dominic Nic, Gahongayire Aline, Blessed Sisters na Liliane Kabaganza igikombe cy’umuhanzi uririmba indirimbo zihimbaza Imana witwaye neza muri Salax Awards (Best Gospel Artist) kiza kwegukana na Kabaganza Liliane. Muri 2011 Salax Awards yatwawe na Dominic Nic.

Amatora azakorerwa kuri sms no ku rubuga rwa Internet umuseke.com azatangira kuwa kabiri tariki 22 Mutarama mu gitondo, naho imihango yo guhemba abo abakunzi ba muzika bazaba bahundagajeho amajwi yo ikazaba tariki 9 Werurwe uyu mwaka muri Serena Hotel. Ibi bihembo bizaba bitangwa ku nshuro ya gatanu hakurikijwe abahanzi bitwaye neza mu mwaka wa 2012. Twabibutsako umwaka ushize kuwa 1 Mata 2012 nibwo hahembwe abitwaye neza mu mwaka wa 2011. Reka tubibutseko umwaka ushize buri muhanzi wo muri kino gice yabonye amafaranga y’u Rwanda 50.000 yo kuba nibura byonyine yaje kuri uru rutonde ibi bikaba byarakozwe muri gospel category yonyine, aya mafaranga akaba yarakusanyijwe n’abantu batandukanye basanzw ebakorera muri gospel muguhesha agaciro iki gice.

Abahanzi bose bane uko bari bari mu cyiciro cya Gospel muri Salax Awards 2011 bazahembwa, ibi bikaba mu rwego rwo guteza imbere gospel mu Rwanda

Abenshi bavugako igice cya gospel mu Rwanda nubwo cyidashigikirwa cyane ku buryo bufatika cyane igice cy’amafaranga no gushigikira abahanzi, ari igice cyirimo abahanga mukuririrmba no guhimba ndetse no gucuranga kandi abahanzi ba gospel mu Rwanda bakora cyane ndetse bafite impano. Nubwo bimeze gutyo hari ibikorwa byinshi bigenda bikorwa kugirango gospel mu Rwanda iahbwe agaciro kandi abahanzi bayikore bahabwe agaciro nibyo bakora.

Nkuko twabitangarijwe na KANOBANA R. Judo umuyobozi wa Positive Production Events, ngo nk’abantu bafasha ubuhanzi mu Rwanda kandi bakunda Gospel music, bishyize hamwe bashaka ibindi bihembo bagenera abahanzi ba gospel bose uko ari bane batoranyijwe kwitabira Salax Awards, ibi bakabikora mu rwego rwo guhesha gospel agaciro muri Salax Awards ndetse nu gufasha abo bahanzi kunyurwa nibyo bakora ntibifuze kubivamo. “Hari byinshi bigomba gukorwa kugirango umuhanzi wa Gospel anezerwe kandi aboneko hari abamushigikiye”ayo ni amagambo ya NKURUNZIZA Gedeon umuyobozi wa New Melody Industries akaba na Manager wa Patrick Nyamitari.bwana Gedeon yakomeje atubwira ko ariyo mpamvu Company ye yafashe amafaranga ikishyira hamwe n’abandi mu gushigikira Gospel category muri Salax Awards. MAHORO Jean Napoleon umuyobozi wa Mahoro&Family Generale Hardwere Ltd nawe yadutangarije ko ku itangiriro batanze amafaranga Atari mesnhi mugishikira icyi gitekerezo cyo guhesha Gospel music yo mu Rwanda imbere, ariko ubutaha bakaba bazarushaho. Napoleon yatubwiyeko nk’abantu bakora Business mu buzima bisanzwe batanezerwa no kumva ngo hari umuhanzi wavuye muri gospel atangira kuririmba indirimbo zisanzwe. Mahoro yagize ati “Burya hari na benshi batava muri gospel bajya muri secure music ahubwo bahagarika burundu kuririrmba bakigira mu bindi nyamara mu gihe bari bafite impano n’umuhamagaro ukomeye”.

Reka tubibutse ko Kabaganza Liliane ariwe wegukanye igikombe cy’umuhanzi mwiza wa 2011 wa gospel muri Salax Awards, aho buretse igihembo yahawe hari n’amafaranga agenwerwa n’Ikirezi Group gitegura Salax Awards nkuko twabitangarijwe na Ally Soudy umwe mubategura ibi bihembo bya Salax Awards. Soudy yakomeje adutangariza ko bashyikirijwe n’abantu bishyize hamwe mu gushyigikira icyiciro cya Gospel mu Salax Awards amafaranga angana n’ibihumbi Magana abiri y’amanyarwanda (200.000Frw), bakaba bazayagabanya aba bahanzi bose uko ari bane bari muri cyino cyiciro aribo Dominic Nic, Gahongayire Aline, Blessed Sisters na Liliane Kabaganza buri wese agahambwa ibihumbi mirongo itanu (50.000Frw), Kabaganza wegukanye Best Gospel Artist muri Salax Awards we hakiyongeraho n’ibindi bihembo byatanzwe na Positive Production Events aribyo Gukorerwa web site nziza ikora iri dynamique, Clip video 1, n’izindi avantages zizakorwa muri uyu mwaka wa 2012 harimo za productions, za diffusions, za programmations aba bahanzi bakajya bitabira ama festivals atandukanye, za formations, kubatoza n’amahugurwa (coachings) ndetse n’ibindi bikorwa bigendane n’umucu gakondo nyarwanda muri gospel (activites culturelles).

Bwana KANOBANA R. Judo yatubwiye ko nibamara kumenya uko aba bahanzi bane bakurikiranye mu majwi hari n’ibindi bihembo byateguwe n’aba bantu bishyize hamwe harimo gukorerwa indirimbo imwe muri Kabod Studio ya Aime Uwimana, indirimbo imwe muri Gospel Music Fabric ya Honoray Iyakaremye, indirimbo imwe muri Mimonisa Business Group ya BANDORA Moise. Nkuko Gedeon yabidutanganyije ngo aya mafaranga ibihumbi Magana abiri y’amanyarwanda (200.000Frw) yatanzwe n’abantu batandukanye harimo n’amacompanies atandukanye nka New Melody Industries, www.urugero.com, Mimonisa Business Group, Mahoro&Family Generale Hardwere Ltd, www. agakiza.org, East Africano Sound, Positive Production Events, Moriah Entertainment Group, www.jesus.rw ndetse n’abandi bantu ku giti cyabo. Bwana Gedeon yadutangarije ko aya mafaranga ari macye kuko babikoze hasigaye igihe gito batiteguye neza gusa ngo ubutaha bazongera cyane. Gusa nkuko Gedeon yasoje abitubwira ngo amafaranga ibihumbi mirongo itanu (50.000Frw) ku muhanzi ntago ari macye cyane haricyo yamukorera kandi nubundi intego yari ukubahesha agaciro doreko abandi bo mu bindi byiciro bo ntakintu babonye keretse uwatwaye Salax Awards mu cyiciro yararimo.

Umuhanzi w’icyamamare mu ndirimbo zihimbaza Imana Don Moen, mu mpera z’uku kwezi kwa Gashyantare ari mu gikorwa cyo kuzeguruka imigi y’ubuhinde(tour India) avuga ubutumwa bwiza bwa Yesu Kristo aho kuri uyu wa gatanu kuwa 22 no nuwa gatandatu kuwa 23 yari muri State ya Tamil Nadu mu mugi wa Coimbatore mu gitaramo cyo guhimbaza Imana, akaba yarazanye n’ibindi byamamare mu ndirimbo zo guhimbaza Imana aribo Paul Baloche na Lenny Le Blanc. Muri icyi gitatamo, Don Moen akaba yaratangaje ko igihugu cy’ubuhinde ari igihugu akunda kandi ko yizera ko Imana igifiteho umugambi mwiza

Uyu muhanzi Paul Baloche nawe uzwi mu ndirimbo zihimbaza Imana muri icyo gitaramo akaba yaratangaje ko ari ubwa mbere yaraje gukora ivugabutumwa mu buhinde, yongeyeho ko abishimira Imana kandi ko azagaruka.

Uyu muhanzi Lenny Leblanc, uzwi ku ndirimbo nka “ Above all” nawe akaba yaranejwe no kongera kugaruka mu Buhinde. Yatangaje ko yizera ko amaze kuba inshuti n’abakristo bo mu Buhinde dore ko atari ubwa mbere ahageze.

Olivier Tuyishime/agakiza.org

Igitaramo cy’imbaturamugabo cyabaye kuri iki cyumweru cyiswe Rubavu Shima Imana cyateguwe ku rwego rw’impuzamatorero, n’imiryango ya gikristo mu Rwanda nka A E E, Campus pour Christ n’abandi cyagenze neza nubwo abahanzi Liliane Kabaganza, Dominic Nic na Nelson Mucyo bagombaga kuva Kigali bataje. Iki gitekerezo cy’ikigitaramo cyazanywe n’umucuranzi akaba n’umunyamakuru ubarizwa i Rubavu mu mujyi wa Gisenyi Frere Manu.

Tuganira n’abateguye iki gitaramo badutangarije ko intego nyamukuru ar’ugushima Imana kubyo yakoze mu mwaka wa 2012 by’umwihariko imirwano yabereye mu mujyi wa Goma mu gihugu cya Congo yashoboraga kugira ingaruka k’ubuzima bw’abaturiye aka karere ariko Imana igakinga ukuboko kwayo ndetse igakoresha n’ubuyobozi guhumuriza no kurinda umutekano w’abaturage baho muri ibyo bihe, doreko hari benshi baribatangiye guhunga abandi bagahungisha imiryango!

Uyumuhanzi Imana yahaye ikigitekerezo ngo yasanze aribyiza ko abantu bicara bakibuka maze bagashima kuko aribyo Imana ishaka muri Christo Yesu akimara kugeza iki gitekerezo k’ubuyobozi bukuru bw’impuzamatorero bacyakiye neza ndetse bemera kuzamushyigikira doreko nta torero ryari ryaragize iki gitekerezo kuko amezi yarashyikiye abiri.

Rubavu Shima Imana ni igitaramo cyatumiwemo ubuyobozi bwose mu nzego za Leta uhereye kubayobozi b’imirenge ndetse n’umuyobozi mukuru wa karere ka Rubavu hamwe n’ubuyobozi bw’imiryango ya gikristo hamwe n’amatorero yose akorera mu karere ka Rubavu n’abaturage muri rusange bakaba biteguye ikigitaramo kuko ngo ntaw’utashimir’Imana ibyo yakoze.

Iki gitaramo cyabereye kuri Stade y’ikigo cya Vision Jeunesse Nouvelle, gusa abahanzi bari bateganyijwe kuririmba muri iki gitaramo keretse umucuranzi Frere Manu, Cadeau, Diane Nkusi Rebeca na Theo ndetse n’itsinda The Blessing, naho abahanzi Liliane Kabaganza, Dominic Nic, Nelson Mucyo bo ntago bagaragaye muri iki gitaramo kubera impamvu zitasobanuwe neza.

Kunshuro ya kabiri, Rehoboth Ministries yakoze igitaramo cyo kuramya no guhimbaza yise “Praise and worship Explosion .”, Icyo gitaramo cyabaye ku cyumweru, tariki ya 24/02/2013, muri salle ya Sportsview Hotel kuva saa cyenda z’amanywa kugeza saa mbiri z’ijoro (15h00’-20h00’/pm).

Abo tuvugana mubabashije kwitabira “ Praise and Worship Explosion” ya kabiri barahamyako iki gitaramo cyagenze neza cyane kandi ko umuntu wese wahageze yasabanye n’Imana biciye mu ndirimbo.

Nkuko twabitangarijwe n’umuyobozi wa Rehoboth Ministries Bwana Douglas Kigabo, insanganyamatsiko yicyi gitaramo yari “Taraka mutima wanjye ushime Imana”, Iki gitaramo cyari gifite intego ebyiri arizo guhuza hamwe abantu bavuye mu matorero atandukanye mu mwanya wihariye wo kuramya no guhimbaza Imana wisanzuye hamwe no guha amahirwe abatizera guhishurirwa ubwiza n’ubuntu bw’Imana binyujijwe mu kuramya no guhimbaza bikaba byatuma bizera bakacyira Yesu nk’umwami n’umukiza wabo.

Muri “Praise and Worship Explosion” Rehoboth ministries yafatikanyije n’umuhanzi Dominic Nic nawe bashimishije cyane abari bakitabiriye. Umuyobozi wa Rehoboth Ministries yadutangarijeko iki gitaramo “Praise and Worship Explosion” ari igitaramo ngaruka gihembwe. Douglas yadutangarijeko ubushobozi babwishakamo hamwe n’inshuti za Rehoboth.

“Ndi Umubyeyi mfite abana babiri nkaba maze imyaka icumi muri korari, nkaba ncuranga gitari ya Solo na Accompagnement, umuziki ndawukunda kandi ntacyo umpungabanya yaba ari mu kuwucuranga ndetse no mubuzima bwo murugo,ababyeyi bagenzi banjye bawukunda ntibakwiye kwitinya rwose kuko ntibivuna nta zindi mbaraga zidasanzwe bisaba”.

Ibi ni bimwe mubyo twatangarijwe na MUKAMUKIZA Jeanne Umucuranzi muri korari SIYONI yo mu itorero rya ADEPR Gahengeri mu rurembo rwa Kabuga ho mu karere ka Rwamagana, ubwo twamusangaga kuri iki cyumweru tariki ya 03 Werurwe 2013, hamwe na Korari mu itorero rya ADEPR Kabarondo ku mudugudu w’Ishimwe mu ruzinduko rw’ivugabutumwa rw’umunsi umwe bari bahakoreye,
Uyu mubyeyi usanzwe ari umwe mu bagize itsinda ry’abacuranzi b’iyi korari, ngo uretse kuba afite impano yo gucuranga, ngo yaranabihuguriwe kuko mu mwaka w’2000 ngo yafashe igihe kingana n’amezi atandatu ajya mu ishuri rya muzika ryari ahitwa i RUTOMA ryayoborwaga na Pastor KAMUZINZI Elisa wari umushumba wabo akaba n’umucuranzi, nyuma y’aho ngo agenda akora amahugurwa atandukanye, iyo umubonye acuranga ubona biryoheye ijisho dore ko bisa nk’ibitungura benshi,ndetse benshi badashaka kumukuraho ijisho Nyamara kuri we ngo n’ubwo abatazi ibya muzika babona azi gucuranga neza, MUKAMUKIZA we ngo yumva urwego agezeho rudashimishije akaba yifuza kwiga muzika byisumbuye ngo n’ubwo ubushobozi bwo kubona umwarimu kuriwe bukiri hasi.

Twababwirako iyi korari SIYONI acurangira yatangiye umurimo w’ivugabutumwa mu ndirimbo mu mwaka w’1985 yitwa korari IMBUZI ikaba yari igizwe n’abaririmbyi 24, ariko nk’uko umuyobozi wayo Bwana BARAHIRA Eric yabidutangarije, ngo mugihe cya Genocide yo muri Mata1994 bagize ibyago byo kubura abaririmbyi babo benshi, abandi nabo bacika intege, bituma abasigaye bihuza n’izindi korari zaho zitwaga Ijwi ry’impanda, ndetse na Korari Intumwa bityo bishyize hamwe bahindura izina bitwa Korari SIYONI.

Kubw’uyu muyobozi umaze imyaka 18 ayiyobora, ngo Korari SIYONI urwego bagezeho rurashimishije, cyane cyane bagendeye kuburyo bakunzwe ndetse anagendeye no kubuhamya abaririmbyi ayoboye bafite mu itorero ryabo, ariko kubirebana n’iterambere ry’ibikoresho bya muzika ngo bakaba bakiri hasi, ari nayo mpamvu biri mu iteganya migambi ryabo kugura ibisumbuye, ngo dore ko kutagira ibikoresho bigezweho bituma n’imiririmbire yabo irushaho kuguma ku rwego rwo hasi nk’uko Bwana NSENGIYUMVA Emmanuel ushinzwe imiririmbire muri iyi Korari, Bakaba bifuza ko ibakunzi babo benshi barushaho kubaba hafi bakabatera n’inkunga kugirango umurimo bakora urusheho kugira imbaraga.

Kuri iki Cyumweru biraba bishyushye kuri EAR GIPOROSO aho Chorale AMAHORO ya ADEPR Remera izaba yasohokeye ku Rusengero rw’Abangirikani ruyobowe na Pasteur Antoine RUTAYISIRE.

Ubusanzwe Itorero ADEPR rizwi cyane nk’Itorero ridakunda kwemerera Amakorali yaryo kujya kuvugira ubutumwa mu yandi matorero cyangwa se mu biterane by’Ivugabutumwa byateguwe n’amatorero yandi. Ibi benshi bakaba bakunze kubinenga cyane ndetse bakaba batabura kubibona nk’imyumvire micye y’abayobozi b’iri torero.

Benshi bakaba bibaza bati :" Ariko se ko Yesu yasize avuze ngo :" Mugende mu mahanga yose, muvuge ubutumwa, muhereye i Yerusalemu, n’i Yudaya no kugeza ku mpera y’isi, hari aho yavuze ngo muvuge ubutumwa mu bo muhuje imyizerere gusa ?

Bene ibi bibazo kimwe n’ibindi, nibyo benshi baburira igisubizo, ariko bikarangira nyine amakorali yo muri ADEPR abujijwe kujya kuvuga ubutumwa aho yatumiwe mu yandi matorero atari ADEPR .

Cyakora amakorali ya ADEPR rimwe na rimwe ajya aboneka mu biterane binini byateguwe mu rwego rw’igihugu cyangwa se bikaba bishoboka gusa iyo ibyo biterane byateguwe n’Impuzamatorero, cyangwa se ari nko ku rwego rw’igihugu.

Muri iyi minsi ariko, abantu benshi bakaba bamaze iminsi bumva impinduka ziri kuba muri ADEPR ku bijyanye n’ubuyobozi n’inzego ndetse n’ amategeko n’amabwiriza agenga Itorero rya ADEPR.

Kuri iyi iki Cyumweru Chorale AMAHORO iraba iri mu Baporoso

Amakuru agera kuri website yanyu www.jesus.rw aravuga ko Itorero rya EAR GIPOROSO Riyobowe na Pasteur Antoine RUTAYISIRE ryateguye igiterane kigamije gufasha Impunzi z’Abanyekongo ziri ku Kigeme, bituma bashaka abazabafasha gukora Ivugabutumwa.

Bakaba barifuje gutumira Chorale AMAHORO yo muri ADEPR ngo ibafashe gukora icyo gikorwa, dore ko hazanabera Gukusanya inkunga (Fundrizing) yo gufasha bariya banyekongo bakuwe mu byabo n’intambara.

Ubuyobozi bw’Itorero ADEPR bwo ku rwego rukuru rwo Hejuru bukaba bwaratanze ubu burenganzira kuri Chorale AMAHORO ngo ijye gufasha Pasteur Antoine n’Itorero abereye umuyobozi rya EAR kugirango uwo murimo w’Ivugabutumwa ubashe kugenda neza nk’uko babyifuza.

muri iki Giterane kandi, Chorale AMAHORO ikazaba iri kumwe n’andi ma Chorale yo muri EAR cyane cyane yo ku Giporoso nka Chorale SILOAM , Chorale UMUSAMARIYA MWIZA n’izindi...

Iyo ni imwe mu ma Chorale yo muri EAR ategereje Chorale AMAHORO n’igishyika cyinshi

Ibi bikaba bishobora kuba ari intangiriro nziza Itorero ADEPR ryaba ritangiye gukora zo kureka Ivugabutumwa rikorwa n’amakorali yabo rigakorwa mu buryo bwisanzuye atari ugukorera mu nsengero za ADEPR gusa, kuko Yesu yasize avuze kugenda hose, dore ko Ubu burenganzira Chorale AMAHORO yabuhawe n’Ubuyobozi bukuru bw’Itorero...

Bikaba rero nta gushidikanya ko mu gihe Itorero ADEPR rizafungura amarembo, Chorale zabo zigatumirwa hose (Dore ko Chorale zo muri ADEPR ari Chorale ziririmba neza muri iki gihugu), ibi byazagira umumaro ku makorali ubwayo kuko bituma agira ibyiza yigira kuri ayo yandi yo muri ayo matorero, ariko bikagira n’umumaro mu Ivugabutumwa muri rusange, bityo Ubwami bw’Imana bukazarushaho kwaguka.

IMANA IBAHE UMUGISHA MWINSHI

Inkuru ya
N.J.Bosco/www.jesus.rw

Ni kuruyu wa 03/03/2013 ubwo Jehovahjireh choir CEP- ULK Evening isanzwe ikorera umurimo w ’Imana muri Kaminuza yigenga ya Kigali ULK, yari yerekeje mu karere ka Bugesera aho bita Kamabuye- ku Munazi, abantu benshi kandi b’ingeri zitandukanye rero bakaba bari baje ari benshi kandi ubona banyotewe n’ubutumwa bwiza bwa Yesu kristo.

Prezida wa Jehovahjireh choir ati rero turashimira Imana ko yadushoboje kugerayo amahoro kandi tugatahukana umusaruro w’abihannye benshi nkuko intego yacu iri, ikindi nuko bitatworoheye mu nzira kuko twabanje gutobokesha ipine y’imodoka tugeze i Gahanga ariko imodoka ntiyahirima, ikindi nuko tugezeyo twabanje kugira ibibazo bya Tekinike aho kubona Generator ikoresha ibyuma twari dufite byabanje kugorana bigatuma dutangira mu masayinen’igice, agakomeza avuga ko ngo nubwo babanje guhura na zino mbogamizi zose ati byaradushimishije kuko abihannye biyongereye kuko uyu mudugudu n’ubundi nibwo ugitangira ukaba kurubu ufiteabakristo 43 bonyine ati rero urumva hamwe nabariya bizatuma umurimo w’Imana urushaho kwihuta no kwaguka.

Yakomeje atangaza ko Jehovahjireh choir ikomeje ibikorwa byayo by’ivugabutumwa hirya no hino mu gihugu ndetse no hanze yacyo ati ubu turimo gutunganya bwa nyuma album ya 2 ku buryo mu minsi ya vuba tuzabagezaho gahunda yo kuyimurika kumugaragaro.

Abarenga 150 bakiriye ubutumwa bwiza bwa Yesu kristo.
Nubwo nyuma ya saa sita muri Concert haguye imvura nyinshi, abaririmbyi ba Jehovahjireh choir ntibakanzwe nayo kuko bakomeje kuririmba bavuga ubutumwa bituma n’abandi baraho nabo bakomeza kuhaguma bumva ijambo ry’Imana. Umutoza wayo Bwana Aloys Bikorimana ati nta mpamvu yo gutinya imvura kuko twahamagariwe gukorera Imana mu bihe byose niyo mpamvu ubona ko abaririmbyi bacu ari ikintu basobanukiwe neza bigatuma ahubwo mu ngendo dukorera hirya no iyo imvura iguye nta n’umwe utekereza kuba yagenda kugama kandi tugifite umurimo.

Twabibutsa ko kandi iki gikorwa cyahuriranye no gushima Imana k’umuririmbyi wa Jehovahjireh choir witwa Muhigira Jean Baptiste wakoze impanuka ikomeye y’imodoka kuwa 03/08/2012 ikabera mu ishyamba hagati ry’i Gako aho byari bikomeye cyane kuba yabona ubufasha ndetse igufwa ry’akaguruke rikaba ryarahise ricikamo kane ariko kuko amaboko y’Imana yakomeje kumubaho ubu akaba ari muzima ayishima.

Jehovahjireh choir rero ikaba itariyo nyine kuko yari kumwe n’abatera nkunga bayo, korali zo kumudugudu wa Munazi ndetse n’abaririmbyiba Hoziyana aribo Bwana Kajabika André na Kampayamana Jean de Dieu bakaba kandi by’umwihariko ari aba post Cepiens ba ULK, Bwana Kajabika rero mu ijambo ry’Imana yatambukije ndetse ryafashije benshi akaba yaribukije abantu ko kujya mu ijuru ari ugutwarana.

Ati kuba intwarane nikwihuta cyane mubyo ukora kuburyo urenza ah’intwari ati n’ijuru nuko. Jehovahjireh choir ikaba ishimira bose bakomeje kuyiba hafi banyitera inkunga itandukanye, iti rero mukomerezaho kuko iki ari igihe cyo gukorera ibirama.

Mu mpera z’iki Cyumweru abakunzi ba Alexis Dusabe murahishiwe kuko yabateguriye igiterane cyo gushyira ahagaragara umuzingo w’indirimbo ze (Album ya Volume ya II).

Nk’uko bitangazwa na Dusabe Alexis, ngo iki giterane kizaba kuwa Gatandatu tariki ya 09 Werurwe kugeza Ku Cyumweru tariki ya 10 Werurwe, kikazabera ku Rusengero rwa ADEPR Nyarugenge ruherereye mu Gakinjiro.

Muri icyo Giterane kandi Umuhanzi Dusabe Alexis akazaba ari kumwe n’abandi bahanzi nka DOMINICK NICK ndetse na Simon KABERA. Hakabazaba kandi hari na Chorale HOZIANA ari nayo Dusabe Alexis aririmbamo.

Nk’uko Dusabe Alexis yakomeje abivuga, ngo abazaza muri icyo Gitaramo yabateguriye bazinjirira ubuntu, ariko kandi ku bazabishaka bakazatahana na CD iriho indirimbo za Alexis DUSABE ariko nyine ku kiguzi gishimishije.

Mukaba muhawe ikaze muri icyo giterane.

Mwene so,

DUSABE Alexis.

Ku mugoroba wo kuri uyu wa gatandatu tariki 9 Werurwe 2013, umuhanzi w’indirimbo zo kuramya no guhimbaza Alexis Dusabe yakoreye igitaramo cy’ivugabutumwa mu rusengero rwa ADEPR Gakinjiro cyashimishije abakristu bari bahakoraniye ariko anamenyekanisha umuzingo w’indirimbo we mushya yise “Njyana i Gologota”.

Alexis Dusabe yabwiye IGIHE ko iki gitaramo kidakwiye kwitiranywa n’ibindi bitaramo byo kumurika album abahanzi basanzwe bakora

Ati “Ibitaramo byo kumurika album ntabwo ari intego zanjye, ahubwo ivugabutumwa bwiza bwa Kristo Yesu mu ndirimbo niyo ntego yanjye ku bantu, ibyo bitaramo si bibi ariko njyewe numva najya mpuza abantu bumva ubutumwa bwiza uwumva yashyigikira umurimo w’Imana akaba yagura CD.”

Akomeza avuga ko yishimiye kuba igitaramo cya mbere cyo kumenyekanisha album ye nshya agikoreye muri ADEPR Gakinjiro ari naho asengera, by’umwihariko ariko akaba ngo ateganya kuzagera no mu yandi matorero abagezaho ubutumwa bwiza ariko anabagezaho na CD ze

Alexis Dusabe ati “Imana yatumye album ya mbere ikundwa izanabakundisha iyi ngiyi niba ikwiye gukundwa koko, icyo nzicyo natanze imbaraga zanjye zose mbihawe n’Imana, kandi abantu bakomeje kumbwira ko bayikunze.”

Mu bihe bya vuba ngo album Njyana i Goligota iraba iboneka ku matorero hafi ya yose n’ahandi hose hacururizwa album z’abahanzi.

Inkuru dukesha igihe.com

Birashyushye kuri iki cyumweru kuwa 17 Werurwe 2013, saa saba z’amanywa muri Grand Auditorium ya Kaminuza Nkuru y’u Rwanda, aho Korali Elayo ikorera umurimo w’Imana mu muryango w’Abanyeshuli b’Abapantekote biga muri Kaminuza Nkuru y’u Rwanda (CEP-UNR) yitegura gushyira ahagaragara kaseti yayo y’amashusho, ubu imyiteguro ikaba ishyushye. Intego y’uyu munsi iragira iti: “Haleluya! Kuko ari byiza kuririmbira Imana yacu amashimwe. Ni ukw’igikundiro kandi gushima kurakwiye” Zaburi 147:1.

Iyi korali ni imwe mu makorali akunzwe cyane muri iki gihe kandi makuru, kuko ifite abaririmbyi basaga 160, barimo n’abafite impano yo kuririmba ku giti cyabo nka NIYONSABA Albert musanzwe muzi uririmba akora no mu murya wa gitari. Iyi korali ifite indirimbo zikunzwe nka Iwacu, Nkomeza, Akira Amashimwe n’izindi. Nk‘uko bari barabihize kuva kera ndetse banabisengera Imana, noneho igihe kirageze ngo bashyire ahagaragara album video y’amashusho yiswe ‘Akira Amashimwe,’ ikaba yaritiriwe imwe mu ndirimbo ziri kuri iyi album.

Twavuganye n’Umuyobozi w’iyi korali Bwana NIYITEGEKA Francis ngo amare amatsiko abakunzi ba Elayo ababwira icyo babahishiye kuri uriya munsi. Yadusubije muri aya magambo: “Ikigamijwe cyane si amafaranga n’ubwo na yo ari meza, ahubwo icyo dushyize imbere ni ivugabutumwa. Turashaka ko abantu bamenya Umukiza wabo ndetse benshi bakakira Yesu kuri uriya munsi. Ikindi ni uko tuzataramira abakunzi bacu live (en direct).”

Inkuru mbarirano iratuba, ariko iyo witegereje uburyo iyi Korali igizwe n’abanyeshuli gusa, ukabona n’ubwitange bagira yaba mu miririmbire ndetse no ku bijyanye n’ubushobozi bwose buba busabwa tuzi ko atari buke kuko ndetse bigora n’amakorali akomeye yifite, ubona ko bakoze umurimo utoroshye. Ikigeretse kuri ibyo, indirimbo zabo zisize amavuta menshi ku buryo uretse no kunogera amatwi ahubwo zihembura imitima kandi zigasubiza imbaraga mu bugingo bw’abazumva.

Iyi album itegerezanyijwe amatsiko menshi, kuko yakozwe na studio Alleluia ikomeye mu gihugu cyacu ikorera mu karere ka Huye. Iyi studio ni nayo yafashe album y’amakorali y’ibihangange hano mu gihugu cyacu.

Mu bashyitsi bazafasha Korali Elayo gutaramira abakunzi bayo, harimo Korali Iriza ikorera umurimo w’Imana muri ADEPR Butare-Ville iherutse no guhiga izindi ku rwego rw’igihugu mu marushanwa yabaye ku miririmbire myiza. Hazaba kandi hari Ev. RUDASUNGWA Jean Claude ukorera umurimo w’Imana muri Paroisse ya Matyazo ho mu ntara y’Amajyepfo.

Inkuru ya Simeon Ngezahayo

Groupe Urumuri yateguye igiterane cy’iminsi ine cy’amasengesho mu mugi wa Kigali, iki gikorwa kizatandira kuwa kane tariki ya 21/03/2013 kigeze ku cyumweru tariki ya 24/03/2013, kibere kuri ADEPR Rubonobono mu Gatsata.

Nkuko twabitangarijwe na Muhawenimana Naomi umuyobozi wiri tsinda ry’abanyamasengesho, ngo nyuma yo gukora ibikorwa byinshi bitandukanye birimo amasengesho ahantu hatandukanye hafi yo mu ntara zose zo mu Rwanda, ubu noneho bateguye gusengera i gihugu nibindi bikorwa biri gukorwa nibitegurwa uyu mwaka kandi ibi bikazaba ku rwego rw’igihugu batitaye ku idini runaka.

Muri iki gikorwa hazaba kujya basenga kuva saa mbiri za mugitondo kugeza saa moya z’ijoro kuva kuwa kane kugeza kuwa gatandatu, hanyuma ku cyumweru habeho gusoza icyo gitaramo kuva saa munani z’amanwa byose bibera kuri ADEPR Rubonobono, kandi ngo kwinjira ni ubuntu.

Ngo intego ya kino giterane iri mu ijambo ry’Imana riri muri Hosea 6 :1-3, kandi kandi na Kolari Rubonobono izaba ihari hamwe n’umuvugabutumwa Rev. Pasiteri Mugabane Rubanguka.

Korali Abatoranijwe ADEPR-GATENGA yateguye igitaramo cy’ivugabutumwa izakorana na korali Elayono ADEPR-REMERA. Iki gitaramo kikazabera ku mudugudu wa Murambi-ADEPR Gatenga guhera saa saba n’igice z’amanywa (13h30).

Korali Abatoranijwe ni imwe mu makorali akorera umurimo w’Imana mu itorero rya ADEPR muri Paruwasi ya Gatenga, umudugudu wa Murambi. Ubusanzwe iyi korali itegura ibiterane by’ivugabutumwa buri mwaka bigamije guhembura abakristo ndetse no kuzana abantu kuri Kristo. Ni muri urwo rwego kandi kuri iki cyumweru yateguye igitaramo izakorana na Korali Elayono ikorera umurimo w’Imana mu itorero rya ADEPR, Paruwasi ya REMERA.

Mu kiganiro www.agakiza.org yagiranye n’umuyobozi wa Korali Abatoranijwe NIZEYIMANA J. Paul yatangaje ko imyiteguro y’iki gitaramo igeze kure kandi ko igenda neza ku buryo bumva biteguye kuzakibonamo umusaruro ushimishije.

Aha yagize ati “Muri gahunda yacu ni ugukomeza gukora ibiterane bitandukanye kandi twifuza ko abantu benshi bakizwa natwe dushyizeho urwacu ruhare, iyi concert rero imyiteguro imeze neza kandi turumva Imana izabana na twe ikindi ni uko tuzakora Live (umuziki w’imbonankubone), tuzakora n’izindi concerts zitandukanye kandi twizeye ko Imana izadufasha bikagenda neza’’

NIZEYIMANA J. Paul akomeza avuga ko mu bindi bikorwa barimo gutegura harimo na Album y’amajwi na yo imirimo yayo ikaba yegereje umusozo ikaba izashyirwa ahagaragara hagati muri uyu mwaka.
Korali Abatoranijwe yatangiye mu w’1996 ifite abaririmbyi bagera kuri 16, ubu ikaba ifite abarenga 90. Uretse kandi ibiterane by’ivugabutumwa Korali Abatoranijwe ifite n’ibindi bikorwa bitandukanye ikora birimo ibyo gufasha, ingendo mu duce dutandukanye tw’igihugu, ibikorwa byo kwiteza imbere ndetse n’ibindi.

Nkuko twabitangarijwe n’umuyobozi wiyi Korali Kalori Kunzi, Korali Ushindi yazanye ibihangano byayo harimo DVD iherutse gusohora hamwe n’amalubumu yayo 2 y’amajwi ku isoko ryo mu Rwanda aho ubu babishyize ahantu hasanzwe hacururizwa ibihangano by’abahanzi.

Korali Ushindi (Ubutsinzi) ni korali yatangiriye ahitwa mu karere ka Ngara mu gace ka kagera mu gihugu cya Tanzaniya. Ikaba ibarizwa mu itorero ry’abangilikani muri paruwase ya Murukurazo. Akarere nkangara kakaba gahana imbibi na Rusumo kuko kuva ku mupaka wa Rusumo ugera mu mugi i Ngara ni hafi ibirometero 45 (45km).

Iyi korali yatangiye ahagana 1966 itangira yitwa NAIKA nyuma yaje guhindura izina yitwa TAYO (Tanzania Youth Organization). Iyi korali nubwo yaje guhindura izina yakomeje umurimo umwe wo kuvuga kwigisha ubutumwa, kuramya no guhimbaza Imana. Ikaba yaratangiye iririmba inabyina imbyino gakondo ikoresha ibikoresho gakondo nk’ingoma na ibivugirizo ni ibindi iyi korali ikaba ikorera umurimo w’Imana ku kicaro gikuru cya Diyoseze.

Mu mwaka wa 2001 umuyobozi mushya witwa Mr Sitefano Kunzi na Rev Damian Charukura batekereje guhindurira korali izina bayita “USHINDI SINGERS CHOIR” ariko yitwa kugeza ubu. Bakimara kwitwa iryo zina batangiye gukoresha ibyuma by’umuriro nk’inanga ya kizungu (Keyboard) mu rwego rwo guteza umuziki wabo imbere bityo bagiye bakura kuko abantu benshi binjiye muri choral yabo barushaho kugira ubumenyi.

Bimwe mubyo Korali yakoze harimo gufasha ababana n’ubwandu bw’agakoko gatera SIDA HIV/AIDS, kuzamura uburezi, gufasha imiryango muribo yagize ibirori ubukwe cyangwa babuze ababo (bapfushije), gukurikirana no kuyobora ibikorwa by’itorero nk’amateraniro.

Nkuko twabitangarijwe na zimwe mu ntego Ushindi Singers Choir harimo kwamamaza ubutumwa bwiza bwa Kirisito binyuze mu kuramya no guhimbaza Imana hifashishijwe amashuisho kuri CD, VCD, DVD bakabugeza ku isi hose no kubana n’abantu bose babereka urukundo babakunda binyuze mu ijambo ry’Imana no kubaririmbira indirimbo zikubiyemo ubutumwa bw’ijambo ry’Imana.

Korali Ushindi Singers igizwe n’abantu 36 harimo 30 babaririmbyi na abandi 6 bigiraho bakanadufasha. Bimwe mubyo bifuza kugeraho harimo kongera umubare w’abanyamuryango ba korali, kubika neza no gukora indirimbo zabo, gushaka no kuvugurura umubano ni inshuti zabo zo hanze ndetse ni iwabo muri Tanzania, gukorana ni imiryango yigenga ONG mu gukumira no kurwanya HIV/AIDS no kubungabunga ubuzima mu muryango, kwitabira amahugurwa atandukanye ategurwa n’inama y’itorero muri Tanzaniya mu rwego rwo kuzamura umuziki wacu, kwitabira ibiterane by’urubyiruko bibera Dodoma Tanzaniya byo kurushanwa mu ndirimbo nindi mikino (bagatsinda bakabona n’amanota meza), kwinjira mu muryango wa Cinema muburyo bwo gukwirakwiza ubutumwa bwiza ndetse no gusura umugi wa Arusha na Dar es salaam bagasura bimwe mu ibyumba bikora indirimbo mu rwego rwo gushyira indirimbo zacu ku ma gasete (cassette), CD, VCD, na DVD byumwihariko.

Zimwe mu mbogamizi Korali Ushindi ihura nazo harimo kutagira ibikoresho bihagije by’umuziki kugirango umuryango wabo urusheho gukorera Yesu Kirisito, kubura uburyo bwo kugenda(imodoka) ngo iborohereze mu kujya kuvuga ubutumwa bwiza mu bice bitandukanye binyuze mu ndirimbo, kwerekana amashusho/filimi no kuramya ndetse no kubura ubufasha

Kuri kino cyumweru tariri ya 24/03/2013 ku rusengero rwa Zion Timple mu Gatenga nibwo Korale ya Alarme Ministries yakoze igikorwa cyo gushima Imana kubera igihembo iherutse kwegukana mu gice cya gospel ubwo yabaye umuhanzi mwiza w’umwaka ushize muri Gospel muri Salax Awards.

Dore ko no kwinjira muri kino gitaramo byari ubuntu, uru rusengero rwari rwuzuhe hasi no hejuru, iyi korale ikaba yifatanyije n’abandi bahanzi batandukanye barimo Patient Bizimana na Bright The Rap kandi nabo bakaba bashimishije abantu.

Ubwo twaganiraga n’umwe mubayobozi biyi Korale nyuma yo kumurikira abakunzi babo icyo gikombe, yatubwiyeko bashima Imana cyane kuba ibikorwa byabo byarabyaye ibintu biatika kandi bakaba banashimira abakunzi babo ndetse n’itangazamakuru batirengagije abahanzi bagenzi babo. Ngo kuri gahunda bafite mu minsi iri imbere hari alubumu bari gutegura bazasohora vuba hakazanagaragaraho indirimbo bakoranye na Patient Bizimana ndetse na Liliane Kabaganza.

Inkuru dukesha ikinyamakuru Afrolega gikorera mu igihugu cy’I Burundi Bujumbura gitangaza ko kuwa gatandatu ku isaha ya sakumi n’imwe n’igice 16h30 umuhanzi w’ umucuranzi FRERE Manu yari ageze ku kibuga cy’indege cya Bujumbura FRERE Mana aganira n’umunyamakuru Samweli HARERIMANA ukorera Radio Ivyizigiro yatangajeko aje I Burundi kubw’ubutumire yaramaranye iminsi itarimike bwo kuririmba mu matorero atandukanye cyane cyane itorero abarizwamo rya Pentecoste ndetse hagategurwa n’igitaramo cyo kumurikira abanyabujumbura DVD ya Nyimbo za Wokovu.

Uyumuhanzi yamenyekanye cyane mu bice bitandukanye byo muri ikigihugu nko ku Ntahangwa , Chibitoki, Ijobe ndetse n’ahandi aha ni ahantu abahaturiye bakunda gukoresha ururimi rw’igiswahili doreko ari mu gihugu rwagati bityo izindirimbo z’uyu muhanzi zikaba zarabafashije cyane.

Kuri iki cyumweru FRERE Manu yataramiye abakristo bo mu itorero ELYON Church baranezerwa cyane doreko we aririmba anacuranga naho ku icyumweru gitaha akazataramira abakristo bo muri Eglise VIvante mu mujyi rwagati. Hateganyijwe inama izahuza abanyamakuru ndetse n’abagize umuryango w’urubyiruko rwa Gikristo rukorera mu matorero yose ya Bujumbura YAM aho bazarebera hamwe uko hategurwa igitaramo gikomeye cyo kubamurikira indirimbo za FRERE Manu iyinama ikazabera ku urusengero rwa Pastor HABONIMANA Apolinaire.

Tuganira na FRERE Manu mu ijwi rye rituje yadutangarije ko n’ubwo ari muri iki gihugu yifatanyije muri gahunda nyinshi bitazamubuza kugira umwanya w’umwihariko agafatanya n’abanyarwanda aho bari hose kwibuka Genocide yakorewe abatutsi muri mata 1994 ndetse aharanira icyizere cyo Kwigira no kwihesha agaciro mu byo akora byose nk’umuco yatojwe n’igihugu cye.

Asoza yasabye abanyamasengesho ndetse n’abamukunda by’umwihariko ko bamusengera kuko umurimo arimo akora utoroshye namba ariko kandi ko yiringiye ko iyamutumye ariyo nyirawo kandi ko izamukoresha iby’ubutwari.

Bujumbura inkuru na Samweli

Ubwo twamusangaga mu mwitozo n’abacuranzi be, umuhanzi Gaby Irene Kamanzi yadutangarije ko yahisemo kuzakorana n’abahanzi bakeya kugirango azabone umwanya uahgije wo gushimisha abazaitabira ikigitarmo cye azakora kuri kino cyumweru tariki ya 31/03/2013 muri Serena Hotel.

Mu magambo ye yagize ati « Ntago byari byoroshye guhitamo abahanzi tuzakorana yewe no kubagira bakeya doreko mfite inshuti nyinshi z’abahanzi bagenzi banjye twari gukorana bakanshigikira muri iki gitaramo, ariko nahisemo Aime Uwimana na Fortran kuva Burundi kuko nabonye ko ari byiza kuzafata umwanya uhagije ngashimisha abazitabira kino gitaramo yewe naba bahanzi tuzakorana nabo bakabona umwanya uhagije wo kuramya Imana no kuyihimbaza bakoresheje indirimbo »

Reka tubabwireko iyi Alubumu Gaby agiye kumurika yitwa « Ungirira neza » ikaba irirho indirimbo icumi arizo « Neema ya Goligota », « Il est vivant », « Wowe muremyi », « Par ton sang (Jesus), « Uhoraho », « Umva Indirimbo », « Amahoro », « You are all I need » hamwe na « Ndatanganzwa ». Iki gitaramo cyo kumurika iyi alubumu cyikazabera kuri Serena Hotel mu mugi wa Kigali kuva saa kumi n’ebyiri z’umugoroba (18h00’/6pm), aho kwinjira ari amafaranga ibihumbi bitanu hamwe n’ibihumbi icumi mu mwanya y’icyubahiro.

Korali Hoziana izataramira Abanya SGEEM (Gikondo) kuri 30/3/2013. Mu rwego rwo kwizihiza umunsi mukuru wa Pasika (pâcques), itorero ADEPR Segemu twabateguriye igiterane cy’ivugabutumwa kizatangira kuwa 6 tariki ya 30/03/2013 saa munani z’amanywa kikageza ku cyumweru.

Iki giterane cyatumiwemo korali Hoziyana ikunzwe na benshi cyane muri iki gihugu ndetse no hanze yacyo, naho ku cyumweru kizitabirwa n’abahanzi nka Alexis DUSABE na Dominic Nic. Hazaba kandi hari korali zo kuri SGEEM nk’Impanda, Hermon, Goshen, Ngoyi ndetse na Betifague. Nk’uko twabitangarijwe na Pasteur KARANGWA Alphonse uyobora kuri SGEEM, bateguye icyo giterane mu rwego rwo gufasha abantu kurushaho kugira ibihe byiza, gusobanukirwa Pasika ndetse n’umumaro w’amaraso ya Yesu, dore ko muri icyo giterane hazaba hari n’umuvugabutumwa SUGIRA Steven.

Nababwira iki rero ntimuzacikwe kuko kwinjira ari ubuntu!

Gahongayire Cynthia agiye kumurika alubumu ye ya mbere y’amashusho yise “Munzu y’Imana”, Iki gikorwa kizaba ku cyumweru tariki ya 31/03/2013 bibere kuri ADEPR Kicukiro Shell kuva saa munani z’umugoroba.

Nkuko Cynthia abitangaza ngo muri iki gitaramo azaba ari kumwe n’abandi bahanzi barimo Gonzague Abingenzi, Naphtal Hategekimana na Kolare Yakini kandi bizaba ari ubuntu kwinjira muri icyo gitaramo.

Ubusanzwe Gahongayire asengera ku rusengero rwa ADEPR Kicukiro Shell, akaba yaratangiye kuririmba kuva kera akiri umwana aho yagiye aririrmba mu ma Korale atandukanye nyuma akaza kuririmba kugiti cye, umwaka ushize wa 2012 akaba aribwo yashyize alubumu ye y’amajwi hanze yaririho indirimbo 10, iyi alubumu akaba yari yayise “Imana ni byose”.

Nkuko Ukwiye King Desire yabidutangarije, Ikibatsi Live Concert ni igitaramo cyateguwe na n’urubyiruko rwo mu itorero ry’a Nazarene rwitwa NAYOUMI (Nazarenne Youth Ministries) uru rubyiruko rukaba rusengera muri Gisenyi Bridge Church of the Nazarene International, iki gitaramo kikazaba ku cyumweru taliki ya 5/05/2013 guhera i saa cyenda z’amanwa (15h00’/3pm).

Ubusanzwe uru rubyiruko rutegura ibitaramo artistiques rugatumiramo abahanzi batandukanye harimo abaririmbyi n’abanyamuziki b’abigize umwuga, professionnel, dramas, theatres n’ibindi byose bijyanye n’ubuhanzi mu rwego rwo kugira ngo bashishikarize urubyiruko gukorera Imana, bazana abantu kuri Kristu, ibi bikaba bakoresheje impano zabo ndetse no kubashishikariza kumenya kubyaza umusaruro impano zabo bahesha Uwiteka icyubahiro. Ni muri urwo rwego NAYOUMI yateguriye abanyarubavu i Gisenyi mu mugi igitaramo y’imbaturamugabo cyiswe “Ikibatsi Live Concert.

Muri iki gitaramo nkuko Desire yabidutangarije batumiyemo abahanzi bazwiho ubuhanga mu muzikki kandi babigize umwuga, ikirenzeho akaba ari n’abahanzi ba gospel, muribo harimo Papa Emile usanzwe uba Kenya Nairobi, uzwi cyane mu ndirimbo “Guhinduka birashoboka”, “Mbayeho”, “Haleluya swaga” uyu akaba kandi ari na Producer. Hazaba harimo kandi na Pastor P. uyu nawe yari amaze igihe ari mu gihugu cy’ubufaransa aho yararimo gutunganya indirimbo z’abahanzi batandukanye nk’umuproducer mpuzamahanga, akaba azwi cyane hano iwacu ho gukorana n’abahanzi batandukanye. Hatumiwemo na Ange Madona wagaragaye cyane muri concert ya Gaby Kamanzi, akaba ari umukobwa unaririmba yicurangira na guitar, King Desire nawe uzwi nka Event Manager wa Beauty for Ashes, akaba amaze no gukora indirimbo nka “Amazing grace”, “Ikondera”, “Storm is over” n’izindi, hari ndetse n’abahanzi bo muri ako gace k’iburengerazuba nka Claude Ndekezi na Prince Mutabazi.

Mu gitaramo Ikibatsi Live Concert hanatumiwemo umunyamuziki uva muri leta zunze ubumwe z’amrika witwa David Backel, ubu wamaze no kuhagera. Desire yasoje ikiganiro twagiranye adutangariza ko icyo gitaramo hazaba harimo abacuranzi b’abahanga kuko umuziki uzahakorwa uzaba ari imbona nkubone (Live) kandi kwinjira bikaba ari ubuntu.

Kuri iki cyumweru taliki 28 Mata 2013 guhera saa saba z’amanywa, kuri ADEPR Kicukiro-Shell hateguwe igiterane cyo kuramya no guhimbaza Imana. Icyo giterane cyateguwe n’amatsinda yo kuramya no guhimbaza (Worship Teams) yo mu itorero ADEPR Kicukiro-Shell.

Iki giterane gifite intego igira iti “Nimuhumurize abantu banjye, mubahumurize” Yesaya 41:1. Kizitabirwa n’abakozi b’Imana batandukanye, harimo abahanzi ku giti cyabo nka Theogene Uwiringiyimana na Nelson Mucyo. Hazaba hari kandi Korali Yakini ya Kicukiro-Shell, Worship Team ya Kicukiro-Shell na Evangelist Boniface Singirankabo.

ADEPR Kicukiro-Shell iherereye ku muhanda wa Rwandex Sonatubes, ku cyapa imodoka zihagararaho bita kuri Shell (Hafi ya Sonatubes) mu ruhande rwo haruguru.

Muzaze dufatanye guhimbaza Imana!

Jehovahjireh choir ubwo yaririmbaga ku Munazi-Kamabuye-Bugesera mu mvura nyinshi.
Jehovahjireh choir CEP- ULK Evening isanzwe ikorera umurimo w’Imana muri Kaminuza yigenga ya Kigali ULK, kuri iki cyumweru cyo kuwa 05/05/2013 yabateguriye igitaramo gikomeye cy’indirimbo z’Imana ndetse n’ijambo ry’Imana risize amavuta.

Ibi ni ibyatangajwe na Prezida w’iyi korali bwana NDORIMANA Philotin ubwo bari mu gikorwa cyo gufata amashusho ya Album ya 2 barimo gutegura. Akaba yagize ati:Tumaze iminsi twaragabanyije ingendo zo mu ntara ahubwo dushyira imbaraga mu gikorwa cyo kureba uko twarangiza album ya 2 ndetse no kurushaho kwegera abakunzi bacu hano i Kigali.Ati ubushize twari ku mudugudu wa Muhima aho twahuye n’abakunzi bacu batandukanye ariko nanone ubu twabateguriye icyi giterane mu rwego rwo gukomeza gushimira Imana ibyo imaze kutugezaho ndetse n’ibindi igenda ikomeza kutugezaho. Akaba yakomeje atangaza ko icyi giterane giteganyijwe gutangira ku isaha ya saa munani (2H: 00pm) z’amanywa muri Kaminuza yigenga ya Kigali ULK. Bakazaba rero ngo barikumwe na KoraliTuranezereweikorera umurimo w’Imana muri ULK igice cyo ku manywa, ndetse kandi n’umuvugabutumwa ngo nawe baramuteguye kuburyo ibintu byose biteguye neza.

Yaboneyeho kandi gutangaza aho igikorwa cyo gutunganya album ya 2 kigeze. Ati ubu ibijyanye n’amajwi byararangiye hasigaye gufata amashusho kuko ndetse ubu twayatangiye kuyafata, tukaba tugeze hagati. Ati twahisemo kuzaha abakunzi bacu Album yuzuye ifashe mu buryo bw’amajwi n’amashusho niyo mpamvu nta launch ya Album y’amajwi twateguye twifuza kuzabikorera icyarimwe byose tugatanga Album yose yuzuye akaba arinayo mpamvu ndarika buri wese kuza kubana natwe muri iki giterane kuko nabwo tuzafata amashusho turi kumwe n’abakunzi bacu.

Jehovahjireh choir ikaba ishimira abakunzi bayo bose batandukanye uburyo bakomeje kuyiba hafi bayitera inkunga itandukanye, iti rero mukomerezaho kuko iki ari igihe cyo gukorera ibirama.

Amwe mu mafoto yo gufata Album ya 2.

Ku inshuro ya 4 umucuranzi FRERE Manu ategura ibitaramo by’ivugabutumwa ubu yerekeje mu intara y’amajyaruguru mu umujyi wa Musanze. aganira na Radio y’abaturage ya Musanze uyu muhanzi yatangarije radio impamvu yatumye azagutegura ib’ibitaramo muri iyi ntara : avugako impamvu nyamukuru ari ivugabutumwa nk’inshingano yahawe na Yesu Christo yo guhindura abantu kuba abigishwa be bakamwizera nk’umwami n’umukiza w’ubugingo bwabo ndetse no gufasha imitima y’abantu bihebye bagahumurizwa n’ijambo ry’Imana hamwe kandi no kugaragaza imbaraga ziri muri muzika y’indirimbo zihimbaza Imana nk’uko yagabiwe iyimpano.

Iki gitaramo cy’imbaturamugabo kizabimburirwa n’ibiterane bizamar’iminsi ibiri bizaba birimo abavugabutumwa bakomeye kandi bakunzwe muri iy’intara muribo harimo Zigirinshuti MICHEL ndetse na Pastor Desire Habyarimana. Yabajijwe abahanzi azakorana nabo atangazako ntamuhanzi yatumiye kuko umwanya muninin uzaba aruw’ivugabutumwa mu ijambo ry’Imana ubundi nawe akabaririmbira indirimbo zihagije!

Abazwa agashya azaniye abanya Musanze: FRERE Manu yavuzeko hari byinshi byiza afitiye abazitabira ibi birori uretse gucuranga guitar no kubaririmbira neza afite DVD ya NYIMBO ZA WOKOVU ariko kuko ngo hari benshi batazi igiswahili byatumye ategura kuzabamurikira album ye ifite indirimbo zikoze mu ururimi rw’ikinyarwanda yitwa ‘’SINGITINYA’’ ati indirimbo zizabashimisha cyane.

Ibi bitaramo bizatangira kuwa gatanu wa tariki ya 31 Gicurasi bikomeza ku itariki 1Kamena bisozwe n’igiterane nyir’izina kizaba ku itariki 2 Kamena 2013. Ibibitaramo bizitabirwa kandi na Choral Goshen ibarizwa mumujyi wa Musanze ndetse na Choral Isezerano izwi cane mu gihugu kubera indirimbo Umurengwe na Ntabwo wandemanye amahembe.

Ibi biterane bizabera mu intara y’amajyaruguru mu mujyi wa Musanze muri Paroisse ya Muhoza mu itorero rya Pentecote kuva isaa cyenda gukomeza mu masaha akuza ndetse na saa munani ku umusi wa Concert nyirizina.

Inkuru na UWINGABIRE Justine

Nkuko twabitangarijwe na Evangeliste Rwubusisi Jerome ushinzwe guhuza ibikorwa by’urubyiruko mu muryango muri Zion Temple Celebration Center, ururwiruko rwa Zion Temple C.C Gatenga rwateguye igiterane cy’umunsi umwe gifite intego ivuga ngo “Guhagurutsa urubyaro ruzahindura isi”.

Iki giterane cy’umunsi umwe cyikazaba kuri uyu wa Gatandatu tariki ya 2/06/2013, kurusengero rwa Zion Temple mu Gatenga, aho kizatangira kuva saa munani z’amanwa kugeza saa mbiri z’ijoro.

Bamwe mubazigisha kuri uyu munsi harimo Pasiteri Ornelle Umubyeyi uba muri Amerika aho ari Pasiteri w’urubyiruko rwo muri Zion Temple C.C yo muri Linois, akaba afite Licenses ebyiri imwe muri Religion indi muri Leadership ndetse uyu akaba ari n’umwanditsi w’ibitabo aho amaze gusohora ibitabo bibiri “Life beyond sight” na “Ibintu 7 biranga umukristo”. Pasiteri Ornelle akaba ari no gukora Masters muri Pastoral care na Clinical Counseling aho ari kubikorera Chicago muri Amerika.

Abahanzi nka Cpt Simon Kabera, Karyango Bright, Asaph Drama Team na Youth Band bya Zion Temple Gatenda bakazaba bahari gufasha urubyiruko guhabwa umugisha nibihangano byabo cyane ko urubyiruko rukunda umuziki no kwidagadura. Nkuko Jerome yabidutangarije, iki giterane kizajya kiba rimwe mu kwezi bidahindutse kandi ibizajya igaragaramo harimo kuramya no guhimbaza Imana, kumva ubuhamya n’Ijambo ry’Imana ndetse no gutanga umwanya w’ibiabzo n’ibisubizo hanatwangwa ibitekerewo.
— 

Tariki ya 30 Kamena 2013 muri Selena Hotel I Kigali, umuhanzi umenyerewe mu ndirimbo zihimbaza Imana, Alex Dusabe aritegura gushyira ahagaragara umuzingo (Album) wa kabiri w’indirimbo.

Uyu muzingo yawise “Jyana I Gologota”, ukazaba ukurikiye uwa mbere yise ‘Mfite ibyiringiro’ yasohoye mu myaka 10 ishize.

Alexis Dusabe yatangarije IGIHE ko yatangiye imyiteguro yo gushyira ku mugaragaro uyu muzingo. Dusabe avuga ko yawushyizemo imbaraga nyinshi kugirango indirimbo ziwubumbiyeho zizafashe abazazumva.

Abajijwe ubutumwa bukubiye mu ndirimbo zo kuri uyu muzingo, Alexis Dusabe yagize ati’’ Ubutumwa ntanga mu ndirimbo ni bumwe igihe cyose, ni ukubwiriza abantu ubutumwa bwiza, ababwira ko Yesu Kristo ari umwana w’Imana kandi ko ari we ukiza abantu ibyaha, akabahesha ubugingo bw’iteka’’

Uzinjira mu gitaramo cyo kumurika uyu muzingo azahabwa CD yawo.

Abahanzi bazafatanya nawe harimo Simon Kabera, Dominic Nic n’abandi.

Inkuru dukesha igihe.com

Kubera imbaga y’abantu biteze ibitaramo cy’umucuranzi FRERE Manu byatumye habaho impungenge z’urusengero kuko rushobora kuba ruto dore ko urusengero rw’ ADEPR MUhoza hakorerwamo amateraniro abiri, ibi byatumye Top5 ISAI ifata mumugongo uyu muhanzi maze imuha inkunga y’inzu mberabyombyi y’umurenge wa Muhoza ifite ubushobozi bwo kwakira abantu barenga 2000 bityo iki gitaramo buri wese azisanzure neza.

Mu kiganiro uyu muhanzi yagiranye na Radio y’abaturage ya Rubavu yatangaje ko inkunga ya TOP5 yaje ari umugisha kuko nawe ubwe yarafite icyo kibazo ashimira top 5 cyane kuko kumva ko yamushyigikira nyuma yo kumenya amakuru bigaragazako hari abamutekereza kandi bamufitiye umutima wo kumufasha. Iyi salle ikodeshwa amafaranga 200.000 Frw FRERE Manu akazayikoresha nta faranga na rimwe atanze nk’inkunga. Si umbwambere FRERE Manu akoranye na Top5 kuko aherutse gukoreramo indirimbo n’abakobwa bab’anyamerika kazi 2 Sanna hamwe na Anna iyo ndirimbo yitwa Very Soon ikaba iri kuri Album uyu muhanzi azasohora muri iki gitaramo.

Tumubaza niba ntacyo byishe kuri gahundaze atangaza ko kurya byinshi udatuje birutwa no gufata bike uri mu mwanya mwiza FRERE Manu ati ntibyakunda gukora iminsi itatu muri salle kuko hazamo imbaraga z’amikoro kandi n’urusengero ubwarwo ntayindi nkuga bari banyemereye uretse kubimenyesha abakristo nkaba nizeyeko hamwe na Radio ya Musanze abantu benshi bazaza ndetse n’abo muyandi matorero bakabyibonamo.

Ku uruhande rw’itorero twaganiriye umuyobozi mukuru w’umudugudu wa Muhoza Pastor Gihembe atangazako izi mpinduka ntacyo zitwaye kuko ngo n’imyiteguro ku uruhande rw’itorero mu gufasha uyu muhanzi itari ihagije kuko habayemo gahunda nyinshi gusa arasaba uyumuhanzi ko yazagaruka bagafatanya gutegura ibindi bitaramo kuko ari umugisha kubakristo b’itorero rya Pentecoste by’umwihariko kujya muri salle barabishyigikiye kandi bose bazafatanya n’abakristo kwitabira ibi birori.

Umuvugabutumwa NIBESHAHO Steven ubarizwa muri uyu mugi wa Ruhengeri akaba kandio n’inshuti ya FRERE Manu by’umwihariko ndetse akaba n’umwe mubarimo bafasha uyu muhanzi tuganira nawe umva uko yasubije : FRERE Manu ni umwana ukiri muto ariko arakomeye cyane mu mpano afite! Abantu benshi baramwiteze, kuba agiye muri salle ni byiza cyane kuko hari benshi batabohokera kwinjira murusengero rutari indini ryabo kandi bakaba bamukunda ndetse bakunda n’indirimbo ze za wokovu, urumva byabaye igisubizo kuri benshi naho iby’iminsi 3 byo byari byiza iyo azakuba afite ubushobozi bwo kuyitegura ariko kuko ari ntamikoro ubwo imbaraga zose turazishyira ku umunsi wo kucyumweru.

Inkuru na UWIMBABAZI Alice i Musanze.

Izi mbyino zikunzwe cyane mu nsengero zitandukanye , zitangiye kwibazwaho na bamwe mu bayoboke b’Amadini aho usanga iyo izi mbyino zizwi kw’izina rya Drama zigiye kubyinwa , abenshi bahitamo kurangarira mu bindi cg bagasohoka naho abandi bakareba ariko banegura abazibyina kubera imibyinire itandukanye isigaye igaragaramo .

Mubantu benshi bamaze kuduha ibitekerezo binyuranye , bemeza ko abakuru b’Insengero benshi badakunda izi mbyino cyane kuko babona ko ari ugushyigikira ya mico y’abantu badakijijwe , kuko ntampamvu yatuma umuntu ava mu kabyiniro ngo aze gufatana n’umukobwa babyinire ku gatuti bafatanye ngo bari kubyinira Imana nkuko bisigaye bigaragara hirya no hino .

Ibi byatumye twegera bamwe mubabyinnye izi mbyino ( Drama ) mu gihe zazaga mu Rwanda . maze babanza kudusaba ko amazina yabo atatangazwa . umwe muribo yagize ati ” Twe twatangiye Drama dufite intego yo kubyina ibintu bifite message dutanga ( ubutumwa ) . kuko nkiyo twajyaga kubyina ahantu hatandukanye wasangaga abantu benshi batubwira ko bafashijwe nibyo twabyinnye kuko byajyanaga n’indirimbo zifite ubutumwa buhindura abantu . naho ubu usanga urubyiruko rubifata nko kwiyerekana mu byino rimwe na rimwe bigasa nko kubyinira mutubyiniro twisi . niyo mpamvu ubona aho gusobanura ubutumwa buri mu ndirimbo , usigaye ubona ahubwo birushaho kuba bibi cyane .

Yakomeje atanga urugero ati ” wasobanura gute ukuntu umuntu aterura umukobwa , akamukaraga , rimwe na rimwe bakabyina Zouk , ese ubutumwa bwafasha abantu bavuye mu ngeso zisi nubuhe ?

Undi nawe yatubwiye ko intego izi mbyino zari zifite imaze guta agaciro ati ” Amadini yabaye menshi ,usanga ushinze itorero wese yihutira kuzana urubyiruko , akenshi bose bihutira gushinga Drama Team , ariko imibyinire yabo usanga icumuza ababareba kuko ntaho iba itandukaniye niyo mutubyiniro . ikindi kandi nibe no kubyina indirimbo zihimbaza Imana , ariko ugenda gahoro cyangwa ukoresha imbaraga nyinshi kandi uri wenyine . uyu mugabo yakomeje atunga urutoki itorero rimwe ryagarayemo ibi bintu maze asaba abashinzwe amatsinda abyina izi mbyino kwibutsa ababyinnyi ko baba bari murusengero rw’Imana .

Wowe umaze gusoma iyi nkuru , urabona koko izi mbyino zimaze kugenda zita intego zatangiranye? Yanga igitekerezo cyawe uko ubibona .

source: Ibyishimo.com

Mu karere ka Rubavu Gisenyi harimo gutegurwa igitaramo cyo kuramya no guhimbaza Imana kizaba kuri uyu wa gatandatu tariki ya 8/06/2013 guhera saa mbili za mu gitondo kugeza saa mbili za nijoro muri Centre Culturele ya Gisenyi hafi ya Kivu Serena Hotel.

Iki gitaramo kikaba cyarateguwe n’Umuvugabutwa Jeremie Aphrodise NIZEYIMANA wo muri The Joy of the Ministries afatanyije na Mpuzamatorero ya Rubavu iyobowe na Bishop Simon Murekezi Masasu.

Nkuko twabitangarijwe na Peter Gervais Bushayija umwe mubari gutegura iki gitaramo kikaba gifite insanganyamatsiko igira iti “Rubavu mubiganza by’Imana”.

Gahunda yose rero ikazibanda cyane ku kuramya no guhimbaza Imana igihe kinini. Bazaba kandi turikumwe n’abakozi b’Imana aribo; Bishop Masasu M. Simon kuva muri Restoration Church, Pr Foto Peter Semukiza kuva mu itorero Umushumba mwiza, Rev Felix Gakunde kuva muri Zion Temple na Pr Marie Josée wo muri The Joy of the Ministries.

Naho mu baririmbyi bazabana harimo Mass Worship Team igizwe na Checkinah, Asaph na Nazarene. Naho muma Korale tuzabana na Jerusalem yomuri ADEPR, Chorale ya Assemblee de Dieu, Holiness Choir na Alpha Choir yomuri Methodiste Libre. Kwinjira bikaza ari ubuntu abanya Rubavu bose bagafatanya guhimbaza Uwiteka Imana.

Nyuma y’indirimbo ye ya mbere yari yise “Ijwi rituje”, kurubu Umuhanzi Delphin Kalisa yasohoye indirimbo nshya yise “Byiringiro bizima” yakoranye na Nelson Mucyo, iyi ndirimbo ikaba iri munjyana ya Afro-Zouk slow, kandi ikaba yarahimbwe inandikwa nuyu muhanzi ubarizwa mu ntara y’i Burengerazuba.

Nkuko yabidutangarije ubwo twaganiraga, yatubwiyeko nubwo hari haciye igihe acecetse kubera amasomo n’akazi, ubu yasubiye mu nganzo akaba ari no gukora amashusho y’indirimbo “Ijwi rituje”. Reka tubabwireko uyu muhanzi anafite ubukwe mu mpera zuyu mwaka.

Delphin Kalisa, yavutse tariki 14/08/1982 mu gihugu cya Congo Kinshasa, avukira mu muryango w’abana babiri, we na mushiki we umwe gusa. Yize amashuri y’inshuke n’abanza i Goma muri DRC, ayisumbuye ayiga mu Rwanda i Gisenyi kuri College Baptiste Gacuba 2, ubu akaba ari kwiga muri Kaminuza yigenga ya Kigali Campus ya Gisenyi mwishami rya Development studies.

Delphin Kalisa yatangiye kuririmba kuva kera akiri umwana kuko yabikundaga cyane nkuko yabidutangarije, ngo yumvaga aribwo buzima bwe kuva kera muri DRC, bageze mu Rwanda rero yakomeje kuririmba mu itorero Restoration Church ku Gisenyi, icyo gihe akaba yarabarizwaga muri Korale, ndetse ari n’umuyobozi w’imiririmbire bita conducteur, Imana yaramufashije abona amahirwe 2006 na 2007 ajya mw’ishuri rya Muzika ryitwa Kampala Music School mu gihugu cya Uganda, mu mwaka wa 2008 agaruka mu Rwanda aho yakomeje umurimo w’Imana noneho anacuranga Piano na Guitor rimwe na rimwe.
— 

Nyumayo kumara igihe batagaragara kuri terrain cyane, kubera igikorwa barimo cyo gutunganya album yaboya 2 aho bageze ubu ngubu mu gice cy’amashusho, ubu neneho Jehovahjireh choir CEP- ULK Evening isanzwe ikorera umurimo w’Imana muri Kaminuza yigenga ya Kigali ULK, kuri iki cyumweru cyo kuwa 16/06/2013 iraba iri mu gitaramo gikomeye cy’indirimbo z’Imana ndetse n’ijambo ry’Imana risize amavuta, aho yiteguye guhura n’abakunzi bayo batandukanye cyane cyane abo mu mujyi wa Kigali ku mudugudu wa ADEPR Kamashashi-Kanombe.

Aha rero ntiraba iriyo nyine kuko na Korali Kamashashi yigeze kukanyuzaho izwi cyane mu ndirimbo” Akamanyu k’umutsima” iraba ihari.

Hazaba kandi hari n’umuvugabutumwa nawe ukunzwe cyane muriyiminsi ariwe EV.Seremani guturuka ku Muhima.
Ibi rero ni ibyatangajwe na Prezida wa korali Jehovahjireh Bwana NDORIMANA Philotin aho yagize ati: Tumaze iminsi twaragabanyije ingendo z’ivugabutumwa bwiza bwa Yesu kristo zisanzwe ahubwo dushyira imbaraga mu gikorwa cyo kureba uko twarangiza album ya 2 ndetse no kurushaho kwegera abakunzi bacu hano i Kigali ariko bitavuze ko abahandi twabaretse.

Ati ubushize twari kumudugudu wa Katabaro-Kimisagara aho twahuye n’abakunzi bacu batandukanye ariko na none ubu turaba twerekeje mu gitaramo Kamashashi, mu rwego rwo gukomeza gushimira Imana ibyo imaze kutugezaho ndetse n’ibindi igenda ikomeza kudukorera.

Yakomeje kandi atangaza aho igikorwa cyo gutunganya album ya 2 kigeze. Ati ubu ibijyanye n’amajwi byararangiye, ubuturimo gufata amashusho tukaba tugeze hagati. Ati rero twahisemo kuzaha abakunzi bacu Album yuzuye ifashe mu buryo bw’amajwi n’amashusho niyo mpamvu nta launch ya Album y’amajwi twigeze dukora tukaba twifuza kuzabikorera icyarimwe byose, tugatanga Album yose yuzuye .Akaba ari nayo mpamvu ndarika buri wese kuzaboneka murikigitaramo aho bazabasha kumva indirimbo zimwe mu zigize iyi Album ya 2 turimo kubategurira.

Jehovahjireh choir rero ikazaba ihari guturuka mu gitondo ku isaha ya saambiri (8H: 00am), noneho igakomeza na Concert live guhera saa munani (2H: 00pm). Jehovahjireh choir ikaba ishimira abakunzi bayo bose batandukanye uburyo bakomeje kuyiba hafi bayitera inkunga yo mu buryo butandukanye, ikaba rero isaba abakunzi bayo batandukanye gukomerezaho kuko igihe cyo gukorera ibirama ariiki.

Vital R.

Alexis DUSABE ni umuririmbyi w,indirimbo z’ubutumwa bwiza bwa Kristo YESU, Umuhimbyi ,umwanditsi kandi ni umucuranzi wa clavier.
Yavutse mu 1978 avukira i kigali/Nyarugenge afite abavandimwe 2,Alexis ni uwa 2 mubo bavukana. Alexis DUSABE ntiyahiriwe no gukomeza kubana n’ababyeyi kuko yakuriye muri Orphelinat !

Arubatse akaba afitanye abana 4 na Carine INGABIRE ,bombi ni abakristo b’itorero rya ADEPR/NYARUGENGE. Alexis DUSABE mu buzima busanzwe akora mu kigo cy’ubwishingizi kitwa CORAR (muri financial department)

Alexis DUSABE yatangiye umurimo wo kuririmba akiri muto yiga no gucuranga akiri muto kandi byagaragariraga buri wese ko abikunze!
Kumyaka 17 yemeye kwizera Kristo Yesu no kwakira agakiza kuva ubwo yemera ko ubuzima bwe bwahinduye icyerekezo kandi kiza kuruta ubundi buzima bwose yari kubaho.

Intego ya Alexis DUSABE ’’ NI UKWAMAMAZA UBUTUMWA BWIZA BWA KRISTO YESU MU NDIRIMBO’’ngo UBWAMI BW’IMANA BUKWIRE HOSE!

Alexis DUSABE afite album 2 z’indirimbo z’ubutumwa bwiza gusa;
1. MFITE IBYIRINGIRO (yakozwe na Aron NIYITUNGA MURI 2004)
Igizwe n’indirimbo 8 arizo ;NGWINO, IBYIRINGIRO, UMUYOBORO, HORA KU NGOMA, ZABURI 23, KUKI TURIRA,NZAJYA NYIRINGIRA, URUKUNDO RW’UMUKIZA.

2. NJYANA I GOROGOTA (yatunganijwe na Samuel NDIK, Mastolla, na Junior). Igizwe n’indirimbo 10 arizo; URABEREWE, NJYANA I GOROGOTA, IGIHANGO, NDAGUSHIMA, NINDE WAMVUGURUZA, IGITAMBO CYANJYE,NKOMEZA, GAKONDO YANJYE,AMAZI Y’UBUGINGO, YESU ARAJE,

IBITARAMO

Alexis DUSABE akunda live music ni nayo akunze gukora, amaze gukora ibitaramo birenga 10 mu gihugu cy’Urwanda ndetse n’icy’abaturanyi I Burundi, mu matorero atandukanye ndetse no mu mazu manini mberabyombi. Muri 2009 yitabiriye Groove award I Nairobi.

Ibindi KURI Alexis Dusabe.

Alexis DUSABE yumva yifuza ibihe byinshi byo kuririmbira abantu indirimbo z’ubutumwa bwiza,ngo zibafashe kugera mu gakiza,ngo zihumurize ababaye,zikize abuzuwe n’intimba mu mitima yabo,ngo zomore ibikomere byo mu mitima kandi zagure ubwami bw’Imana kugera kure!

Alexis akunda amahoro’’mparanira kubana n’abantu bose amahoro’’
Nezezwa cyane no gushobora ikintu cyari cyarananiye mbere yo kugeregeza kenshi byanga!Ibyo bindemera umunezero mwinshi!
Nkunda abana banjye…nkunda Carine (umufasha wanjye) cyanee!
Nkunda abarokore ariko nkanakunda abantu bose muri rusange ,uko nshoboye numva nabakunda urukundo rubakururira kuri Kristo YESU!

GUSOZA !
NDARARIKIRA BURI WESE IKI GITARAMO TWIMIRIJE IMBERE KU ITARIKI YA 30/06/2013 KURI SERENA HOTEL KUVA ISAA 15H UBWO ABANTU BAZABA BATANGIYE KWINJIRA !

Alexis DUSABE

Nyuma y’imyaka myinshi ikora umurimo wo kuramya no Guhimbaza Imana mw’ishuri rikuru ry’imari n’amabanki SFB, RABBONI Worshipers ngo ubu iri gukora Album yayo yambere izaba igizwe nindirimbo Ziri Hagati ya 8 na 10 kurubu bakaba abamaze gukora indirimbo 5 zose ubu ziri hanze zarangije gukorwa, zikaba zarakorewe muri ALPHA AND OMEGA Studio na Producer PETER kuko tubihamirizwa nuwo mu producer nuko iyo Album ngo izaba idasanzwe kuko ngo irimo indirimbo zifite ubutumwa bwiza kandi bwubaka imitima y’Abanyarwanda

Iri tsinda ry’abanyeshuri biga Muri SFB rimaze igihe kinini rikora uwo murimo wo Kuramya no Guhimbaza Imana haba muri SFB Ndetse no hanze yiyo kaminuza Rikaba rigizwe nabaririmbyi barenga 50 ndetse nabandi banyamuryango barangije amasomo yabo ariko bakaba bagikorana hafi na RABBONI WORSHIPERS umunsi kumunsi, nubwo amasomo aba ari menshi kandi ataboroheye ngo ntibibabuza gukora ivugabutumwa kandi bigatanga umusaruro.

Uwiteka akomeje Gukiza ubugingo bwa benshi abinyujije muri iryo tsinda bakaba bateganya kuba bashyira iyo Album hanze bitarenze mumpera zuyu mwaka ndetse bagakomerezaho no gukora Video

Mu mpera z’icyumweru dusoje nibwo chorale Evangelique yo muri ADEPR Paruwase ya Cyarwa yagiye mu giterane mu Karere ka Rusizi muri ADEPR Kamembe ku mudugudu wa Bethel ahahoze hitwa mu Burunga. Icyo giterane cyari gifite intego iri mu Abefeso 5.15 “Nuko mwirinde uko mugenda mutagenda nk’abatagira ubwenge ahubwo mugende nk’abanyabwenge”

Mu ijambo umuyobozi wa Paruwase ya Kamembe yavuze afungura igiterane kumugaragaro yavuze ko mugihe turikugera mu iterambere ryihuse ari ngombwa ko umukiristo agira ubwenge, ubu bwenge yavuzeko atari ubwigwa mu mashuli gusa ahubwo ari ukugenda wubaha Imana bityo umukiristo akamenya uko akwiye kwitwara mu buzima bwa buri munsi aba ikitegererezo cy’imirimo myiza ibyo bikaba ari byo bizatuma aho dutuye, aho dukorera ndetse n’igihugu cyose muri rusange kigira amahoro.

Mu ijambo ry’Imana ryasomwe na Mwalimu Ndosimana Dan Efeso 5.15-16 “Nuko mwirinde uko mugenda mutagenda nk’abatagira ubwenge ahubwo mugende nk’abanyabwenge, mucunguze uburyo umwete kuko iminsi ari mibi” yashishikarije abantu kubaho bakiranuka kandi buri wese akabana na mugenzi we amahoro kuko ntawe uzahama mu isi ahubwo buri wese iyo igihe cye kigeze yitaba Imana.

Nyuma y’iryo jambo hamwe n’indirimbo abemeye kwihana barasengewe banagirwa Inama zijyanye n’ubuzima bwa gikiristu.
Naho ku cyumweru abantu benshi bazindutse baje kumva Indirimbo n’ijambo ry’Imana, hatanzwe umwanya urambuye wo kumva indirimbo za Chorale Evangelique nuko izo abakiristo bakunze cyane zikongera zigasubirwamo. Nahomu ijambo ry’Imana ryasomwe n’umushumba w’itorero rya cyarwa Pasteur Gatware Herman yakanguriye abari aho ko uburuhukiro bwuzuye buri muri Yesu kuko mu isi ntaho wabona igisubizo cy’ibibazo duhura nabyo kandi avuga ko ubuzima bw’umukristo bukwiye kuba ikitegererezo kubo babana, abo bakorana, bigana basengana no mu mibereho ya buri munsi. Nyuma abihannye barasengewe

Mu gusoza icyigiterane, umushumba w’itorero yashimye umubano itorero rya Cyarwa rifitanye n’irya Kamembe kuko atari ubwa mbere iyi chorale iza muri iri torero ni muri urwo rwego itorero rya cyarwa ryahawe impano nk’ikimenyetso cy’ubucuti n’ubufatanye.

Nyuma y’igiterane habaye kwakira abashyitsi no kubasezerera aho wasangaga impande zombi zinejejwe n’ibihe byiza bagiranye.

Ku rusengero rwa Rwanda for Jesus hateguwe igiterane ngarukamwaka cy’abari n’abategarugo bise « Women of excellence 2013»

Nkuko twabitangarijwe na Peace Kinani Kiiza bakunda kwita Maman Jesiah kuva tariki ya 20 kugeza ku cyumweru tariki ya 22/06/2013, ku rusengero rwa Rwanda for Jesus Church hateguwe igiterane ngarukamwaka cy’abari n’abategarugori bise “Women of excellence 2013” cyateguwe na Potter’s HandMinistries.

Iki giterane cy’iminsi itatu kizajya gitangira buri saa kumi n’imwe n’igice kugeza saa moya na mirongo ine n’itanu, ariko kuwa gatandatu kizaba mu gitondo kuva saa tatu gikomeze nimugoroba kuva saa munani, cyikazajya kibera kuri Rainbow Hotel iri Kicukiro mu mugi wa Kigali.
Insanganyamatsiko yuyu mwaka ikaba ari “Umugore w’umutima” mu magambo y’icyongereza ari “Being virtuous women” biboneka mu gitabo cya Bibiliya mu Imigani 31:10-31.

Pasiteri Jimmy n’umufasha we Sandra Muyango nibo bazayobora kino giterane, aho bazafatanya na Mary Kmanzi, Paiteri Liliose Tayi ndetse na Pasiteri Julienne Kabanda mu kwigisha abazitabira kino giterane. Kwinjira bika ari ubuntu nkuko Peace yabidutangarije kandi ngo abantu bose bakaba batumiwe.

Nkuko yabidutangarije umuvagabutumwa Eric Uwayesu afatanyije n’itorero Bethesda Holy Church anasanzwe asengeramo bateguye igiterane cy’ivugabutumwa mu mugi wa Nyamata, aho abahanzi batandukanye n’abavugabutumwa bazakitabira.

Iki giterane cyikaba kiraza gusozwanya imbaraga nyinshi nkuko Eric Uwayesu yabidutangarije cyane cyane guhera no kuwa gatanu tariki ya 28/06/2013 kugeza kuri kino cyumweru tariki ya 30/06/2013, aho kizajya kibera kuri Bethesda Holy Church.

Saa kumi n’imwe kugeza saa moya z’umugoroba nibyo iki giterane kizajya kiba buri munsi, kandi kukinjiramo bikaba ari ubuntu. Abahanzi Papa Emile, Bobo Bonfils, Rachel, Goreth, Uncle Sam na Jimmy Claude, Worship team ya BHC Nyamata, Boenenges, Bethesda Choir, Sauti Hewani bakaba aribo bazasusurutsa bantu bazakitabira mu minsi itandukanye.

Reka tubabwireko ibiterane nkibi aribyo gushimirwa cyaneko ari gake usanga abavugabutumwa bazwi inaha i Kigali bamanuka bakajya no muyindi migi bikaba akarusho yo bagendanye n’abahanzi nabo baba basanzwe bumva ariko batabazi.

Ubusanzwe Eric Uwayesu bakunda kwita Zouzou afite imyaka makumwabiri n’itatu y’amavuko akaba asengera mu itorero rya Bethesida Holy Church. Yatangiye ivugabutumwa afite imwaka irindwi yonyine nkuko yabidutangarije, icyo gihe akaba yari atangiye amashuri ye abanza, ibi byose ngo akaba yarabitewe nuko yavukiye mu muryango w’abakirisitu, kuko ababyeyi be bakundaga kumuganiriza ibyiza by’Imana bituma akura ayikunda.

Eric akaba ashimira cyane itorero rye cyane umushumba we Pasiteri Rugamba Albert na Pasiteri Rwibasira Vincent, hamwe na Cellule yo muri iryo torero yitwa Helumani ndetse n’umubyeyi we Uwimana Costance bakunda kwita Mama Zouzou.
—

Ubwo twasuraga umuhanzi Alexis Dusabe ari mu myitozo kuri Centre Cultulaire Franco – Rwandais, twasanze imyitozo igenda neza.

“Ndizerako iki gitaramo kizaba kimwe mu bitaramo byiza nzakora, kandi ndabona imyiteguro iri kugenda neza” amagambo ya Alex Dusabe.

Zimwe mu ndirimbo Alexis yateguye kuzaririmba harimo Njyana igotogota nizindi nyinshi zakunzwe hano mu Rwanda. Ubwo twaganiraga na Alexis Dusabe nyuma ya Repetition yatubwiye ko azacuranga Live, kandi ko abazitabira kino gitaramo ke bose bazishimira ibyiza byose bizahakorerwa, Alexis yasabye abakunzi b’indirimbo zihimbaza Imana gukomeza gusengera kino gitaramo kugirango kizagende neza.

Iki gitaramo kizabera muri Serena kuri kino cyumweru tariki ya 30/06/2013 kuva saa kumi n’imwe z’umugoroba, byitezwe ko kizitabirwa cyane n’abantu batandukanye kandi kizagaragaramo benshi mu byamamare bya ho mu Rwanda.

Abacuranzi Alexis bazacurangira Alexis bose bazwi cyane hano mu Rwanda kuko bakunze kugara mu bitaramo byinshi, muribo hakaba harimo kuri guitard Base hari Didier Touch , ku ngoma hari Bienton naho Alexis azaba acuranga Piano.

Reka tubibutse ko iki gitaramo kizagaragaramo na Dominic Nic, Patient Bizimana, Gaby Irene Kamanzi, Guy Badibanga na Simon Kabera, kwinjira bikaba bisaba kugura alubumu nshya ya Alex Dusabe izaba igura amafaranga ibihumbi bitanu.

Nkuko twabitangarijwe na Kanani Viyane kuri icyi cyumweru tariki ya 7/07/2013 kuva saa saba z’umugoroba Korale Yasipi yateguye igiterane cy’ivugabutumwa muri Nyagatovu muri Paroise ya Rukurazo.

Iki gikorwa cyikazaba ari igitaramo doreko uretse iyi Korali Yasipi izakiririmbamo hakazanabonekamo Korale Rangurura, Korale Gologota n’umuhanzi Murwanashyaka Faustin. Birumvikana ko ivugabutuma rigendana n’Ijambo ry’Imana ryo rikazabwirizwa n’umuvugabutumwa Singirankabo Boniface hamwe na Joseph Sibomana uyu akaba yarahoze ari umu Padiri muri Kiliziya Gatolika.

Kanani akaba yadutangarijeko kwinjira muri iki gitarene ari ubuntu, kandi bakaba bafite intego iboneka muri Bibiliya mugitabo cya Zaburi 27: 13 ivuga iti « Mbanararabye iyo ntizera kugira neza kw’Imana », akandi indiirmbo zizaririmbwamo zikazaba ari uburyo bw’umwimerere (Live music).

Kuri iki cyumweru tariki ya 14/07/2013, kuva saa saba z’amanwa mu rusengero rwa ADEPR Gisenyi umuhanzi Bahati Alphonse yateguye igitaramo cyo gusha amafaranga yo kubaka urwo rusengero, aho azanaboneraho gushira ahagaragara DVD « Mfite ibyiringiro » ndetse akanerekana ibihembo yahawe kuva muri Kenya bya « Groove Awards ».

Nkuko yabidutangarije ubwo twaganiraga nawe, Bahati akaba yatubwiyeko kwinjira muri iki gitaramo ari ubuntu ariko abantu bakazaboneraho kugura DVD ye kandi amafaranga yose azavamo agahabwa urusengero akazakoreshwa kukubaka inyubako yarwo nshya kandi nini. Abahanzi bazafatanya na Bahati Alphonse muri kino gitaramo harimo Rushema unaririmba muri Korale Hoziana, Alex Dusabe, Cpt Simon Kabera, Rudahezwa Emmanuel, Moise, Korale Bethfage na Korale Impuhwe.

Reka tubibuste ko uyu muhanzi nubusanzwe amenyerewe ku bikorwa byo gufasha bitandukanye harimo kubakira amazu abana b’imfubyi n’abapfakazi ndetse akaba ari umwe mu bahanzi batangiye ubuhanzi bwa gospel kuva kera itaranagira imbaraga ngo imenyekane cyane, akaba asengera muri ADEPR.

Kuri iki cyumweru tariki ya 14/07/2013, kuva saa munani z’amanwa mu rusengero rwa ADEPR Gisenyi umuhanzi Bahati Alphonse yakoresheje igitaramo cyyavuyemo amafaranga ibihumbi y’u Rwanda 870.000 yo kubaka urwo rusengero, aho yanaboneyeho gushira ahagaragara DVD y’indiirmbo z’igitaramo yakoreye muri ULK Gisenyi ndetse akanerekana ibihembo yahawe kuva muri Kenya bya « Groove Awards ».

Kwinjira muri iki gitaramo bikaba byari ubuntu ariko abantu bakaba baguze DVD za Bahati Alphonse amafaranga yose yavuyemo akazahabwa urusengero akazakoreshwa kukubaka inyubako yarwo nshya kandi nini. Abahanzi bazafatanyije na Bahati Alphonse muri kino gitaramo harimo Rushema unaririmba muri Korale Hoziana, Alex Dusabe, Cpt Simon Kabera, Rudahezwa Emmanuel, Moise, Korale Bethfage na Korale Impuhwe.

Muri iki gitaramo ninaho umuhanzi Bahati Alphonse yaboneye umwanya wo kumurika ku mugaragaro ibihembo aheruka kwegukana muri kano karere, ibikombe bya Groove Awards ndetse abishyikiriza umushumba w’itorero asengeramo rya ADEPR muri paroise ya Rubavu iri mu mugi wa Gisenyi.

Reka tubibuste ko uyu muhanzi nubusanzwe amenyerewe ku bikorwa byo gufasha bitandukanye harimo kubakira amazu abana b’imfubyi n’abapfakazi ndetse akaba ari umwe mu bahanzi batangiye ubuhanzi bwa gospel kuva kera itaranagira imbaraga ngo imenyekane cyane, akaba asengera muri ADEPR.

Umuhanzi Simon Kabera uzwi mu ndirimbo zihimbaza Imana, akagira indirimbo nyinshi zikunzwe cyane nka "Mfashe Inanga, Munsi yawo", nyuma yo kumara igihe ari mu kazi ngo muri Kanama aziyereka abanyarwanda bamaze iminsi bavuga ko yabuze. Uyu muhanzi akaba yatangaje ko agiye kumurika Alubumu ye y’amashusho (DVD) mu gitaramo kizaba ku cyumweru kuwa 18 Kanama 2013, mu Gicumbi cy’umuco, mu ihema riri kuri Stade Amahoro i Remera.

Uyu munsi tukaba twamusuye aho yari ari gufata amashusho y’indirimbo ze zizajya kuri iyi alubumu azamurika, aho ari kubikorerwa na Producteur Arnold umenyereweho ubuhanga muri ako kazi, izi ndirimbo igikorwa cyo gufata amashusho kikaba kigeze kure hasigaye kuzitunganya.

Nk’uko abitangaza, uyu muhanzi ngo mu minsi mike nyuma yo gutaramira abakunzi be, azafata rutemikirere yerekeze mu gihugu cy’Ubuhorandi aho azaba agiye gukomereza amasomo ye y’ikiciro cya gatatu cya kaminuza akaba azamara umwaka umwe.

Simon Kabera yamenyekanye cyane ubwo yigaga muri Kaminuza Nkuru y’u Rwanda kuva 2009, ubwo yakundaga kugaragara mu biterane byinshi byaberaga muri Kaminuza. Uyu muhanzi waje gushinga urugo muri iyo minsi yakomeje gutera imbere,muri 2010 ashyira ku mugaragaro alubum ye y’amajwi CD ari nayo yatumye indirimbo ze zikinwa ku bitangazamakuru bitandukanye bityo bituma amatorero menshi asigaye azikoresha cyane mu mwanya wo kuramya Imana dore ko nyinshi muri zo zicurangitse mu njyana zituje.

Simoni Kabera yagize ati "Kuri njye indirimbo ndirimba ni ubuzima. Ziranyubaka, nta na rimwe naririmba ngo simfashwe nayo. Rero mba nifuza ko indirimbo ndirimbira Imana zafasha abantu kwegerana n’Imana kandi zikabahindura." Avuga ko kuba hari abavuga ko yari yarabuze, ko atabuze kuko n’ubwo ntabikorwa bye byagaragaraga wenyine, ariko yitabiraga ibitaramo by’abamutumiye. Akomeza ashima abakunzi be kandi akavuga ko ari umugisha kuba umuhanzi kandi ukunzwe avuga ko ari imbaraga z’Imana.

Simoni Kabera ni umukristo mu itorero rya ADEPR Paroisse ya Remera. Ni umugabo wubatse afite umudamu n’abana babiri b’abahungu aribo Kabera Nshuti Sammy na Kabera Mugisha Jessy. Muri 2009 yasohoye alubumu ye yitwa « Munsi yawo».

Kuri kno cyumweru tariki ya 11/08/2013, kuva saa munani z’amanwa, urubyiruko rwa paroisse ya ADEPR Nyarugenge rwateguye igiterane cy’ububyutse gifite intego iboneka mu Amaganya ya Yeremie 5:21 hagira hati “Utwigarurire Uwiteka natwe tuzaba tukugarukiye, tugarurire ibihe byacu, bibe nk’ibya kera.

Nkuko twabitangarijwe na Uwineza Bonaventure umuyobozi wuru rubyiruko, iki giterane cy’ububyutse kizabera ku Itorero rya Pentekote ADEPR Paroisse Nyarugennge aho bakunda kwita Gakinjiro, hakazaba hari umuvugabutumwa Pasiteri Desire Habyarimana n’umuhanzi Frere Manu kuva Rubavu ndetse na’amakorali atandukanye yuru rubyiruko.

Nkuko rukunda kubikora kenshi, urubyiruko rwa ADEPR Nyarugenge rutegura ibikorwa bitandukanye twavuga nko gufasha imfubyi, impunzi mu nkambi zitandukanye, gushaka ibikorwa by’iterambere no kwihangira imirimo.

Urubyiruko rwa paroisse Nyarugenge rugizwe n’imidugudu ya Nyarugenge, Muhima, Cyahafi, Kiyovu, Biryogo, Gitega na International, imidugudu yose ikaba igenda ikora ibikorwa bitandukanye. Muri urwo rwego tugategura kandi igiterane gihuza iyo midugudu yose.

— 

Ku nshuro ya gatatu, Rehoboth Ministries yateguye igitaramo cyo kuramya no guhimbaza yise “Praise and worship Explosion .”, Icyo gitaramo kizaba ku cyumweru, tariki ya 18/08/2013, muri salle ya Christial Life Assemble(CLA) kuva saa cyenda z’amanywa kugeza saa mbiri z’ijoro (15h00’-20h00’/pm).

Abo tuvugana mubabashije kwitabira “Praise and Worship Explosions” ya mbere ndetse n’iya kabiri bose barahamyako iki gitaramo ari ingirakamaro cyane mu gusabanisha abantu n’Imana binyujijwe mu ndirimbo nziza cyane Rehoboth Ministries iba yateguriye abakunzi bayo. Natwe abahibereye twabonye abantu benshi bemera kwakira YESU nkumwami n’umucunguzi wabo igihe cyose Rehoboth yabikanguriraga abantu hagati mu gitaramo.

Nkuko twongeye kubitangarizwa n’umwe mu bashinzwe gutegura iki gitaramo, bwana Aimé Ndayitabi, insanganyamatsiko y’icyi gitaramo ni “Taraka mutima wanjye ushime Imana”, Iki gitaramo kikaba gifite intego ebyiri arizo guhuza hamwe abantu bavuye mu matorero atandukanye mu mwanya wihariye wo kuramya no guhimbaza Imana wisanzuye hamwe no guha amahirwe abatizera guhishurirwa ubwiza n’ubuntu bw’Imana binyujijwe mu kuramya no guhimbaza bikaba byatuma bizera bakacyira Yesu nk’umwami n’umukiza wabo.

Muri “Praise and Worship Explosion” ya mbere, Rehoboth ministries yafatikanyije n’umuhanzi “Simon Kabera”, naho muya kabiri bafatikanyije na Dominic Nic. Bwana Aimé Ndayitabi yadutangarije ko mu gitaramo cyo ku ya 18/08/2013 Rehoboth Ministries izafatikanya na Azaph yo muri Zion Temple/Gatenga. Twamubajie impamvu noneho bahisemo gukorana na groupe nini kandi mu bitaramo bya mbere barakoranaga n’umuhanzi ku giti cye. Aimé yadusobanuriye ko iki gitaramo cyagenewe abantu bose kandi ko Rehoboth igamije no gusabana n’abahanzi bose ba Gospel baba abikorera ku giti cyabo cyangwa se amakorali/worship teams ndetse na za ministeres zitandukanye.

Twabajie Aimé agashya Rehoboth yaba itegurira abakunzi bayo muri icyo gitaramo, yatubwiyeko umuntu wese uzahagera twizerako azahabwa amahirwe yo guhura n’ubwiza bw’Imana muburyo atarasanzwe amenyereye.

Simoni Kabera avuga ko agiye kumurika album ye ya mbere y’amashusho izamutwara amafaranga arenga miliyoni eshatu mu kuyitegurira neza abakunzi be.

Nyuma yo gutumirwa ahantu henshi hatandukanye akitabira ubutumire bwaho dore ko we ubwe nta biterane yateguraga, Simoni ngo igihe cye cyo gutaramira abakunzi be ni kuri tariki ya 18 Kanama 2013 ku Gicumbi cy’umuco kuri Stade Amahahoro.

Simoni avuga ko kuba yaratinze kumurikira abakunzi be izi ndirimbo icumi z’amashusho ziganjemo iziri mu njyana amenyerewemo ya Country, ngo byaturutse ku kubura umwanya uhagije n’ubushobozi nk’uko akomeza abitangaza.

Ati “Kuba naratinze kuyishyira ahagaragara ntibyatewe n’ubushake buke ahubwo harimo impamvu z’ubushobozi buke, nagombaga kwiga, nagombaga gukora akazi kanjye, n’ibindi, ariko muri iyi minsi Imana yangiriye ubuntu ndabona umwanya n’ubushobozi biri kuboneka, ngiye kumurikira abakunzi banjye indirimbo zanjye z’amashusho.”

Kwinjira muri iki giterane cyizaba gicurangirwamo umuziki uri Live ku bahanzi bose bazakiririmbamo barimo Segawa Joseph uzaba yaturutse muri Uganda, Alexis Dusabe, Dominic Nic, Patient Bizimana na Aime Uwimana bizaba ari ukugura DVD y’amafaranga ibihumbi bitanu.

source: adepr.rw

Minisiteri (Ministry) yivugabutumwa Lord’s Light Fellowship, LLF mumagambo ahinnye y’icyongereza, y’abanyarwanda biga mu majyepfo y’igihugu cy’Ubuhinde, umujyi wa Chidambaram, mu ishuri rikuru ry’ Annamalai, (Annamalai University), bateguye igiterano cy’ivugabutumwa cyitwa “GRACIOUS WOMEN CONFERENCE”.

Icyi giterane kikaba gisanzwe kiba buri mwaka kuri iyi nshuro kizaba ku itariki ya 16, 17, 18 ukwezi kwa munani 2013, kigahuza abari n’abategarugori bavuye impande zose z’isi ubu akaba ari kunshuro yacyo ya gatatu iki giterane gitegurwa.

Nkuko umuyobozi w’abari n’abategarugori muri LLF, UMURERWA Clementine yabidutangarije, iki giterane gifite insanganyamatsiko iri mugitabo cya Luka 1:28 hagira hati “Amusanga aho yari ari aramubwira ati ‘ni amahoro uhiriwe, umwami Imana iri kumwe nawe’”.

Igiterane cy’uyu mwaka gifite abashyitsi bazatutuka muri Leta zunze ubumwe za Amerika(USA), n’abazaturuka mu ntara zitandukanye z’ubuhinde hamwe n’abandi banyuranye.

Muri iki giterane hazabamo kuramya Imana no guhimbaza, kumva ijambo ry’Imana ndetse niho n’abari nabategarugori bahimbaza Imana mumpano Imana yabahaye.

Umuyobozi w’abari n’abategarugori muri LLF yakomeje agira ati turakangurira abandi bakobwa n’aba mama baba Kristo ku isi yose guhaguruka bakavuga Kristo bashize amanga, bakamamaza inkuru nziza y’agakiza, bakavuga kugiraneza kw’Imana bakabivuga ntabwoba cyangwa ikimwaro kuko Imana iri kumwe nabo.

Inkuru dukesha Byiringiro Ernest

Korali Itabaza iritegura gushyira ahagaragara album yayo y’amashusho. Dore incamake y’amateka ya Korali Itabaza:

Korali Itabaza ni imwe mu makorali akorera umurimo w’Imana mu Itorero ADEPR umudugudu wa Taba, Paruwasi ya Taba, Itorero ry’akarere ka Huye mu ntara y’amajyepfo.

Iyi korali yatangiye umurimo w’ivugabutumwa mu buryo bw’indirimbo mu kwezi kwa karindwi mu 1997, nyuma yo gukora amavuna n’ivugabutumwa yaje kubona ko ari ngombwa ko ubutumwa itambutsa bwakwaguka bukagera kuri benshi, maze ikora indirimbo ku buryo bujyanye n’iterambere, itunganya album audio mu mwaka wa 1999 yitwaga “Ni iki Ntabakoreye.”

Yakomeje umuhigo wayo wo gushyira ahagaragara ibihangano byayo, dore ko album ya mbere itari ishamaje cyane bitewe n’uburyo yakozwe bumvaga butabanyuze. Ni bwo mu w’2007 yaje gukora album yise “Rirarashe,” yatunganyirijwe muri studio Kiruru 9 production, nyuma iyikorera amashusho maze iyishyira ahagaragara mu mwaka w’2010.

Uretse ibi bikorwa byavuzwe haruguru, korali Itabaza imaze gukora ingendo zitandukanye z’ivugabutumwa mu ntara zigize igihugu cyacu, ndetse no hanze yacyo, aho yagiye mu bihugu bikikije igihugu by’abaturanyi ari byo Burundi na RDC. Iyi korali yagiye ikora n’ibikorwa bigamije iterambere ry’igihugu n’imibanire y’Abanyarwanda, aho yagiye ifasha ndetse ikanatera inkunga imfubyi, abapfakazi n’abatishoboye bo mu mirenge igize akarere ka Huye.

Nyuma ya album y’amajwi yakozwe muri 2010 igatunganirizwa muri Studio ya Aaron NIYITUNGA, ubu ifite imurika ry’iyo album yabo yise “Intsinzi”. Amashusho y’uyu muzingo azashyirwa ku mugaragaro ku 01/09/2013. Igikorwa kizabera mu ntara y’amajyepfo, aho iyi korali ikorera umurimo w’Imana.

Chorale Golgotha ni chorale ikora ivugabutumwa mu ndirimbo, ikaba ibarizwa mu Itorero ADEPR Nyagatovu, Paruwasi Rukurazo. Iyi chorale yatangiye umurimo w’Imana mu mwaka w’1996, itangirana abaririmbyi 22. Yagiye yaguka, ubu ikaba imaze kugira abaririmbyi bagera kuri 75.

Yakomeje gukora ivugabutumwa mu ndirimbo, aho yaje kumurikira abakunzi bayo album y’amajwi (audio) tariki 10/03 bise “KWIZERA KURAREMA”.
Nyuma yo gushyira ahagaragara album yayo, yakomeje gukora ibitaramo ahantu hatandukanye , ndetse ubu ikomereje i Nyagatovu ari na ho ikorera umurimo w’Imana. abanyanyarutovu yabateguriye igitaramo gifite intego igira iti “Dushime Imana.” Agakiza.org yanyarukiye aho iyi chorale ibarizwa, dusanga imyiteguro y’iki giterane irimbanije.

Twegereye umuyobozi wayo wungirije Bwana Bimenyimana Samuel, adutangariza ko icyatumye bategura igitaramo ari ukubera imirimo Imana yabakore. Twamubajije niba hari abandi bazafatanya, adutangariza ko bazaba bari kumwe na Theo uzwi ku izina rya Bosebabireba, na Mugabo Venuste.

Bazaba kandi bari kumwe n’umuvugabutumwa Munezero Jean, uturuka mu Rurembo rwa Ruhengeri. Ikindi badutangarije ni uko mu gitaramo cyabo bazafasha abatagira ubwosungane mu kwivuza (mutuelle de santé),bakanubakira mu batishoboye .

Samuel yakomeje adutangariza ko album y’amashusho (Video Album) bazayishyira ahagaragara mu gihe gito cyane. Chorale Golgotha imaze kwigaragaza muri Gospel yo mu Rwanda, ku buryo nta washidikanya ko iri mu makorali akomeye bitewe n’indirimbo zabo nka ‘Gusenga’ n’izindi zakunzwe cyane. Tubibutse ko kwinjira bizaba ari ubuntu ku Cyumweru tariki 25/08/2013, guhera saa munani kugeza saa moya z’umugoroba (14h-19h) kuri ADEPR Nyagatovu .

Choral Bethlehem ibarizwa mu itorero ry’ADEPR mu karere ka Rubavu umujyi wa Gisenyi kuri iki cyumweru iramuriikira abakunzi b’indirimbo zihimbaza Imana by’umwihariko abakunzi bayo Album ya 6 igizwe n’indirimbo 12.

Iki gitaramo kizabera muri Hotel Serena kuva ku isaha ya saa munani kugeza isaa kumi n’ebyiiri z’umugorobo. Umuyobozi w’iyi Choral bwana MUHIRE Innocent yatangarije ikinyamakuru agakiza.org ko iyi concert izaba ari idasanzwe kuko ri ku inshuro ya mbere iyi korari izaba ikoreye konseri hanze y’urusengero bityo baba biteguye kwakira abakunzi bayo benshi batandukanye kuko ngo kenshi iyo ibitaramo bibereye mu rsengero hari ubwo bamwe bitangira ntibinjire mu rusengero kuko baba batiyumvamo iryo torero bumva ko ari ibya ADEPR.

Ariko noneho iyo ubateguriye ibitaramo hanze nk’uku bituma n’abadiventiste ndetse n’aba Islam bakunda indirimbo bakiyumvamo ikaze kuko ngo kenshi hari ubwo bahamagara uyu muyobozi bamubwira uko bakunda korari akabura icyo abambwira kuko yumva ari abantu bo mu matorero atandukanye! Gusa rero ngo iki akaba ari igisubizo kuri benshi yakomeje atubwira udushya tuzagaragara muri iki gitaramo. Atubwirako korari benshi bayizi mu majwi meza ubu rero ikazabagezaho na muzika nziza concert izaba ari full Live ikindi kandi hazaba hari n’umucuranzi uretse kuba abarizwa muri iyi korari afite abakunzi be benshi nkuko byagiye bigaragara mu bitaramo yakoresheje inaha I Rubavu nyuma yo gusohora DVD nyimbo za Wokovu FRERE Manu akazataramira abazitabira iyi Concert mu incurango ye ya Kinyarwanda ndetse no mu ijwi rye rutuje.

Uretse uyu tuzaba turikumwe na BAHATI Alphonse nk’umuhanzi wabaye umuririmbyi muri iyi korari igihe kitari gito nawe ubu ugeze ku rwego rushimishije mu rugando rwa muzika.

Sibyo gusa tuzigishwa ijambo ry’Imana na pastor Desire Habyarimana ukunzwe mu myigishirije y’ijambo ry’Imana ndetse unafite ijambo ririmo Umwuka Wera w’Imana. Nkuko kandi tubitangarizwe n’umuyobozi w’indirimbo benshi twita Dirigeant bwana BIZIMUNGU Albert we yadutangarije impamvu iki gitaramo kwinjira bizaba ari ubuntu agira ati : iyo ubwiye abantu ngo bishyure ubwo ubutumwa uba ubugeneye abafite amafranga.

Ikindi kandi iyo uvuze ngo kwinjira ni kugura CD ubwo indirimbo uba uzihaye abafite amafaranga icyo gihe kandi iyo usengera igitaramo uvuga uti mana uzahembure imitima yabantu bawe bazitabira igitaramo icyo gihe uba usengera abazishyura twasanze rero Imana igomba kuba umuterankunga wa mbere ubundi natwe tugahereza abantu ubutumwa bwiza k’ubuntu.

Umuririmbyi urimo uzamuka cyane muri iyi korari ndoreko yaririmbye indirimbo zitari nke kuri iyi album MUTABAZI Prince we avugako iyi Concert izaba ari special kuko hazabamo umwanya wokuririmba indirimbo nyinshi ndetse mu indimi zitandukanye gusa ku giti cye akagira impungenge z’abantu benshi bazitabira iki gitaramo ngo nawe ubwe ataramenya uko abayobozi bazabyitwaramo. Nshuti bakunzi b’ikinyamakuru agakiza.org iyi Concert yateguwe na korari Bethlehem k’ubufatanye na Hotel lake Kivu Serena ku inkunga y’itorero rya pentecote mu Rwanda ADEPR Gisenyi paroisse ya Gisenyi.

Inkuru na Ishimwe Deborah

Kurusengero ADEPR Muhima hatangiye igiterane cy’iminsi irindwi cyo guhembuka, cyateguwe nakomite mpuzamakorali ifatanije n’ubuyobozi bwumudugudu wa ADEPR Muhima, kizitabirwa n’amakorali atandukanye

Nkuko twabitangarijwe n’umuyobozi w’umudugudu wa ADEPR Muhima Pastor Karangwa Alphonse iki gitere cyo guhembuka kizagaragaramo abigisha batandukanye, amakorali atangukanye yo kuri ADEPR Muhima nayandi azaturuka mumidugudu itandukanye

Amakorali azakiririmbamo harimo HOZIYANA Choir, DUHUZUMUTIMA Choir, MUHIMA Choir, LOUANGE choir (Gatsata), Sauni choir, Jehovanis choir, Rangurura Choir, nayandi makorali yo kumuhima, abigisha ni Ev.ZIGIRINSHUTI Michel, Pastor UWAMBAJE ,Pastor MUGABO

Kuva kuwa mbere kugeza kuwa gatatu kizajya gitangira saa tatu za mugitondo gisoze saa mbili za nimugoroba, Kuva kuwa kane kugeza kuwa gatanu kizajya gitangira saa kumi nimwe zumugugoroba gisoze saa moya nigice zumugoroba, kuwagatandatu no ku cyumweru kizajya gitangira nyuma ya saa sita, saa munani gisoze saa moya

Rudasumbwa Mugisha.

Murwego rwo Kwishimira insinzi y’Agakiza hazamurwa ibendera ryo kunesha k’umwami Yesu mu intara y’I Burengerazuba mu karere ka Rubavu harimo gutegurwa igitaramo gikomeye cyiswe WOKOVU celebration Gospel Concert!

Iki gitaramo kikaba cyarateguwe n’ubuyobozi bw’umudugudu wa Gisenyi k’ururembo rwa Gisenyi k’ubufatanye n’umucuranzi FRERE Manu wabashije gusohora indirimbo z’ Agakiza mu giswahili Wokovu umaze kugira inararibonye mu gutegura ibitaramo byo guhimbaza Imana cyane cyane muri uyu mujyi wa Gisenyi.

Ibi bitaramo bikazaba ku wa gatandatu no ku cyumweru tariki 28 na 29 Nzeri 2013 bikazabera ku icyicaro gikuru cya ADEPR kuri paroisse ya Gisenyi mu mujyi wa Gisenyi. Ibi bitaramo bikazitabirwa n’amakorari yabashije gusohora amashusho y’indirimbo zabo! Muriyo harimo choral Bethlehem , Bethel , Betifague , Impuhwe , Hermoni…. Muri ikigitaramo hazigisha ijambo ry’Imana pastor Desire Habyarimana ndetse na Mugenziwe Pastor MUNYAMAHORO Seth wayoboye uru rurembo igihe kirekire ndetse n’ayamakorari menshi niwe wayise amazina.

Tuganira n’abarimo bategura ibi birori batangarije agakiza.org ko ibi bitaramo bizabagirira umumaro kuko hakenewe ububyutse ndetse abantu bakagira ubusabane budasazwe hagati yabo n’Imana uretse n’ibyo kandi bakaba biteguye kuzakira umubare w’abakizwa.

FRERE Manu we atangariza agakiza.org ko bizaba ari byiza kuko amakorari yose azitabira ibi bitaramo azacuranga Live Music ndetse n’ubutumwa buri mu indirimbo zabo bukagera ku bantu b’ingeri zitandukanye kuko ngo iyo hateguwe igitaramo cyikamamazwa hazamo n’abandi bantu batari abo ku imidugudu aya makorari abarizwamo gusa.

Sibyo gusa kuko Bethlehem izageza indiriimbo zabo njya ku bantu batabonye umwanya wo kwitabira igitaramo cyo gushyira ku umugaragaro album yayo Hari ibanga bazagira amahirwe yo kuyibona kuri we kandi nk’uko yabisabwe n’ubuyobozi b’umudugudu yashatse ama DVD ndetse n’udutabo turimo nyimbo za Wokovu ku banbtu bazitabira ibi bitaramo.

Ubuyobozi bw’umudugudu burasaba abantu kuzitabira ibi birori ko uretse indirimbo ko n’ijambo ry’Imana rizabagirira umumaro ndetse twese tukishimira insinzi twahawe n’umwami wacu Yesu Christo!

Inkuru ya RWAGASORE Ruth Darious

Ku cyumweru tariki ya 29/09/2013 kuri ADEPR Rukiri ya kabiri kuri Good year hafi ya Sonatube, kuva saa munani z’umugoroba nibwo mu mateka ye umuhanzi Abigenzi Gonzague azakora igitaramo aho azaririmba uburyo bwa live mu buryo bw’umwimerere afite abacuranzi anakoresha amajwi ye y’ukuri, ibi bikaba ari nyuma y’imyaka igera kuri itanu ari mubuhanzi.

Gonzague yamenyekanye cyane ku indirimbo “Dawidi abuze uko abigenza aravugango Imana ni Ya” muriyi minsi indirimbo ye ikunzwe akaba ari “Ijya yemerako bitugeraho”, iki gitaramo akaba ari igitegura ku murika alubumu y’amashusho mu minsi iri mbere, iyi akazaba ari DVD ye ya kabiri azaba ashyize hanze nyuma ya Alubumu “Nari kuba uwande?” yaririho indirimbo 10 yamuritse mu mpera z’umwaka wa 2011. Nkuko uyu muhanzi yabidutangarije ngo yatangiye ubuhanzi akoresha Disiketi nyuma akajya akora playback ari ubu akaba yiyemeje gukora ibintu bishya agahindura amateka ye ya muzika cyane akoresha ijwi rye ry’umwimerere.

Abigenzi Gonzague usanzwe usengera kuri ADEPR Gatenga – Karambo, ngo muriki gitaramo ngo akazaba ari kumwe na Korale Rehoboth yo mu Rukiri, na Korale Cool right Singer, na Korale Umucyo n’umuhanzi Gatama wo mu Gatenga kandi kwinjira bikaba ari ubuntu. Gonzague ni umugabo w’abana babiri n’umugore umwe.

Uyu muhanzi uri mubyiciro bitatu muri Groove Awards Rwanda 2013, aribwo Male artist of the year, Song of the year ku ndirimbo “Birasohoye” na Video of the year bwo twaganiraga nawe akaba yadutangarijeko amagambo yo gushima Imana ubu ariyo amwuzuye mu mugita, bikaba byaramuhaye kubisohorera muriyi ndirimbo.

Iyi ndirirmbo y’amajwi Batai yasohoye ikaba yitwa “Singizwa”, akaba ariwe wayihimbiye nkuko asanzwe yihimbira indirimbo we zose, igatunganwa amajwi nibindi na Producteur Aaron Niyitunga, iyi ndiirmbo ikaba iri munjyana y’ikinyafurika (Afrobeat).

Reka tubibutseko mu mpera zicyumweru gishize arinabwo uyu muhanzi Bahati Alphonse yashyikirijwe Certificate ze eshatu zerekana ko ari umwe mubahatanira ibihembo bya Groove Awards bizaba bibaye ubwa mbere mu Rwanda, bikazaba kuri iki cyumweru kuva saa kumi z;umugoroba kuri Expo Ground Gikondo, nkuko yabiidutangarije ngo Bahati akaba agikeneye abakunzi be gukomeza kumutora ku sms hamwe na interinete.

Dore aho wakumvira iyi ndirimbbo nsya ya Bahati Alphonse yise “Singizwa”: https://soundcloud.com/kanyamibwa-patrick/singizwa-by-bahati-alphonse

Chorale la Lumière yatangijwe n’abanyeshuli b’Abapantekote bigaga mu kigo cya CGFK, kiri ku cyicaro cy’itorero ry’incuti (Eglise des Amis) mu Kagarama, itangira gukorera mu mudugudu wa Nyanza mu mpera za 2002 nka chorale y’abanyeshuli b’Abapantekote bo mu kigo cya CGFK.

Umudugudu wa Nyanza wari mushyashya, ufite chorale imwe wagize icyifuzo cy’uko habaho chorale ya kabiri y’umudugudu. Mu kwezi kwa karindwi k’umwaka wa 2003, icyifuzo cy’umudugudu cyashyizwe mu bikorwa, chorale la Lumière itangizwa nka chorale ya kabiri iri mu imenyerezwa. Mu mwaka wa 2004 ni bwo chorale yakuwe mu imenyerezwa, yemerwa ku mugaragaro nka chorale ya 2 y’umudugudu wa Nyanza.

Chorale iri mu imenyerezwa yari ifite abaririmbyi 8, icyo gihe abanyeshuri basigaye ku mudugudu bari 3, chorale yakira abandi Bakristo bo ku mudugudu 5, bityo chorale itangizwa n’abaririmbyi 8. Muri iyo minsi chorale yaranzwe n’amasengesho menshi isaba Imana ngo ibahe abandi baririmbyi, icyo cyifuzo Imana yaragishubije kuko chorale yemewe ku mugaragaro imaze kugira abaririmbyi 17. Ubu Chorale la Lumiere ifite abaririmbyi 47.

IZINA RYA CHORALE N’IMPAMVU RYASHYIZWEHO

Nk’uko twabibonye, Chorale la lumière yatangijwe n’abanyeshuli baba pentecote bigaga mu cyigo cya CGFK, bagitangira chorale yarasenze igisha inama Uwiteka isaba izina, hamanutse ubuhanuzi , Imana yita chorali izina rya la Lumière, kandi ibabwira ko iyo korari itazahagarara ahubwo izava mu kigo ikajya gukorera ku itorero. Izina la Lumiere ryaturutse mu buhanuzi. Chorale imaze kuba i’umudugudu yahisemo gukomeza kwitwa iryo zina.

IBYO CHORALELA LUMIERE YAGEZEHO

N’ubwo chorale yatangiye igizwe n’abantu bake, Uwiteka yabakoresheje iby’ubutwari. Chorale igitangira, yakoresheje ingoma yonyine, muri 2005 twatangiye kujya dufatisha disquette twasohoka cg haza chorale tukaziririmbiraho. Ubu chorale ifite ibyuma bya musica birimo piano, Haut parleur, guitar, Mixer, Microphone n’ibindi.

Mu mwaka wa 2004 chorale imaze kwemerwa, ni bwo yatangiye gusura imidugudu yose igize paroisse ya Gatenga. Chorale la lumière yakoze ibikorwa bitandukanye byo kwitanga:

– Muri 2005 twateye inkunga papoisse ya Butete mu gikorwa cyo kubaka Urusengero
– Muri 2007 yitanze amabati yo gusakara inzu yakirirwamo abashyitsi ku mudugudu wa Kamonyi
– Muri 2009 yitanze amafaranga 447000frw yo kubaka urusengero ku mudugudu wa Rwanteru, muri KIREHE
– Muri 2012 yitanze amabati yo gusakara urusengero rw’umudugudu wa Nshishi muri Ngororero
– Muri 2012 yitanze amabati yo gusakara urusengero rwa Paroisse ya Jurwe muri Muhanga

Chorale la lumière kandi yakoze ibikorwa byo gufashanya hagati y’abaririmbyi mu rwego rwa kwikura mu bukene: Twabashije kugurira abaririmbyi babiri imashini zidoda,ubu barazikoresha twabashije no gutanga amafranga kubafite imishinga iciriritse.

Chorale la Lumière yagiye igaragara mu bikorwa bitandukanye by’umudugudu byo Kubaka urusengero no kwa kira abashyitsi. Yakoze n’ingendo zitandukanye z’ivugabutumwa mu ntara.

Ubu chorale la Lumière iri kwitegura kumurika album yayo ya mbere tariki eshatu z’ukwa cumi na kumwe uyu mwaka.

IBITARAMO YAKOZE

Ku wa 17/07/2005 ni bwo chorale yatangiye ivugabutumwa hanze (sortie) rya mbere hanze ya paroisse ya Gatenga, Chorale yasohokeye ku mudugudu wa Butaruha muri Gicumbi.

Nyuma y’iyi sortie ya mbere, Chorale yagiye itumirwa mu biterane by’ivugabutumwa n’ubwitange:

– Muri 2006, Chorale yatumiwe mu giterane cy’ivugabutumwa cy’iminsi 2 ku mudugudu wa Butete mu Ruhengeri
– Muri 2007 Chorale yatumiwe mu giterane cy’ivugabutumwa cy’iminsi 2 ku mudugudu wa Kamonyi , icyo gihe twagiranye ibihe byiza tugirana n’amasezerano y’ubufatanye, nyuma y’icyo gikorwa tumaze kuha korera ibindi biterane bibiri by’ivugabutumwa, kimwe cyabaye le 22/11/2009 ikindi kiba 01/09/2013.
– Muri 2008 Chorale yatumiwe mu giterane cy’ivugabutumwa ku mudugudu wa NYAMATA
– Ku wa 07-08/02/2009 Chorale yatumiwe mu giterane cy’ubwitange cy’iminsi 2 ku mudugudu wa Rwanteru mu Kirehe
– Ku wa 05-06/05/2012 Chorale yatumiwe mu giterane cya fundraising cy’iminsi 2 ku mudugudu wa Nshishi mu Ngororero
– Ku wa 20-21/10/2012 Chorale yatumiwe mu giterane cya fundraising cy’iminsi 2 kucyicaro cya paroisse ya JURWE muri Muhanga
Nk’uko twabibonye muri ibyo biterane bya fundraising, chorale yagiye yitanga

IBIKORWA ITEGANYA GUKORA

Nk’uko chorayitwa La Lumière, intego yacu yo kwamamaza ubutumwa bwiza ishingiye kuri iryo zina. Intego nyamukuru ikubiye muri aya magambo:
– Matayo 28:19 “Mugende muhindure abantu bo mu mahanga yose abigishwa…”
– Yohana 9:5 “Nkiri mu isi ndi umucyo w’isi.’’
Intego y’ivugabutumwa ryacu ni: ukugenda mu mahanga yose duhindura abantu, abari mu mwijima bakajya mu mucyo.
Ibi bishatse kuvuga ngo nta bwo ivugabutumwa ryacu dushaka ko riguma hano i Nyanza gusa, rigomba kugera hose ni ukuvuga mu Rwanda no mu mahanga y’isi yose. Hari ingamba n’ibikorwa biteganyijwe kugirango iyi ntego yacu igerweho.
Chorale la Lumiere irateganya gukora ibi bikurikira:
– Nyuma yo kumulika Album yayo ya mbere, irateganya kuzasura abana b’imfubyi
– Nyuma yo kumurika iyi Album yayo, izahita itegura album y’amashusho.
– Gutegura ingendo z’ivugabutumwa
– Gukoresha ikoranabuhanga mu gusakaza indirimbo zacu ku isi yose
– Guhimba indirimbo mu ndimi zikoreshwa muri EAC, ndetse n’izindi mpuzamahanga (English+Swahili+Francais)
– Kongera ubushobozi ibyuma bya music
– Gukora imishinga y’iterambere ibyara inyungu

LAUNCH YA 03/11/2013

kuwa 03/11/2013, nibwo chorale la lumière izamulika ku mugaragaro Album yayo iyi album yitwa “INGOMA Y’AMAHORO”. Iki gitaramo cyo kumurika album, kitirewe igitaramo cyo “gufasha abana b’imfubyi zibana ”. inkunga izava muri icyo gitaramo izafasha chorali muri icyo gikorwa cyo gufasha abo bana.

Iki giterane kizatangira kuw gatanu le 01/11/2013 saa kumi, uwo munsi tuzaba turi kumwe n’umuvugabutumwa wo mu Gatsata na chorale Umunezero yo ku mudugudu wa murambi .

Kuwa gatandatu, 02/11/2013, igiterane kizatangira saa munani z’amanywa, tuzaba turi kumwe n’umuvugabutumwa Bernard wo mu na Choral Elayono yo kuri ADEPR Remera.

Ku cyumweru 03/11/2013, tuzataramana na chorale YEHOVAYIRE ya CEP ULK

Arusha muri Tanzani mu gace kitwa Kiratu muri Kino Cyumweru gishize Polisi yahangaye n’agatsiko kashakaga gukubita abakozi b’Imana bo mw’itorero rya Assemblies of God kubera ko bateguye igitaramo cyagombaga kubonakemo Rose Muhando bakamubura kandi bishyuye amafaranga yabo.

Polisi yashoboye gufatamo bamwe ariko yanze gutangaza amazina yabo kubera ko bakiri mwiperereza ryo kumenya abandi babiri inyuma.
Ako gace ka Karatu hari hamaze iminsi hagaragara ibyamamaza ko umuhanzikazi w’icyamamare muri Tanzania Rose Muhando azaza kubataramira byarangiye uwo muhanzikazi atahagaragaye kandi abantu bari bamaze no kwishyura amafaranga yabo yo kwinjira agera kuri 2500 bya mashilingiya Tanzania kuri buri muntu

Icyo gitaramo cya Gospel cyari cyateguwe n’abamwe mubakozi b’Imana babarizwa muri Assemblies of God byari biteganyijwe ko igitaramo gitangira I saa munani kugeza I saa kumi ariko byarinze bigera ayo masaha Rose Muhando atarahagaragara kandi uko byatinda nuko nabakira amafaranga bakomezaga kuyakira bemerera abantu ko binjira,bamwe mubari bitabiriye icyo gitaramo bamaze kumenya ko uyu muhanzikazi Atari kubarizwa muri ako gace ka Karatu byabaye ngombwa ko batangira gushaka uburyo bahangana nabateguye igitaramo kugeza muma saa moya nibwo Polisi yatabaye bamwe muribo barahakomerekeye kubera guhangana na Polisi doreko polisi yakoresheje bombe z’ibyuka kugirango ihoshe izo mvururu.

Kugeza ubu impamvu yo kutahaboneka kwa Rose Muhando ikaba itaramenyekana nimba koko yarabizi cyangwa abateguye iki gitaramo bakaba bari bafite izindi gahunda zabo ntakuri kubijyanye no kuhabura kuwo muhanzikazi kuramenyekana.

source: urugero.net

ADEPR Muhima ku bufatanye nabahanzi bo kuri uwo mudugudu bateguye igiterane cyo guhimbaza Imana. Iki giterane kikaba kizaba tariki ya 19-20/10/2013 aho kizahuza abahanzi 13 bose babarizwa kuri uyu mudugudu. Nkuko tubitangarizwa na Prince uhagarariye iki gikorwa ngo kuri bo bifuje gutegura iki giterane kugirango babashe gutanga umusanzu wabo nkabahanzi dore ko uyu mudugudu uri kuvugurura inyubako yurusengero rwayo. Mu kiganiro kirambuye na prince yagize ati:” abahanzi bumudugudu wa muhima twese hamwe turi 13,ni muri urwo rwego twicaye hamwe tugatekereza ku nkunga yacu nkabahanzi bo ku mudugudu ku nyubako yuru rusengero turi kubaka bityo dutegura iki giterane cyiminsi ibiri kizahuza abahanzi bose tuhabarizwa.” <img1134|center> Prince yakomeje adusobanurira impamvu batatumiye abahanzi basanzwe bakunzwe cyangwa se bamenyerewe cyane mu ndirimbo za gospel:” Twebwe twasanze igihe kinini duteza imbere abandi bahanzi kurusha uko twateza imbere impano ziturimo twe ubwacu. Mu Kinyarwanda baravuga ngo ujya gutera uburezi arabwibanza, kandi na Yesu ubwe mbere yuko asubira mu ijuru yabwiye intumwa ze ngo mubwirize amahanga yose muhereye I yerusalemu,Yudaya kugeza ku mpera yisi. Niyo  mpamvu natwe dushaka ko abahanzi bacu bazamuka  bakagera ku rwego nabo bitwa ko bakomeye bariho.” Iki giterane kandi kikaba kizarangwa nudushya twinshi cyane ko aba bahanzi bose bibumbiye hamwe bagakora indirimbo imwe iyi ndirimbo ikazaririmbwa ku munsi wa nyuma wiki giterane, iyi ndirimbo kandi bakaba bateganya kuyikorera amajwi namashusho nyuma yuko iki giterane kizaba kimaze kuba. Mu kiganiro na Christian ushinzwe umuziki muri groupe The Promise nayo izaba yitabiriye icyo giterana yadutangarije ko iri tsinda ryiteguye gukora umuziki ucurangiweho ati :”nubwo turi abana gusa turizeza abakunzi bindirimbo zaririmbiwe Imana ko kuri uwo munsi tuzabashimisha mu muziki wa live!”.

Festus/agakiza.org

Nkuko twabibwiwe na Christian Kajeneri umwe mubari gutegura Aflewo (Africa let’s worship) mu rurimi rwacu bisobanuye Africa Reka turamye, ngo uyu munsi umwe bafata ijoro ryose basingiza Imana wagarutse ku nshuro ya gatatu mu Rwanda!

Iki gikorwa kidasanzwe dore ko kiba rimwe mu mwaka kizabera kuri CLA (Christian Life Assembly), Nyarutarama kuwa gatanu tariki ya 22/11/2013 kuva saa mbiri za n’ijoro (20h00’/8:00pm) kugeza saa kumi n’ebyiri z’a mugitondo (6:00/pm). Kajeneri yakomeje adutangarizako umubare w’ abantu bamaze kwitabira Aflewo ugenda w’iyongera buri mwaka, kuva ku bantu ibihumbi bibiri (2000) ubu igejeje ku bantu ibihumbi bitatu (3000) bahujwe n’ikintu kimwe gusa, kuramya Imana ijoro ryose kugeza muru kerera, bakaba bizeye kubona benshi kurushaho uyu mwaka.

Abatera nkunga doreko abenshi ari abantu ku giti cyabo hamwe n’amasengero, amadini n’amatorero ya Gikristo mu Rwanda bakomeje kw’iyongera kubw’iki gikorwa cya Aflewo, aba pasteri n’abo bakomeje kw’iyongera mu mwaka wa 2012 hagaragaye aba pasteri mirongo itanu(50).

AFLEWO mu magambo arambuye ni Africa reka Turamye. Ni Ministeri ya muzika yibanda ku kuramya no gusenga iba ifite intego yo guhuza abaririmbyi 250 baturutse mu matorero atandukanye bagakorana repetitions, bagasenga hamwe ndetse no kwiga ijambo ry’Imana hamwe. Intumbero nyamukuru ya Aflewo ni ukuzana ibyiringiro muri Africa bicishije mu gikorwa ngaruka mwaka bikazagera mu mwaka wa 2017 bamaze kugera mu bihugu 52 byose byo muri Africa!

Nk’uko twabitangarijwe n’umuyobozi w’iyi korali, Bwana Uwimana Anastasie bateguye igitaramo cyo gushyira hanze no kumurika alubumu yabo ya mbere y’amashusho bise « Umwungeri mwiza » aho bifashishije ijambo ry’Imana riboneka muri Yesaya 12 :5, iki gitaramo cyikaza kuri kino cyumweru italiki ya 27/10/2013, kuva saa tatu za mugitondo kugeza saa kumi z’umugoroba (09h00-16h00) kuri EPR Remera – Kicukiro Sonatube mu mugi wa Kigali. Uwiamna akaba yakodutangarijeko hazaba hari nandi makorali, abavugabutumwa n’abahanzi batandukanye kandi kwinjira bikaba ari ubuntu.

Nk’uko twabitangarijwe n’umuyobozi w’iyi korali, ngo icyi gitaramo baragiteguye neza kandi bacyiteguye kuva cyera kuburyo bizeye Imana ko bizagenda neza. Ngo iyi niyo alubumu yabo ya mbere y’amashusho nyuma yiyo basohoye y’amajwi basohoye 04/12/201 muri iyi myaka 15 bari bamaze bariririmba.

Korali Les Béatitudes yatangiye umurimo w’ivugabutumwa ku itariki ya 01/10/1996, ikaba igizwe n’abakristo ba EPR Paroisse Remera/Kicukiro, ngo bose bakiriye Yesu Kristo nk’umwami n’umukiza. Abaririmbyi batangiye korali ni abakristo bagera kuri 15 baririmbaga indirimbo zo mu bitabo, ariko ntibashoboye gukomeza kuyibamo bitewe n ‘impamvu zinyuranye nk’akazi no kwimukira kure ya Paroisse. Bityo mu mwaka wa 2007, bake cyane bari basigaye bagera kuri barindwi (7) basenga Imana kugirango umurimo udahagarara, Imana irabumva ibongereramo abaririmbyi n’impano zo kwihimbira indirimbo. Ubu korali ikaba igizwe n’abaririmbyi 20 n’indirimbo nyinshi yihimbiye arizo ikuyemo uyu muzingo.

Kubwanjye numva kwitwa umukozi w’Imana aribyo by’ingenzi kandi nkumva mbikunze binyuze cyane kurusha kwitwa umuhanzi.

Ibi ni ibyatangajwe na Dominic Nic ubwo twamusangaga aho yarari mu myimenyerezo (repetition) y’igitaramo ategura mu kwezi gutaha kuri 24 Ugushyingo 2013.

Abahanzi benshi iyo bari mu bitaramo bakunze guhamagarwa mu mazina yabo ariko babanje kuvuga ijambo umuhanzi, Dominic Nic we ngo ku cyifuzo cye yumva yakwitwa umukozi w’Imana Dominic Nic kurusha guhamagarwa umuhanzi Dominic Nic.

Mu magambo ye yagize ati “Kenshi na kenshi hari amazina twitwa ariko wasesengura ugasanga birakwiye ko dusobanukirwa neza icyo atuvugaho. Simpakana ko ndi umuhanzi kubera yuko ndahanga igihangano kigasohoka ari umwimerere wanjye, iyo nahanze indirimbo mba natumwe nk’umukozi w’Imana gukora indirimbo ngashyiramo ubutumwa nahawe nayo hanyuma bukagera ku bantu bose, niyo mpamvu kwitwa umuhanzi ni byiza kuko mba nahanze indirimbo nshya ariko biza nyuma yo kuba umukozi watumwe n’Imana kubwira abantu icyo umuremyi wabo ashaka kubabwira binyuze muri iyo ndirimbo.

Dominic Nic akomeza yemeza ko ijambo Guhanga ari jambo ryagutse ritagarukira gusa ku kuririmba, ku ruhande rwe yumva yakwitwa umuhanzi ariko hagasobanuka neza ibyo ahanga ibyaribyo icyo gihe ngo iyo hiyongereyeho ko ari umukozi w’Imana bihita bisobanura neza ibyo akora.

Ati : “Ntabwo nahanga ibyo ntatumwe ariko iyo natumwe ndahanga bigatanga umusaruro mwiza kuri benshi niyo mpamvu kwitwa umukozi w’Imana Dominic Nic aribyo kubwanjye mbona by’ingezi kurushaho. Ndi umukozi wayo kandi numva binejeje kuba we nkumva nyuzwe no kugira Imana nka databuja.”

source: igihe.com

Singiza Music Ministries itsinda riramya kandi rigahimbaza Imana rikorera muri Kaminuza nkuru y’u Rwanda, ubu turimo kwitegura kuzenguruka rimurika umuzingo wayo w’amajwi (Album) ugizwe n’indirimbo zigera kuri 14, iyo album bise “Tukumenye” iriho indirimbo nka Tukumenye ari nayo yitiriwe iyi Album, “Duhimbaze”, “Wera”, “Ni muzima” ni zindi.

Kuri uyu wa Gatandatu barerekeza i Burundi aho bazakora igitaramo mu itorero rya Christian Life Ministries (CLM), ku itariki 03/11/203 guhera saa kumi n’imwe z’umugoroba kugeza saa mbiri naho ku cyumweru taraiki ya 10/11/2013 bazakomereza Kigali (Kicukiro) muri rya zenguruka (Tour) rizaba rikomereje kuri New life Bible Church, ibi bitaramo byose bakaba bari kugendera ku cyanditswe kiri muri Bibiliya mu gitabo cy’Ibyahishuwe 1:5.

Emmy Senga ushinzwe itumanaho muri Singiza yasoje ikiganiro twagiranye atubwirako basaba abantu cyane cyane abatuye Kigali kuzaza bakabana nabo kandi bagafatanya kuramya Imana no kuyihimbaza. Yagize ati “Muze tubane, turamye, duhimbaze twishimire kandi tunezererwe kubaho kw’Imana yacu, Yesu ni Umwami.

Muri iki gitaramo cyabereye Bujumbura kuva saa kumi nimwe kuri kino cyumweru itsinda rya Singiza Music Ministry ryafashe umwanya wo gusengera igihugu cy’u Burundi ndetse no kucyereka Imana.

Singiza Music Ministries itsinda riramya kandi rigahimbaza Imana rikorera muri Kaminuza nkuru y’u Rwanda, ryakoze igitaramo mu mugi wa Bujumbura kuri icyi cyumweru imurika umuzingo wayo w’amajwi (Album) ugizwe n’indirimbo zigera kuri 14, iyo album bise “Tukumenye” iriho indirimbo nka Tukumenye ari nayo yitiriwe iyi Album, “Duhimbaze”, “Wera”, “Ni muzima” ni zindi.

Iki gitaramo cyabereye mu itorero rya Christian Life Ministries (CLM), kuri iki cyumweru tariki 03/11/203 guhera saa kumi n’imwe z’umugoroba carangiye saa mbiri muri iyi salle aho abantu bari buzuye bamwe bicaye hasu abandi hejuru dore ko kwinjira byari ubuntu, Singiza Music Ministry ikaba yarirrimbye indirimbo icumi mubice bibiri igenda isimburana nirindi tsinda rikomeye muri iki gihugu cy’u Burundi ryirwa “Heaven’s Melody” riyoborwa na Fabrice Nzeyimana.

Ubwo twaganirana na Daniel Ledema umwe mubayobozi ba Singiza Music Ministry yatubwiyeko itsinda ry’abarirmbyi n’abacuranzi bagera kuri mirongo itanu riri i Bujumbura aho ryabanye nabaturiye uyu mugi mukumenyekanisha alubumu yabo baherutse gusohora, bakaba bakoresheje uburyo bwa live kandi habaho gusimburana mukuyobora indirimbo zo kuramya Imana no kuyihimbaza. Reka tubibutseko iki gitaramo cyikazakurikirwa nikindi kizabera i Kigali kuri icyi cyumweru tariki ya 10/11/2013.

Kuri iki cyumweru kuva saa kumi n’imwe z’umugoroba, Singiza Music Ministry yakoze igitaramo cyo kumurika album yayo mu itorero New Life Bible Church.

Singiza Music Ministry ni group yo kuramya no guhimbaza Imana (Worship Team) ikorera muri Kaminuza nkuru y’u Rwanda. Yakoze igitaramo mu mujyi wa Bujumbura kuri icyi cyumweru, imurika album yayo igizwe n’indirimbo zigera kuri 14. Iyo album bise “Tukumenye” iriho indirimbo nka Tukumenye (ari na yo yitiriwe iyi Album), Duhimbaze, Wera, Ni Muzima…

Iki gitaramo cyabaye kuri uyu wa 10/11/203 guhera saa kumi n’imwe z’umugoroba, kirangira saa mbili muri Salle aho abantu bari buzuye bamwe bicaye hasi, abandi hejuru dore ko kwinjira byari ubuntu. Singiza Music Ministry ikaba yararirimbye indirimbo icumi mu bice bibiri, igenda isimburana n’abahanzi Patient Bizimana na Luc Buntu.

Ubwo twaganirana n’umwe mu bayobozi ba Singiza Music Ministry Daniel Ledema, yadutangarije ko itsinda ry’abarirmbyi n’abacuranzi bagera kuri mirongo itanu ryashimye cyane ukuntu iki gitaramo cyitabiriwe, kandi abantu bakaba barafashe umwanya uhagije wo kuramya no guhimbaza Imana.

Iki gitaramo cyagaragayemo abahanzi benshi bari baje gushyigikira Singi, barimo Kavutse Olivier, Eddie Mico, Yedidia umwe mu bayobozi ba Shekinah Worship Team, Eric umuyobozi wa Moriah, Luc Buntu wanayoboye Singiza igihe kirekire, bamwe mu bagize The Blessing Family, bamwe mu bagize Rwanda for Jesus Worship Team, Pst Fred wa New Life Bible Church, Pst w’urubyiruko muri Zion Temple n’abandi.

Kuri iki Cyumweru taliki 17 Ugushyingo, Korali Eden izamurika album yayo ya 2. Iki gitaranmo cyo kumurika album kizabera ku rusengero rwa ADEPR Kicukiro, umudugudu wa Niboye (bakunze kwita Eden).

Muri iki gitaramo, Eden Choir izaba iri kumwe n’umuhanzi Mugabo Venuste uzwi cyane ku ndirimbo nka Twigiye ku birenge, Nimuyiharire izina ryayo… na Chorale Gatsata.

Iyi album iriho indirimbo nziza zigera ku10, zirimo Turagukumbuye, Tuyirate, Hari ibyiringiro… Twabibutsa ko iyi album bise ‘Turagukumbuye’ yakorewe muri Alfa & Omega Studios ikuriwe na Master P.

Iyi studio isanzwe ifite inararibonye mu gutunganya ibihangano bya muzika mu buryo bw’amashusho n’amajwi yakoreyemo amakorali menshi akomeye, ikorera mu Kagarama mu nkengero z’urusengero rwa Eglise des Amis.

Mwese murararitswe, kwinjira ni ubuntu!

Iyi album AMASHIMWE ya Chorale Umucyo izamurikirwa mu itorero rya ADEPR Remera ku mudugudu wa Rukiri ya 2. Ni ubwa mbere iyi korali isohoye DVD, dore ko n’aho ibarizwa idakunze gukora ibitaramo. Ibi rero bikaba bizaba bidasanzwe ku bakunzi b’indirimbo zihimbaza Imana, by’umwihariko ku makorali kuko ngo muri bimwe izageza ku bazitabira iki gitaramo ari umuziki w’umwimere twita Live Music.

Muri iki giterane iyi korali izaba kandi yabazaniye umuvugabutumwa uzabagezaho ijambo ry’Imana, bityo abantu bose bazitabira iki
giterane bakazanezerwa.

Nyuma y’iki gitaramo korali Umucyo bafite gahunda yo gukomeza ivugabutumwa ku buryo bwagutse, haba mu bitaramo bitandukanye ndetse n’ibikorwa by’urukundo! Muri ikigitaramo hazaba hari korali Rehoboth ibarizwa kuri uyu mudugudu, n’umuhanzi Maombi. Akandi karusho ni uko kwinjira bizaba ari ubuntu ku muntu wese uzabyifuza, ndetse akazatahana na DVD Amashimwe y’iyi korali.

Iki gitaramo kizatangira saa munani z’amanywa, gisozwe ku masaha akuze!

Theophile Sebazungu

Kuri iki cyumweru taliki 22/12/2013 guhera saa saba z’amanywa (13:00), Chorale Shekinah irashyira ahagaragara album yayo ya mbere y’amajwi yise "Uri Intwari Yesu". Shekinah ni imwe mu makorali akorera umurimo w’Imana mu itorero rya ADEPR. Iyi chorale ibarizwa muri paroisse ya Nyarugunga, umudugudu wa Rwimbogo ari na ho iki gitaramo kizabera imaze iminsi mu myiteguro y’iki gitaramo.

Korali Shekinah yavutse mu mwaka w’2001, ivukira muri ADEPR Rwimbogo (yitiriwe akagari ibarizwamo) hari muri paroisse ya Kanombe ubu ikaba yarahindutse paroisse ya Nyarugunga. Chorale Shekinah yavutse yitwa Chorale y’Ababyeyi, kuko yari igzwe n’ababyeyi gusa (abagabo n’abagore), ariko nyuma iza kugenda yiyongeramo amaraso mashya y’urubyiruko rufite ishyaka ryo gukora umurimo w’Imana. Ibyo byatumye iyi chorale irushaho gutera imbere mu miririmbire muri rusange, ndetse iva ku mubare w’ababyeyi bake bayitangiye igera ku baririmbyi basaga 60 ifite kugeza ubu.

Mu kiganiro n’umuyobozi wa chorale Shekinah Bwana RWANAMIZA Egide, yatangarije agakiza.org intego iyi chorale ifite ndetse agira n’icyo adutangariza ku bijyanye n’imyiteguro y’igitaramo. Yagize ati “Chorale Shekinah ifite intego yo kwamamaza ubutumwa bwiza mu Rwanda no hanze yarwo, duhindurira benshi ku gukiranuka.”

Ku bijyanye n’imyiteguro, yagize ati “Imyiteguro irakomeje, umuvugabutumwa arahari, abahanzi barahari kandi n’abaririmbyi bariteguye. Icyo dusaba ni uko abakunzi bacu bazaza kumva ibihangano byacu, bakanadushyigikira kugira ngo iyo ntego nziza dufite tuzayigereho.”

Tumubajije icyatumye iyi chorale imara imyaka isaga 10 yose itarashyira ahagaragara album n’imwe, yadutangarije ko abaririmbyi bari bakiri bake, nta n’urusengero bafite. Nyuma rero yo kubaka urusengero rujyanye n’icyerekezo ndetse no kunguka abandi baririmbyi bigaragara ko babashije uyu murimo, yiyumvisemo ko hageze ngo itangire gushyira ahagaragara inganzo yayo mu guhimbaza Imana no kwamamaza ubutumwa bwiza.

Shekinah rero imaze gukora ibitaramo by’ivugabutumwa bitandukanye imbere mu gihugu, mu ntara z’Uburasirazuba, Amajyepfo, Amajyaruguru n’Umujyi wa Kigali ari na ho yakoreye ibyinshi muri byo.

Mu byiza bizaranga iyi concert ngo ni uko bazataramira abakunzi babo en direct (Live), babifashijwemo n’abacuranzi b’abahanga. Ikindi ngo ni uko iyi concert izaba iyobowe na couple ya famille Innocent (umugabo n’umufasha we), akaba ari umukozi w’Imana uyoboye chorale Bethlehem y’i Rubavu (Gisenyi). Abahanzi bazitabira iki gitaramo ni UZAYOSENGA Isaie, STELLA Christine na BIGIZI Gentil (Kipenzi). Hazaba kandi hari amakorali akorera umurimo w’Imana kuri uyu mudugudu, ari yo Elayono n’Abahetsi, naho umuvugabutumwa w’umunsi akazaba ari MUVUNYI Hypolitte.

Album ya Chorale Shekinah igizwe n’indirimbo 10, zikoze mu njyana zitandukanye kanzi za gihanga. Muri zo harimo Ushimwe, Uri Intwari Yesu, Ingoma y’Umwami Yesu, Nzaguma muri Yesu...

ADEPR Rwimbogo iherereye i Kanombe munsi y’ikibuga cy’indege, umanutse umuhanda w’amabuye uri mu marembo y’ikibuga nko muri metero 500.

Mwese muhawe ikaze, kwinjira ni ubuntu!

Nk’uko twabitangarijwe na Twizerimana Théogène, umuyobozi wa Korale Siyoni, kuri iki Cyumweru taliki 22 Ukuboza 2013 chorale Siyoni iramurika album yayo ya mbere y’amashusho bise “Ineza y’Imana”, mu gitaramo kirabera i Musanze kuri ADEPR Jenda.

Théogène yakomeje adutangariza ko iki gitaramo kizaba kirimo abahanzi batandukanye, barimo Theo Bosebabireba, Murwanashyaka Faustin n’andi makorali yo muri ako karere ka Musanze. Nk’uko bimenyerewe mu makorali menshi yo mu itorero ry’ADEPR, iki gitaramo na cyo kizamara iminsi ibiri kuva ku wa Gatandatu kugeza ku Cyumweru taliki ya 22/12/2013, aho kizajya gitangira saa cyenda z’amanywa kandi kwinjira bikaba ari ubuntu.

Chorale Siyoni ikorera umurimo w’Imana muri ADEPR Jenda, Umudugudu wa Jenda, Paroisse ya Jenda, Itorero ry’Akarere ka Nyabihu, Ururembo rw’Uburengerazuba. Yavutse mu mwaka w’1995. Iyi chorale yatangiye ari abana bato baririmba mu ishuri ry’icyumweru, barerwa n’umubyeyi witwa Nyirahabimana Claudine. Mu mikurire y’iyi chorale, yahuye n’ibibazo bitandukanye kuko yari urubyiruko gusa, nta n’ubushobozi bwo kubona amafaranga bari bafite kuko nta n’umwe wagiraga akazi wabaga muri bo. Kutagira akazi nta bwo byabakomye mu nkokora, kuko umurimo w’Imana bawukoze n’imbaraga zose.

Muri iki gihe, iyi chorale igizwe n’abubatse ingo (abagore n’abagabo), abakora akazi gatandukanye (abacuruzi, abakorera Leta n’abikorera, n’abakorera ibigo bitegamiye kuri LetaONG). Iyi chorale mu mwaka w’2000 ni bwo yasohoye album yayo ya mbere yitwa “Ntaruganda rukora agakiza”, ariko ntibabasha kuyikorera amashusho.

Muri iki gihe kandi iyi chorale itanga ubufasha ku barwayi mu bitaro bitandukanye, imbabare, Iyi chorale kandi imaze kurihira abatishoboye ubwishingizi mu kwivuza basaga 200 bo mu turere dutandukanye two mu gihugu cyose. Iyi chorale kandi ntitangwa muri gahunda za Leta, aho ikorana cyane n’akarere ka Nyabihu. Iyi chorale yahawe igihembo cyitwa REMO Award cyatanzwe ku rwego rw’Intara y’Amajyaruguru nka chorale nziza. Intego y’iyi chorale ni ukuvuga ubutumwa bwiza bw’Imana, uhereye mu Rwanda ukageza ku isi yose.

Mu gitaramo gikomeye kizaba ku Cyumweru tariki ya 29/12/2013, kuva saa kumi n’imwe n’igice kugeza saa mbiri z’umugoroba z’ijoro, Shekinah Worship Team yo mu itorero Evangelical Restoration Rubavu mu mujyi wa Gisenyi izamurika alubumu yayo ya mbere mu gitaramo bise “Tawala”.

Nk’uko twabitangarijwe na Delphin Kalisa, umwe mu bari gutegura icyo giterano cyo kuramya no guhimbaza Imana akaba n’umuyobozi wa Shekinah, yadutangarije ko nyuma y’imyaka igera ku icumi bakorera Imana, uyu mwaka ni bwo bagiye gushyira ahagaragara album yabo ya mbere bise “Tawala,” ikaba iriho indirimbo 10.

Muri iki gitaramo bazaba bari kumwe n’abayobora kuramya no guhimbaza bazwi inaha mu Rwanda, dore ko abenshi nka Nelson Mucyo, Patient Bizimana, Gaby I. Kamanzi bose bakuriye muri iri tsinda.

Delphin yadutangarije ko iki gikorwa gifite intego iboneka mu ijambo ry’Imana, muri Yesaya 65:24, kandi ko kwinjira ari ubuntu. Kalisa yabidutangarije muri aya magambo ati “Intego ya Shekinah Worship TeamRubavu ni ukuramya Imana no kuyihimbaza, kandi tunabyitoza, dusangira inararibonye.”

Nk’uko twabitangarijwe na Pasiteri Dadou, kuri uyu wa Gatanu tariki ya 27/12/2013 mu itorero Zion Temple mu Gatenga kuva saa kumi n’imwe z’umugoroba ni bwo Asaph Music International izakora igitaramo cyo kumurika album yayo bise “Icyubahiro”.

Iki gitaramo cyo kuramya no guhimbaza Asaph izagikorana na Apostle Dr. Paul Gitwaza, umwe mu baramyi bakunzwe mu Rwanda akaba ari na we muyobozi mukuru wa Authentic Ministry, ari na yo yashinze Zion Temple. Asaph Drama Team, Balet du Roi de Roi na Asaph Ubumwe na bo bazagaragaza ubuhanga bwabo mu guhimbaza Imana bifashsishije imbyino zigezweho hamwe n’imbyino z’umuco nyarwanda.

Pasiteri Dadou uyobora ibijyanye na muzika muri Zion Temple yakomeje adutangariza ko kwinjira muri kino gitaramo ari ubuntu. Bazaboneraho no kugifata imbonankubone (amashusho n’amajwi) "Live recording,” nyuma bakoremo video.

Nk’uko mwabimenyeshejewe binyuze mu bitangazamakuru binyuranye, kuri iki cyumweru taliki 22 Ukuboza 2013 ni bwo Shekinah Choir ikorera umurimo w’Imana mu itorero rya ADEPR Nyarugunga, Umudugudu wa RWimbogo yashyize ahagaragara album yayo ya mbere yise "Uri Intwari Yesu".

Muri iki gitaramo hagaragayemo ibyiza byinshi, ariko by’umwihariko indirimbo za Shekinah zakoze ku mitima y’abantu benshi bari bateraniye aho dore ko bakubise bakuzura urusengero abandi bagahagarara. Shekinah yari yabanje kwiherera nyuma igasohoka itunguye abakunzi bayo, yarataramye biratinda nyuma y’aho umushumba w’Itorero rya ADEPR Nyarugunga afunguriye ku mugaragaro igitaramo cya Launch.

Umushumba wa ADEPR Nyarugunga na President wa Shekinah Choir

Iki gitaramo cyari kiyobowe na Muhire Innocent kuri ubu uyoboye Chorale Bethlehem, abacuranzi b’iyi korali bacurangaga Live ni bo babanje gusuhuza iteraniro, hakurikiraho gukingurira Shekinah yahise ijya ahagaragara maze igatangira gutaramira abakunzi bayo.

Muhire Innocent

Abahanzi bafatanije na Shekinah gutarama ni Uzayisenga Isaie uzwiho kuririmba Live. Hari kandi na Stella Christine wasusurukije abari bateraniye aho, nyuma y’igihe kinini atagaragara kuri stage ku mpamvu z’uburwayi. Hari kandi umuhanzi Gentil Bigizi mu ndirimbo ye Kipenzi ikunzwe na benshi muri iki gihe, benshi batamuzi bagira amahirwe yo kumubona imbonankubone. Amakorali yari muri iki gitaramo ni Elayono n’Abahetsi, zombi zisanzwe zibarizwa kuri uyu mudugudu wa ADEPR Rwimbogo.

Kipenzi

Stella Christine

Uzayisenga Isaie

Iki gitaramo cyo kumurika iyi album y’amajwi igizwe n’indirimbo 10, cyabonetsemo umusaruro, kuko nyuma y’uko umuvugabutumwa w’umutumirwa MUVUNYI Hypolitte amaze kwigisha amagambo dusanga mu Itangiriro 6:5-6 gukomeza kugera ku gice cya 15:15, batatu (3) bakiriye Kristo nk’Umwami wabo n’Umukiza, hanaboneka amafaranga asaga 2,000,000. Ibi bikaba byarabaye nyuma y’ijambo ry’Imana no kumurika ku mugaragaro iyi album y’amajwi.

Ev. Muvunyi Hypolitte

Abakiriye Kristo basengerwa

Ahagana saa moya z’ijoro (19:00) ni bwo iki gitaramo cyashojwe. Mu isozwa ryacyo, umunyabanga w’iyi Chorale ari we Simeon Ngezahayo na we yafashe umwanya wo gushimira abantu bose bagize uruhare mu itegurwa n’ishyirwa mu bikorwa ry’iyi Launch, anatanga impano z’amasede y’indirimbo z’iyi chorale. Yashimiye abaterankunga, ibitangazamakuru bitandukanye, itorero n’abaririmbyi b’iyi chorale ku bwitange bagaragaje muri iki gikorwa. Yashimiye kandi Producer wabo Master P. wabakoreye audio y’iyi album.

President na we yagize icyo avuga ku buryo igitaramo cyagenze. Asoza iki gitaramo, yavuze yuko iyi album igizwe n’indirimbo 10 bateganya no kuyikorera video mu gihe cya vuba. Mu gusoza, yifurije buri wese Noheli nziza n’Umwaka Mushya Muhire w’2014!

Janvier Kwizera

Kuva tariki ya 10 kugeza tariki ya 12 Mutarama 2014, ku rusengero rw’Itorero ry’Inkuru Nziza mu mujyi wa Kigali hateganijwe igiterane cy’iminsi 3 kizahuza urubyiruko ruturutse mu matorero atandukanye yo mu Rwanda cyane cyane urubarizwa mu mugi wa Kigali.

Icyo giterane cyateguwe na CYOPSD (Christian Youth Organization for Physical and Spiritual Development), ihuriro ry’urubyiruko rwa Gikiristu ku isi rikaba n’umuryango utegamiye kuri Leta ugamije guteza imbere urubyiruko mu mibereho y’umwuka ndetse ni iy’umubiri.

Muri icyo giterane kizamara iminsi itatu umuryango CYOPSD uzaboneraho kandi umwanya wo kumurika ku mugaragaro gahunda z’ibikorwa byawo. Urubyiruko rwa Gikristu ruzitabira icyo giterane ruzigishwa ku birebana cyane no gukoresha amaboko yarwo mukwiteza imbere,rukazahugurwa na Bwana Bard ,inzobere y’Umunya Norvege .Mu buryo kandi bwo kwegerana n’Imana icyo giterane kizaba kirimo n’abahanzi batandukanye basanzwe bazwi mu ndirimbo zihimbaza Imana mu Rwanda aribo BAHIZI Vincent, NIYONSABA Albert, la Colombière Drama team, Inkurunziza Worship team ndetse n’abandi.

Umwigisha w’Ijambo ry’Imana ni Pasteur Rutayisire Antoine.
Ku munsi wa mbere w’icyo giterane tariki ya 10 Mutarama 2014 gahunda izatangira isaa cyenda z’amanywa (3:00pm) irangire saa moya z’umugoroba (7:00 PM).Ku munsi wa kabiri w’igiterane tariki ya 11 Mutarama 2014 gahunda y’icyo giterane izaba mu byiciro bibiri ku munsi.Icyiciro cya mbere kizahera isaa tatu za mugitondo kirangire saa sita z’amanywa (9:00 am- 12:00 pm).Naho icyirico cya kabiri kizatangira isaa cyenda z’amanywa kirangire saa moya z’umugoroba (3:00pm-7:00 pm).Ku munsi wa nyuma w’igiterane tariki ya 12 Mutarama 2014 gahunda izatangira isaa cyenda z’umugoroba isozwe saa moya z’umugoroba (3:00pm-7:00pm).

Umuryango CYOPSD watangiye tariki 23/02/2013 I Midrand muri Afurika y’epfo , utangizwa n’abasore 2 b’abanyarwanda:Robert Murwanashyaka na Clement Habarurema. Nubwo uyu muryango umaze igihe gito ushinzwe ariko kandi ufite intego zagutse zirimo guteza imbere urubyiruko rwa gikristo mu buryo bw’umwuka n’umubiri(spiritual and socio-ecomomic) Ku birebana n’iby’umwuka CYOPSD yigisha urubyiruko gukorera Imana mu mihamagaro itandukanye ikaba ibinyuza ku imbuga za internet zitandukanye harimo website yabo ndetse na facebook aho abantu basangira ijambo ry’Imana abari kure n’abari hafi. CYOPSD kandi yatangije gahunda yo kujya itegura kujya ibiterane bitandukanye mukugeza ubutumwa bwiza kubantu bose cyane cyane urubyiruko.

Kubigendanye n’iterambere ry’umubiri,CYOPSD yateguye imishinga izafasha urubyiruko rwa Gikristo kwikura mubukene rukoresheje ubwenge n’amaboko yarwo mu buryo bwo kwizamura,kuzamura imiryango yarwo,igihugu ndetse n’isi muri rusange.Kuri ubu CYOPSD ifite abayihagarariye mubihugu bitandukanye ku isi nko muri Leta zunze ubumwe za Amerika,Ubwongereza,Ubufaransa,Ububirigi,Tayilande n’igihugu cy’Ubuhinde kandi uyu muryango ukaba ugamije gukomeza kwagura imipaka yawo bityo ukagera kure hashoboka.

Byinshi bigendanye n’uyu muryango byaboneka kuri aderesizikurikira:

Christian Youth Organization for Physical and Spiritual Development (CYOPSD)
Organisation chrétienne de jeunes pour le développement physique et spirituel
TEL : +250787831528
FAX : 0862765927
cyapsdchristianyouthassociation@yahoo.co.za
www.cyapsd.org

Kuri uyu wa Gatandatu taliki 11 Mutarama 2014, Chorale Ambassadors of Christ irerekeza mu BUrasirazuba ku butumire bwa Korali Vuzimpanda izaba imurika Album DVD ya kabiri guhera saa saba z’amanywa.

AOC Choir

Perezida wa Korali Vuzimpanda ari na yo yatumiye Ambassadors of Christ Choir Bwana Nsengimana Jotham aratangaza ko batumiye korali zikomeye nka Ambassadors na Korali Umucyo w’Izuba y’i Nyamirambo mu gitaramo bafite cyo kumurika umuzingo wa kane w’amajwi “Gukorera Imana nta gihombo”, by’umwihariko bakazaba bamurika Album ya kabiri y’amashusho yitwa “Muntu w’Imana gira ubwenge.”

Vuzimpanda Choir

Korali Vuzimpanda ni imwe mu makorali akunzwe mu ntara y’Iburasirazuba, ikorera umurimo w’Imana murenge wa Nyamirama (Kabarondo).

Gideon Mupende

Chorale Louange igizwe n’Abanyeshuri b’Abapantekonte biga muri Kaminuza y’u Rwanda mu ishuri rikuru Nderabarezi rya Kigali (Louange CEP-KIE). Kuri uyu wa 26 Mutarama 2014, Louange yateguye igitaramo gikomeye kigamije kwizihiza isabukuru y’imyaka 15 imaze ishinzwe aho muri KIE.

Nk’uko twabitangarijwe na Laurent Usanzumuhire ushinzwe itangazamakuru n’iterambere muri Chorale Louange, ni ubwa mbere umunsi nk’uyu ugiye kubaho ndetse bakaba bifuza ko byazakomeza bikajya biba buri mwaka.

Uwo muhango uzatangizwa mu gitondo muri KIE, nimugoroba habe igikorwa nyirizina aho bazaba bari hamwe n’abanyeshuri bose baciye muri iyo Chorale mu myaka yatambutse. Hazaba kandi hari abantu batandukanye, barimo incuti zabo, abanyamakuru, Chorale Amahoro ikorera umurimo w’Imana mu Itorero rya ADEPR Remera na Worship Team ya KIE. Umuvugabutumwa muri iki gitaramo azaba ari Pastor Barore Cleophas.

Chorale Louange yatangiye umurimo mu mwaka w’1999, itangijwe n’abaririmbyi 7 gusa mu gihe ubu imaze kugera ku basaga 100. Chorale Louange ishingwa, nta zina yagiraga, yaje kwitwa Louange mu mwaka w’2000 bashingiye ku murimo bakora wo guhimbaza Imana.

Nyuma y’Imyaka 15 itangiye umurimo w’Imana, korali Penuel yo mu itorero rya ADEPR umudugudu Ishimwe, Paruwasi ya kabarondo, itorero ry’Akarere ka Kayonza, ururembo ry’Iburasirazuba igiye kumurika alubumu yayo ya mbere y’indirimbo z’amajwi.

Nk’uko bitangazwa n’umuyobozi wa Korali Penuel, Bwana HABIYAKARE Pierre Vincent, ku cyumweru tariki ya 23 Gashyantare 2014, nibwo iyi korali iteganya igikorwa cyo kumurika ku mugaragaro Album yabo ya mbere y’indirimbo zabo z’amajwi, iyi Album bakaba barayise “NSHINGA AMABUYE Y’INZIBUTSO”, iki gikorwa kikazabera ku rusengero rwa Adepr ishimwe aho basanzwe basengera, kwinjira bikazaba ari ubuntu.

Bwana HABIYAKARE, yakomeje adutangariza ko uyu munsi uzaba ari umunsi mukuru ukomeye kuri bo no kubazaza kubashyigikira bose, kuko bazagira umwanya uhagije wo gushimira Imana ibyo ibagejejeho, ndetse bakanatarama bumva n’indirimbo zihimbaza Imana z’abahanzi batandukanye bazaba batumiwe, harimo na Korale Louange yo mu itorero rya Adpr Gatsata mu rurembo rw’umugi wa Kigali abantu bakunda cyane, bityo akaba ararika abantu bose kuzaza kwishimana nabo.

Twababwira ko Korali Penuel yatangiye umurimo w’Imana tariki ya 06 Kanama 1999, ari itsinda ry’abanyeshuri batandatu batangiye baririmba mu rusengero, mu mwaka wa 2009 bamaze kwaguka bahinduka Korari bitwa Penuel, iki gihe nibwo bafunguye amarembo bemerera n’abandi bakirisitu babishaka batari abanyeshuri bafatanya nabo kuririmba, kuburyo kuri ubu iyi korari igizwe n’abaririmbyi 53 muri bo 60% akaba ari urubyiruko.

Korari Penuel yamenyekanye cyane mu ntara y’uburasirazuba bitewe n’indirimbo zayo abantu bakunda cyane, ndetse no mu bikorwa bitandukanye nka gahunda yo gufasha bamwe mu banyeshuri batishoboye, kwishyura amafaranga y’ishuri baba ari abo mu itorero ryabo ndetse no hanze y’itorero.

Umuhanzi Rugema Emmanuel ubarizwa mu itorero rya ADEPR Muhima mu rugendo rw’ubuhanzi yatangiye kuva cyera dore ko amaze kugeza imizingo ibiri y’indirimbo ze z’amajwi,ubu noneho agiye gushyira hanze indirimbo ze z’amashusho mu gitaramo yateguye kur’iki cyumweru taliki ya 16 Gashtantare 2014 kuva isaa munani z’umugoroba kuri ADEPR Muhima.

Nk’uko Rugema Emmanuel yabidutangarije iki gitaramo cye ubwo azaba amurika Album ya mbere y’amashusho yitwa UZAHORA URI IMANA avuga ko azataramana na Murwanashyaka Faustin,Naphtal Hategikimana,Chorale Duhuzumutima yo ku Muhima na Chorale Impanda ndetse n’umuhanzi ukizamuka witwa Methode.

Rugema akomeza avuga ko iyo Album izaba imurikwa iriho zimwe mu ndirimbo zakunzwe cyane n’abakunzi be nk’iyitwa Tuzaririmba,Uzahora uri Imana n’indi iri mu rurimi rw’igiswahiri. Kuba indirimbo ze zitaramenyekanye cyane kandi yaratangiye ubuhanzi cyera,Rugema avuga ko agiye kwikosora agakorana n’itangazamakuru cyane.

Mu bindi ateganya gukora nyuma y’icyi gitaramo cye, Rugema avuga ko azazenguruka henshi hashoboka agamije kuyimenyekanisha no kumenyesha ubwoko bw’Imana icyo yashyizwe ku mutima ngo akibagezeho.

By Gideon

Mu myaka hafi 13 Korali Bethifague yo kuri ADEPR Karambo Paruwasi ya Gatenga imaze ishinzwe,ubu noneho igeze kure yitegura gushyira ahagaragara umuzingo wa mbere w’indirimbo zayo witwa Turakumbuza abera ijuru.

Icyo gitaramo cyo kumurika iyo Album bakaba baragitumiyemo bamwe mu bahanzi bakunzwe cyane hano mu Rwanda mu ndirimbo zihimbaza Imana aribo Patient Bizimana na Theogene Uwiringiyimana nk’uko bagenda batumirwa henshi buri cyumweru cyane cyane mu matorero ya ADEPR.

Nk’uko twabitangarijwe na Karere Estache umuyobozi wa Korali Bethifague,avuga ko icyo gitaramo kizamara iminsi ibiri kikazaba mu ntangiriro za Werurwe taliki ya 8 na 9 muri 2014 kikazabera ku rusengero rwa Karambo ari naho iyo Korali ibarizwa.

Korali Bethifague yashinzwe mu mwaka w’1998 itangizwa n’abaririmbyi 8,ikomeza kwiyubaka yitwa iy’urubyiruko. Yaje guhindurirwa Izina ndetse ininjiza abaririmbyi bandi bakuze ubu ikaba igizwe n’abantu 56 barimo urubyiruko n’abandi.

Mu bijyanye no kwiteza imbere bihangira umurimo nk’uko Leta y’u Rwanda idasiba kubishishikariza abanyarwanda,Korali Bethifague irambiwe kujya ica abaririmbyi amafaranga ya buri munsi mu gihe ifite igikorwa igiye gukora kuri buyakenere.

Ni muri urwo rwego nyuma yo kumurika Album,Korali Bethifague iteganya gushinga Iduka rizacururizwamo ibikoresho byo mu biro rikazajya ryinjiza kuruta kuabika kuri Konti gusa bityo rikazajya ribagoboka kimwe n’uko kandi rizaha abaririmbyi bayo akazi kuko mur’iyo Korali harimo benshi bafite ubumenyi muri byo.

Gideon Mupende

Nyuma yo gushyira ahagaragara Album ya mbere y’amashusho igakundwa na benshi cyane mu gihugu no hanze,Chorale IRIBA ikorera umurimo w’Imana muri ADEPR Paruwasi ya Taba mu karere ka Huye muri Butare iri mu myiteguro y’igitaramo gikomeye cyo kumurikamo Album ya kabiri y’amashusho ikaba n’iya gatatu muz’amajwi ikaba yitwa NZABANA NAWE.

Mu kiganiro twagiranye na Neema Marie Jeanne umuyobozi muri Chorale IRIBA ushinzwe gutoza amajwi, yadutangarije ko icyo gitaramo giteganijwe taliki ya 16 Werurwe uyu mwaka wa 2014 kikazabera I Huye kuri ADEPR Taba mu masaha y’igicamunsi aho bazaba bataramana n’amakorali anyuranye ataratangazwa. Chorale Iriba ni imwe muzikunzwe cyane haba I Huye ndetse no muri Kigali ikaba igizwe n’abantu bakiri bato(urubyiruko).

Iyi Korali umwaka ushize inaherutse gutwara igihembo cya SIFA Awards cyo kuba yaraje imbere muzikorana cyane n’itangazamakuru. Chorale IRIBA izwi cyane mu ndirimbo Witinya(Benshi bita Yakobo),Irakubaha(Itorero rya Kristo ryubatse ku rutare)na Ntakibasha ikunzwe cyane mur’iyi minsi.Chorale Iriba yashinzwe muw’1995 ubu ikaba igizwe n’abaririmbyi 120,kuyijyamo bisaba kwandika,hagasuzumwa ubuhamya bwawe nyuma ugakora ikizamini cy’abaririmbyi.

By Mupende N Gideon

Jehovahjireh choir isanzwe ikorera umurimo w’Imana muri Kaminuza yigenga ya Kigali Campus ya Gisozi, ikaba ibarizwa kandi mu muryango w’abanyeshuli b’abapentekote ba ULK (CEP ULK), kurubu iratangariza abakunzi bayo ko ubu imyiteguro irimbanyije yo kubamurikira umuzingo wakabiri w’indirimbo z’amashusho n’amajwi.

Nkuko Bwana Ndorimana Philotin Prezida wa Korali Jehovahjireh abitangaza, avugako iki gikorwa bakigezeho nyuma yo kumara gushyira kumugaragaro umuzingo wabo wambere ugakundwa cyane ndetse by’umwihariko mu ndirimbo nka Gumamo, ifeza, n’izindi, ngo ibi byatumye bagira umwete wo gukora cyane ndetse nkuko bakomeje kubisabwa n’abakunzi babo ko bakora iyobwabaga hakaboneka undi muzingo wa kabiri, ngo ntibazuyaje kuko bashyize imbaraga mu guhimba indirimbo nyinshi kandi zirimo ubutumwa bukora ku mitima ya benshi.

Akomeza avugako bakomeje kugira umwete cyane ubwo bajyaga mu biterane bitandukanye indirimbo nshya zikakirwa neza n’abakunzi babo cyane cyane nk’indirimbo Icyo gusa, Eliya (iyi ni nayo irimo amagambo yitiriwe album ya 2 ariyo Uwiteka niwe Mana).

Kuri ubu akaba avugako imyiteguro hafi ya yose irimo igera ku musozo ndetse akaba avugako uko bimeze ari uko iki gikorwa kizabera kuri Stade ya ULK guhera saa tatu za mu gitondo kugeza saa sita n’igice (9:00am-12:30pm) hazaba amateraniro abanza ya mu gitondo naho guhera saa munani kugeza saa kumi n’ebyeri (2:00pm-6:00pm) hazaba ari gahunda y’igikorwa nyiri zina cyo kumurika umuzingo wa 2. Akaba yavuzeko bahisemo gukorera muri stade mu rwego rwo kwagura iki gikorwa ndetse no kugirango hatagira umuntu n’umwe wazacikanwa nkuko mu minsi yatambutse byagiye bigenda.

Jehovahjireh choir rero ntizaba iri yonyine kuko bazabana na Korali Hoziyana guturuka i Nyarugenge mu Gakinjiro ndetse n’umuvugabutumwa ukunzwe cyane muri iyi minsi ariwe Munezero Jean, n’abandi batandukanye.

Ikaba ikomeje kurarika buri wese kuza kwifatanya nayo muri iki gikorwa cyiza cyo kwagura ubutumwa bwiza bwa Yesu Kriso.

Twabamenyesha na none ko iki giterane kizanyura kuri website agakiza.org kiri kuba ako kanya (Live) mumenyeshe abandi nabatabasha kuzagera kuri stade ya ULK

By:Vital Rugwizangoga

Umuhanzi w’indirimbo zo kuramya no guhimbaza Imana, Dominic Nic Ashimwe yateguye ibitaramo byo kuzenguruka mu bice bitandukanye by’intara z’igihugu yise “Glory to Glory Tour 2014”, ku ikubitiro azataramira i Musanze mu Ntara y’Amajyaruguru tariki 09 Werurwe, dore ko ngo muri uyu mwaka nta gitaramo na kimwe azateganya gutegurira mu Mujyi wa Kigali.

Dominic Nic avuga ko agiye gukorera ibitaramo mu bice by’Intara kuko yasanze ngo abahanzi bakunda kwibanda cyane i Kigali, bityo ugasanga hari ikindi igice cy’abantu bagaragara nk’abahejwe kandi nabo bakeneye kumva ubwo butumwa bwiza bwa Kristo Yesu batanga mu ndirimbo.

Yagize ati “Nagitekereje kuva mu mpera z’umwaka wa 2012, ubwo nari maze gushyira hanze album yanjye ya kabiri UMUBAVU, nifuza kubanza kurenga imbibi z’Umujyi wa Kigali abari hanze yawo nabo bakabanza kumenya no kumva ubutumwa buri muri izo ndirimbo mbere yo kongeraho izindi.”

Tumubajije igihe azongera kwigaragariza abakunzi be b’i Kigali dore ko ari na benshi kandi umwaka ukaba ari munini, Dominic Nic yashimangiye ko azongera gutegura ibitaramo i Kigali nk’uko bisanzwe mu mwaka utaha wa 2015.

Yagize ati “Nibyo koko nari gukora ibi bitaramo ngakomeza no gukora n’ibindi bitaramo muri Kigali ariko bisaba imbaraga nyinshi, biravuna kandi birahenda cyane ku buryo nabonye ntabibasha byose bituma mpagarika iby’i Kigali kugira ngo mu ntara nzabashe kuhakorera umurimo neza bitagoye.”

Dominic Nic azakora ibi bitaramo aherekejwe n’itsinda rye ryitwa “Sola Band” risanzwe rimufasha gucuranga umuziki wa Live, kwinjira ahazajya habera ibi bitaramo bizajya biba ari ubuntu.

UMUSEKE.RW

Nyuma yo gusubiza amaso inyuma bakabona imirimo ikomeye Imana yabakoreye, abaririmbyi ba Korali Galeedi bateguye igiterane cy’iminsi ibiri, iki giterane kikazabera ku mudugudu wa Nyakabanda aho iyi Korali korera umurimo w’Imana.

Bwana NSABIMANA BASEKA Isaac umuyobozi wa Korali Galeedi, yagize ati “Ntibikwiye ko Imana yadukorera ibikomeye ngo twiyumanganye”, ni muri urwo rwego ngo hamwe na Korali ayoboye bicaye bagasanga hari byinshi Imana yabakoreye bibatera kuzura amashimwe, bityo bategura iki giterane cy’amashimwe, kizaba kirimo na Korari RANGURURA Ibarizwa mu itorero rya ADEPR Nyarugenge ku mudugudu wa Biryogo, abakozi b’Imana batandukanye barimo Rev Past MASUMBUKO Josué umushumba mu itorero rya ADEPR ry’akarere ka Nyamagabe, Pasiteri NZABONIMPA Canisius wo mu itorero rya ADEPR Ururembo ry’uburengerazuba, n’abaririmbyi ku giti cyabo batandukanye.

NSABIMANA akaba yakomeje atangaza ko kuri ubu korali Galeedi igizwe n’abaririmbyi basaga 60 nyuma yo yo gushyira ahagaragara ahagaragara indirimbo zayo ziri kuri Album bise “NZAHAGARARA KU MUNARA WANJYE” ngo mu gihe kitarambiranye bakazaba bamaze gushyira ahagaragara n’amashusho y’izo ndirimbo, uyu muyobozi akaba yaboneyeho umwanya wo kurarika abantu bose, by’umwihariko abatuye i Kigali no mu nkengero zayo ngo bazaze bafatanya na Korali Galeedi muri icyo giterane, kuko ngo uretse bo, buri wese uzaba ahari atazahezwa mugutambutsa Ishimwe riri ku mutima we.

Ernest RUTAGUNGIRA

Abantu benshi bavugako bigorana kwiga cyane cyane Kaminuza warangiza ukanakora n’ umurimo w’Imana, aribwo ubwo twasuraga Korale The Warning Voice ya CEP INILAK batuganirije batubwirako nubwo biba bitoroshye doreko bo biga nijoro, kwiga kandi bagatsinda neza amasomo yabo barangiza bakabona n’umwaya wo gukorera Imana baririmba.

Baptiste umwe mubayobozi biyi Kolare akaba yadutangarijeko buri munsi bagira akaruhuko k’iminota mirongo itatu, akaba ariho bapanga gahunda zabo zose bakitegura uko bakorera Imana kandi batanishe amasomo aba yabazanye.

The Warning Voice Choir - CEP INILAK, yavukiye mu muryango w’abanyeshuri b’aba Pantekote bita CEP mu magambo ahinnye biga muri Kaminuza ya INILAK, ikaba yaratangiye mu mwaka wa 2004, itangijwe n’abanyeshuri batatu basengera muri ADEPR, nyuba bagenda biyongera kugeza ubwo mu mwaka wa 2006 banayihaye izina rya The Warning Voice bisobanura mu magambo y’ikinyarwanda “Ijwi ry’imbuzi”, icyo gihe bakaba batarageraga no ku icumi.

Kurubu muri uyu mwaka wa 2014 iyi Korale The Warning Voice Choir - CEP INILAK ikaba igizwe n’abaririmbyi 62 kandi bose baboneka neza banakora. Zimwe mu ngendo z’ivugabutumwa yagiye ikora hakaba harimo izo bakoreye mu Mutara, izo bagiye bakorera mu matorero atandukanye mu mugi wa Kigali, nizo bagiye bakorera mu bigo by’amashuri bitandukanye harimo High School I Kabuga nahandi hatandukanye. Ubu ngo iyi Korale ikaba igeze kure itunganya amashusho y’indirimbo zabo iteganya gushyira hanze mu minsi iri imbere, iyi alubumu ikazaba ari amajwi n’amashusho kandi ikazaba iriho indirimbo 10.

Baptiste akaba yadutangarijeko iyi alubumu bazayita “Arahambaye”, zimwe muzindi ndirimbo zizaba ziriho hakaba harimo “Komera torero”, “Ibyiringiro” nizindi zitandukanye. Ngo umuhango wo kumurika no gushyira hanze iyi alubumu ukaba uzabera kuri ADEPR Kicukiro Shell ku cyumweru tariki ya 18/04/.2014. Andi makuru arambuye wiyi launching tukaba tuzakomeza kuyabakurikiranira.

Umuryango W’ Abanyeshuri B’abanyeshuri B’abapentekote Bo Muri Kaminuza Y’ Urwanda Koleji Y’ubuhinzi, Ubumenyi Bw’ Inyamaswa N’ Ubuvuzi Bw’ Amatungu ( Cep –Ur/Cavm) Yahoze Yitwa Cep-Isae Wishimiye Kubatumira Mu Gikorwa Cyo Gushyira Ahagaragara Album ya Mbere y’ Indirimbo z’ Amajwi n’amashusho ya Korali Umurinzi yitwa ’’ Mana Wagize Neza “

Korali Umurinzi Imaze Imyaka 16 Kuko yatangiye mu mwaka w’i 1998 itangijwe n’abaririmbyi 6 Mu 1999 bari bamaze kugera kuri 12 itangirira mucyahoze ari Isae Rubilizi yakoreraga umurimo w’Imana ku mudugudu wa Kabeza muri Paruwasi ya Kanombe Mwitorero ry’ Akarere ka Kicukiro

Ubu igizwe n’ abaririmbyi 140 ikaba ikorera umurimo w’Imana muri UR-Cavm Busogo Campus Yahoze yitwa Isae –Busogo.
Iki giterane kizatangira kuri uyu wa gatandatu taliki ya 03/05/2014 kuva i saa 08h45 gisoze saa munani kikazabera kuri Stade Ya Ur-Cavm Busogo Campus (Former Isae –Busogo) Umwigisha muriki giterana azaba ari Mukeshimana Francois akomoka mu itorero rya Huye hazaba hari na none umuririmbyi Murwanashyaka Faustin uzwi ku ndirimbo yitwa “Agaciro”

Mu kiganiro kigufi twagiranye na Bwana Jean de Dieu Habimana yagize ati: Dushimiye Imana yadushoboje kugera kuri iki gikorwa cyo gushyira ahagaragara umuzingo w’indirimbo z’ amajwi n’ amashusho “Mana Wagize Neza” Turashimira na none abantu bose badufashije muri iki gikorwa kugira ngo kigerweho nasoza mbararika kuzaza kwifatanya natwe kuramya Imana no kuyihimbaza kuko Imana ariyo muremyi wa byose.

Korale The Warning Voice ya CEP INILAK iramurika alubumu yayo ya mbere y’amashusho ku cyumweru tariki ya 18/05/2014 kuri ADEPR Kicukiro Shell, mu gitaramo gikomeye izaba iri kumwe nabandi bahanzi batandukanye, kwinjira bikaba ari ubuntu.

Nkuko twabitangarijwe na Buregeya Jean Baptiste umuyobozi w’iyi Kolare ubwo twabasuraga aho bari bari mu mwitozo, yatubwiyeko imyiteguro iri kugenda neza kandi bazakiraigitaramo cya live aho ibyuma byose n’amajwi bizaba ari umwimerere.

Baptiste yatubwiye ko iyi alubumu bayise “Arahambaye”, zimwe muzindi ndirimbo zizaba ziriho hakaba harimo “Komera torero”, “Ibyiringiro” nizindi zitandukanye. Ngo muri iki gikorwa bakaba bazashimishwa no kubona abantu bose bagiye banyura muriyi Korali bakigakuri INILAK nubwo ubu baba bararangije, kandi kwinjira bikaba ari ubuntu. Tumubajije aho bavana ubushobozi bwogukora ibi bikorwa byose akaba yadutangarijeko bituruka ku barririmbyi ubwabo gusa ngo banafite abaterankunga batandukanye.

The Warning Voice Choir - CEP INILAK, yavukiye mu muryango w’abanyeshuri b’aba Pantekote bita CEP mu magambo ahinnye biga muri Kaminuza ya INILAK, ikaba yaratangiye mu mwaka wa 2004, itangijwe n’abanyeshuri batatu basengera muri ADEPR, nyuba bagenda biyongera kugeza ubwo mu mwaka wa 2006 banayihaye izina rya The Warning Voice bisobanura mu magambo y’ikinyarwanda “Ijwi ry’imbuzi”, icyo hgihe bakaba batarageraga no ku icumi.

Kurubu muri uyu mwaka wa 2014 iyi Korale The Warning Voice Choir - CEP INILAK ikaba igizwe n’abaririmbyi 62 kandi bose baboneka neza banakora. Zimwe mu ngendo z’ivugabutumwa yagiye ikora hakaba harimo izobakoreye mu Mutara, izo bagiye bakorera mu matorero atandukanye mu mugi wa Kigali, nizo bagiye bakorera mu bigo by’amashuri bitandukanye harimo High School i Kabuga nahandi hatandukanye. Ubu ngo iyi Korale ikaba igeze kure itunganya amashusho y’indirimbo zabo iteganya gushyira hanze mu minsi iri imbere, iyi alubumu ikazaba ari amajwi n’amashusho kandi ikazaba iriho indirimbo 10.

Mu mpera z’iki cyumweru tariki ya 27 Nzeri 2015, Korali Faradja ukorera umurimo w’Imana mu itorero ADEPR ururembo rw’umujyi wa Kigali, akarere ka Gasabo Paruwasi ya Kimihurura, igiye kumurika umuzingo (Album) wayo wa mbere w’indirimbo z’amajwi n’amashusho.

Korali Faradja yatangiye umurimo w’Imana ahagana mu mwaka w’1979, itangizwa n’imiryango ibiri igizwe n’abagabo babiri hamwe n’abagore babo basenganaga mu cyumba cy’amasengesho, mu mwaka wa 1979 nibwo yahawe uburenganzira bwo kuririmba mu urusengero rwa ADEPR Nyarugenge hazwi ku izina rya Gakinjiro, yagiye iririmbwa mo n’abakozi b’Imana batandukanye muri bo twavuga Uwitwaga Past Matoyo INTWAZA yitabye Imana 1994 azize jenocideyakorewe abatutsi, Past Antoine ZIGIRUMUGABE, Past NIYITANGA Salton, Past Theogene HAKUZWUMUREMYI, Past Isaac RUGANZA ,Past Salton NIYITANGA ,Past Pierre NTAGANDA ,Past Ignace NTIGINAMA, Past RUMANZI Pierre, Past.MUTABAZI Prosper n’abandi benshyi.

Mu kiganiro twagiranye n’umuyobozi wayo Bwana Masumbuko Jean Francois umuyobozi w’iyi Korali yadutangarije ko iyi Alubumu bayise “Gusenga kugira imbaraga” akomeza igira ati “Impamvu twayise gutyo ni uko tuyitangira twatangiriye mukwizera gusa, nta amafaranga dufite tukajya dusenga, buriwese aho yabaga ari nicyo yasengeraga, bityo tubona ko gusenga kugira imbaraga”, twabibutsa ko Iki giterane cyo kuyimurika kizaba ku cyumweru tariki ya 27 Nzeri 2015 ku kimihurura aho iyi korali isanzwe ikorera umurimo w’Imana

Chorale YASIPI yateguye igiterane cyo guhimbaza Imana gifite intego igira iti<>

Iki giterane kizaba ku cyumweru taliki ya 7.2.2016,kizabera muri IPRC Kigali ahahoze ETO Kicukiro,munzu mbera byombi ya IPRC,kizatangira saa saba z’igicamunsi(13h00)

Icyo giterane cyizaba kirimo amakorali atandukanye ,nka Chorale Silowamu ya Kumukenke,chorale Inkingi ikorera umurimo w’Imana muri CEP IPRC/day program.hazaba hari n’abavugabutumwa batandukanye nkuzwi cyane nka SEMAJERI,n’abandi

Chorale Yasipi yatangiye gukora umurimo w’Imana mumwaka wa 2012 muri CEP/EVENING,iwutangirira mu ishuli rikuru ry’ubumenyi ngiro,IPRC Kigali,itangizwa n’abanyeshuli bigaga muri programe ya nijoro,dore ko abigaga kumanywa bo bari baramaze gutangira Umurimo w’Imana.

Iyi chorali yatangiye iririmba indirimbo zo mugitabo dore bari bataragira izabo,nyuma babifashijwemo nabamwe mubaririmbyi bayitangije nka Emelta,Claire,J Luc,Boneza,Mucyo n’abandi,batangirira kundirimbo yabo yitwa Nyamutunzi,barepeteraga munsi y’igiti kiri hafi ya chapele,
muri 2013,iyi chorali yari nto mumyaka,ugereranije nizindi zose zari zigize amatorero atandukanye abarizwa muri IPRC KIGALI,Yaciye agahigo ko kubimburira izindi zose isohora indirimbo y’amajwi,ndetse n’amashusho bise IMPANDA,bituma nizindi chorale zitandukanye zitinyuka zitangira gukora indirimbo zitandukanye,ariko mumateka ya IPRC Kigali chorale yasipi niyo yasohoye indirmbo bwambere.

Iyi chorale ikaba itegura iki giterane mu rwego rwo gukomeza kwiyubaka,no kwagura ibikorwa byayo bitandukanye by’ivugabutumwa,hano mu Rwanda ndetse no hirya no hino ku isi

ZERAPHATY HOLY CHURCH, itorero rikorera umurimo w’Imana mu ntara y’uburengerazuba, akarere ka Rubavu ryateguye igiterane cy’iminsi 2 kigabije guhembura imitima y’abazacyitabira. Nk’uko Rev Past Habimana Jean Bosco yabitangarije agakiza.org ngo nyuma y’imyaka hafi 4 iri torero rimaze ritangiye, bagiye babona imbaraga z’Imana binyuze mu gusenga n’ibiterane bitandukanye bagiye bakora, akaba ari muri urwo rwego bateguye igiterane kizaba ku matariki ya 06-07 Gashyantare 2016.

ZERAPHATY HOLY CHURCH yubatse mu mujyi wa Rubavu hafi ya Stade Umuganda ahahoze Abascout, yatangiye mu mwaka wa 2012 itangizwa n’abakiristo 12 bakodesha, ariko kuri ubu barashima Imana ko bagiye kwiyuzuriza urusengero rujyanye n’igihe tugezemo, bakaba banateganya ko mu minsi iri imbere bazashinga Television y’itorero. Iki giterane kizitabirwa n’abakozi b’Imana batandukanye barimo Chorale SHEKINAH Ikorera umurimo w’Imana mu gihugu cy’abaturanyi cya Congo I Goma, Worship Team, Chorale Holy Nation na Semaraim zikorera umurimo w’Imana kuri uru rusengero.

Umushumba wa Rev past HABIMANA Jean Bosco, yakomeje adutangariza ko iki giterane kije kibanziriza ikindi cyagutse bateganya mu kwezi kwa Gatanu, gishobora kuzagaragaramo nk’Abahanzi bakunzwe nka Israel Mbonyi na Lilianne Kabaganza
Biteganijwe ko kizatangira Kuwa gatandatu saa Tatu za mugitondo kikazasozwa ku cyumweru mu Masaya y’igicamunsi, Bishop HABIMANA akaba ararika abanya Rubavu, Musanze, Goma n’abandi bose kuzaza gufatanya nabo uyu murimo w’Imana kuko kwinjira ari ubuntu.

Ernest RUTAGUNGIRA

Iki gitaramo giteganijwe kuri iki cyumweru tariki ya 17 Mata 2015, kikazabera ku rusengero rwitwa Bethami I Masaka ho mu mujyi wa Kigali kuva saa munani z’amanywa kugeza saa moya z’umugoroba.Iki giterane cyateguwe na Kingdom of God mu rwego rwo guherekeza abanyeshuri bazaba bagiye kwerekeza ku mashuri bavuye mu biruhuko.

Mu kiganiro ubuyobozi bwa Kingdom of God ministries bwahaye Agakiza.org,bwasobanuye ko iki giterane kigamije ivugabutumwa ariko kandi kikazaba kigamije guha impamba abanyeshuri bo mu mashuri abanza n’ayisumbuye basoje ibiruhuko,bakaba bagiye kwerekeza ku mashuri mu rwego rwo kubaherekeresha ijambo rizabatunga ubwo bazaba bageze ku mashuri yabo.

Ubu buyobozi buvuga kandi ko bwatumiye amatsinda akunzwe cyane muri iki gihe mu njyana zo kuramya no guhimbaza Imana mu rwego rwo guherekeza neza uru rubyiruko rusubiye ku masomo.Amatsinda yatumiwe muri iki gitaramo arimo True Promises,Agape choir yo mu itorero rya Bethami na Kingdom of God Ministry.Iri tsinda kandi ryatangarije agakiza.org ko rikomeje ibikorwa byaryo byo kuririmba ndetse rikaba riri gutunganya indirimbo y’amajwi izasohoka mu minsi mike iri imbere.
Kingdom of God Ministry ni ministeri yamenyekanye cyane mu ndirimbo Sinzava aho uri na tarisakumi zinakunzwe cyane muri iki gihe,iyi korari ikaba yarakoze ivugabutumwa mu bice bitandukanye by’igihugu binyuze mu bitaramo.

Nicodem/agakiza.org

Nyuma y’amateka akomeye korali Rohi ibarizwa mu itorero ADEPR Nyakabanda yanyuzemo,kuri ubu irashimira Imana kuri byose yakoze mu myaka 19 ishize iyi korali itangiye ivugabutumwa.Iyi korali kandi iratangaza ko mu minsi ya vuba iraba itangiye igikorwa cyo gutunganya amashusho y’indirimbo zabo ziri kuri album yabo y’amajwi baherutse gushyira ahagaragara.

Ubuyobozi bw’iyi korali buvuga ko bushimira Imana kuri byose yakoze kuva muri 1997 batangira iyi korali ngo kugeza nanubu Imana ikaba yarabakoresheje iby’ubutwari.Ubu buyobozi kandi buravuga ko bageze ku bikorwa bikomeye ugereranije n’uko batangiye birimo album y’amajwi baherutse gushyira ahagaragara,ibyuma bigezweho biguriye,gufashanya no gufasha abandi batishoboye n’ibindi.

Iyi korali iravuga ko iteganya imishinga itandukanye mu gihe kiri imbere mu rwego rwo gushimangira ivugabutumwa bakora .Iyo mishinga irimo uw’amashusho y’indirimbo zabo baherutse gusohora ndetse no gukomeza ibikorwa by’urukundo bamaze igihe kitari gito bakora.

Korali Rohi ni yatangiye mu w’1997,itangira ari itsinda ry’abakozi n’abanyeshuri muri ADEPR Nyakabanda.Nyuma yaje guhinduka korali maze itangira kugira umwanya uhoraho mu materaniro yo muri iri torero,kuri ubu ikaba imaze kugera ku rwego rushimishije kugeza n’aho bagiye gukora album y’amashusho.

Nicodem@agakiza.org

Umuhanzi Israel Mbonyi wamenyekanye mu Rwanda ndetse no hanze yarwo kubera indirimbo ze zakunzwe ndetse zigahembura imitima ya benshi kuri ubu yateguye igitaramo mu gihugu cyUbubiligi. Nkuko abitangaza ngo iki gitaramo yagiteguye mu rwego rwo kugirango arusheho kwegera abakunzi bibihangano bye bari hirya no hino ku isi dore ko ateganya ko bimukundiye mu minsi ya vuba ashobora no gukomeza ibitaramo ku mugabane wa Amerika ati :” Mfite igitaramo mu Bubiligi mu rwego rwo kugira ngo ndusheho kwegera abakunzi bibihangano byanjye aho bari kugira dufatanye kuramya no guhimbaza Imana.”

Uyu muhanzi wakunzwe nabatari bake mu banyarwanda ndetse nabanyamahanga azahaguruka I Kigali kuwa 25 Mata yerekeza mu gihugu cyUbuhinde mu bijyanye na gahunda ze bwite ari naho azahagurukira ku itariki ya 13 Gicurasi yerekeza mu Bubiligi mu myiteguro yigitaramo cye.

Iki gitaramo kizaba ku itariki ya 28 Gicurasi kikaba cyitezwe nabanyarwanda , abarundi ndetse nabandi bakunzi buyu muhanzi batandukanye dore ko ari nabo ubwabo bari baramusabye kuzajye gutaramana nabo.nyuma yiki gitaramo uyu muhanzi akaba azahita agaruka mu Rwanda gukomeza ibikorwa bye bya muzika birimo gukora ama videos ndetse no gutegura album ye ya kabiri.

Tubibutse ko uyu muhanzi ari umwe mu bakunzwe cyane muri iki gihe dore ko ari nawe wegukanye igihembo cyumuhanzi wumwaka mu bihembo bihatanirwa byiswe Groove Awards.